১. ৰিভঙ্গৰারো

নহেতুপচ্চযো

৬. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নহেতুপচ্চযা – অহেতুকং অতীতারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে …পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

৭. অনাগতারম্মণং ধম্মং পটিচ্চ অনাগতারম্মণো ধম্মো উপ্পজ্জতি নহেতুপচ্চযা – অহেতুকং অনাগতারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

৮. পচ্চুপ্পন্নারম্মণং ধম্মং পটিচ্চ পচ্চুপ্পন্নারম্মণো ধম্মো উপ্পজ্জতি নহেতুপচ্চযা – অহেতুকং পচ্চুপ্পন্নারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নঅধিপতিপচ্চযো

৯. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নঅধিপতিপচ্চযা (অনুলোমসহজাতসদিসং).

নপুরেজাতপচ্চযো

১০. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নপুরেজাতপচ্চযা – অরূপে অতীতারম্মণং একং খন্ধং পটিচ্চ…পে… দ্ৰে খন্ধে…পে… পটিসন্ধিক্খণে…পে…. (১)

অনাগতারম্মণং ধম্মং পটিচ্চ অনাগতারম্মণো ধম্মো উপ্পজ্জতি নপুরেজাতপচ্চযা – অরূপে অনাগতারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

পচ্চুপ্পন্নারম্মণং ধম্মং পটিচ্চ পচ্চুপ্পন্নারম্মণো ধম্মো উপ্পজ্জতি নপুরেজাতপচ্চযা – পটিসন্ধিক্খণে পচ্চুপ্পন্নারম্মণং একং খন্ধং পটিচ্চ…পে… দ্ৰে খন্ধে…পে…. (১)

নপচ্ছাজাতপচ্চযাদি

১১. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নপচ্ছাজাতপচ্চযা… নআসেৰনপচ্চযা (নঅধিপতিসদিসা)… নকম্মপচ্চযা – অতীতারম্মণে খন্ধে পটিচ্চ অতীতারম্মণা চেতনা. (১)

অনাগতারম্মণং ধম্মং পটিচ্চ অনাগতারম্মণো ধম্মো উপ্পজ্জতি নকম্মপচ্চযা – অনাগতারম্মণে খন্ধে পটিচ্চ অনাগতারম্মণা চেতনা. (১)

পচ্চুপ্পন্নারম্মণং ধম্মং পটিচ্চ পচ্চুপ্পন্নারম্মণো ধম্মো উপ্পজ্জতি নকম্মপচ্চযা – পচ্চুপ্পন্নারম্মণে খন্ধে পটিচ্চ পচ্চুপ্পন্নারম্মণা চেতনা. (১)

নৰিপাকপচ্চযো

১২. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নৰিপাকপচ্চযা…পে… (নৰিপাকে পটিসন্ধি নত্থি).

নঝানপচ্চযো

১৩. পচ্চুপ্পন্নারম্মণং ধম্মং পটিচ্চ পচ্চুপ্পন্নারম্মণো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

নমগ্গপচ্চযো

১৪. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নমগ্গপচ্চযা – অহেতুকং অতীতারম্মণং একং খন্ধং পটিচ্চ তযো খন্ধা…পে… (নহেতুসদিসা তিস্সো পঞ্হা, মোহো নত্থি ).

নৰিপ্পযুত্তপচ্চযো

১৫. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি নৰিপ্পযুত্তপচ্চযা – অরূপে অতীতারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

অনাগতারম্মণং ধম্মং পটিচ্চ অনাগতারম্মণো ধম্মো উপ্পজ্জতি নৰিপ্পযুত্তপচ্চযা – অরূপে অনাগতারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)