১. ৰিভঙ্গৰারো

হেতুপচ্চযো

১. মগ্গারম্মণং ধম্মং পটিচ্চ মগ্গারম্মণো ধম্মো উপ্পজ্জতি হেতুপচ্চযা – মগ্গারম্মণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

মগ্গারম্মণং ধম্মং পটিচ্চ মগ্গাধিপতি ধম্মো উপ্পজ্জতি হেতুপচ্চযা – মগ্গারম্মণং একং খন্ধং পটিচ্চ মগ্গাধিপতী তযো খন্ধা, তযো খন্ধে পটিচ্চ একো খন্ধো. দ্ৰে খন্ধে…পে…. (২)

মগ্গারম্মণং ধম্মং পটিচ্চ মগ্গারম্মণো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গারম্মণং একং খন্ধং পটিচ্চ মগ্গারম্মণা চ মগ্গাধিপতী চ তযো খন্ধা…পে… দ্ৰে খন্ধে…পে…. (৩)

২. মগ্গহেতুকং ধম্মং পটিচ্চ মগ্গহেতুকো ধম্মো উপ্পজ্জতি হেতুপচ্চযা – মগ্গহেতুকং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

মগ্গহেতুকং ধম্মং পটিচ্চ মগ্গাধিপতি ধম্মো উপ্পজ্জতি হেতুপচ্চযা – মগ্গহেতুকং একং খন্ধং পটিচ্চ মগ্গাধিপতী তযো খন্ধা…পে… দ্ৰে খন্ধে…পে…. (২)

মগ্গহেতুকং ধম্মং পটিচ্চ মগ্গহেতুকো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গহেতুকং একং খন্ধং পটিচ্চ মগ্গহেতুকা চ মগ্গাধিপতী চ তযো খন্ধা…পে… দ্ৰে খন্ধে…পে…. (৩)

৩. মগ্গাধিপতিং ধম্মং পটিচ্চ মগ্গাধিপতি ধম্মো উপ্পজ্জতি হেতুপচ্চযা – মগ্গাধিপতিং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

মগ্গাধিপতিং ধম্মং পটিচ্চ মগ্গারম্মণো ধম্মো উপ্পজ্জতি হেতুপচ্চযা – মগ্গাধিপতিং একং খন্ধং পটিচ্চ মগ্গারম্মণা তযো খন্ধা…পে… দ্ৰে খন্ধে…পে…. (২)

মগ্গাধিপতিং ধম্মং পটিচ্চ মগ্গহেতুকো ধম্মো উপ্পজ্জতি হেতুপচ্চযা – মগ্গাধিপতিং একং খন্ধং পটিচ্চ মগ্গহেতুকা তযো খন্ধা…পে… দ্ৰে খন্ধে…পে…. (৩)

মগ্গাধিপতিং ধম্মং পটিচ্চ মগ্গারম্মণো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গাধিপতিং একং খন্ধং পটিচ্চ মগ্গারম্মণা চ মগ্গাধিপতী চ তযো খন্ধা…পে… দ্ৰে খন্ধে…পে…. (৪)

মগ্গাধিপতিং ধম্মং পটিচ্চ মগ্গহেতুকো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গাধিপতিং একং খন্ধং পটিচ্চ মগ্গহেতুকা চ মগ্গাধিপতী চ তযো খন্ধা…পে… দ্ৰে খন্ধে…পে…. (৫)

৪. মগ্গারম্মণঞ্চ মগ্গাধিপতিঞ্চ ধম্মং পটিচ্চ মগ্গারম্মণো ধম্মো উপ্পজ্জতি হেতুপচ্চযা – মগ্গারম্মণঞ্চ মগ্গাধিপতিঞ্চ একং খন্ধং পটিচ্চ মগ্গারম্মণা তযো খন্ধা…পে… দ্ৰে খন্ধে…পে…. (১)

মগ্গারম্মণঞ্চ মগ্গাধিপতিঞ্চ ধম্মং পটিচ্চ মগ্গাধিপতি ধম্মো উপ্পজ্জতি হেতুপচ্চযা – মগ্গারম্মণঞ্চ মগ্গাধিপতিঞ্চ একং খন্ধং পটিচ্চ মগ্গাধিপতী তযো খন্ধা…পে… দ্ৰে খন্ধে…পে…. (২)

মগ্গারম্মণঞ্চ মগ্গাধিপতিঞ্চ ধম্মং পটিচ্চ মগ্গারম্মণো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গারম্মণঞ্চ মগ্গাধিপতিঞ্চ একং খন্ধং পটিচ্চ মগ্গারম্মণা চ মগ্গাধিপতী চ তযো খন্ধা…পে… দ্ৰে খন্ধে…পে…. (৩)

৫. মগ্গহেতুকঞ্চ মগ্গাধিপতিঞ্চ ধম্মং পটিচ্চ মগ্গহেতুকো ধম্মো উপ্পজ্জতি হেতুপচ্চযা – মগ্গহেতুকঞ্চ মগ্গাধিপতিঞ্চ একং খন্ধং পটিচ্চ মগ্গহেতুকা তযো খন্ধা…পে… দ্ৰে খন্ধে…পে…. (১)

মগ্গহেতুকঞ্চ মগ্গাধিপতিঞ্চ ধম্মং পটিচ্চ মগ্গাধিপতি ধম্মো উপ্পজ্জতি হেতুপচ্চযা – মগ্গহেতুকঞ্চ মগ্গাধিপতিঞ্চ একং খন্ধং পটিচ্চ মগ্গাধিপতী তযো খন্ধা…পে… দ্ৰে খন্ধে…পে…. (২)

মগ্গহেতুকঞ্চ মগ্গাধিপতিঞ্চ ধম্মং পটিচ্চ মগ্গহেতুকো চ মগ্গাধিপতি চ ধম্মা উপ্পজ্জন্তি হেতুপচ্চযা – মগ্গহেতুকঞ্চ মগ্গাধিপতিঞ্চ একং খন্ধং পটিচ্চ মগ্গহেতুকা চ মগ্গাধিপতী চ তযো খন্ধা…পে… দ্ৰে খন্ধে…পে…. (৩)

আরম্মণপচ্চযাদি

৬. মগ্গারম্মণং ধম্মং পটিচ্চ মগ্গারম্মণো ধম্মো উপ্পজ্জতি আরম্মণপচ্চযা… অধিপতিপচ্চযা… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.