১. ৰিভঙ্গৰারো

হেতুপচ্চযো

১. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ চক্খাযতনং…পে… রসাযতনং…পে…. (১)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ রূপাযতনং. (২)

অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ আপোধাতু, ইত্থিন্দ্রিযং…পে… কবল়ীকারো আহারো. (৩)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ রূপাযতনং, আপোধাতু, ইন্দ্রিযং…পে… কবল়ীকারো আহারো. (৪)

অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা আপোধাতু চ, দ্ৰে মহাভূতে পটিচ্চ একং মহাভূতং আপোধাতু চ. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ চক্খাযতনং…পে… রসাযতনং, আপোধাতু, ইত্থিন্দ্রিযং…পে… কবল়ীকারো আহারো. (৫)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ রূপাযতনং, চক্খাযতনং…পে… রসাযতনং. (৬)

অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ রূপাযতনং, চক্খাযতনং…পে… রসাযতনং, আপোধাতু, ইত্থিন্দ্রিযং…পে… কবল়ীকারো আহারো. (৭)

২. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং রূপং…পে… দ্ৰে খন্ধে পটিচ্চ দ্ৰে খন্ধা অনিদস্সনঅপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ কটত্তারূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ ইত্থিন্দ্রিযং…পে… কবল়ীকারো আহারো. (১)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং কটত্তারূপং. আপোধাতুং পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ রূপাযতনং. (২)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং কটত্তারূপং. আপোধাতুং পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ চক্খাযতনং…পে… রসাযতনং. (৩)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে… দ্ৰে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা. সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে… দ্ৰে খন্ধে…পে… আপোধাতুং পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ রূপাযতনং, ইত্থিন্দ্রিযং…পে… কবল়ীকারো আহারো. (৪)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে… দ্ৰে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে… দ্ৰে খন্ধে…পে… আপোধাতুং পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ চক্খাযতনং…পে… রসাযতনং, ইত্থিন্দ্রিযং…পে… কবল়ীকারো আহারো. (৫)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তারূপং. আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ রূপাযতনং, চক্খাযতনং…পে… রসাযতনং. (৬)

অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে… দ্ৰে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে… দ্ৰে খন্ধে…পে… আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ রূপাযতনং চক্খাযতনং…পে… রসাযতনং, ইত্থিন্দ্রিযং…পে… কবল়ীকারো আহারো. (৭)

৩. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং. (১)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং কটত্তারূপং. অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৰে মহাভূতা, দ্ৰে মহাভূতে চ আপোধাতুঞ্চ পটিচ্চ একং মহাভূতং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে… রসাযতনং. (২)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ ইত্থিন্দ্রিযং…পে… কবল়ীকারো আহারো. (৩)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, ইত্থিন্দ্রিযং…পে… কবল়ীকারো আহারো. (৪)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটতারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে… রসাযতনং, ইত্থিন্দ্রিযং…পে… কবল়ীকারো আহারো. (৫)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, চক্খাযতনং…পে… রসাযতনং. (৬)

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, চক্খাযতনং…পে… রসাযতনং, ইত্থিন্দ্রিযং…পে… কবল়ীকারো আহারো. (৭)

আরম্মণপচ্চযো

৪. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি আরম্মণপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৰে খন্ধে …পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৰে খন্ধে…পে… ৰত্থুং পটিচ্চ খন্ধা. (১)

অধিপতিপচ্চযো

৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ চিত্তসমুট্ঠানং রূপং উপাদারূপং. (১)

(অনিদস্সনসপ্পটিঘমূলকে ইমিনা কারণেন সত্ত পঞ্হা ৰিভজিতব্বা, পরিযোসানপদা নত্থি.)

৬. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং রূপং…পে… দ্ৰে খন্ধে…পে… আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং উপাদারূপং.

(ইমিনা কারণেন অনিদস্সনঅপ্পটিঘমূলকে সত্ত পঞ্হা ৰিভজিতব্বা, নিট্ঠানপদা নত্থি.)

৭. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং. অনিদস্সনঅপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং উপাদারূপং.

(ইমিনা কারণেন সত্তপি পঞ্হা ৰিভজিতব্বা.)

অনন্তর-সমনন্তরপচ্চযা

৮. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অনন্তরপচ্চযা… সমনন্তরপচ্চযা (আরম্মণসদিসং).

সহজাতপচ্চযো

৯. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং. অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনং পটিচ্চ চক্খাযতনং…পে… রসাযতনং. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ দ্ৰে মহাভূতা…পে….

(অনিদস্সনসপ্পটিঘমূলকা সত্ত পঞ্হা ইমিনা কারণেন ৰিভজিতব্বা.)

১০. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং. আপোধাতুং পটিচ্চ ইত্থিন্দ্রিযং…পে… কবল়ীকারো আহারো. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তারূপং উপাদারূপং.

(অনিদস্সনঅপ্পটিঘমূলকে সত্ত পঞ্হা ইমিনা কারণেন কাতব্বা.)

১১. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং. পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং. অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং. ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তারূপং উপাদারূপং.

(ইমিনা কারণেন সত্ত পঞ্হা ৰিভজিতব্বা.)

অঞ্ঞমঞ্ঞপচ্চযো

১২. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং. (১)

অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘে মহাভূতে পটিচ্চ আপোধাতু. (২)

অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা আপোধাতু চ, দ্ৰে মহাভূতে পটিচ্চ একং মহাভূতং আপোধাতু চ. বাহিরং…পে…. (৩)

১৩. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা ৰত্থু চ…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা. (১)

অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – আপোধাতুং পটিচ্চ অনিদস্সনসপ্পটিঘা মহাভূতা. বাহিরং…পে…. (২)

১৪. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৰে মহাভূতা, দ্ৰে মহাভূতে চ আপোধাতুঞ্চ পটিচ্চ একং মহাভূতং. বাহিরং…পে…. (১)

নিস্সযপচ্চযাদি

১৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.