১. ৰিভঙ্গৰারো

নহেতুপচ্চযো

৫২. দস্সনেন পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে পচ্চযা ৰিচিকিচ্ছাসহগতো মোহো. (১)

ভাৰনায পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে পচ্চযা উদ্ধচ্চসহগতো মোহো. (১)

নেৰদস্সনেন নভাৰনায পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নহেতুপচ্চযা – অহেতুকং নেৰদস্সনেন নভাৰনায পহাতব্বহেতুকং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… অহেতুকপটিসন্ধিক্খণে (পরিপুণ্ণং) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং; ৰত্থুং পচ্চযা অহেতুকা নেৰদস্সনেন নভাৰনায পহাতব্বহেতুকা খন্ধা; ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

৫৩. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো মোহো. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে চ ৰত্থুঞ্চ পচ্চযা উদ্ধচ্চসহগতো মোহো. (১)

নআরম্মণপচ্চযো

৫৪. দস্সনেন পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নআরম্মণপচ্চযা – দস্সনেন পহাতব্বহেতুকে খন্ধে পচ্চযা চিত্তসমুট্ঠানং রূপং. (১)

ভাৰনায পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নআরম্মণপচ্চযা – ভাৰনায পহাতব্বহেতুকে খন্ধে পচ্চযা চিত্তসমুট্ঠানং রূপং. (১)

নেৰদস্সনেন নভাৰনায পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নআরম্মণপচ্চযা – নেৰদস্সনেন নভাৰনায পহাতব্বহেতুকে খন্ধে পচ্চযা চিত্তসমুট্ঠানং রূপং. পটিসন্ধিক্খণে নেৰদস্সনেন নভাৰনায পহাতব্বহেতুকে খন্ধে পচ্চযা কটত্তারূপং; খন্ধে পচ্চযা ৰত্থু…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

৫৫. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নআরম্মণপচ্চযা – দস্সনেন পহাতব্বহেতুকে খন্ধে চ মহাভূতে চ পচ্চযা চিত্তসমুট্ঠানং রূপং; ৰিচিকিচ্ছাসহগতে খন্ধে চ মোহঞ্চ পচ্চযা চিত্তসমুট্ঠানং রূপং. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নআরম্মণপচ্চযা – ভাৰনায পহাতব্বহেতুকে খন্ধে চ মহাভূতে চ পচ্চযা চিত্তসমুট্ঠানং রূপং; উদ্ধচ্চসহগতে খন্ধে চ মোহঞ্চ পচ্চযা চিত্তসমুট্ঠানং রূপং. (১)

নঅধিপতিপচ্চযাদি

৫৬. দস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি নঅধিপতিপচ্চযা (সহজাতসদিসং)… নঅনন্তরপচ্চযা … নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা (পটিচ্চৰারে পচ্চনীযসদিসং, তেরস পঞ্হা. নিন্নানং)… নপচ্ছাজাতপচ্চযা… নআসেৰনপচ্চযা.

নকম্মপচ্চযো

৫৭. দস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – দস্সনেন পহাতব্বহেতুকে খন্ধে পচ্চযা দস্সনেন পহাতব্বহেতুকা চেতনা. (১)

ভাৰনায পহাতব্বহেতুকং ধম্মং পচ্চযা ভাৰনায পহাতব্বহেতুকো ধম্মো উপ্পজ্জতি নকম্মপচ্চযা – ভাৰনায পহাতব্বহেতুকে খন্ধে পচ্চযা ভাৰনায পহাতব্বহেতুকা চেতনা. (১)

নেৰদস্সনেন নভাৰনায পহাতব্বহেতুকং ধম্মং পচ্চযা নেৰদস্সনেন নভাৰনায পহাতব্বহেতুকো ধম্মো উপ্পজ্জতি নকম্মপচ্চযা – নেৰদস্সনেন নভাৰনায পহাতব্বহেতুকে খন্ধে পচ্চযা নেৰদস্সনেন নভাৰনায পহাতব্বহেতুকা চেতনা; বাহিরং… আহারসমুট্ঠানং… উতুসমুট্ঠানং…পে… ৰত্থুং পচ্চযা নেৰদস্সনেন নভাৰনায পহাতব্বহেতুকা চেতনা. (১)

নেৰদস্সনেন নভাৰনায পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – ৰত্থুং পচ্চযা দস্সনেন পহাতব্বহেতুকা চেতনা; ৰিচিকিচ্ছাসহগতং মোহং পচ্চযা সম্পযুত্তকা চেতনা. (২)

নেৰদস্সনেন নভাৰনায পহাতব্বহেতুকং ধম্মং পচ্চযা ভাৰনায পহাতব্বহেতুকো ধম্মো উপ্পজ্জতি নকম্মপচ্চযা – ৰত্থুং পচ্চযা ভাৰনায পহাতব্বহেতুকা চেতনা; উদ্ধচ্চসহগতং মোহং পচ্চযা সম্পযুত্তকা চেতনা. (৩)

৫৮. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি নকম্মপচ্চযা – দস্সনেন পহাতব্বহেতুকে খন্ধে চ ৰত্থুঞ্চ পচ্চযা দস্সনেন পহাতব্বহেতুকা চেতনা; ৰিচিকিচ্ছাসহগতে খন্ধে চ মোহঞ্চ পচ্চযা সম্পযুত্তকা চেতনা. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পচ্চযা ভাৰনায পহাতব্বহেতুকো ধম্মো উপ্পজ্জতি নকম্মপচ্চযা – ভাৰনায পহাতব্বহেতুকে খন্ধে চ ৰত্থুঞ্চ পচ্চযা ভাৰনায পহাতব্বহেতুকা চেতনা; উদ্ধচ্চসহগতে খন্ধে চ মোহঞ্চ পচ্চযা সম্পযুত্তকা চেতনা. (১)

নৰিপাকপচ্চযাদি

৫৯. দস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি নৰিপাকপচ্চযা (পরিপুণ্ণং, পটিসন্ধি নত্থি), নআহারপচ্চযা – বাহিরং… উতুসমুট্ঠানং… অসঞ্ঞসত্তানং…পে… নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… মহাভূতে পচ্চযা রূপজীৰিতিন্দ্রিযং… নঝানপচ্চযা – পঞ্চৰিঞ্ঞাণসহগতং একং খন্ধং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… নমগ্গপচ্চযা – অহেতুকং একং…পে… নসম্পযুত্তপচ্চযা… নৰিপ্পযুত্তপচ্চযা… (পটিচ্চৰারপচ্চনীযে নৰিপ্পযুত্তসদিসং, নিন্নানং. একাদস). নোনত্থিপচ্চযা… নোৰিগতপচ্চযা.