১. ৰিভঙ্গৰারো

নহেতুপচ্চযো

৪৬. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে পচ্চযা ৰিচিকিচ্ছাসহগতো মোহো. (১)

ভাৰনায পহাতব্বং ধম্মং পচ্চযা ভাৰনায পহাতব্বো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে পচ্চযা উদ্ধচ্চসহগতো মোহো. (১)

নেৰদস্সনেন নভাৰনায পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নহেতুপচ্চযা – অহেতুকং নেৰদস্সনেন নভাৰনায পহাতব্বং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নেৰদস্সনেন নভাৰনায পহাতব্বা খন্ধা. (১)

নেৰদস্সনেন নভাৰনায পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৰত্থুং পচ্চযা ৰিচিকিচ্ছাসহগতো মোহো. (২)

নেৰদস্সনেন নভাৰনায পহাতব্বং ধম্মং পচ্চযা ভাৰনায পহাতব্বো ধম্মো উপ্পজ্জতি নহেতুপচ্চযা – ৰত্থুং পচ্চযা উদ্ধচ্চসহগতো মোহো. (৩)

৪৭. দস্সনেন পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো মোহো. (১)

ভাৰনায পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা ভাৰনায পহাতব্বো ধম্মো উপ্পজ্জতি নহেতুপচ্চযা – উদ্ধচ্চসহগতে খন্ধে চ ৰত্থুঞ্চ পচ্চযা উদ্ধচ্চসহগতো মোহো. (১)

নআরম্মণপচ্চযো

৪৮. দস্সনেন পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নআরম্মণপচ্চযা – দস্সনেন পহাতব্বে খন্ধে পচ্চযা চিত্তসমুট্ঠানং রূপং. (১)

ভাৰনায পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নআরম্মণপচ্চযা – ভাৰনায পহাতব্বে খন্ধে পচ্চযা চিত্তসমুট্ঠানং রূপং. (১)

নেৰদস্সনেন নভাৰনায পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নআরম্মণপচ্চযা – নেৰদস্সনেন নভাৰনায পহাতব্বে খন্ধে পচ্চযা চিত্তসমুট্ঠানং রূপং. পটিসন্ধিক্খণে নেৰদস্সনেন নভাৰনায পহাতব্বে খন্ধে পচ্চযা কটত্তারূপং, খন্ধে পচ্চযা ৰত্থু; একং মহাভূতং পচ্চযা…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. (১)

৪৯. দস্সনেন পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নআরম্মণপচ্চযা – দস্সনেন পহাতব্বে খন্ধে চ মহাভূতে চ পচ্চযা চিত্তসমুট্ঠানং রূপং. (১)

ভাৰনায পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নআরম্মণপচ্চযা – ভাৰনায পহাতব্বে খন্ধে চ মহাভূতে চ পচ্চযা চিত্তসমুট্ঠানং রূপং. (১)

নঅধিপতিপচ্চযাদি

৫০. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নঅধিপতিপচ্চযা (সহজাতসদিসং)… নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুরেজাতপচ্চযো

৫১. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নপুরেজাতপচ্চযা – অরূপে দস্সনেন পহাতব্বং একং খন্ধং পচ্চযা…পে…. (১)

দস্সনেন পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নপুরেজাতপচ্চযা – দস্সনেন পহাতব্বে খন্ধে পচ্চযা চিত্তসমুট্ঠানং রূপং. (২)

ভাৰনায পহাতব্বং ধম্মং পচ্চযা ভাৰনায পহাতব্বো ধম্মো উপ্পজ্জতি নপুরেজাতপচ্চযা – অরূপে ভাৰনায পহাতব্বং একং খন্ধং পচ্চযা…পে…. (১)

ভাৰনায পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নপুরেজাতপচ্চযা – ভাৰনায পহাতব্বে খন্ধে পচ্চযা চিত্তসমুট্ঠানং রূপং. (২)

৫২. নেৰদস্সনেন নভাৰনায পহাতব্বং ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নপুরেজাতপচ্চযা – অরূপে নেৰদস্সনেন নভাৰনায পহাতব্বং একং খন্ধং পচ্চযা তযো খন্ধা…পে… নেৰদস্সনেন নভাৰনায পহাতব্বে খন্ধে পচ্চযা চিত্তসমুট্ঠানং রূপং. পটিসন্ধিক্খণে…পে… খন্ধে পচ্চযা কটত্তারূপং, খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং…পে… বাহিরং… আহারসমুট্ঠানং… উতুসমুট্ঠানং, অসঞ্ঞসত্তানং…পে…. (১)

দস্সনেন পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নপুরেজাতপচ্চযা – দস্সনেন পহাতব্বে খন্ধে চ মহাভূতে চ পচ্চযা চিত্তসমুট্ঠানং রূপং. (১)

ভাৰনায পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা নেৰদস্সনেন নভাৰনায পহাতব্বো ধম্মো উপ্পজ্জতি নপুরেজাতপচ্চযা – ভাৰনায পহাতব্বে খন্ধে চ মহাভূতে চ পচ্চযা চিত্তসমুট্ঠানং রূপং. (১)

নপচ্ছাজাতপচ্চযাদি

৫৩. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নপচ্ছাজাতপচ্চযা… নআসেৰনপচ্চযা.

নকম্মপচ্চযো

৫৪. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – দস্সনেন পহাতব্বে খন্ধে পচ্চযা দস্সনেন পহাতব্বা চেতনা. (১)

ভাৰনায পহাতব্বং ধম্মং…পে… নকম্মপচ্চযা – ভাৰনায পহাতব্বে খন্ধে পচ্চযা ভাৰনায পহাতব্বা চেতনা. (১)

নেৰদস্সনেন নভাৰনায পহাতব্বং ধম্মং…পে… নকম্মপচ্চযা – নেৰদস্সনেন নভাৰনায পহাতব্বে খন্ধে পচ্চযা নেৰদস্সনেন নভাৰনায পহাতব্বা চেতনা; বাহিরং… আহারসমুট্ঠানং… উতুসমুট্ঠানং…পে…. (১)

নেৰদস্সনেন নভাৰনায পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – ৰত্থুং পচ্চযা দস্সনেন পহাতব্বা চেতনা. (২)

নেৰদস্সনেন নভাৰনায পহাতব্বং ধম্মং পচ্চযা ভাৰনায পহাতব্বো ধম্মো উপ্পজ্জতি নকম্মপচ্চযা – ৰত্থুং পচ্চযা ভাৰনায পহাতব্বা চেতনা. (৩)

৫৫. দস্সনেন পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা দস্সনেন পহাতব্বো ধম্মো উপ্পজ্জতি নকম্মপচ্চযা – দস্সনেন পহাতব্বে খন্ধে চ ৰত্থুঞ্চ পচ্চযা দস্সনেন পহাতব্বা চেতনা. (১)

ভাৰনায পহাতব্বঞ্চ নেৰদস্সনেন নভাৰনায পহাতব্বঞ্চ ধম্মং পচ্চযা ভাৰনায পহাতব্বো ধম্মো উপ্পজ্জতি নকম্মপচ্চযা – ভাৰনায পহাতব্বে খন্ধে চ ৰত্থুঞ্চ পচ্চযা ভাৰনায পহাতব্বা চেতনা. (১)

নৰিপাকপচ্চযাদি

৫৬. দস্সনেন পহাতব্বং ধম্মং পচ্চযা দস্সনেন পহাতব্বো ধম্মো উপ্পজ্জতি নৰিপাকপচ্চযা (পরিপুণ্ণং, পটিসন্ধি নত্থি), নআহারপচ্চযা – বাহিরং… উতুসমুট্ঠানং… অসঞ্ঞসত্তানং…পে… নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… মহাভূতে পচ্চযা রূপজীৰিতিন্দ্রিযং… নঝানপচ্চযা – পঞ্চৰিঞ্ঞাণং…পে… বাহিরং…পে… অসঞ্ঞসত্তানং…পে… নমগ্গপচ্চযা – অহেতুকং নেৰদস্সনেন নভাৰনায পহাতব্বং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… অহেতুকপটিসন্ধিক্খণে…পে… একং মহাভূতং…পে… অসঞ্ঞসত্তানং…পে… নসম্পযুত্তপচ্চযা, নৰিপ্পযুত্তপচ্চযা – অরূপে দস্সনেন পহাতব্বং একং খন্ধং পচ্চযা…পে… অরূপে ভাৰনায পহাতব্বং একং খন্ধং পচ্চযা তযো খন্ধা…পে… নেৰদস্সনেন নভাৰনায পহাতব্বং ধম্মং পচ্চযা নেৰদস্সনেন…পে… অরূপে নেৰদস্সনেন নভাৰনায পহাতব্বং একং খন্ধং পচ্চযা তযো খন্ধা…পে… দ্ৰে খন্ধে…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… নোনত্থিপচ্চযা… নোৰিগতপচ্চযা.