১. ৰিভঙ্গৰারো

হেতুপচ্চযো

১. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি হেতুপচ্চযা – অতীতারম্মণং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. পটিসন্ধিক্খণে অতীতারম্মণং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

২. অনাগতারম্মণং ধম্মং পটিচ্চ অনাগতারম্মণো ধম্মো উপ্পজ্জতি হেতুপচ্চযা – অনাগতারম্মণং একং খন্ধং পটিচ্চ তযো খন্ধা…পে… দ্ৰে খন্ধা. (১)

৩. পচ্চুপ্পন্নারম্মণং ধম্মং পটিচ্চ পচ্চুপ্পন্নারম্মণো ধম্মো উপ্পজ্জতি হেতুপচ্চযা – পচ্চুপ্পন্নারম্মণং একং খন্ধং পটিচ্চ তযো খন্ধা…পে… দ্ৰে খন্ধা. পটিসন্ধিক্খণে পচ্চুপ্পন্নারম্মণং একং খন্ধং পটিচ্চ তযো খন্ধা…পে… দ্ৰে খন্ধা. (১)

আরম্মণপচ্চযাদি

৪. অতীতারম্মণং ধম্মং পটিচ্চ অতীতারম্মণো ধম্মো উপ্পজ্জতি আরম্মণপচ্চযা… অধিপতিপচ্চযা (অধিপতিযা পটিসন্ধি নত্থি)… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা (পুরেজাতেপি আসেৰনেপি পটিসন্ধি নত্থি)… কম্মপচ্চযা… ৰিপাকপচ্চযা (ৰিপাকং অতীতারম্মণং একং খন্ধং, তিস্সোপি পঞ্হা পরিপুণ্ণা. পৰত্তিপটিসন্ধি কাতব্বা)… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.