১. ৰিভঙ্গৰারো

হেতুপচ্চযো

১৭. পীতিসহগতো ধম্মো পীতিসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং সুখসহগতানং খন্ধানং হেতুপচ্চযেন পচ্চযো. পটিসন্ধিক্খণে…পে…. (২)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো. পটিসন্ধিক্খণে…পে…. (৩)

১৮. সুখসহগতো ধম্মো সুখসহগতস্স ধম্মস্স…পে… পীতিসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স…পে… (সুখমূলে তীণি).

উপেক্খাসহগতো ধম্মো উপেক্খাসহগতস্স ধম্মস্স হেতুপচ্চযেন পচ্চযো – উপেক্খাসহগতা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে…পে…. (১)

পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা চ সুখসহগতা চ হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো. পটিসন্ধিক্খণে…পে…. (২)

আরম্মণপচ্চযো

১৯. পীতিসহগতো ধম্মো পীতিসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং পীতিসহগতেন চিত্তেন পচ্চৰেক্খতি. অরিযা পীতিসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে পীতিসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো রাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আরব্ভ পীতিসহগতা খন্ধা উপ্পজ্জন্তি. (১)

পীতিসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং সুখসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং সুখসহগতেন চিত্তেন পচ্চৰেক্খতি. অরিযা সুখসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে সুখসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ সুখসহগতো রাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আরব্ভ সুখসহগতা খন্ধা উপ্পজ্জন্তি. (২)

পীতিসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং উপেক্খাসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং উপেক্খাসহগতেন চিত্তেন পচ্চৰেক্খতি. অরিযা উপেক্খাসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপরিযঞাণেন পীতিসহগতচিত্তসমঙ্গিস্স চিত্তং জানন্তি, পীতিসহগতা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. পীতিসহগতে খন্ধে আরব্ভ উপেক্খাসহগতা খন্ধা উপ্পজ্জন্তি. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি. অরিযা পীতিসহগতেন চ সুখসহগতেন চ চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো চ সুখসহগতো চ রাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি. (৪)

২০. সুখসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো… সুখসহগতো ধম্মো পীতিসহগতস্স ধম্মস্স…পে… উপেক্খাসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – সুখসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি. (৪)

উপেক্খাসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো – উপেক্খাসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং উপেক্খাসহগতেন চিত্তেন পচ্চৰেক্খতি, উপেক্খাসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং উপেক্খাসহগতেন চিত্তেন পচ্চৰেক্খতি. অরিযা উপেক্খাসহগতেন চিত্তেন উপেক্খাসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. উপেক্খাসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপরিযঞাণেন উপেক্খাসহগতচিত্তসমঙ্গিস্স চিত্তং জানাতি. আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. উপেক্খাসহগতা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰজ্জনায আরম্মণপচ্চযেন পচ্চযো. উপেক্খাসহগতে খন্ধে আরব্ভ উপেক্খাসহগতা খন্ধা উপ্পজ্জন্তি. (১)

উপেক্খাসহগতো ধম্মো পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – উপেক্খাসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি, উপেক্খাসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা ফলা ৰুট্ঠহিত্ৰা, তং পীতিসহগতেন চ সুখসহগতেন চ চিত্তেন পচ্চৰেক্খতি. অরিযা পীতিসহগতেন চ সুখসহগতেন চ চিত্তেন উপেক্খাসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. উপেক্খাসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো চ সুখসহগতো চ রাগো উপ্পজ্জতি, দিট্ঠি উপ্পজ্জতি. উপেক্খাসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি. (৩)

২১. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… উপেক্খাসহগতস্স ধম্মস্স আরম্মণপচ্চযেন পচ্চযো – পীতিসহগতেন চ সুখসহগতেন চ চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা…পে… পীতিসহগতে চ সুখসহগতে চ খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপরিযঞাণেন পীতিসহগতসুখসহগতচিত্তসমঙ্গিস্স চিত্তং জানাতি. পীতিসহগতা চ সুখসহগতা চ খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. পীতিসহগতে চ সুখসহগতে চ খন্ধে আরব্ভ উপেক্খাসহগতা খন্ধা উপ্পজ্জন্তি. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো (সংখিত্তং). (৪)

অধিপতিপচ্চযো

২২. পীতিসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা পীতিসহগতেন চিত্তেন তং গরুং কত্ৰা পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা পীতিসহগতেন চিত্তেন তং গরুং কত্ৰা পচ্চৰেক্খতি. পীতিসহগতে খন্ধে পীতিসহগতেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা পীতিসহগতো রাগো উপ্পজ্জতি, দিট্ঠি উপ্পজ্জতি. সহজাতাধিপতি – পীতিসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – পীতিসহগতেন চিত্তেন দানং দত্ৰা…পে…. সহজাতাধিপতি – পীতিসহগতাধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো. আরম্মণাধিপতি – পীতিসহগতেন চিত্তেন দানং দত্ৰা…পে… উপেক্খাসহগতেন চিত্তেন (সংখিত্তং). (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – পীতিসহগতেন চিত্তেন দানং দত্ৰা…পে…. সহজাতাধিপতি – পীতিসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

২৩. সুখসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সুখসহগতেন চিত্তেন দানং দত্ৰা…পে…. সহজাতাধিপতি – সুখসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে…. সহজাতাধিপতি – সুখসহগতাধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং). (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে…. সহজাতাধিপতি – সুখসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

২৪. উপেক্খাসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে…. সহজাতাধিপতি – উপেক্খাসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং). (২)

উপেক্খাসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং). (৩)

উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং). (৪)

২৫. পীতিসহগতো চ সুখসহগতো চ ধম্মা পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো. (১)

পীতিসহগতো চ সুখসহগতো চ ধম্মা সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো. (২)

পীতিসহগতো চ সুখসহগতো চ ধম্মা উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং). (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি …পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

অনন্তরপচ্চযো

২৬. পীতিসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তরপচ্চযেন পচ্চযো. পীতিসহগতং অনুলোমং গোত্রভুস্স অনন্তরপচ্চযেন পচ্চযো. (ইমিনা কারণেন সব্বেসং পদানং পচ্চযোতি দীপেতব্বো). অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং পীতিসহগতায ফলসমাপত্তিযা অনন্তরপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তরপচ্চযেন পচ্চযো. পীতিসহগতং অনুলোমং সুখসহগতস্স গোত্রভুস্স অনন্তরপচ্চযেন পচ্চযো. পীতিসহগতং অনুলোমং সুখসহগতস্স ৰোদানস্স অনন্তরপচ্চযেন পচ্চযো. পীতিসহগতং অনুলোমং সুখসহগতায ফলসমাপত্তিযা অনন্তরপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – পীতিসহগতং চুতিচিত্তং উপেক্খাসহগতস্স উপপত্তিচিত্তস্স অনন্তরপচ্চযেন পচ্চযো. পীতিসহগতং ভৰঙ্গং আৰজ্জনায অনন্তরপচ্চযেন পচ্চযো. পীতিসহগতা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো. পীতিসহগতং ভৰঙ্গং উপেক্খাসহগতস্স ভৰঙ্গস্স অনন্তরপচ্চযেন পচ্চযো. পীতিসহগতং কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তরপচ্চযেন পচ্চযো. পীতিসহগতং অনুলোমং পীতিসহগতস্স চ সুখসহগতস্স চ গোত্রভুস্স অনন্তরপচ্চযেন পচ্চযো…পে… পীতিসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো. (৪)

২৭. সুখসহগতো ধম্মো সুখসহগতস্স ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তরপচ্চযেন পচ্চযো. সুখসহগতং অনুলোমং সুখসহগতস্স গোত্রভুস্স অনন্তরপচ্চযেন পচ্চযো…পে… সুখসহগতং অনুলোমং সুখসহগতায ফলসমাপত্তিযা অনন্তরপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তরপচ্চযেন পচ্চযো…পে… সুখসহগতং অনুলোমং পীতিসহগতায ফলসমাপত্তিযা অনন্তরপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – সুখসহগতং চুতিচিত্তং উপেক্খাসহগতস্স উপপত্তিচিত্তস্স অনন্তরপচ্চযেন পচ্চযো. সুখসহগতং ভৰঙ্গং আৰজ্জনায অনন্তরপচ্চযেন পচ্চযো. সুখসহগতং কাযৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো. সুখসহগতা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো সুখসহগতং ভৰঙ্গং উপেক্খাসহগতস্স ভৰঙ্গস্স অনন্তরপচ্চযেন পচ্চযো. সুখসহগতং কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো. (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তরপচ্চযেন পচ্চযো…পে… সুখসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো. (৪)

২৮. উপেক্খাসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – পুরিমা পুরিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে… আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো. উপেক্খাসহগতং অনুলোমং উপেক্খাসহগতায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং উপেক্খাসহগতায ফলসমাপত্তিযা অনন্তরপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – উপেক্খাসহগতং চুতিচিত্তং পীতিসহগতস্স উপপত্তিচিত্তস্স…পে… আৰজ্জনা পীতিসহগতানং খন্ধানং…পে… ৰিপাকমনোধাতু পীতিসহগতায ৰিপাকমনোৰিঞ্ঞাণধাতুযা…পে… উপেক্খাসহগতং ভৰঙ্গং পীতিসহগতস্স ভৰঙ্গস্স…পে… উপেক্খাসহগতং কুসলাকুসলং পীতিসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং পীতিসহগতায ফলসমাপত্তিযা অনন্তরপচ্চযেন পচ্চযো. (২)

উপেক্খাসহগতো ধম্মো সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো. (৪)

(তানিযেৰ চ গমনানি নিযামেতব্বানি.)

২৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… উপেক্খাসহগতস্স ধম্মস্স অনন্তরপচ্চযেন পচ্চযো – পীতিসহগতঞ্চ সুখসহগতঞ্চ চুতিচিত্তং উপেক্খাসহগতস্স উপপত্তিচিত্তস্স…পে… পীতিসহগতঞ্চ সুখসহগতঞ্চ ভৰঙ্গং আৰজ্জনায…পে… পীতিসহগতা চ সুখসহগতা চ ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা…পে… পীতিসহগতঞ্চ সুখসহগতঞ্চ ভৰঙ্গং উপেক্খাসহগতস্স ভৰঙ্গস্স…পে… পীতিসহগতঞ্চ সুখসহগতঞ্চ কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং…পে… পীতিসহগতঞ্চ সুখসহগতঞ্চ অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো. (৪)

সমনন্তরপচ্চযো

৩০. পীতিসহগতো ধম্মো পীতিসহগতস্স ধম্মস্স সমনন্তরপচ্চযেন পচ্চযো (অনন্তরপচ্চযসদিসং).

সহজাতপচ্চযো

৩১. পীতিসহগতো ধম্মো পীতিসহগতস্স ধম্মস্স সহজাতপচ্চযেন পচ্চযো – পীতিসহগতো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো…পে… (পটিচ্চসদিসং সহজাতে দস পঞ্হা).

অঞ্ঞমঞ্ঞ-নিস্সযপচ্চযা

৩২. পীতিসহগতো ধম্মো পীতিসহগতস্স ধম্মস্স অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো (দস পঞ্হা কাতব্বা).

উপনিস্সযপচ্চযো

৩৩. পীতিসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং করোতি, পীতিসহগতং ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং… সুতং… চাগং… পঞ্ঞং উপনিস্সায পীতিসহগতেন চিত্তেন দানং দেতি, সীলং সমাদিযতি…পে… মানং জপ্পেতি, দিট্ঠিং গণ্হাতি. পীতিসহগতং রাগং… মোহং… মানং… দিট্ঠিং… পত্থনং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং করোতি, পীতিসহগতং ঝানং উপ্পাদেতি…পে… সমাপত্তিং উপ্পাদেতি. পীতিসহগতেন চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি. পীতিসহগতা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা পীতিসহগতায সদ্ধায… সীলস্স… সুতস্স… চাগস্স… পঞ্ঞায… রাগস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি. সুখসহগতেন চিত্তেন অদিন্নং আদিযতি…পে… নিগমঘাতং করোতি. পীতিসহগতা সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং করোতি. পীতিসহগতা সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. পীতিসহগতং সীলং…পে… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং করোতি. পীতিসহগতা সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৪. সুখসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৰিঞ্ঞাণং উপনিস্সায সুখসহগতেন চিত্তেন দানং দেতি…পে… নিগমঘাতং করোতি. সুখসহগতা সদ্ধা…পে… পত্থনা সুখসহগতং কাযৰিঞ্ঞাণং সুখসহগতায সদ্ধায…পে… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৰিঞ্ঞাণং উপনিস্সায পীতিসহগতেন চিত্তেন দানং দেতি…পে… নিগমঘাতং করোতি. সুখসহগতা সদ্ধা…পে… পত্থনা সুখসহগতং কাযৰিঞ্ঞাণং পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৰিঞ্ঞাণং উপনিস্সায উপেক্খাসহগতেন চিত্তেন দানং দেতি…পে… নিগমঘাতং করোতি. সুখসহগতা সদ্ধা…পে… পত্থনা সুখসহগতং কাযৰিঞ্ঞাণং উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে…. পকতূপনিস্সযো – সুখসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৰিঞ্ঞাণং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং করোতি. সুখসহগতা সদ্ধা…পে… পত্থনা সুখসহগতং কাযৰিঞ্ঞাণং পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৫. উপেক্খাসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং করোতি. উপেক্খাসহগতা সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায পীতিসহগতেন চিত্তেন দানং দেতি…পে… নিগমঘাতং করোতি. উপেক্খাসহগতা সদ্ধা…পে… পত্থনা পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (২)

উপেক্খাসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায সুখসহগতেন চিত্তেন দানং দেতি…পে… নিগমঘাতং করোতি. উপেক্খাসহগতা সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো. (৩)

উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং করোতি. উপেক্খাসহগতা সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৬. পীতিসহগতো চ সুখসহগতো চ ধম্মা পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায পীতিসহগতেন চিত্তেন দানং দেতি…পে… নিগমঘাতং করোতি. পীতিসহগতা চ সুখসহগতা চ সদ্ধা…পে… পত্থনা পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (১)

পীতিসহগতো চ সুখসহগতো চ ধম্মা সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায সুখসহগতেন চিত্তেন দানং দেতি…পে… নিগমঘাতং করোতি. পীতিসহগতা চ সুখসহগতা চ সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো. (২)

পীতিসহগতো চ সুখসহগতো চ ধম্মা উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায উপেক্খাসহগতেন চিত্তেন দানং দেতি …পে… অভিঞ্ঞং উপ্পাদেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং করোতি. পীতিসহগতা চ সুখসহগতা চ সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং করোতি. পীতিসহগতঞ্চ সুখসহগতঞ্চ ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতঞ্চ সুখসহগতঞ্চ সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং করোতি. পীতিসহগতঞ্চ সুখসহগতঞ্চ ঝানং উপ্পাদেতি…পে… সমাপত্তিং উপ্পাদেতি. পীতিসহগতেন চ সুখসহগতেন চ চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি. পীতিসহগতা চ সুখসহগতা চ সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

আসেৰনপচ্চযো

৩৭. পীতিসহগতো ধম্মো পীতিসহগতস্স ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং আসেৰনপচ্চযেন পচ্চযো. পীতিসহগতং অনুলোমং পীতিসহগতস্স গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং আসেৰনপচ্চযেন পচ্চযো. পীতিসহগতং অনুলোমং সুখসহগতস্স গোত্রভুস্স আসেৰনপচ্চযেন পচ্চযো. পীতিসহগতং অনুলোমং সুখসহগতস্স ৰোদানস্স আসেৰনপচ্চযেন পচ্চযো. পীতিসহগতং গোত্রভু সুখসহগতস্স মগ্গস্স… পীতিসহগতং ৰোদানং সুখসহগতস্স মগ্গস্স আসেৰনপচ্চযেন পচ্চযো. (২)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ আসেৰনপচ্চযেন পচ্চযো…পে… পীতিসহগতং ৰোদানং পীতিসহগতস্স চ সুখসহগতস্স চ মগ্গস্স আসেৰনপচ্চযেন পচ্চযো. (৩)

৩৮. সুখসহগতো ধম্মো সুখসহগতস্স ধম্মস্স…পে… পীতিসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো (সংখিত্তং. পীতিনযং পস্সিত্ৰা কাতব্বং).

উপেক্খাসহগতো ধম্মো উপেক্খাসহগতস্স ধম্মস্স আসেৰনপচ্চযেন পচ্চযো – পুরিমা পুরিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে… উপেক্খাসহগতং ৰোদানং উপেক্খাসহগতস্স মগ্গস্স আসেৰনপচ্চযেন পচ্চযো. (১)

৩৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং আসেৰনপচ্চযেন পচ্চযো…পে… পীতিসহগতঞ্চ সুখসহগতঞ্চ ৰোদানং পীতিসহগতস্স চ সুখসহগতস্স চ মগ্গস্স আসেৰনপচ্চযেন পচ্চযো. (৩)

কম্মপচ্চযো

৪০. পীতিসহগতো ধম্মো পীতিসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা [নানাখণিকা (স্যা. ক.)]. সহজাতা – পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – পীতিসহগতা চেতনা ৰিপাকানং পীতিসহগতানং খন্ধানং কম্মপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো. পটিসন্ধিক্খণে পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো. নানাক্খণিকা – পীতিসহগতা চেতনা ৰিপাকানং সুখসহগতানং খন্ধানং কম্মপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স কম্মপচ্চযেন পচ্চযো. নানাক্খণিকা – পীতিসহগতা চেতনা ৰিপাকানং উপেক্খাসহগতানং খন্ধানং কম্মপচ্চযেন পচ্চযো. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পীতিসহগতা চেতনা সম্পযুত্তকানং পীতিসহগতানঞ্চ সুখসহগতানঞ্চ খন্ধানং কম্মপচ্চযেন পচ্চযো. পটিসন্ধিক্খণে …পে…. নানাক্খণিকা – পীতিসহগতা চেতনা ৰিপাকানং পীতিসহগতানঞ্চ সুখসহগতানঞ্চ খন্ধানং কম্মপচ্চযেন পচ্চযো. (৪)

৪১. সুখসহগতো ধম্মো সুখসহগতস্স ধম্মস্স (চত্তারিপি গণনানি পস্সিত্ৰা কাতব্বানি).

৪২. উপেক্খাসহগতো ধম্মো উপেক্খাসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা…পে….

উপেক্খাসহগতো ধম্মো পীতিসহগতস্স ধম্মস্স কম্মপচ্চযেন পচ্চযো. নানাক্খণিকা – উপেক্খাসহগতা চেতনা…পে….

উপেক্খাসহগতো ধম্মো সুখসহগতস্স ধম্মস্স কম্মপচ্চযেন পচ্চযো. নানাক্খণিকা – উপেক্খাসহগতা চেতনা…পে….

উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স কম্মপচ্চযেন পচ্চযো. নানাক্খণিকা – উপেক্খাসহগতা চেতনা…পে…. (৪)

পীতিসহগতো চ সুখসহগতো চ ধম্মা পীতিসহগতস্স ধম্মস্স (চত্তারি কাতব্বানি, পীতিসহগতং অনুমজ্জন্তেন ৰিভজিতব্বং). (৪)

ৰিপাকপচ্চযো

৪৩. পীতিসহগতো ধম্মো পীতিসহগতস্স ধম্মস্স ৰিপাকপচ্চযেন পচ্চযো – পীতিসহগতো ৰিপাকো একো খন্ধো তিণ্ণন্নং খন্ধানং ৰিপাকপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে… পটিসন্ধিক্খণে পীতিসহগতো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং…পে….

(যথা পটিচ্চৰারে হেতুপচ্চযে এৰং ৰিত্থারেতব্বা দস পঞ্হা.)

আহারপচ্চযাদি

৪৪. পীতিসহগতো ধম্মো পীতিসহগতস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… অত্থিপচ্চযেন পচ্চযো… (দস পঞ্হা ৰিত্থারেতব্বা) নত্থিপচ্চযেন পচ্চযো… ৰিগতপচ্চযেন পচ্চযো… (নত্থিপি ৰিগতম্পি অনন্তরসদিসং) অৰিগতপচ্চযেন পচ্চযো.