১. ৰিভঙ্গৰারো

হেতুপচ্চযো

৬৬. সৰিতক্কসৰিচারো ধম্মো সৰিতক্কসৰিচারস্স ধম্মস্স হেতুপচ্চযেন পচ্চযো – সৰিতক্কসৰিচারা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে…পে…. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স হেতুপচ্চযেন পচ্চযো – সৰিতক্কসৰিচারা হেতূ ৰিতক্কস্স হেতুপচ্চযেন পচ্চযো. পটিসন্ধিক্খণে…পে…. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স হেতুপচ্চযেন পচ্চযো – সৰিতক্কসৰিচারা হেতূ চিত্তসমুট্ঠানানং রূপানং হেতুপচ্চযেন পচ্চযো. পটিসন্ধিক্খণে সৰিতক্কসৰিচারা হেতূ কটত্তারূপানং হেতুপচ্চযেন পচ্চযো. (৩)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স হেতুপচ্চযেন পচ্চযো – সৰিতক্কসৰিচারা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে সৰিতক্কসৰিচারা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (৪)

সৰিতক্কসৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স হেতুপচ্চযেন পচ্চযো – সৰিতক্কসৰিচারা হেতূ ৰিতক্কস্স চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে সৰিতক্কসৰিচারা হেতূ ৰিতক্কস্স কটত্তা চ রূপানং হেতুপচ্চযেন পচ্চযো. (৫)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স হেতুপচ্চযেন পচ্চযো – সৰিতক্কসৰিচারা হেতূ সম্পযুত্তকানং খন্ধানং ৰিতক্কস্স চ হেতুপচ্চযেন পচ্চযো. পটিসন্ধিক্খণে সৰিতক্কসৰিচারা হেতূ সম্পযুত্তকানং খন্ধানং ৰিতক্কস্স চ হেতুপচ্চযেন পচ্চযো. (৬)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স হেতুপচ্চযেন পচ্চযো – সৰিতক্কসৰিচারা হেতূ সম্পযুত্তকানং খন্ধানং ৰিতক্কস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে সৰিতক্কসৰিচারা হেতূ সম্পযুত্তকানং খন্ধানং ৰিতক্কস্স চ কটত্তা চ রূপানং হেতুপচ্চযেন পচ্চযো. (৭)

৬৭. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স হেতুপচ্চযেন পচ্চযো – অৰিতক্কৰিচারমত্তা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে অৰিতক্কৰিচারমত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স হেতুপচ্চযেন পচ্চযো – অৰিতক্কৰিচারমত্তা হেতূ ৰিচারস্স চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে অৰিতক্কৰিচারমত্তা হেতূ ৰিচারস্স চ কটত্তা চ রূপানং হেতুপচ্চযেন পচ্চযো. (২)

অৰিতক্কৰিচারমত্তো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স হেতুপচ্চযেন পচ্চযো – অৰিতক্কৰিচারমত্তা হেতূ সম্পযুত্তকানং খন্ধানং ৰিচারস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে অৰিতক্কৰিচারমত্তা হেতূ সম্পযুত্তকানং খন্ধানং ৰিচারস্স চ কটত্তা চ রূপানং হেতুপচ্চযেন পচ্চযো. (৩)

৬৮. অৰিতক্কঅৰিচারো ধম্মো অৰিতক্কঅৰিচারস্স ধম্মস্স হেতুপচ্চযেন পচ্চযো – অৰিতক্কঅৰিচারা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে অৰিতক্কঅৰিচারা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

আরম্মণপচ্চযো

৬৯. সৰিতক্কসৰিচারো ধম্মো সৰিতক্কসৰিচারস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি; পুব্বে সুচিণ্ণানি পচ্চৰেক্খতি; সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খতি. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সৰিতক্কসৰিচারে খন্ধে অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সৰিতক্কসৰিচারে খন্ধে আরব্ভ সৰিতক্কসৰিচারা খন্ধা উপ্পজ্জন্তি. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি; তং আরব্ভ ৰিতক্কো উপ্পজ্জতি. পুব্বে সুচিণ্ণানি পচ্চৰেক্খতি; সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খতি; তং আরব্ভ ৰিতক্কো উপ্পজ্জতি. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সৰিতক্কসৰিচারে খন্ধে অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ ৰিতক্কো উপ্পজ্জতি. সৰিতক্কসৰিচারে খন্ধে আরব্ভ ৰিতক্কো উপ্পজ্জতি. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স আরম্মণপচ্চযেন পচ্চযো – চেতোপরিযঞাণেন সৰিতক্কসৰিচারচিত্তসমঙ্গিস্স চিত্তং জানাতি; সৰিতক্কসৰিচারা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. সৰিতক্কসৰিচারে খন্ধে আরব্ভ অৰিতক্কঅৰিচারা খন্ধা উপ্পজ্জন্তি. (৩)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. পুব্বে সুচিণ্ণানি পচ্চৰেক্খতি; সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সৰিতক্কসৰিচারে খন্ধে অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. সৰিতক্কসৰিচারে খন্ধে আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৪)

৭০. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স আরম্মণপচ্চযেন পচ্চযো – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খতি; তং আরব্ভ ৰিতক্কো উপ্পজ্জতি. অৰিতক্কৰিচারমত্তে খন্ধে চ ৰিতক্কঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ ৰিতক্কো উপ্পজ্জতি. অৰিতক্কৰিচারমত্তে খন্ধে চ ৰিতক্কঞ্চ আরব্ভ ৰিতক্কো উপ্পজ্জতি. (১)

অৰিতক্কৰিচারমত্তো ধম্মো সৰিতক্কসৰিচারস্স ধম্মস্স আরম্মণপচ্চযেন পচ্চযো – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খন্তি; তং আরব্ভ সৰিতক্কসৰিচারা খন্ধা উপ্পজ্জন্তি. অৰিতক্কৰিচারমত্তে খন্ধে চ ৰিতক্কঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. অৰিতক্কৰিচারমত্তে খন্ধে চ ৰিতক্কঞ্চ আরব্ভ সৰিতক্কসৰিচারা খন্ধা উপ্পজ্জন্তি. (২)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স আরম্মণপচ্চযেন পচ্চযো – চেতোপরিযঞাণেন অৰিতক্কৰিচারমত্তচিত্তসমঙ্গিস্স চিত্তং জানাতি. অৰিতক্কৰিচারমত্তা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. অৰিতক্কৰিচারমত্তে খন্ধে চ ৰিতক্কঞ্চ আরব্ভ অৰিতক্কঅৰিচারা খন্ধা উপ্পজ্জন্তি. (৩)

অৰিতক্কৰিচারমত্তো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স আরম্মণপচ্চযেন পচ্চযো – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. অৰিতক্কৰিচারমত্তে খন্ধে চ ৰিতক্কঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. অৰিতক্কৰিচারমত্তে খন্ধে চ ৰিতক্কঞ্চ আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৪)

৭১. অৰিতক্কঅৰিচারো ধম্মো অৰিতক্কঅৰিচারস্স ধম্মস্স আরম্মণপচ্চযেন পচ্চযো – নিব্বানং অৰিতক্কঅৰিচারস্স মগ্গস্স ফলস্স ৰিচারস্স চ আরম্মণপচ্চযেন পচ্চযো. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন অৰিতক্কঅৰিচারচিত্তসমঙ্গিস্স চিত্তং জানাতি. আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. অৰিতক্কঅৰিচারা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. অৰিতক্কঅৰিচারে খন্ধে চ ৰিচারঞ্চ আরব্ভ অৰিতক্কঅৰিচারা খন্ধা উপ্পজ্জন্তি. (১)

অৰিতক্কঅৰিচারো ধম্মো সৰিতক্কসৰিচারস্স ধম্মস্স আরম্মণপচ্চযেন পচ্চযো – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খন্তি; তং আরব্ভ সৰিতক্কসৰিচারা খন্ধা উপ্পজ্জন্তি. অরিযা নিব্বানং পচ্চৰেক্খন্তি, নিব্বানং গোত্রভুস্স ৰোদানস্স সৰিতক্কসৰিচারস্স মগ্গস্স ফলস্স আৰজ্জনায আরম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং… ঘানং … জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… অৰিতক্কঅৰিচারে খন্ধে চ ৰিচারঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. অৰিতক্কঅৰিচারে খন্ধে চ ৰিচারঞ্চ আরব্ভ সৰিতক্কসৰিচারা খন্ধা উপ্পজ্জন্তি. (২)

অৰিতক্কঅৰিচারো ধম্মো অৰিতক্কৰিচারমত্তস্স ধম্মস্স আরম্মণপচ্চযেন পচ্চযো – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খন্তি; তং আরব্ভ ৰিতক্কো উপ্পজ্জতি. অরিযা নিব্বানং পচ্চৰেক্খন্তি, নিব্বানং অৰিতক্কৰিচারমত্তস্স মগ্গস্স ফলস্স ৰিতক্কস্স চ আরম্মণপচ্চযেন পচ্চযো. চক্খুং অনিচ্চতো দুক্খতো অনত্ততো…পে… ৰত্থুং… অৰিতক্কঅৰিচারে খন্ধে চ ৰিচারঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ ৰিতক্কো উপ্পজ্জতি. অৰিতক্কঅৰিচারে খন্ধে চ ৰিচারঞ্চ আরব্ভ ৰিতক্কো উপ্পজ্জতি. (৩)

অৰিতক্কঅৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স আরম্মণপচ্চযেন পচ্চযো – নিব্বানং অৰিতক্কৰিচারমত্তস্স মগ্গস্স ফলস্স ৰিচারস্স চ আরম্মণপচ্চযেন পচ্চযো. (৪)

অৰিতক্কঅৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স আরম্মণপচ্চযেন পচ্চযো – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং পচ্চৰেক্খন্তি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. অরিযা নিব্বানং পচ্চৰেক্খন্তি, নিব্বানং গোত্রভুস্স ৰিতক্কস্স চ ৰোদানস্স ৰিতক্কস্স চ সৰিতক্কসৰিচারস্স মগ্গস্স ৰিতক্কস্স চ সৰিতক্কসৰিচারস্স ফলস্স ৰিতক্কস্স চ আৰজ্জনায ৰিতক্কস্স চ আরম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. সোতং…পে… ফোট্ঠব্বং… ৰত্থুং… অৰিতক্কঅৰিচারে খন্ধে চ ৰিচারঞ্চ অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৫)

৭২. অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স আরম্মণপচ্চযেন পচ্চযো – অৰিতক্কৰিচারমত্তে খন্ধে চ ৰিচারঞ্চ আরব্ভ সৰিতক্কসৰিচারা খন্ধা উপ্পজ্জন্তি. (১)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স আরম্মণপচ্চযেন পচ্চযো – অৰিতক্কৰিচারমত্তে খন্ধে চ ৰিচারঞ্চ আরব্ভ ৰিতক্কো উপ্পজ্জতি. (২)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স আরম্মণপচ্চযেন পচ্চযো – অৰিতক্কৰিচারমত্তা খন্ধা চ ৰিচারো চ চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. অৰিতক্কৰিচারমত্তে খন্ধে চ ৰিচারঞ্চ আরব্ভ অৰিতক্কঅৰিচারা খন্ধা উপ্পজ্জন্তি. (৩)

অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স আরম্মণপচ্চযেন পচ্চযো – অৰিতক্কৰিচারমত্তে খন্ধে চ ৰিচারঞ্চ আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৪)

৭৩. সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স আরম্মণপচ্চযেন পচ্চযো – সৰিতক্কসৰিচারে খন্ধে চ ৰিতক্কঞ্চ আরব্ভ সৰিতক্কসৰিচারা খন্ধা উপ্পজ্জন্তি. (১)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কৰিচারমত্তস্স আরম্মণপচ্চযেন পচ্চযো – সৰিতক্কসৰিচারে খন্ধে চ ৰিতক্কঞ্চ আরব্ভ ৰিতক্কো উপ্পজ্জতি. (২)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কঅৰিচারস্স ধম্মস্স আরম্মণপচ্চযেন পচ্চযো – সৰিতক্কসৰিচারা খন্ধা চ ৰিতক্কো চ চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. সৰিতক্কসৰিচারে খন্ধে চ ৰিতক্কঞ্চ আরব্ভ অৰিতক্কঅৰিচারা খন্ধা উপ্পজ্জন্তি. (৩)

সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স আরম্মণপচ্চযেন পচ্চযো – সৰিতক্কসৰিচারে খন্ধে চ ৰিতক্কঞ্চ আরব্ভ সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৪)

অধিপতিপচ্চযো

৭৪. সৰিতক্কসৰিচারো ধম্মো সৰিতক্কসৰিচারস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি; পুব্বে সুচিণ্ণানি গরুং কত্ৰা পচ্চৰেক্খতি. সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খতি. সৰিতক্কসৰিচারে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – সৰিতক্কসৰিচারা অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি; তং গরুং কত্ৰা ৰিতক্কো উপ্পজ্জতি. পুব্বে সুচিণ্ণানি গরুং কত্ৰা পচ্চৰেক্খতি. সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি; তং গরুং কত্ৰা ৰিতক্কো উপ্পজ্জতি. সৰিতক্কসৰিচারে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা ৰিতক্কো উপ্পজ্জতি. সহজাতাধিপতি – সৰিতক্কসৰিচারা অধিপতি ৰিতক্কস্স অধিপতিপচ্চযেন পচ্চযো. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স অধিপতিপচ্চযেন পচ্চযো. সহজাতাধিপতি – সৰিতক্কসৰিচারা অধিপতি চিত্তসমুট্ঠানানং রূপানং অধিপতিপচ্চযেন পচ্চযো. (৩)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স অধিপতিপচ্চযেন পচ্চযো. সহজাতাধিপতি – সৰিতক্কসৰিচারা অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

সৰিতক্কসৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অধিপতিপচ্চযেন পচ্চযো. সহজাতাধিপতি – সৰিতক্কসৰিচারা অধিপতি ৰিতক্কস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৫)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা, উপোসথকম্মং কত্ৰা তং গরুং কত্ৰা পচ্চৰেক্খতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. পুব্বে সুচিণ্ণানি গরুং কত্ৰা পচ্চৰেক্খতি, সৰিতক্কসৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. সৰিতক্কসৰিচারে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. সহজাতাধিপতি – সৰিতক্কসৰিচারা অধিপতি সম্পযুত্তকানং খন্ধানং ৰিতক্কস্স চ অধিপতিপচ্চযেন পচ্চযো. (৬)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অধিপতিপচ্চযেন পচ্চযো. সহজাতাধিপতি – সৰিতক্কসৰিচারা অধিপতি সম্পযুত্তকানং খন্ধানং ৰিতক্কস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৭)

৭৫. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খতি; তং গরুং কত্ৰা ৰিতক্কো উপ্পজ্জতি. অৰিতক্কৰিচারমত্তে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি; তং গরুং কত্ৰা ৰিতক্কো উপ্পজ্জতি. সহজাতাধিপতি – অৰিতক্কৰিচারমত্তা অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অৰিতক্কৰিচারমত্তো ধম্মো সৰিতক্কসৰিচারস্স ধম্মস্স অধিপতিপচ্চযেন পচ্চযো. আরম্মণাধিপতি – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খতি; তং গরুং কত্ৰা সৰিতক্কসৰিচারা খন্ধা উপ্পজ্জন্তি. অৰিতক্কৰিচারমত্তে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স অধিপতিপচ্চযেন পচ্চযো. সহজাতাধিপতি – অৰিতক্কৰিচারমত্তা অধিপতি ৰিচারস্স চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অৰিতক্কৰিচারমত্তো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অধিপতিপচ্চযেন পচ্চযো. সহজাতাধিপতি – অৰিতক্কৰিচারমত্তা অধিপতি সম্পযুত্তকানং খন্ধানং ৰিচারস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

অৰিতক্কৰিচারমত্তো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – অৰিতক্কৰিচারমত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. অৰিতক্কৰিচারমত্তে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৫)

৭৬. অৰিতক্কঅৰিচারো ধম্মো অৰিতক্কঅৰিচারস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – নিব্বানং অৰিতক্কঅৰিচারস্স মগ্গস্স ফলস্স ৰিচারস্স চ অধিপতিপচ্চযেন পচ্চযো. সহজাতাধিপতি – অৰিতক্কঅৰিচারা অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অৰিতক্কঅৰিচারো ধম্মো সৰিতক্কসৰিচারস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি; তং গরুং কত্ৰা সৰিতক্কসৰিচারা খন্ধা উপ্পজ্জন্তি, অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স ৰোদানস্স সৰিতক্কসৰিচারস্স মগ্গস্স ফলস্স অধিপতিপচ্চযেন পচ্চযো. চক্খুং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… অৰিতক্কঅৰিচারে খন্ধে চ ৰিচারঞ্চ গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

অৰিতক্কঅৰিচারো ধম্মো অৰিতক্কৰিচারমত্তস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি; তং গরুং কত্ৰা ৰিতক্কো উপ্পজ্জতি, অরিযা নিব্বানং গরুং কত্ৰা পচ্চৰেক্খন্তি; নিব্বানং অৰিতক্কৰিচারমত্তস্স মগ্গস্স ফলস্স ৰিতক্কস্স চ অধিপতিপচ্চযেন পচ্চযো. চক্খুং…পে… ৰত্থুং… অৰিতক্কঅৰিচারে খন্ধে চ ৰিচারঞ্চ গরুং কত্ৰা অস্সাদেতি অভিনন্দতি; তং গরুং কত্ৰা ৰিতক্কো উপ্পজ্জতি. (৩)

অৰিতক্কঅৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং অৰিতক্কৰিচারমত্তস্স মগ্গস্স ফলস্স ৰিচারস্স চ অধিপতিপচ্চযেন পচ্চযো. (৪)

অৰিতক্কঅৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – অরিযা অৰিতক্কঅৰিচারা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি, অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স ৰিতক্কস্স চ ৰোদানস্স ৰিতক্কস্স চ সৰিতক্কসৰিচারস্স মগ্গস্স ৰিতক্কস্স চ সৰিতক্কসৰিচারস্স ফলস্স ৰিতক্কস্স চ অধিপতিপচ্চযেন পচ্চযো. চক্খুং গরুং কত্ৰা…পে… ৰত্থুং… অৰিতক্কঅৰিচারে খন্ধে চ ৰিচারঞ্চ গরুং কত্ৰা অস্সাদেতি অভিনন্দতি; তং গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৫)

৭৭. অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স অধিপতিপচ্চযেন পচ্চযো. আরম্মণাধিপতি – অৰিতক্কৰিচারমত্তে খন্ধে চ ৰিচারঞ্চ গরুং কত্ৰা সৰিতক্কসৰিচারা খন্ধা উপ্পজ্জন্তি. (১)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স অধিপতিপচ্চযেন পচ্চযো. আরম্মণাধিপতি – অৰিতক্কৰিচারমত্তে খন্ধে চ ৰিচারঞ্চ গরুং কত্ৰা ৰিতক্কো উপ্পজ্জতি. (২)

অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – অৰিতক্কৰিচারমত্তে খন্ধে চ ৰিচারঞ্চ গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৩)

৭৮. সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স ধম্মস্স অধিপতিপচ্চযেন পচ্চযো. আরম্মণাধিপতি – সৰিতক্কসৰিচারে খন্ধে চ ৰিতক্কঞ্চ গরুং কত্ৰা সৰিতক্কসৰিচারা খন্ধা উপ্পজ্জন্তি. (১)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কৰিচারমত্তস্স ধম্মস্স অধিপতিপচ্চযেন পচ্চযো. আরম্মণাধিপতি – সৰিতক্কসৰিচারে খন্ধে চ ৰিতক্কঞ্চ গরুং কত্ৰা ৰিতক্কো উপ্পজ্জতি. (২)

সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – সৰিতক্কসৰিচারে খন্ধে চ ৰিতক্কঞ্চ গরুং কত্ৰা সৰিতক্কসৰিচারা খন্ধা চ ৰিতক্কো চ উপ্পজ্জন্তি. (৩)

অনন্তরপচ্চযো

৭৯. সৰিতক্কসৰিচারো ধম্মো সৰিতক্কসৰিচারস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা পচ্ছিমানং পচ্ছিমানং সৰিতক্কসৰিচারানং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু সৰিতক্কসৰিচারস্স মগ্গস্স… ৰোদানং সৰিতক্কসৰিচারস্স মগ্গস্স… সৰিতক্কসৰিচারো মগ্গো সৰিতক্কসৰিচারস্স ফলস্স… সৰিতক্কসৰিচারং ফলং সৰিতক্কসৰিচারস্স ফলস্স… অনুলোমং সৰিতক্কসৰিচারায ফলসমাপত্তিযা অনন্তরপচ্চযেন পচ্চযো. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো. সৰিতক্কসৰিচারং চুতিচিত্তং অৰিতক্কৰিচারমত্তস্স উপপত্তিচিত্তস্স…পে… সৰিতক্কসৰিচারা খন্ধা অৰিতক্কৰিচারমত্তস্স ৰুট্ঠানস্স ৰিতক্কস্স চ…পে… অৰিতক্কৰিচারমত্তস্স ঝানস্স পরিকম্মং অৰিতক্কৰিচারমত্তস্স ঝানস্স… গোত্রভু অৰিতক্কৰিচারমত্তস্স মগ্গস্স… ৰোদানং অৰিতক্কৰিচারমত্তস্স মগ্গস্স… অনুলোমং অৰিতক্কৰিচারমত্তায ফলসমাপত্তিযা ৰিতক্কস্স চ অনন্তরপচ্চযেন পচ্চযো. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স অনন্তরপচ্চযেন পচ্চযো – সৰিতক্কসৰিচারং চুতিচিত্তং অৰিতক্কঅৰিচারস্স উপপত্তিচিত্তস্স ৰিচারস্স চ অনন্তরপচ্চযেন পচ্চযো – আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো. সৰিতক্কসৰিচারা খন্ধা অৰিতক্কঅৰিচারস্স ৰুট্ঠানস্স ৰিচারস্স চ…পে… দুতিযস্স ঝানস্স পরিকম্মং দুতিযে ঝানে ৰিচারস্স অনন্তরপচ্চযেন পচ্চযো. ততিযস্স ঝানস্স পরিকম্মং …পে… চতুত্থস্স ঝানস্স পরিকম্মং…পে… আকাসানঞ্চাযতনস্স পরিকম্মং…পে… ৰিঞ্ঞাণঞ্চাযতনস্স পরিকম্মং…পে… আকিঞ্চঞ্ঞাযতনস্স পরিকম্মং…পে… নেৰসঞ্ঞানাসঞ্ঞাযতনস্স পরিকম্মং…পে… দিব্বস্স চক্খুস্স পরিকম্মং…পে… দিব্বায সোতধাতুযা পরিকম্মং…পে… ইদ্ধিৰিধঞাণস্স পরিকম্মং…পে… চেতোপরিযঞাণস্স পরিকম্মং…পে… পুব্বেনিৰাসানুস্সতিঞাণস্স পরিকম্মং…পে… যথাকম্মূপগঞাণস্স পরিকম্মং…পে… অনাগতংসঞাণস্স পরিকম্মং…পে… গোত্রভু অৰিতক্কঅৰিচারস্স মগ্গস্স ৰিচারস্স চ… ৰোদানং অৰিতক্কঅৰিচারস্স মগ্গস্স ৰিচারস্স চ… অনুলোমং অৰিতক্কঅৰিচারায ফলসমাপত্তিযা ৰিচারস্স চ অনন্তরপচ্চযেন পচ্চযো. (৩)

সৰিতক্কসৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অনন্তরপচ্চযেন পচ্চযো – সৰিতক্কসৰিচারং চুতিচিত্তং অৰিতক্কৰিচারমত্তস্স উপপত্তিচিত্তস্স ৰিচারস্স চ অনন্তরপচ্চযেন পচ্চযো. সৰিতক্কসৰিচারা খন্ধা অৰিতক্কৰিচারমত্তস্স ৰুট্ঠানস্স ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তস্স ঝানস্স পরিকম্মং অৰিতক্কৰিচারমত্তস্স ঝানস্স ৰিচারস্স চ অনন্তরপচ্চযেন পচ্চযো. গোত্রভু অৰিতক্কৰিচারমত্তস্স মগ্গস্স ৰিচারস্স চ… ৰোদানং অৰিতক্কৰিচারমত্তস্স মগ্গস্স ৰিচারস্স চ… অনুলোমং অৰিতক্কৰিচারমত্তায ফলসমাপত্তিযা ৰিচারস্স চ অনন্তরপচ্চযেন পচ্চযো. (৪)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা পচ্ছিমানং পচ্ছিমানং সৰিতক্কসৰিচারানং খন্ধানং ৰিতক্কস্স চ অনন্তরপচ্চযেন পচ্চযো. অনুলোমং গোত্রভুস্স ৰিতক্কস্স চ… অনুলোমং ৰোদানস্স ৰিতক্কস্স চ… গোত্রভু সৰিতক্কসৰিচারস্স মগ্গস্স ৰিতক্কস্স চ… ৰোদানং সৰিতক্কসৰিচারস্স মগ্গস্স ৰিতক্কস্স চ… সৰিতক্কসৰিচারো মগ্গো সৰিতক্কসৰিচারস্স ফলস্স ৰিতক্কস্স চ… সৰিতক্কসৰিচারং ফলং সৰিতক্কসৰিচারস্স ফলস্স ৰিতক্কস্স চ… অনুলোমং সৰিতক্কসৰিচারায ফলসমাপত্তিযা ৰিতক্কস্স চ অনন্তরপচ্চযেন পচ্চযো. (৫)

৮০. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো. পুরিমা পুরিমা অৰিতক্কৰিচারমত্তা খন্ধা পচ্ছিমানং পচ্ছিমানং অৰিতক্কৰিচারমত্তানং খন্ধানং অনন্তরপচ্চযেন পচ্চযো. অৰিতক্কৰিচারমত্তো মগ্গো অৰিতক্কৰিচারমত্তস্স ফলস্স… অৰিতক্কৰিচারমত্তং ফলং অৰিতক্কৰিচারমত্তস্স ফলস্স অনন্তরপচ্চযেন পচ্চযো. (১)

অৰিতক্কৰিচারমত্তো ধম্মো সৰিতক্কসৰিচারস্স ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমানং পচ্ছিমানং সৰিতক্কসৰিচারানং খন্ধানং অনন্তরপচ্চযেন পচ্চযো. অৰিতক্কৰিচারমত্তং চুতিচিত্তং সৰিতক্কসৰিচারস্স উপপত্তিচিত্তস্স অনন্তরপচ্চযেন পচ্চযো. অৰিতক্কৰিচারমত্তং ভৰঙ্গং আৰজ্জনায অনন্তরপচ্চযেন পচ্চযো. অৰিতক্কৰিচারমত্তা খন্ধা সৰিতক্কসৰিচারস্স ৰুট্ঠানস্স অনন্তরপচ্চযেন পচ্চযো. (২)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স অনন্তরপচ্চযেন পচ্চযো – পুরিমা পুরিমা অৰিতক্কৰিচারমত্তা খন্ধা পচ্ছিমস্স পচ্ছিমস্স ৰিচারস্স অনন্তরপচ্চযেন পচ্চযো. অৰিতক্কৰিচারমত্তং চুতিচিত্তং ৰিতক্কো চ অৰিতক্কঅৰিচারস্স উপপত্তিচিত্তস্স ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তা খন্ধা ৰিতক্কো চ অৰিতক্কঅৰিচারস্স ৰুট্ঠানস্স ৰিচারস্স চ অনন্তরপচ্চযেন পচ্চযো. (৩)

অৰিতক্কৰিচারমত্তো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অনন্তরপচ্চযেন পচ্চযো – পুরিমা পুরিমা অৰিতক্কৰিচারমত্তা খন্ধা পচ্ছিমানং পচ্ছিমানং অৰিতক্কৰিচারমত্তানং খন্ধানং ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তো মগ্গো অৰিতক্কৰিচারমত্তস্স ফলস্স ৰিচারস্স চ… অৰিতক্কৰিচারমত্তং ফলং অৰিতক্কৰিচারমত্তস্স ফলস্স ৰিচারস্স চ অনন্তরপচ্চযেন পচ্চযো. (৪)

অৰিতক্কৰিচারমত্তো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমানং পচ্ছিমানং সৰিতক্কসৰিচারানং খন্ধানং ৰিতক্কস্স চ অনন্তরপচ্চযেন পচ্চযো. অৰিতক্কৰিচারমত্তং চুতিচিত্তং সৰিতক্কসৰিচারস্স উপপত্তিচিত্তস্স ৰিতক্কস্স চ অনন্তরপচ্চযেন পচ্চযো. অৰিতক্কৰিচারমত্তং ভৰঙ্গং আৰজ্জনায ৰিতক্কস্স চ অনন্তরপচ্চযেন পচ্চযো. অৰিতক্কৰিচারমত্তা খন্ধা সৰিতক্কসৰিচারস্স ৰুট্ঠানস্স ৰিতক্কস্স চ অনন্তরপচ্চযেন পচ্চযো. (৫)

৮১. অৰিতক্কঅৰিচারো ধম্মো অৰিতক্কঅৰিচারস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচারো পচ্ছিমস্স পচ্ছিমস্স ৰিচারস্স অনন্তরপচ্চযেন পচ্চযো. পুরিমা পুরিমা অৰিতক্কঅৰিচারা খন্ধা পচ্ছিমানং পচ্ছিমানং অৰিতক্কঅৰিচারানং খন্ধানং অনন্তরপচ্চযেন পচ্চযো. অৰিতক্কঅৰিচারো মগ্গো অৰিতক্কঅৰিচারস্স ফলস্স… অৰিতক্কঅৰিচারং ফলং অৰিতক্কঅৰিচারস্স ফলস্স অনন্তরপচ্চযেন পচ্চযো. নিরোধা ৰুট্ঠহন্তস্স নেৰসঞ্ঞানাসঞ্ঞাযতনং অৰিতক্কঅৰিচারায ফলসমাপত্তিযা ৰিচারস্স চ অনন্তরপচ্চযেন পচ্চযো. (১)

অৰিতক্কঅৰিচারো ধম্মো সৰিতক্কসৰিচারস্স ধম্মস্স অনন্তরপচ্চযেন পচ্চযো – অৰিতক্কঅৰিচারং চুতিচিত্তং ৰিচারো চ সৰিতক্কসৰিচারস্স উপপত্তিচিত্তস্স অনন্তরপচ্চযেন পচ্চযো. অৰিতক্কঅৰিচারং ভৰঙ্গং ৰিচারো চ আৰজ্জনায অনন্তরপচ্চযেন পচ্চযো. অৰিতক্কঅৰিচারা খন্ধা ৰিচারো চ সৰিতক্কসৰিচারস্স ৰুট্ঠানস্স অনন্তরপচ্চযেন পচ্চযো. নিরোধা ৰুট্ঠহন্তস্স নেৰসঞ্ঞানাসঞ্ঞাযতনং সৰিতক্কসৰিচারায ফলসমাপত্তিযা অনন্তরপচ্চযেন পচ্চযো. (২)

অৰিতক্কঅৰিচারো ধম্মো অৰিতক্কৰিচারমত্তস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচারো পচ্ছিমানং পচ্ছিমানং অৰিতক্কৰিচারমত্তানং খন্ধানং অনন্তরপচ্চযেন পচ্চযো. অৰিতক্কঅৰিচারং চুতিচিত্তং ৰিচারো চ অৰিতক্কৰিচারমত্তস্স উপপত্তিচিত্তস্স ৰিতক্কস্স চ অনন্তরপচ্চযেন পচ্চযো. অৰিতক্কঅৰিচারা খন্ধা ৰিচারো চ অৰিতক্কৰিচারমত্তস্স ৰুট্ঠানস্স ৰিতক্কস্স চ অনন্তরপচ্চযেন পচ্চযো. নিরোধা ৰুট্ঠহন্তস্স নেৰসঞ্ঞানাসঞ্ঞাযতনং অৰিতক্কৰিচারমত্তায ফলসমাপত্তিযা ৰিতক্কস্স চ অনন্তরপচ্চযেন পচ্চযো. (৩)

অৰিতক্কঅৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অনন্তরপচ্চযেন পচ্চযো – পুরিমো পুরিমো ৰিচারো পচ্ছিমানং পচ্ছিমানং অৰিতক্কৰিচারমত্তানং খন্ধানং ৰিচারস্স চ অনন্তরপচ্চযেন পচ্চযো. অৰিতক্কঅৰিচারং চুতিচিত্তং অৰিতক্কৰিচারমত্তস্স উপপত্তিচিত্তস্স ৰিচারস্স চ অনন্তরপচ্চযেন পচ্চযো. অৰিতক্কঅৰিচারা খন্ধা অৰিতক্কৰিচারমত্তস্স ৰুট্ঠানস্স ৰিচারস্স চ অনন্তরপচ্চযেন পচ্চযো. নিরোধা ৰুট্ঠহন্তস্স নেৰসঞ্ঞানাসঞ্ঞাযতনং অৰিতক্কৰিচারমত্তায ফলসমাপত্তিযা ৰিচারস্স চ অনন্তরপচ্চযেন পচ্চযো. (৪)

অৰিতক্কঅৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অনন্তরপচ্চযেন পচ্চযো – অৰিতক্কঅৰিচারং চুতিচিত্তং ৰিচারো চ সৰিতক্কসৰিচারস্স উপপত্তিচিত্তস্স ৰিতক্কস্স চ অনন্তরপচ্চযেন পচ্চযো. অৰিতক্কঅৰিচারং ভৰঙ্গঞ্চ ৰিচারো চ আৰজ্জনায ৰিতক্কস্স চ অনন্তরপচ্চযেন পচ্চযো. অৰিতক্কঅৰিচারা খন্ধা ৰিচারো চ সৰিতক্কসৰিচারস্স ৰুট্ঠানস্স ৰিতক্কস্স চ অনন্তরপচ্চযেন পচ্চযো. নিরোধা ৰুট্ঠহন্তস্স নেৰসঞ্ঞানাসঞ্ঞাযতনং সৰিতক্কসৰিচারায ফলসমাপত্তিযা ৰিতক্কস্স চ অনন্তরপচ্চযেন পচ্চযো. (৫)

৮২. অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স অনন্তরপচ্চযেন পচ্চযো – অৰিতক্কৰিচারমত্তং চুতিচিত্তঞ্চ ৰিচারো চ সৰিতক্কসৰিচারস্স উপপত্তিচিত্তস্স অনন্তরপচ্চযেন পচ্চযো. অৰিতক্কৰিচারমত্তং ভৰঙ্গঞ্চ ৰিচারো চ আৰজ্জনায অনন্তরপচ্চযেন পচ্চযো. অৰিতক্কৰিচারমত্তা খন্ধা চ ৰিচারো চ সৰিতক্কসৰিচারস্স ৰুট্ঠানস্স অনন্তরপচ্চযেন পচ্চযো. (১)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স অনন্তরপচ্চযেন পচ্চযো – পুরিমা পুরিমা অৰিতক্কৰিচারমত্তা খন্ধা চ ৰিচারো চ পচ্ছিমানং পচ্ছিমানং অৰিতক্কৰিচারমত্তানং খন্ধানং অনন্তরপচ্চযেন পচ্চযো. অৰিতক্কৰিচারমত্তো মগ্গো চ ৰিচারো চ অৰিতক্কৰিচারমত্তস্স ফলস্স অনন্তরপচ্চযেন পচ্চযো. অৰিতক্কৰিচারমত্তং ফলঞ্চ ৰিচারো চ অৰিতক্কৰিচারমত্তস্স ফলস্স অনন্তরপচ্চযেন পচ্চযো. (২)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স অনন্তরপচ্চযেন পচ্চযো – পুরিমা পুরিমা অৰিতক্কৰিচারমত্তা খন্ধা চ ৰিচারো চ পচ্ছিমস্স পচ্ছিমস্স ৰিচারস্স অনন্তরপচ্চযেন পচ্চযো. অৰিতক্কৰিচারমত্তং চুতিচিত্তঞ্চ ৰিচারো চ অৰিতক্কঅৰিচারস্স উপপত্তিচিত্তস্স অনন্তরপচ্চযেন পচ্চযো. অৰিতক্কৰিচারমত্তা খন্ধা চ ৰিচারো চ অৰিতক্কঅৰিচারস্স ৰুট্ঠানস্স অনন্তরপচ্চযেন পচ্চযো. (৩)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অনন্তরপচ্চযেন পচ্চযো – পুরিমা পুরিমা অৰিতক্কৰিচারমত্তা খন্ধা চ ৰিচারো চ পচ্ছিমানং পচ্ছিমানং অৰিতক্কৰিচারমত্তানং খন্ধানং ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তো মগ্গো চ ৰিচারো চ অৰিতক্কৰিচারমত্তস্স ফলস্স ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তং ফলঞ্চ ৰিচারো চ অৰিতক্কৰিচারমত্তস্স ফলস্স চ ৰিচারস্স চ অনন্তরপচ্চযেন পচ্চযো. (৪)

অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অনন্তরপচ্চযেন পচ্চযো – অৰিতক্কৰিচারমত্তং চুতিচিত্তঞ্চ ৰিচারো চ সৰিতক্কসৰিচারস্স উপপত্তিচিত্তস্স ৰিতক্কস্স চ অনন্তরপচ্চযেন পচ্চযো. অৰিতক্কৰিচারমত্তং ভৰঙ্গঞ্চ ৰিচারো চ আৰজ্জনায ৰিতক্কস্স চ অনন্তরপচ্চযেন পচ্চযো. অৰিতক্কৰিচারমত্তা খন্ধা চ ৰিচারো চ সৰিতক্কসৰিচারস্স ৰুট্ঠানস্স ৰিতক্কস্স চ অনন্তরপচ্চযেন পচ্চযো. (৫)

৮৩. সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা চ ৰিতক্কো চ পচ্ছিমানং পচ্ছিমানং সৰিতক্কসৰিচারানং খন্ধানং অনন্তরপচ্চযেন পচ্চযো. অনুলোমঞ্চ ৰিতক্কো চ গোত্রভুস্স… অনুলোমঞ্চ ৰিতক্কো চ ৰোদানস্স… গোত্রভু চ ৰিতক্কো চ সৰিতক্কসৰিচারস্স মগ্গস্স… ৰোদানঞ্চ ৰিতক্কো চ সৰিতক্কসৰিচারস্স মগ্গস্স… সৰিতক্কসৰিচারো মগ্গো চ ৰিতক্কো চ সৰিতক্কসৰিচারস্স ফলস্স… সৰিতক্কসৰিচারং ফলঞ্চ ৰিতক্কো চ সৰিতক্কসৰিচারস্স ফলস্স… অনুলোমঞ্চ ৰিতক্কো চ সৰিতক্কসৰিচারায ফলসমাপত্তিযা অনন্তরপচ্চযেন পচ্চযো. (১)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কৰিচারমত্তস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা চ ৰিতক্কো চ পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো. সৰিতক্কসৰিচারং চুতিচিত্তঞ্চ ৰিতক্কো চ অৰিতক্কৰিচারমত্তস্স উপপত্তিচিত্তস্স অনন্তরপচ্চযেন পচ্চযো. সৰিতক্কসৰিচারা খন্ধা চ ৰিতক্কো চ অৰিতক্কৰিচারমত্তস্স ৰুট্ঠানস্স অনন্তরপচ্চযেন পচ্চযো. অৰিতক্কৰিচারমত্তস্স ঝানস্স পরিকম্মঞ্চ ৰিতক্কো চ অৰিতক্কৰিচারমত্তস্স ঝানস্স অনন্তরপচ্চযেন পচ্চযো. গোত্রভু চ ৰিতক্কো চ অৰিতক্কৰিচারমত্তস্স মগ্গস্স… ৰোদানঞ্চ ৰিতক্কো চ অৰিতক্কৰিচারমত্তস্স মগ্গস্স … অনুলোমঞ্চ ৰিতক্কো চ অৰিতক্কৰিচারমত্তায ফলসমাপত্তিযা অনন্তরপচ্চযেন পচ্চযো. (২)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কঅৰিচারস্স ধম্মস্স অনন্তরপচ্চযেন পচ্চযো – সৰিতক্কসৰিচারং চুতিচিত্তঞ্চ ৰিতক্কো চ অৰিতক্কঅৰিচারস্স উপপত্তিচিত্তস্স ৰিচারস্স চ অনন্তরপচ্চযেন পচ্চযো. আৰজ্জনা চ ৰিতক্কো চ পঞ্চন্নং ৰিঞ্ঞাণানং অনন্তরপচ্চযেন পচ্চযো. সৰিতক্কসৰিচারা খন্ধা চ ৰিতক্কো চ অৰিতক্কঅৰিচারস্স ৰুট্ঠানস্স চ ৰিচারস্স চ অনন্তরপচ্চযেন পচ্চযো. দুতিযস্স ঝানস্স পরিকম্মঞ্চ ৰিতক্কো চ দুতিযে ঝানে ৰিচারস্স অনন্তরপচ্চযেন পচ্চযো. ততিযস্স ঝানস্স পরিকম্মঞ্চ ৰিতক্কো চ…পে… চতুত্থস্স ঝানস্স পরিকম্মঞ্চ ৰিতক্কো চ…পে… আকাসানঞ্চাযতনস্স পরিকম্মঞ্চ ৰিতক্কো চ…পে… ৰিঞ্ঞাণঞ্চাযতনস্স পরিকম্মঞ্চ ৰিতক্কো চ…পে… আকিঞ্চঞ্ঞাযতনস্স পরিকম্মঞ্চ ৰিতক্কো চ…পে… নেৰসঞ্ঞানাসঞ্ঞাযতনস্স পরিকম্মঞ্চ ৰিতক্কো চ …পে… দিব্বস্স চক্খুস্স পরিকম্মঞ্চ ৰিতক্কো চ…পে… দিব্বায সোতধাতুযা পরিকম্মঞ্চ ৰিতক্কো চ…পে… ইদ্ধিৰিধঞাণস্স পরিকম্মঞ্চ ৰিতক্কো চ…পে… চেতোপরিযঞাণস্স পরিকম্মঞ্চ ৰিতক্কো চ…পে… পুব্বেনিৰাসানুস্সতিঞাণস্স পরিকম্মঞ্চ ৰিতক্কো চ…পে… যথাকম্মূপগঞাণস্স পরিকম্মঞ্চ ৰিতক্কো চ…পে… অনাগতংসঞাণস্স পরিকম্মঞ্চ ৰিতক্কো চ…পে… গোত্রভু চ ৰিতক্কো চ অৰিতক্কঅৰিচারস্স মগ্গস্স ৰিচারস্স চ… ৰোদানঞ্চ ৰিতক্কো চ অৰিতক্কঅৰিচারস্স মগ্গস্স ৰিচারস্স চ… অনুলোমঞ্চ ৰিতক্কো চ অৰিতক্কঅৰিচারায ফলসমাপত্তিযা ৰিচারস্স চ অনন্তরপচ্চযেন পচ্চযো. (৩)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অনন্তরপচ্চযেন পচ্চযো – সৰিতক্কসৰিচারং চুতিচিত্তঞ্চ ৰিতক্কো চ অৰিতক্কৰিচারমত্তস্স উপপত্তিচিত্তস্স চ ৰিচারস্স চ অনন্তরপচ্চযেন পচ্চযো. সৰিতক্কসৰিচারা খন্ধা চ ৰিতক্কো চ অৰিতক্কৰিচারমত্তস্স ৰুট্ঠানস্স চ ৰিচারস্স চ অনন্তরপচ্চযেন পচ্চযো. অৰিতক্কৰিচারমত্তস্স ঝানস্স পরিকম্মঞ্চ ৰিতক্কো চ অৰিতক্কৰিচারমত্তস্স ঝানস্স চ ৰিচারস্স চ অনন্তরপচ্চযেন পচ্চযো. গোত্রভু চ ৰিতক্কো চ অৰিতক্কৰিচারমত্তস্স মগ্গস্স চ ৰিচারস্স চ অনন্তরপচ্চযেন পচ্চযো. ৰোদানঞ্চ ৰিতক্কো চ অৰিতক্কৰিচারমত্তস্স মগ্গস্স চ ৰিচারস্স চ… অনুলোমঞ্চ ৰিতক্কো চ অৰিতক্কৰিচারমত্তায ফলসমাপত্তিযা চ ৰিচারস্স চ অনন্তরপচ্চযেন পচ্চযো. (৪)

সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কসৰিচারা খন্ধা চ ৰিতক্কো চ পচ্ছিমানং পচ্ছিমানং সৰিতক্কসৰিচারানং খন্ধানং ৰিতক্কস্স চ অনন্তরপচ্চযেন পচ্চযো. অনুলোমঞ্চ ৰিতক্কো চ গোত্রভুস্স চ ৰিতক্কস্স চ… অনুলোমঞ্চ ৰিতক্কো চ ৰোদানস্স চ ৰিতক্কস্স চ… গোত্রভু চ ৰিতক্কো চ সৰিতক্কসৰিচারস্স চ মগ্গস্স চ ৰিতক্কস্স চ… ৰোদানঞ্চ ৰিতক্কো চ সৰিতক্কসৰিচারস্স মগ্গস্স চ ৰিতক্কস্স চ অনন্তরপচ্চযেন পচ্চযো. সৰিতক্কসৰিচারো মগ্গো চ ৰিতক্কো চ সৰিতক্কসৰিচারস্স ফলস্স চ ৰিতক্কস্স চ … সৰিতক্কসৰিচারং ফলঞ্চ ৰিতক্কো চ সৰিতক্কসৰিচারস্স ফলস্স চ ৰিতক্কস্স চ… অনুলোমঞ্চ ৰিতক্কো চ সৰিতক্কসৰিচারায ফলসমাপত্তিযা চ ৰিতক্কস্স চ অনন্তরপচ্চযেন পচ্চযো. (৫)

সমনন্তরপচ্চযো

৮৪. সৰিতক্কসৰিচারো ধম্মো সৰিতক্কসৰিচারস্স ধম্মস্স সমনন্তরপচ্চযেন পচ্চযো (অনন্তরপচ্চযোপি সমনন্তরপচ্চযোপি সদিসো).

সহজাতপচ্চযো

৮৫. সৰিতক্কসৰিচারো ধম্মো সৰিতক্কসৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো. পটিসন্ধিক্খণে সৰিতক্কসৰিচারো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং…পে…. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা ৰিতক্কস্স সহজাতপচ্চযেন পচ্চযো. পটিসন্ধিক্খণে…পে…. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে…পে… কটত্তারূপানং…পে…. (৩)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে…পে…. (৪)

সৰিতক্কসৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা ৰিতক্কস্স চ চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে…পে…. (৫)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং ৰিতক্কস্স চ সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিতক্কস্স চ সহজাতপচ্চযেন পচ্চযো. পটিসন্ধিক্খণে…পে…. (৬)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং ৰিতক্কস্স চ চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিতক্কস্স চ চিত্তসমুট্ঠানানঞ্চ রূপানং…পে… পটিসন্ধিক্খণে…পে…. (৭)

৮৬. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স সহজাতপচ্চযেন পচ্চযো – অৰিতক্কৰিচারমত্তো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং…পে… পটিসন্ধিক্খণে…পে…. (১)

অৰিতক্কৰিচারমত্তো ধম্মো সৰিতক্কসৰিচারস্স ধম্মস্স সহজাতপচ্চযেন পচ্চযো – ৰিতক্কো সৰিতক্কসৰিচারানং খন্ধানং সহজাতপচ্চযেন পচ্চযো. পটিসন্ধিক্খণে…পে…. (২)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স সহজাতপচ্চযেন পচ্চযো – অৰিতক্কৰিচারমত্তা খন্ধা ৰিচারস্স চিত্তসমুট্ঠানানঞ্চ রূপানং সহজাতপচ্চযেন পচ্চযো, ৰিতক্কো চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে…পে…. (৩)

অৰিতক্কৰিচারমত্তো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – ৰিতক্কো সৰিতক্কসৰিচারানং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে…পে…. (৪)

অৰিতক্কৰিচারমত্তো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – অৰিতক্কৰিচারমত্তো একো খন্ধো তিণ্ণন্নং খন্ধানং ৰিচারস্স চ চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিচারস্স চ চিত্তসমুট্ঠানানঞ্চ রূপানং…পে… পটিসন্ধিক্খণে…পে…. (৫)

৮৭. অৰিতক্কঅৰিচারো ধম্মো অৰিতক্কঅৰিচারস্স ধম্মস্স সহজাতপচ্চযেন পচ্চযো – অৰিতক্কঅৰিচারো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. ৰিচারো চিত্তসমুট্ঠানানং রূপানং…পে… পটিসন্ধিক্খণে অৰিতক্কঅৰিচারো একো খন্ধো তিণ্ণন্নং খন্ধানং কটত্তা চ রূপানং…পে… দ্ৰে খন্ধা দ্ৰিন্নং খন্ধানং কটত্তা চ রূপানং…পে… ৰিচারো কটত্তারূপানং…পে… খন্ধা ৰত্থুস্স…পে… ৰত্থু খন্ধানং…পে… ৰিচারো ৰত্থুস্স…পে… ৰত্থু ৰিচারস্স…পে… একং মহাভূতং তিণ্ণন্নং মহাভূতানং…পে… মহাভূতা চিত্তসমুট্ঠানানং রূপানং কটত্তারূপানং উপাদারূপানং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… মহাভূতা কটত্তারূপানং উপাদারূপানং সহজাতপচ্চযেন পচ্চযো. (১)

অৰিতক্কঅৰিচারো ধম্মো সৰিতক্কসৰিচারস্স ধম্মস্স সহজাতপচ্চযেন পচ্চযো – পটিসন্ধিক্খণে ৰত্থু সৰিতক্কসৰিচারানং খন্ধানং সহজাতপচ্চযেন পচ্চযো. (২)

অৰিতক্কঅৰিচারো ধম্মো অৰিতক্কৰিচারমত্তস্স ধম্মস্স সহজাতপচ্চযেন পচ্চযো – ৰিচারো অৰিতক্কৰিচারমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৰিচারো অৰিতক্কৰিচারমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৰত্থু অৰিতক্কৰিচারমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৰত্থু ৰিতক্কস্স সহজাতপচ্চযেন পচ্চযো. (৩)

অৰিতক্কঅৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – ৰিচারো অৰিতক্কৰিচারমত্তানং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে ৰিচারো অৰিতক্কৰিচারমত্তানং খন্ধানং কটত্তা চ রূপানং…পে… পটিসন্ধিক্খণে ৰত্থু অৰিতক্কৰিচারমত্তানং খন্ধানং ৰিচারস্স চ সহজাতপচ্চযেন পচ্চযো. (৪)

অৰিতক্কঅৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স সহজাতপচ্চযেন পচ্চযো – পটিসন্ধিক্খণে ৰত্থু সৰিতক্কসৰিচারানং খন্ধানং ৰিতক্কস্স চ সহজাতপচ্চযেন পচ্চযো. (৫)

৮৮. সৰিতক্কসৰিচারো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স সহজাতপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰত্থু চ তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং সহজাতপচ্চযেন পচ্চযো. (১)

সৰিতক্কসৰিচারো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স সহজাতপচ্চযেন পচ্চযো – পটিসন্ধিক্খণে সৰিতক্কসৰিচারা খন্ধা চ ৰত্থু চ ৰিতক্কস্স সহজাতপচ্চযেন পচ্চযো. (২)

সৰিতক্কসৰিচারো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে সৰিতক্কসৰিচারা খন্ধা চ মহাভূতা চ কটত্তারূপানং সহজাতপচ্চযেন পচ্চযো. (৩)

সৰিতক্কসৰিচারো চ অৰিতক্কঅৰিচারো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স সহজাতপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰত্থু চ তিণ্ণন্নং খন্ধানং ৰিতক্কস্স চ…পে… দ্ৰে খন্ধা চ ৰত্থু চ দ্ৰিন্নং খন্ধানং ৰিতক্কস্স চ সহজাতপচ্চযেন পচ্চযো. (৪)

৮৯. অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স সহজাতপচ্চযেন পচ্চযো – পটিসন্ধিক্খণে ৰিতক্কো চ ৰত্থু চ সৰিতক্কসৰিচারানং খন্ধানং সহজাতপচ্চযেন পচ্চযো. (১)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স সহজাতপচ্চযেন পচ্চযো – অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং…পে… দ্ৰে খন্ধা চ ৰিচারো চ দ্ৰিন্নং খন্ধানং সহজাতপচ্চযেন পচ্চযো. পটিসন্ধিক্খণে অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং…পে… দ্ৰে খন্ধা চ ৰিচারো চ দ্ৰিন্নং খন্ধানং…পে… পটিসন্ধিক্খণে অৰিতক্কৰিচারমত্তো একো খন্ধো চ ৰত্থু চ তিণ্ণন্নং খন্ধানং সহজাতপচ্চযেন পচ্চযো. (২)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স সহজাতপচ্চযেন পচ্চযো – অৰিতক্কৰিচারমত্তা খন্ধা চ ৰিচারো চ চিত্তসমুট্ঠানানং রূপানং সহজাতপচ্চযেন পচ্চযো. অৰিতক্কৰিচারমত্তা খন্ধা চ মহাভূতা চ চিত্তসমুট্ঠানানং রূপানং…পে… ৰিতক্কো চ মহাভূতা চ চিত্তসমুট্ঠানানং রূপানং…পে… পটিসন্ধিক্খণে অৰিতক্কৰিচারমত্তা খন্ধা চ ৰিচারো চ কটত্তারূপানং…পে… পটিসন্ধিক্খণে অৰিতক্কৰিচারমত্তা খন্ধা চ মহাভূতা চ কটত্তারূপানং…পে… পটিসন্ধিক্খণে ৰিতক্কো চ মহাভূতা চ কটত্তারূপানং…পে… পটিসন্ধিক্খণে অৰিতক্কৰিচারমত্তা খন্ধা চ ৰত্থু চ ৰিচারস্স সহজাতপচ্চযেন পচ্চযো. (৩)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. তযো খন্ধা চ ৰিচারো চ একস্স খন্ধস্স চিত্তসমুট্ঠানানঞ্চ রূপানং সহজাতপচ্চযেন পচ্চযো. দ্ৰে খন্ধা চ ৰিচারো চ দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং কটত্তা চ রূপানং সহজাতপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে অৰিতক্কৰিচারমত্তো একো খন্ধো চ ৰত্থু চ তিণ্ণন্নং খন্ধানং ৰিচারস্স চ সহজাতপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং ৰিচারস্স চ সহজাতপচ্চযেন পচ্চযো. (৪)

৯০. সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো চ ৰিতক্কো চ তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা চ ৰিতক্কো চ দ্ৰিন্নং খন্ধানং সহজাতপচ্চযেন পচ্চযো. পটিসন্ধিক্খণে…পে…. (১)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কঅৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা চ ৰিতক্কো চ চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে…পে…. (২)

সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স চ অৰিতক্কঅৰিচারস্স চ ধম্মস্স সহজাতপচ্চযেন পচ্চযো – সৰিতক্কসৰিচারো একো খন্ধো চ ৰিতক্কো চ তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা চ ৰিতক্কো চ দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে…পে…. (৩)

৯১. সৰিতক্কসৰিচারো চ অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স সহজাতপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰিতক্কো চ ৰত্থু চ তিণ্ণন্নং খন্ধানং সহজাতপচ্চযেন পচ্চযো…পে… দ্ৰে খন্ধা চ ৰিতক্কো চ ৰত্থু চ দ্ৰিন্নং খন্ধানং সহজাতপচ্চযেন পচ্চযো. (১)

সৰিতক্কসৰিচারো চ অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স সহজাতপচ্চযেন পচ্চযো – সৰিতক্কসৰিচারা খন্ধা চ ৰিতক্কো চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে সৰিতক্কসৰিচারা খন্ধা চ ৰিতক্কো চ মহাভূতা চ কটত্তারূপানং সহজাতপচ্চযেন পচ্চযো. (২)

অঞ্ঞমঞ্ঞপচ্চযো

৯২. সৰিতক্কসৰিচারো ধম্মো সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… পটিসন্ধিক্খণে সৰিতক্কসৰিচারো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (১)

সৰিতক্কসৰিচারো ধম্মো অৰিতক্কৰিচারমত্তস্স ধম্মস্স অঞ্ঞমঞ্ঞপচ্চযেন পচ্চযো – সৰিতক্কসৰিচারা খন্ধা ৰিতক্কস্স অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (২)

সৰিতক্কসৰিচারো ধম্মো অৰিতক্কঅৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারা খন্ধা ৰত্থুস্স অঞ্ঞমঞ্ঞপচ্চযেন পচ্চযো. (৩)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. (৪)

সৰিতক্কসৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারা খন্ধা ৰিতক্কস্স চ ৰত্থুস্স চ অঞ্ঞমঞ্ঞপচ্চযেন পচ্চযো. (৫)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অঞ্ঞমঞ্ঞপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং ৰিতক্কস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিতক্কস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (৬)

সৰিতক্কসৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো তিণ্ণন্নং খন্ধানং ৰিতক্কস্স চ ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিতক্কস্স চ ৰত্থুস্স চ অঞ্ঞমঞ্ঞপচ্চযেন পচ্চযো. (৭)

৯৩. অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স অঞ্ঞমঞ্ঞপচ্চযেন পচ্চযো – অৰিতক্কৰিচারমত্তো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (১)

অৰিতক্কৰিচারমত্তো ধম্মো সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – ৰিতক্কো সৰিতক্কসৰিচারানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (২)

অৰিতক্কৰিচারমত্তো ধম্মো অৰিতক্কঅৰিচারস্স ধম্মস্স অঞ্ঞমঞ্ঞপচ্চযেন পচ্চযো – অৰিতক্কৰিচারমত্তা খন্ধা ৰিচারস্স অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কৰিচারমত্তা খন্ধা ৰিচারস্স চ ৰত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে ৰিতক্কো ৰত্থুস্স অঞ্ঞমঞ্ঞপচ্চযেন পচ্চযো. (৩)

অৰিতক্কৰিচারমত্তো ধম্মো সৰিতক্কসৰিচারস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰিতক্কো সৰিতক্কসৰিচারানং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. (৪)

অৰিতক্কৰিচারমত্তো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – অৰিতক্কৰিচারমত্তো একো খন্ধো তিণ্ণন্নং খন্ধানং ৰিচারস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিচারস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কৰিচারমত্তো একো খন্ধো তিণ্ণন্নং খন্ধানং ৰিচারস্স চ ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰিচারস্স চ ৰত্থুস্স চ অঞ্ঞমঞ্ঞপচ্চযেন পচ্চযো. (৫)

৯৪. অৰিতক্কঅৰিচারো ধম্মো অৰিতক্কঅৰিচারস্স ধম্মস্স অঞ্ঞমঞ্ঞপচ্চযেন পচ্চযো – অৰিতক্কঅৰিচারো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কঅৰিচারো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. খন্ধা ৰত্থুস্স…পে… ৰত্থু খন্ধানং…পে… ৰিচারো ৰত্থুস্স…পে… ৰত্থু ৰিচারস্স…পে… একং মহাভূতং তিণ্ণন্নং মহাভূতানং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

অৰিতক্কঅৰিচারো ধম্মো সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰত্থু সৰিতক্কসৰিচারানং খন্ধানং অঞ্ঞমঞ্ঞপচ্চযেন পচ্চযো. (২)

অৰিতক্কঅৰিচারো ধম্মো অৰিতক্কৰিচারমত্তস্স ধম্মস্স অঞ্ঞমঞ্ঞপচ্চযেন পচ্চযো – ৰিচারো অৰিতক্কৰিচারমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৰিচারো অৰিতক্কৰিচারমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৰত্থু অৰিতক্কৰিচারমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৰত্থু ৰিতক্কস্স অঞ্ঞমঞ্ঞপচ্চযেন পচ্চযো. (৩)

অৰিতক্কঅৰিচারো ধম্মো অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰিচারো অৰিতক্কৰিচারমত্তানং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে ৰত্থু অৰিতক্কৰিচারমত্তানং খন্ধানং ৰিচারস্স চ অঞ্ঞমঞ্ঞপচ্চযেন পচ্চযো. (৪)

অৰিতক্কঅৰিচারো ধম্মো সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰত্থু সৰিতক্কসৰিচারানং খন্ধানং ৰিতক্কস্স চ অঞ্ঞমঞ্ঞপচ্চযেন পচ্চযো. (৫)

৯৫. সৰিতক্কসৰিচারো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰত্থু চ তিণ্ণন্নং খন্ধানং…পে… দ্ৰে খন্ধা চ ৰত্থু চ দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (১)

সৰিতক্কসৰিচারো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারা খন্ধা চ ৰত্থু চ ৰিতক্কস্স অঞ্ঞমঞ্ঞপচ্চযেন পচ্চযো. (২)

সৰিতক্কসৰিচারো চ অৰিতক্কঅৰিচারো চ ধম্মা সৰিতক্কসৰিচারস্স চ অৰিতক্কৰিচারমত্তস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰত্থু চ তিণ্ণন্নং খন্ধানং ৰিতক্কস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং ৰিতক্কস্স চ অঞ্ঞমঞ্ঞপচ্চযেন পচ্চযো. (৩)

৯৬. অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰিতক্কো চ ৰত্থু চ সৰিতক্কসৰিচারানং খন্ধানং অঞ্ঞমঞ্ঞপচ্চযেন পচ্চযো. (১)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স ধম্মস্স অঞ্ঞমঞ্ঞপচ্চযেন পচ্চযো – অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰিচারো চ দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কৰিচারমত্তো একো খন্ধো চ ৰিচারো চ ৰত্থু চ তিণ্ণন্নং খন্ধানং…পে… দ্ৰে খন্ধা চ ৰিচারো চ ৰত্থু চ দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (২)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কঅৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে অৰিতক্কৰিচারমত্তা খন্ধা চ ৰিচারো চ ৰত্থুস্স অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কৰিচারমত্তা খন্ধা চ ৰত্থু চ ৰিচারস্স অঞ্ঞমঞ্ঞপচ্চযেন পচ্চযো. (৩)

অৰিতক্কৰিচারমত্তো চ অৰিতক্কঅৰিচারো চ ধম্মা অৰিতক্কৰিচারমত্তস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে অৰিতক্কৰিচারমত্তো একো খন্ধো চ ৰিচারো চ তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰিচারো চ দ্ৰিন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে অৰিতক্কৰিচারমত্তো একো খন্ধো চ ৰত্থু চ তিণ্ণন্নং খন্ধানং ৰিচারস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং ৰিচারস্স চ অঞ্ঞমঞ্ঞপচ্চযেন পচ্চযো. (৪)

৯৭. সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – সৰিতক্কসৰিচারো একো খন্ধো চ ৰিতক্কো চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰিতক্কো চ দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (১)

সৰিতক্কসৰিচারো চ অৰিতক্কৰিচারমত্তো চ ধম্মা অৰিতক্কঅৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারা খন্ধা চ ৰিতক্কো চ ৰত্থুস্স অঞ্ঞমঞ্ঞপচ্চযেন পচ্চযো. (২)

সৰিতক্কসৰিচারো চ অৰিতক্কৰিচারমত্তো চ ধম্মা সৰিতক্কসৰিচারস্স চ অৰিতক্কঅৰিচারস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰিতক্কো চ তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰিতক্কো চ দ্ৰিন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. (৩)

সৰিতক্কসৰিচারো চ অৰিতক্কৰিচারমত্তো চ অৰিতক্কঅৰিচারো চ ধম্মা সৰিতক্কসৰিচারস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৰিতক্কসৰিচারো একো খন্ধো চ ৰিতক্কো চ ৰত্থু চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা চ ৰিতক্কো চ ৰত্থু চ দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (১)

নিস্সযপচ্চযো

৯৮. সৰিতক্কসৰিচারো ধম্মো সৰিতক্কসৰিচারস্স ধম্মস্স নিস্সযপচ্চযেন পচ্চযো – সৰিতক্কসৰিচারো একো খন্ধো তিণ্ণন্নং খন্ধানং (সংখিত্তং) সত্ত.

অৰিতক্কৰিচারমত্তো ধম্মো অৰিতক্কৰিচারমত্তস্স ধম্মস্স নিস্সযপচ্চযেন পচ্চযো (সংখিত্তং) পঞ্চ.