১. ৰিভঙ্গৰারো

হেতুপচ্চযো

৬৯. দস্সনেন পহাতব্বো ধম্মো দস্সনেন পহাতব্বস্স ধম্মস্স হেতুপচ্চযেন পচ্চযো – দস্সনেন পহাতব্বা হেতূ সম্পযুত্তকানং খন্ধানং হেতুপচ্চযেন পচ্চযো. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স হেতুপচ্চযেন পচ্চযো – দস্সনেন পহাতব্বা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স হেতুপচ্চযেন পচ্চযো – দস্সনেন পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৭০. ভাৰনায পহাতব্বো ধম্মো…পে… ধম্মস্স হেতুপচ্চযেন পচ্চযো – ভাৰনায পহাতব্বা হেতূ সম্পযুত্তকানং খন্ধানং হেতুপচ্চযেন পচ্চযো. (১)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স…পে… ভাৰনায পহাতব্বা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

ভাৰনায পহাতব্বো ধম্মো ভাৰনায পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স…পে… ভাৰনায পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স…পে… নেৰদস্সনেন নভাৰনায পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে নেৰদস্সনেন নভাৰনায পহাতব্বা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

আরম্মণপচ্চযো

৭১. দস্সনেন পহাতব্বো ধম্মো দস্সনেন পহাতব্বস্স ধম্মস্স আরম্মণপচ্চযেন পচ্চযো – দস্সনেন পহাতব্বং রাগং অস্সাদেতি অভিনন্দতি, তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. দস্সনেন পহাতব্বং দোমনস্সং উপ্পজ্জতি, দিট্ঠিং অস্সাদেতি অভিনন্দতি, তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. দস্সনেন পহাতব্বং দোমনস্সং উপ্পজ্জতি, ৰিচিকিচ্ছং আরব্ভ ৰিচিকিচ্ছা উপ্পজ্জতি, দিট্ঠি উপ্পজ্জতি, দস্সনেন পহাতব্বং দোমনস্সং উপ্পজ্জতি. দস্সনেন পহাতব্বং দোমনস্সং আরব্ভ দস্সনেন পহাতব্বং দোমনস্সং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স আরম্মণপচ্চযেন পচ্চযো – অরিযা দস্সনেন পহাতব্বে পহীনে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. দস্সনেন পহাতব্বে খন্ধে অনিচ্চতো দুক্খতো অনত্ততো ৰিপস্সন্তি. চেতোপরিযঞাণেন দস্সনেন পহাতব্বচিত্তসমঙ্গিস্স চিত্তং জানন্তি. দস্সনেন পহাতব্বা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৭২. ভাৰনায পহাতব্বো ধম্মো ভাৰনায পহাতব্বস্স ধম্মস্স আরম্মণপচ্চযেন পচ্চযো – ভাৰনায পহাতব্বং রাগং অস্সাদেতি অভিনন্দতি, তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি. ভাৰনায পহাতব্বং দোমনস্সং উপ্পজ্জতি, উদ্ধচ্চং আরব্ভ উদ্ধচ্চং উপ্পজ্জতি. ভাৰনায পহাতব্বং দোমনস্সং উপ্পজ্জতি, ভাৰনায পহাতব্বং দোমনস্সং আরব্ভ ভাৰনায পহাতব্বং দোমনস্সং উপ্পজ্জতি, উদ্ধচ্চং উপ্পজ্জতি. (১)

ভাৰনায পহাতব্বো ধম্মো দস্সনেন পহাতব্বস্স ধম্মস্স আরম্মণপচ্চযেন পচ্চযো – ভাৰনায পহাতব্বং রাগং অস্সাদেতি অভিনন্দতি, তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. উদ্ধচ্চং আরব্ভ দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. ভাৰনায পহাতব্বং দোমনস্সং আরব্ভ দস্সনেন পহাতব্বং দোমনস্সং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. (২)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স আরম্মণপচ্চযেন পচ্চযো – অরিযা ভাৰনায পহাতব্বে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. ভাৰনায পহাতব্বে খন্ধে অনিচ্চতো দুক্খতো অনত্ততো ৰিপস্সন্তি, চেতোপরিযঞাণেন ভাৰনায পহাতব্বচিত্তসমঙ্গিস্স চিত্তং জানন্তি. ভাৰনায পহাতব্বা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

৭৩. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি. অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৰিপস্সতি; সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… নেৰদস্সনেন নভাৰনায পহাতব্বে খন্ধে অনিচ্চতো দুক্খতো অনত্ততো ৰিপস্সতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নেৰদস্সনেন নভাৰনায পহাতব্বচিত্তসমঙ্গিস্স চিত্তং জানন্তি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স আরম্মণপচ্চযেন পচ্চযো…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো…পে… নেৰদস্সনেন নভাৰনায পহাতব্বা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং অস্সাদেতি অভিনন্দতি, তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. পুব্বে সুচিণ্ণানি অস্সাদেতি অভিনন্দতি…পে… ঝানা ৰুট্ঠহিত্ৰা ঝানং অস্সাদেতি অভিনন্দতি, তং আরব্ভ দস্সনেন পহাতব্বো রাগো…পে… দিট্ঠি…পে… ৰিচিকিচ্ছা…পে… ঝানে পরিহীনে ৰিপ্পটিসারিস্স দস্সনেন পহাতব্বং দোমনস্সং উপ্পজ্জতি. চক্খুং অস্সাদেতি অভিনন্দতি…পে… সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… নেৰদস্সনেন নভাৰনায পহাতব্বে খন্ধে অস্সাদেতি অভিনন্দতি, তং আরব্ভ দস্সনেন পহাতব্বো রাগো…পে… দিট্ঠি…পে… ৰিচিকিচ্ছা…পে… দস্সনেন পহাতব্বং দোমনস্সং উপ্পজ্জতি. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং অস্সাদেতি অভিনন্দতি, তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি. পুব্বে সুচিণ্ণানি…পে… ঝানা ৰুট্ঠহিত্ৰা…পে… চক্খুং…পে… ৰত্থুং… নেৰদস্সনেন নভাৰনায পহাতব্বে খন্ধে অস্সাদেতি…পে… তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি. (৩)

অধিপতিপচ্চযো

৭৪. দস্সনেন পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দস্সনেন পহাতব্বং রাগং গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি; দিট্ঠিং গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৭৫. ভাৰনায পহাতব্বো ধম্মো ভাৰনায পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – ভাৰনায পহাতব্বং রাগং গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বো রাগো উপ্পজ্জতি. সহজাতাধিপতি – ভাৰনায পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ভাৰনায পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো. আরম্মণাধিপতি – ভাৰনায পহাতব্বং রাগং গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি. (২)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অধিপতিপচ্চযেন পচ্চযো. সহজাতাধিপতি – ভাৰনায পহাতব্বাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (৩)

ভাৰনায পহাতব্বো ধম্মো ভাৰনায পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – ভাৰনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

৭৬. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো. সহজাতাধিপতি – নেৰদস্সনেন নভাৰনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি. পুব্বে সুচিণ্ণানি গরুং কত্ৰা…পে… ঝানা ৰুট্ঠহিত্ৰা ঝানং গরুং কত্ৰা…পে… চক্খুং…পে… ৰত্থুং… নেৰদস্সনেন নভাৰনায পহাতব্বে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স অধিপতিপচ্চযেন পচ্চযো. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বো রাগো উপ্পজ্জতি. পুব্বে…পে… নেৰদস্সনেন নভাৰনায পহাতব্বে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বো রাগো উপ্পজ্জতি. (৩)

অনন্তরপচ্চযো

৭৭. দস্সনেন পহাতব্বো ধম্মো দস্সনেন পহাতব্বস্স ধম্মস্স অনন্তরপচ্চযেন পচ্চযো – পুরিমা পুরিমা দস্সনেন পহাতব্বা খন্ধা পচ্ছিমানং পচ্ছিমানং দস্সনেন পহাতব্বানং খন্ধানং অনন্তরপচ্চযেন পচ্চযো.

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অনন্তরপচ্চযেন পচ্চযো – দস্সনেন পহাতব্বা খন্ধা ৰুট্ঠানস্স অনন্তরপচ্চযেন পচ্চযো. (২)

ভাৰনায পহাতব্বো ধম্মো ভাৰনায পহাতব্বস্স ধম্মস্স অনন্তরপচ্চযেন পচ্চযো – পুরিমা পুরিমা ভাৰনায পহাতব্বা খন্ধা পচ্ছিমানং পচ্ছিমানং ভাৰনায পহাতব্বানং খন্ধানং অনন্তরপচ্চযেন পচ্চযো. (১)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অনন্তরপচ্চযেন পচ্চযো – ভাৰনায পহাতব্বা খন্ধা ৰুট্ঠানস্স অনন্তরপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অনন্তরপচ্চযেন পচ্চযো – পুরিমা পুরিমা নেৰদস্সনেন নভাৰনায পহাতব্বা খন্ধা পচ্ছিমানং পচ্ছিমানং নেৰদস্সনেন নভাৰনায পহাতব্বানং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স…পে… আৰজ্জনা দস্সনেন পহাতব্বানং খন্ধানং অনন্তরপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স অনন্তরপচ্চযেন পচ্চযো – আৰজ্জনা ভাৰনায পহাতব্বানং খন্ধানং অনন্তরপচ্চযেন পচ্চযো. (৩)

সমনন্তরপচ্চযো

৭৮. দস্সনেন পহাতব্বো ধম্মো দস্সনেন পহাতব্বস্স ধম্মস্স সমনন্তরপচ্চযেন পচ্চযো (অনন্তরসদিসং).

সহজাতপচ্চযো

৭৯. দস্সনেন পহাতব্বো ধম্মো দস্সনেন পহাতব্বস্স ধম্মস্স সহজাতপচ্চযেন পচ্চযো… তীণি.

ভাৰনায পহাতব্বো ধম্মো ভাৰনায পহাতব্বস্স ধম্মস্স… তীণি.

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স সহজাতপচ্চযেন পচ্চযো – নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স সহজাতপচ্চযেন পচ্চযো. ৰত্থু খন্ধানং…পে… একং মহাভূতং তিণ্ণন্নং মহাভূতানং…পে… মহাভূতা চিত্তসমুট্ঠানানং রূপানং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা নেৰদস্সনেন নভাৰনায পহাতব্বস্স ধম্মস্স সহজাতপচ্চযেন পচ্চযো – দস্সনেন পহাতব্বা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

ভাৰনায পহাতব্বো চ নেৰদস্সনেন নভাৰনায পহাতব্বো চ ধম্মা নেৰদস্সনেন নভাৰনায পহাতব্বস্স ধম্মস্স সহজাতপচ্চযেন পচ্চযো – ভাৰনায পহাতব্বা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৮০. দস্সনেন পহাতব্বো ধম্মো দস্সনেন পহাতব্বস্স ধম্মস্স অঞ্ঞমঞ্ঞপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং…পে…. (১)

ভাৰনায পহাতব্বো ধম্মো ভাৰনায পহাতব্বস্স ধম্মস্স…পে… ভাৰনায পহাতব্বো একো খন্ধো তিণ্ণন্নং খন্ধানং…পে…. (১)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স…পে… নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা…পে… খন্ধা ৰত্থুস্স…পে… ৰত্থু খন্ধানং…পে… একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো…পে… অসঞ্ঞসত্তানং…পে…. (১)

নিস্সযপচ্চযো

৮১. দস্সনেন পহাতব্বো ধম্মো দস্সনেন পহাতব্বস্স ধম্মস্স নিস্সযপচ্চযেন পচ্চযো… তীণি.

ভাৰনায পহাতব্বো ধম্মো ভাৰনায পহাতব্বস্স ধম্মস্স… তীণি.

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স নিস্সযপচ্চযেন পচ্চযো – নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স…পে… ৰত্থু খন্ধানং…পে… একং মহাভূতং…পে… অসঞ্ঞসত্তানং…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু…পে…. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স নিস্সযপচ্চযেন পচ্চযো – ৰত্থু দস্সনেন পহাতব্বানং খন্ধানং নিস্সযপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স নিস্সযপচ্চযেন পচ্চযো – ৰত্থু ভাৰনায পহাতব্বানং খন্ধানং নিস্সযপচ্চযেন পচ্চযো. (৩)

৮২. দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা দস্সনেন পহাতব্বস্স ধম্মস্স নিস্সযপচ্চযেন পচ্চযো – দস্সনেন পহাতব্বো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা…পে…. (১)

দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা নেৰদস্সনেন নভাৰনায পহাতব্বস্স ধম্মস্স নিস্সযপচ্চযেন পচ্চযো – দস্সনেন পহাতব্বা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (২)

ভাৰনায পহাতব্বো চ নেৰদস্সনেন নভাৰনায পহাতব্বো চ ধম্মা ভাৰনায পহাতব্বস্স ধম্মস্স নিস্সযপচ্চযেন পচ্চযো – ভাৰনায পহাতব্বো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা…পে…. (১)

ভাৰনায পহাতব্বো চ নেৰদস্সনেন নভাৰনায পহাতব্বো চ ধম্মা নেৰদস্সনেন নভাৰনায পহাতব্বস্স ধম্মস্স নিস্সযপচ্চযেন পচ্চযো – ভাৰনায পহাতব্বা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (২)

উপনিস্সযপচ্চযো

৮৩. দস্সনেন পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং রাগং উপনিস্সায পাণং হনতি, অদিন্নং আদিযতি…পে… সঙ্ঘং ভিন্দতি. দস্সনেন পহাতব্বং দোসং… মোহং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বো রাগো… দোসো… মোহো… দিট্ঠি… পত্থনা দস্সনেন পহাতব্বস্স রাগস্স.. দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং রাগং উপনিস্সায দানং দেতি, সীলং সমাদিযতি, উপোসথকম্মং করোতি…পে… সমাপত্তিং উপ্পাদেতি. দস্সনেন পহাতব্বং দোসং…পে… পত্থনং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বো রাগো… দোসো… মোহো… দিট্ঠি… পত্থনা সদ্ধায…পে… পঞ্ঞায কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. (২)

৮৪. ভাৰনায পহাতব্বো ধম্মো ভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বো রাগো… দোসো… মোহো… মানো… পত্থনা ভাৰনায পহাতব্বস্স রাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (১)

ভাৰনায পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বং রাগং উপনিস্সায পাণং হনতি…পে… সঙ্ঘং ভিন্দতি. ভাৰনায পহাতব্বং দোসং… মোহং… মানং… পত্থনং উপনিস্সায পাণং হনতি…পে… সঙ্ঘং ভিন্দতি. ভাৰনায পহাতব্বো রাগো… দোসো… মোহো… মানো… পত্থনা দস্সনেন পহাতব্বস্স রাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. সকভণ্ডে ছন্দরাগো পরভণ্ডে ছন্দরাগস্স উপনিস্সযপচ্চযেন পচ্চযো. সকপরিগ্গহে ছন্দরাগো পরপরিগ্গহে ছন্দরাগস্স উপনিস্সযপচ্চযেন পচ্চযো. (২)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বং রাগং উপনিস্সায দানং দেতি…পে… সমাপত্তিং উপ্পাদেতি. ভাৰনায পহাতব্বং দোসং… মোহং… মানং… পত্থনং উপনিস্সায দানং দেতি…পে… সমাপত্তিং উপ্পাদেতি. ভাৰনায পহাতব্বো রাগো… দোসো… মোহো… মানো… পত্থনা সদ্ধায…পে… ফলসমাপত্তিযা উপনিস্সযপচ্চযেন পচ্চযো. (৩)

৮৫. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি. সীলং… সুতং… চাগং… পঞ্ঞং… কাযিকং… সুখং… কাযিকং দুক্খং… উতুং… ভোজনং… সেনাসনং… উপনিস্সায দানং দেতি…পে… সমাপত্তিং উপ্পাদেতি. সদ্ধা… সীলং… সুতং… চাগো … পঞ্ঞা… কাযিকং সুখং… কাযিকং দুক্খং… উতু… ভোজনং… সেনাসনং… সদ্ধায…পে… পঞ্ঞায কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি. সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি. সদ্ধা…পে… সেনাসনং দস্সনেন পহাতব্বস্স রাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি. সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং… উপনিস্সায মানং জপ্পেতি. সদ্ধা…পে… পঞ্ঞা… কাযিকং সুখং… কাযিকং দুক্খং… উতু… ভোজনং… সেনাসনং ভাৰনায পহাতব্বস্স রাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (৩)

পুরেজাতপচ্চযো

৮৬. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অনিচ্চতো দুক্খতো অনত্ততো ৰিপস্সতি, সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং…পে… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰদস্সনেন নভাৰনায পহাতব্বানং খন্ধানং পুরেজাতপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অস্সাদেতি অভিনন্দতি; তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি…পে… ৰত্থুং অস্সাদেতি অভিনন্দতি; তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. ৰত্থুপুরেজাতং – ৰত্থু দস্সনেন পহাতব্বানং খন্ধানং পুরেজাতপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অস্সাদেতি অভিনন্দতি; তং আরব্ভ ভাৰনায পহাতব্বো রাগো উপ্পজ্জতি… উদ্ধচ্চং উপ্পজ্জতি… ভাৰনায পহাতব্বং দোমনস্সং উপ্পজ্জতি, সোতং…পে… কাযং… রূপে…পে… ফোট্ঠব্বে… ৰত্থুং অস্সাদেতি অভিনন্দতি; তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি. ৰত্থুপুরেজাতং – ৰত্থু ভাৰনায পহাতব্বানং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

৮৭. দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা দস্সনেন পহাতব্বা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা ভাৰনায পহাতব্বা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৰদস্সনেন নভাৰনায পহাতব্বা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৮৮. দস্সনেন পহাতব্বো ধম্মো দস্সনেন পহাতব্বস্স ধম্মস্স আসেৰনপচ্চযেন পচ্চযো – পুরিমা পুরিমা দস্সনেন পহাতব্বা খন্ধা পচ্ছিমানং পচ্ছিমানং…পে… আসেৰনপচ্চযেন পচ্চযো. (১)

ভাৰনায পহাতব্বো ধম্মো ভাৰনায পহাতব্বস্স ধম্মস্স আসেৰনপচ্চযেন পচ্চযো – পুরিমা পুরিমা ভাৰনায পহাতব্বা খন্ধা পচ্ছিমানং পচ্ছিমানং…পে… আসেৰনপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স আসেৰনপচ্চযেন পচ্চযো – পুরিমা পুরিমা নেৰদস্সনেন নভাৰনায পহাতব্বা খন্ধা পচ্ছিমানং পচ্ছিমানং…পে… আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

৮৯. দস্সনেন পহাতব্বো ধম্মো দস্সনেন পহাতব্বস্স ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – দস্সনেন পহাতব্বা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – দস্সনেন পহাতব্বা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ভাৰনায পহাতব্বো ধম্মো ভাৰনায পহাতব্বস্স ধম্মস্স কম্মপচ্চযেন পচ্চযো – ভাৰনায পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স কম্মপচ্চযেন পচ্চযো – ভাৰনায পহাতব্বা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

ভাৰনায পহাতব্বো ধম্মো ভাৰনায পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স কম্মপচ্চযেন পচ্চযো – ভাৰনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৰদস্সনেন নভাৰনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে নেৰদস্সনেন নভাৰনায পহাতব্বা চেতনা সম্পযুত্তকানং খন্ধানং কটত্তা চ রূপানং…পে…. নানাক্খণিকা – নেৰদস্সনেন নভাৰনায পহাতব্বা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

৯০. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স ৰিপাকপচ্চযেন পচ্চযো – ৰিপাকো নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… পটিসন্ধিক্খণে…পে… খন্ধা ৰত্থুস্স ৰিপাকপচ্চযেন পচ্চযো.

আহারপচ্চযাদি

৯১. দস্সনেন পহাতব্বো ধম্মো দস্সনেন পহাতব্বস্স ধম্মস্স আহারপচ্চযেন পচ্চযো (সংখিত্তং) কবল়ীকারো… সত্ত পঞ্হা… ইন্দ্রিযপচ্চযেন পচ্চযো… চক্খুন্দ্রিযঞ্চ…পে… রূপজীৰিতিন্দ্রিযঞ্চ …পে… সত্ত পঞ্হা ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৰিপ্পযুত্তপচ্চযো

৯২. দস্সনেন পহাতব্বো ধম্মো দস্সনেন পহাতব্বস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – দস্সনেন পহাতব্বা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

ভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (ইদম্পি দস্সনেন সদিসং).

নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নেৰদস্সনেন নভাৰনায পহাতব্বা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে নেৰদস্সনেন নভাৰনায পহাতব্বা খন্ধা কটত্তারূপানং ৰিপ্পযুত্তপচ্চযেন পচ্চযো, খন্ধা ৰত্থুস্স ৰিপ্পযুত্তপচ্চযেন পচ্চযো, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰদস্সনেন নভাৰনায পহাতব্বানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নেৰদস্সনেন নভাৰনায পহাতব্বা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স ৰিপ্পযুত্তপচ্চযেন পচ্চযো – পুরেজাতং ৰত্থু দস্সনেন পহাতব্বানং খন্ধানং ৰিপ্পযুত্তপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স ৰিপ্পযুত্তপচ্চযেন পচ্চযো – পুরেজাতং ৰত্থু ভাৰনায পহাতব্বানং খন্ধানং ৰিপ্পযুত্তপচ্চযেন পচ্চযো. (৩)

অত্থিপচ্চযো

৯৩. দস্সনেন পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (১)

দস্সনেন পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৰদস্সনেন নভাৰনায পহাতব্বস্স চ ধম্মস্স অত্থিপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে… দ্ৰে খন্ধা…পে…. (৩)

ভাৰনায পহাতব্বো ধম্মো ভাৰনায পহাতব্বস্স… তীণি (দস্সনেন সদিসং কাতব্বং).

৯৪. নেৰদস্সনেন নভাৰনায পহাতব্বো ধম্মো নেৰদস্সনেন নভাৰনায পহাতব্বস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নেৰদস্সনেন নভাৰনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… পটিসন্ধিক্খণে…পে… খন্ধা ৰত্থুস্স…পে… ৰত্থু খন্ধানং অত্থিপচ্চযেন পচ্চযো; একং মহাভূতং…পে… অসঞ্ঞসত্তানং একং মহাভূতং…পে…. পুরেজাতং – চক্খুং অনিচ্চতো দুক্খতো অনত্ততো ৰিপস্সতি, সোতং…পে… কাযং… রূপে…পে… ফোট্ঠব্বে… ৰত্থুং অনিচ্চতো দুক্খতো অনত্ততো ৰিপস্সতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰদস্সনেন নভাৰনায পহাতব্বানং খন্ধানং অত্থিপচ্চযেন পচ্চযো. পচ্ছাজাতা – নেৰদস্সনেন নভাৰনায পহাতব্বা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. কবল়ীকারো আহারো ইমস্স কাযস্স…পে… রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

নেৰদস্সনেন নভাৰনায পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো – পুরেজাতং চক্খুং অস্সাদেতি অভিনন্দতি; তং আরব্ভ দস্সনেন পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি, সোতং…পে… ৰত্থুং অস্সাদেতি…পে… ৰত্থু দস্সনেন পহাতব্বানং খন্ধানং অত্থিপচ্চযেন পচ্চযো. (২)

নেৰদস্সনেন নভাৰনায পহাতব্বো ধম্মো ভাৰনায পহাতব্বস্স ধম্মস্স অত্থিপচ্চযেন পচ্চযো – পুরেজাতং চক্খুং অস্সাদেতি অভিনন্দতি; তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি, সোতং…পে… ৰত্থুং অস্সাদেতি অভিনন্দতি…পে… ৰত্থু ভাৰনায পহাতব্বানং খন্ধানং অত্থিপচ্চযেন পচ্চযো. (৩)

৯৫. দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা দস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দস্সনেন পহাতব্বো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ ৰত্থু চ…পে…. (১)

দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা নেৰদস্সনেন নভাৰনায পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – দস্সনেন পহাতব্বা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

ভাৰনায পহাতব্বো চ নেৰদস্সনেন নভাৰনায পহাতব্বো চ ধম্মা ভাৰনায পহাতব্বস্স…পে… (দ্ৰে পঞ্হা কাতব্বা).

নত্থিৰিগতাৰিগতপচ্চযা

৯৬. দস্সনেন পহাতব্বো ধম্মো দস্সনেন পহাতব্বস্স ধম্মস্স নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.