১. ৰিভঙ্গৰারো

হেতুপচ্চযো

২৯. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং হেতুপচ্চযেন পচ্চযো. পটিসন্ধিক্খণে অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং হেতুপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সনিদস্সনসপ্পটিঘানং চিত্তসমুট্ঠানানং রূপানং হেতুপচ্চযেন পচ্চযো. পটিসন্ধিক্খণে…পে…. (২)

(অনিদস্সনঅপ্পটিঘমূলকেযেৰ ইমিনা কারণেন সত্ত পঞ্হা ৰিভজিতব্বা.)

আরম্মণপচ্চযো

৩০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো – রূপে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স আরম্মণপচ্চযেন পচ্চযো. সনিদস্সনসপ্পটিঘা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো. চক্খুং…পে… কাযং… সদ্দে… গন্ধে… রসে… ফোট্ঠব্বে… অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অনিদস্সনসপ্পটিঘা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

৩১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো. অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি…পে… ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিদস্সনঅপ্পটিঘে খন্ধে অনিচ্চতো…পে… দোমনস্সং উপ্পজ্জতি, চেতোপরিযঞাণেন অনিদস্সনঅপ্পটিঘচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… অনিদস্সনঅপ্পটিঘা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

৩২. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো. আরম্মণাধিপতি – রূপং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… কাযং… সদ্দে… গন্ধে… রসে… ফোট্ঠব্বে… গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

৩৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা…পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা…পে… ফলা ৰুট্ঠহিত্ৰা…পে… ফলং গরুং কত্ৰা…পে… নিব্বানং গরুং কত্ৰা… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো. ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিদস্সনঅপ্পটিঘে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিদস্সনঅপ্পটিঘাধিপতি সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং অধিপতিপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনঅপ্পটিঘাধিপতি সনিদস্সনসপ্পটিঘানং চিত্তসমুট্ঠানানং রূপানং অধিপতিপচ্চযেন পচ্চযো. (২)

(অনিদস্সনঅপ্পটিঘমূলকে সত্তপি পঞ্হা ৰিভজিতব্বা, অধিপতি তিৰিধরূপসঙ্গহেন.)

অনন্তরপচ্চযো

৩৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অনন্তরপচ্চযেন পচ্চযো – পুরিমা পুরিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

সমনন্তরপচ্চযো

৩৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স সমনন্তরপচ্চযেন পচ্চযো (অনন্তরসদিসং).

সহজাতপচ্চযাদি

৩৬. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স সহজাতপচ্চযেন পচ্চযো (পটিচ্চৰারসদিসং সাধুকং কাতব্বং. অঞ্ঞমঞ্ঞপচ্চযে পটিচ্চৰারে অঞ্ঞমঞ্ঞসদিসং, নিস্সযপচ্চযে পটিচ্চৰারসদিসং).

উপনিস্সযপচ্চযো

৩৭. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – ৰণ্ণসম্পদং পত্থযমানো দানং দেতি, সীলং সমাদিযতি, উপোসথকম্মং…পে… ৰণ্ণসম্পদা সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – চক্খুসম্পদং পত্থযমানো…পে… কাযসম্পদং… সদ্দসম্পদং…পে… ফোট্ঠব্বসম্পদং পত্থযমানো দানং দেতি, সীলং সমাদিযতি, উপোসথকম্মং… উতুং… সেনাসনং উপনিস্সায দানং দেতি সীলং সমাদিযতি. উপোসথকম্মং, ঝানং… ৰিপস্সনং… মগ্গং… অভিঞ্ঞং… সমাপত্তিং উপ্পাদেতি পাণং হনতি…পে… সঙ্ঘং ভিন্দতি. চক্খুসম্পদা…পে… ফোট্ঠব্বসম্পদা, উতু, সেনাসনং সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

৩৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, সীলং সমাদিযতি, উপোসথকম্মং… ঝানং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. সীলং…পে… পঞ্ঞং… রাগং…পে… পত্থনং, কাযিকং সুখং… কাযিকং দুক্খং… ভোজনং উপনিস্সায দানং দেতি…পে… সঙ্ঘং ভিন্দতি. সদ্ধা …পে… পঞ্ঞা, রাগো…পে… পত্থনা, কাযিকং সুখং… কাযিকং দুক্খং… ভোজনং সদ্ধায…পে… পঞ্ঞায, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

পুরেজাতপচ্চযো

৩৯. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো. আরম্মণপুরেজাতং – রূপে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স পুরেজাতপচ্চযেন পচ্চযো. (১)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… কাযং… সদ্দে…পে… ফোট্ঠব্বে অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স পুরেজাতপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিচ্চতো…পে… দোমনস্সং উপ্পজ্জতি. ৰত্থুপুরেজাতং – ৰত্থু অনিদস্সনঅপ্পটিঘানং খন্ধানং পুরেজাতপচ্চযেন পচ্চযো. (১)

৪০. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. রূপাযতনঞ্চ ৰত্থু চ অনিদস্সনঅপ্পটিঘানং খন্ধানং পুরেজাতপচ্চযেন পচ্চযো. (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. চক্খাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ অনিদস্সনঅপ্পটিঘানং খন্ধানং পুরেজাতপচ্চযেন পচ্চযো. (১)

সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. রূপাযতনঞ্চ চক্খাযতনঞ্চ চক্খুৰিঞ্ঞাণস্স পুরেজাতপচ্চযেন পচ্চযো. (১)

পচ্ছাজাতপচ্চযো

৪১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স পচ্ছাজাতপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুরেজাতস্স ইমস্স সনিদস্সনসপ্পটিঘস্স কাযস্স পচ্ছাজাতপচ্চযেন পচ্চযো. (২)

(এৰং সত্ত পঞ্হা ৰিভজিতব্বা, তিৰিধরূপসঙ্গহো.) (৭)

আসেৰনপচ্চযো

৪২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আসেৰনপচ্চযেন পচ্চযো – পুরিমা পুরিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

৪৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনঅপ্পটিঘা চেতনা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অনিদস্সনঅপ্পটিঘা চেতনা ৰিপাকানং খন্ধানং অনিদস্সনঅপ্পটিঘানঞ্চ কটত্তারূপানং কম্মপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনঅপ্পটিঘা চেতনা সনিদস্সনসপ্পটিঘানং চিত্তসমুট্ঠানানং রূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অনিদস্সনঅপ্পটিঘা চেতনা সনিদস্সনসপ্পটিঘানং কটত্তারূপানং কম্মপচ্চযেন পচ্চযো. (২)

(এৰং সত্ত পঞ্হা সহজাতা নানাক্খণিকা ইমিনা কারণেন ৰিভজিতব্বা, তিৰিধরূপসঙ্গহো.) (৭)

ৰিপাকপচ্চযো

৪৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৰিপাকপচ্চযেন পচ্চযো – ৰিপাকো অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানঞ্চ কটত্তারূপানং ৰিপাকপচ্চযেন পচ্চযো…পে… খন্ধা ৰত্থুস্স ৰিপাকপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৰিপাকপচ্চযেন পচ্চযো – ৰিপাকা অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং রূপানং ৰিপাকপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তারূপানং ৰিপাকপচ্চযেন পচ্চযো. (২)

(এৰং সত্ত পঞ্হা ৰিত্থারেতব্বা, পৰত্তিপটিসন্ধি.) (৭)

আহারপচ্চযো

৪৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আহারপচ্চযেন পচ্চযো – অনিদস্সনঅপ্পটিঘা আহারা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং আহারপচ্চযেন পচ্চযো. পটিসন্ধিক্খণে অনিদস্সনঅপ্পটিঘা আহারা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং আহারপচ্চযেন পচ্চযো. কবল়ীকারো আহারো ইমস্স অনিদস্সনঅপ্পটিঘস্স কাযস্স আহারপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স আহারপচ্চযেন পচ্চযো – অনিদস্সনঅপ্পটিঘা আহারা সনিদস্সনসপ্পটিঘানং চিত্তসমুট্ঠানানং রূপানং আহারপচ্চযেন পচ্চযো. পটিসন্ধিক্খণে অনিদস্সনঅপ্পটিঘা আহারা সনিদস্সনসপ্পটিঘানং কটত্তারূপানং আহারপচ্চযেন পচ্চযো. কবল়ীকারো আহারো ইমস্স সনিদস্সনসপ্পটিঘস্স কাযস্স আহারপচ্চযেন পচ্চযো. (২)

(এৰং সত্ত পঞ্হা পৰত্তিপটিসন্ধি ৰিভজিতব্বা, সত্তসুপি কবল়ীকারো আহারো কাতব্বো.) (৭)

ইন্দ্রিযপচ্চযো

৪৬. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – অনিদস্সনঅপ্পটিঘা ইন্দ্রিযা সম্পযুত্তকানং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. পটিসন্ধিক্খণে অনিদস্সনঅপ্পটিঘা ইন্দ্রিযা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং ইন্দ্রিযপচ্চযেন পচ্চযো. রূপজীৰিতিন্দ্রিযং অনিদস্সনঅপ্পটিঘানং কটত্তারূপানং ইন্দ্রিযপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ইন্দ্রিযপচ্চযেন পচ্চযো – অনিদস্সনঅপ্পটিঘা ইন্দ্রিযা সনিদস্সনসপ্পটিঘানং চিত্তসমুট্ঠানানং রূপানং ইন্দ্রিযপচ্চযেন পচ্চযো. পটিসন্ধিক্খণে অনিদস্সনঅপ্পটিঘা ইন্দ্রিযা সনিদস্সনসপ্পটিঘানং কটত্তারূপানং ইন্দ্রিযপচ্চযেন পচ্চযো. রূপজীৰিতিন্দ্রিযং সনিদস্সনসপ্পটিঘানং কটত্তারূপানং ইন্দ্রিযপচ্চযেন পচ্চযো. (২)

(এৰং পৰত্তিপটিসন্ধি সত্ত পঞ্হা ৰিভজিতব্বা, রূপজীৰিতিন্দ্রিযঞ্চ অন্তে অন্তে.) (৭)

৪৭. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ কাযৰিঞ্ঞাণঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (১)

ঝানপচ্চযাদি

৪৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো – অনিদস্সনঅপ্পটিঘো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে….

ৰিপ্পযুত্তপচ্চযো

৪৯. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো. (১)

অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – অনিদস্সনঅপ্পটিঘা খন্ধা অনিদস্সনঅপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা অনিদস্সনঅপ্পটিঘানং কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স ৰিপ্পযুত্তপচ্চযেন পচ্চযো. ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু অনিদস্সনঅপ্পটিঘানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স ৰিপ্পযুত্তপচ্চযেন পচ্চযো. (১)

অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তারূপানং ৰিপ্পযুত্তপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স সনিদস্সনসপ্পটিঘস্স কাযস্স ৰিপ্পযুত্তপচ্চযেন পচ্চযো. (২)

(অৰসেসা পঞ্চ পঞ্হা এৰং ৰিত্থারেতব্বা. সহজাতা, পচ্ছাজাতা.)

অত্থিপচ্চযো

৫০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুরেজাতং – রূপে অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স অত্থিপচ্চযেন পচ্চযো. (১)

৫১. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনসপ্পটিঘং একং মহাভূতং দ্ৰিন্নং মহাভূতানং অত্থিপচ্চযেন পচ্চযো. দ্ৰে মহাভূতা একস্স মহাভূতস্স অত্থিপচ্চযেন পচ্চযো. অনিদস্সনসপ্পটিঘা মহাভূতা অনিদস্সনসপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো. ফোট্ঠব্বাযতনং চক্খাযতনস্স…পে… রসাযতনস্স অত্থিপচ্চযেন পচ্চযো. বাহিরং… আহারসমুট্ঠানং… উতুসমুট্ঠানং… একং মহাভূতং দ্ৰিন্নং মহাভূতানং অত্থিপচ্চযেন পচ্চযো. দ্ৰে মহাভূতা একস্স মহাভূতস্স অত্থিপচ্চযেন পচ্চযো. উতুসমুট্ঠানা মহাভূতা অনিদস্সনসপ্পটিঘানং উপাদারূপানং অত্থিপচ্চযেন পচ্চযো. অসঞ্ঞসত্তানং অনিদস্সনসপ্পটিঘং একং মহাভূতং দ্ৰিন্নং মহাভূতানং অত্থিপচ্চযেন পচ্চযো. দ্ৰে মহাভূতা…পে…. (১)

অনিদস্সনসপ্পটিঘো ধম্মো সনিদস্সনসপ্পটিঘস্স ধম্মস্স অত্থিপচ্চযেন পচ্চযো. (২)

(পটিচ্চৰারে নিস্সযপচ্চযসদিসং.)

অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – অনিদস্সনসপ্পটিঘা মহাভূতা অনিদস্সনঅপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো (যাৰ অসঞ্ঞসত্তা ৰিত্থারেতব্বা). পুরেজাতং – চক্খুং…পে… কাযং, সদ্দে…পে… ফোট্ঠব্বে অনিচ্চতো…পে… দোমনস্সং উপ্পজ্জতি, চক্খাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স অত্থিপচ্চযেন পচ্চযো. (৩)

(অৰসেসা চত্তারো পঞ্হা ৰিত্থারেতব্বা. পটিচ্চৰারে সহজাতপচ্চযসদিসা, নিন্নানাকরণা.) (৭)

৫২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং অত্থিপচ্চযেন পচ্চযো. দ্ৰে খন্ধা…পে… পটিসন্ধিক্খণে…পে… আপোধাতু অনিদস্সনঅপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং…পে… আপোধাতু ইত্থিন্দ্রিযস্স…পে… কবল়ীকারাহারস্স চ অত্থিপচ্চযেন পচ্চযো. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতু অনিদস্সনঅপ্পটিঘানং কটত্তারূপানং উপাদারূপানং অত্থিপচ্চযেন পচ্চযো. পুরেজাতং – ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিচ্চতো…পে… দোমনস্সং উপ্পজ্জতি, ৰত্থু অনিদস্সনঅপ্পটিঘানং খন্ধানং অত্থিপচ্চযেন পচ্চযো. পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো. কবল়ীকারো আহারো ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো. রূপজীৰিতিন্দ্রিযং অনিদস্সনঅপ্পটিঘানং কটত্তারূপানং অত্থিপচ্চযেন পচ্চযো (এৰং অৰসেসা ছ পঞ্হা ৰিভজিতব্বা. সহজাতং, পচ্ছাজাতং, আহারং, ইন্দ্রিযম্পি কাতব্বা). (৭)

৫৩. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুরেজাতং – রূপাযতনঞ্চ ৰত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো. (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনঅপ্পটিঘা খন্ধা চ মহাভূতা চ সনিদস্সনসপ্পটিঘানং চিত্তসমুট্ঠানানং রূপানং অত্থিপচ্চযেন পচ্চযো. পটিসন্ধিক্খণে… (সংখিত্তং, অসঞ্ঞসত্তানঞ্চ কাতব্বা). (১)

অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনসপ্পটিঘস্স ধম্মস্স অত্থিপচ্চযেন পচ্চযো (সংখিত্তং). (২)

৫৪. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – অনিদস্সনঅপ্পটিঘা খন্ধা চ মহাভূতা চ অনিদস্সনঅপ্পটিঘানং চিত্তসমুট্ঠানানং রূপানং…পে… (যাৰ অসঞ্ঞসত্তা কাতব্বা). পুরেজাতং – চক্খাযতনঞ্চ ৰত্থু চ…পে… ফোট্ঠব্বাযতনঞ্চ ৰত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো. (৩) (অৰসেসা চতস্সো পঞ্হা ৰিভজিতব্বা.) (৭)

৫৫. সনিদস্সনসপ্পটিঘো চ অনিদস্সনসপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো. পুরেজাতং – রূপাযতনঞ্চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো. (১)

সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং. রূপাযতনঞ্চ চক্খাযতনঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং অত্থিপচ্চযেন পচ্চযো. (১)

(নত্থিৰিগতপচ্চযং অনন্তরসদিসং. অৰিগতপচ্চযং অত্থিসদিসং.)