২. পচ্চযপচ্চনীযং

৪৯. পচ্চনীযে – নহেতুযা তেত্তিংস পঞ্হা, সত্তসু ঠানেসু সত্ত মোহা উদ্ধরিতব্বা মূলপদেসুযেৰ. নআরম্মণে সত্ত চিত্তসমুট্ঠানা উদ্ধরিতব্বা.

নঅধিপতিপচ্চযো

৫০. সৰিতক্কসৰিচারমূলকা সত্ত পঞ্হা নঅধিপতিযা কাতব্বা.

অৰিতক্কৰিচারমত্তং ধম্মং পচ্চযা অৰিতক্কৰিচারমত্তো ধম্মো উপ্পজ্জতি নঅধিপতিপচ্চযা – অৰিতক্কৰিচারমত্তে খন্ধে পচ্চযা অৰিতক্কৰিচারমত্তা অধিপতি, ৰিপাকং অৰিতক্কৰিচারমত্তং একং খন্ধং পচ্চযা তযো খন্ধা…পে… পটিসন্ধিক্খণে…পে…. (১)

অৰিতক্কৰিচারমত্তং ধম্মং পচ্চযা (যথা পটিচ্চনযে তথা পঞ্চ পঞ্হা কাতব্বা).

৫১. অৰিতক্কঅৰিচারং ধম্মং পচ্চযা অৰিতক্কঅৰিচারো ধম্মো উপ্পজ্জতি…পে… অৰিতক্কঅৰিচারে খন্ধে পচ্চযা অৰিতক্কঅৰিচারা অধিপতি, ৰিপাকং অৰিতক্কঅৰিচারং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… ৰিপাকং ৰিচারং পচ্চযা চিত্তসমুট্ঠানং রূপং. পটিসন্ধিক্খণে…পে… ৰত্থুং পচ্চযা অৰিতক্কঅৰিচারা অধিপতি, ৰত্থুং পচ্চযা ৰিপাকা অৰিতক্কঅৰিচারা খন্ধা চ ৰিচারো চ…পে…. (১)

অৰিতক্কঅৰিচারং ধম্মং পচ্চযা সৰিতক্কসৰিচারো ধম্মো…পে… ৰত্থুং পচ্চযা সৰিতক্কসৰিচারা খন্ধা. পটিসন্ধিক্খণে…পে…. (২)

অৰিতক্কঅৰিচারং ধম্মং পচ্চযা অৰিতক্কৰিচারমত্তো ধম্মো…পে… ৰিচারং পচ্চযা অৰিতক্কৰিচারমত্তা অধিপতি, ৰত্থুং পচ্চযা অৰিতক্কৰিচারমত্তা অধিপতি, ৰিপাকং ৰিচারং পচ্চযা অৰিতক্কৰিচারমত্তা খন্ধা, ৰত্থুং পচ্চযা ৰিপাকা অৰিতক্কৰিচারমত্তা খন্ধা. পটিসন্ধিক্খণে…পে…. (৩)

অৰিতক্কঅৰিচারং ধম্মং পচ্চযা সৰিতক্কসৰিচারো চ অৰিতক্কঅৰিচারো চ ধম্মা…পে… ৰত্থুং পচ্চযা সৰিতক্কসৰিচারা খন্ধা, মহাভূতে পচ্চযা চিত্তসমুট্ঠানং রূপং. পটিসন্ধিক্খণে…পে…. (৪)

অৰিতক্কঅৰিচারং ধম্মং পচ্চযা অৰিতক্কৰিচারমত্তো চ অৰিতক্কঅৰিচারো চ ধম্মা…পে… ৰিপাকং ৰিচারং পচ্চযা অৰিতক্কৰিচারমত্তা খন্ধা চিত্তসমুট্ঠানঞ্চ রূপং, ৰত্থুং পচ্চযা ৰিপাকা অৰিতক্কৰিচারমত্তা খন্ধা, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা ৰিতক্কো, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা ৰিপাকা অৰিতক্কৰিচারমত্তা খন্ধা চ ৰিচারো চ. পটিসন্ধিক্খণে…পে…. (৫)

অৰিতক্কঅৰিচারং ধম্মং পচ্চযা সৰিতক্কসৰিচারো চ অৰিতক্কৰিচারমত্তো চ ধম্মা…পে… ৰত্থুং পচ্চযা সৰিতক্কসৰিচারা খন্ধা চ ৰিতক্কো চ. পটিসন্ধিক্খণে…পে…. (৬)

(পঠমঘটনাযং সম্পুণ্ণা সত্ত পঞ্হা কাতব্বা.)

৫২. অৰিতক্কৰিচারমত্তঞ্চ অৰিতক্কঅৰিচারঞ্চ ধম্মং পচ্চযা সৰিতক্কসৰিচারো ধম্মো উপ্পজ্জতি…পে… ৰিতক্কঞ্চ ৰত্থুঞ্চ পচ্চযা সৰিতক্কসৰিচারা খন্ধা. পটিসন্ধিক্খণে…পে….

অৰিতক্কৰিচারমত্তঞ্চ অৰিতক্কঅৰিচারঞ্চ ধম্মং পচ্চযা অৰিতক্কৰিচারমত্তো ধম্মো উপ্পজ্জতি…পে… অৰিতক্কৰিচারমত্তে খন্ধে চ ৰিচারঞ্চ পচ্চযা অৰিতক্কৰিচারমত্তা অধিপতি, অৰিতক্কৰিচারমত্তে খন্ধে চ ৰত্থুঞ্চ পচ্চযা অৰিতক্কৰিচারমত্তা অধিপতি, ৰিপাকং অৰিতক্কৰিচারমত্তং একং খন্ধঞ্চ ৰিচারঞ্চ পচ্চযা…পে… ৰিপাকং অৰিতক্কৰিচারমত্তং একং খন্ধঞ্চ ৰত্থুঞ্চ পচ্চযা তযো খন্ধা…পে….

(পটিসন্ধিক্খণে পঞ্চ পঞ্হা কাতব্বা. যত্থ অৰিতক্কৰিচারমত্তং আগচ্ছতি তত্থ ৰিপাকং কাতব্বং. নঅধিপতিমূলকে সত্ততিংস পঞ্হা কাতব্বা.)

নঅনন্তরপচ্চযাদি

৫৩. নঅনন্তরম্পি [নঅনন্তরেপি (ক.)] নসমনন্তরম্পি নঅঞ্ঞমঞ্ঞম্পি নউপনিস্সযম্পি সত্ত পঞ্হা রূপংযেৰ. নপুরেজাতে সত্ততিংস পটিচ্চৰারপচ্চনীযসদিসং. নপচ্ছাজাতে সত্ততিংস, নআসেৰনেপি সদিসং. যত্থ অৰিতক্কৰিচারমত্তোপি আগচ্ছতি, তত্থ ৰিপাকা কাতব্বা.

নকম্মপচ্চযো

৫৪. সৰিতক্কসৰিচারং ধম্মং পচ্চযা সৰিতক্কসৰিচারো ধম্মো উপ্পজ্জতি নকম্মপচ্চযা – সৰিতক্কসৰিচারে খন্ধে পচ্চযা সৰিতক্কসৰিচারা চেতনা. (১)

অৰিতক্কৰিচারমত্তং ধম্মং পচ্চযা অৰিতক্কৰিচারমত্তো ধম্মো…পে… অৰিতক্কৰিচারমত্তে খন্ধে পচ্চযা অৰিতক্কৰিচারমত্তা চেতনা. সৰিতক্কসৰিচারো ধম্মো…পে… ৰিতক্কং পচ্চযা সৰিতক্কসৰিচারা চেতনা. (২)

অৰিতক্কঅৰিচারং ধম্মং পচ্চযা অৰিতক্কঅৰিচারো ধম্মো…পে… অৰিতক্কঅৰিচারা চেতনা…পে… (পরিপুণ্ণং কাতব্বং) সৰিতক্কসৰিচারো…পে… ৰত্থুং পচ্চযা সৰিতক্কসৰিচারা চেতনা. অৰিতক্কৰিচারমত্তো…পে… ৰিচারং পচ্চযা অৰিতক্কৰিচারমত্তা চেতনা. ৰত্থুং পচ্চযা অৰিতক্কৰিচারমত্তা চেতনা. (৩)

৫৫. সৰিতক্কসৰিচারঞ্চ অৰিতক্কঅৰিচারঞ্চ ধম্মং পচ্চযা সৰিতক্কসৰিচারো ধম্মো…পে… সৰিতক্কসৰিচারে খন্ধে চ ৰত্থুঞ্চ পচ্চযা সৰিতক্কসৰিচারা চেতনা. (১)

অৰিতক্কৰিচারমত্তঞ্চ অৰিতক্কঅৰিচারঞ্চ ধম্মং পচ্চযা সৰিতক্কসৰিচারো ধম্মো…পে… ৰিতক্কঞ্চ ৰত্থুঞ্চ পচ্চযা সৰিতক্কসৰিচারা চেতনা. (১)

অৰিতক্কৰিচারমত্তঞ্চ অৰিতক্কঅৰিচারঞ্চ ধম্মং পচ্চযা অৰিতক্কৰিচারমত্তো ধম্মো…পে… অৰিতক্কৰিচারমত্তে খন্ধে চ ৰিচারঞ্চ পচ্চযা অৰিতক্কৰিচারমত্তা চেতনা. অৰিতক্কৰিচারমত্তে খন্ধে চ ৰত্থুঞ্চ পচ্চযা অৰিতক্কৰিচারমত্তা চেতনা. (২)

সৰিতক্কসৰিচারঞ্চ অৰিতক্কৰিচারমত্তঞ্চ ধম্মং পচ্চযা সৰিতক্কসৰিচারো ধম্মো…পে… সৰিতক্কসৰিচারে খন্ধে চ ৰিতক্কঞ্চ পচ্চযা সৰিতক্কসৰিচারা চেতনা. (১)

সৰিতক্কসৰিচারঞ্চ অৰিতক্কৰিচারমত্তঞ্চ অৰিতক্কঅৰিচারঞ্চ ধম্মং পচ্চযা সৰিতক্কসৰিচারো ধম্মো উপ্পজ্জতি নকম্মপচ্চযা – সৰিতক্কসৰিচারে খন্ধে চ ৰিতক্কঞ্চ ৰত্থুঞ্চ পচ্চযা সৰিতক্কসৰিচারা চেতনা. (১)

(নৰিপাকে সত্ততিংস পঞ্হা কাতব্বা. নআহার-নইন্দ্রিয-নঝান-নমগ্গ-নসম্পযুত্তনৰিপ্পযুত্ত-নোনত্থি-নোৰিগতপচ্চযা ৰিত্থারেতব্বা.)