১. ৰিভঙ্গৰারো

নহেতুপচ্চযো

১০. পরিত্তং ধম্মং পটিচ্চ পরিত্তো ধম্মো উপ্পজ্জতি নহেতুপচ্চযা – অহেতুকং পরিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযো

১১. পরিত্তং ধম্মং পটিচ্চ পরিত্তো ধম্মো উপ্পজ্জতি নআরম্মণপচ্চযা – পরিত্তে খন্ধে পটিচ্চ চিত্তসমুট্ঠানং রূপং. পটিসন্ধিক্খণে পরিত্তে খন্ধে পটিচ্চ কটত্তারূপং, খন্ধে পটিচ্চ ৰত্থু…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি নআরম্মণপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে পটিচ্চ কটত্তারূপং. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি নআরম্মণপচ্চযা – অপ্পমাণে খন্ধে পটিচ্চ চিত্তসমুট্ঠানং রূপং. (১)

পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি নআরম্মণপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি নআরম্মণপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে চ মহাভূতে চ পটিচ্চ কটত্তারূপং. (১)

নঅধিপতিপচ্চযো

১২. পরিত্তং ধম্মং পটিচ্চ পরিত্তো ধম্মো উপ্পজ্জতি নঅধিপতিপচ্চযা – পরিত্তং একং খন্ধং পটিচ্চ তযো খন্ধা…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… অসঞ্ঞসত্তানং…পে…. (১)

পরিত্তং ধম্মং পটিচ্চ মহগ্গতো ধম্মো উপ্পজ্জতি নঅধিপতিপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা. (২)

পরিত্তং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা, মহাভূতে পটিচ্চ কটত্তারূপং. (৩)

১৩. মহগ্গতং ধম্মং পটিচ্চ মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে পটিচ্চ মহগ্গতাধিপতি, ৰিপাকং মহগ্গতং একং খন্ধং পটিচ্চ…পে… পটিসন্ধিক্খণে…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি নঅধিপতিপচ্চযা – ৰিপাকে মহগ্গতে খন্ধে পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে পটিচ্চ কটত্তারূপং. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৰিপাকং মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

১৪. অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে পটিচ্চ অপ্পমাণাধিপতি. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি নঅধিপতিপচ্চযা – ৰিপাকে মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে চ মহাভূতে চ পটিচ্চ কটত্তারূপং. (১)

পরিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি নঅধিপতিপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে…. (২)

পরিত্তঞ্চ মহগ্গতঞ্চ ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে… মহগ্গতে খন্ধে চ মহাভূতে চ পটিচ্চ কটত্তারূপং. (৩)

নঅনন্তরপচ্চযাদি

১৫. পরিত্তং ধম্মং পটিচ্চ পরিত্তো ধম্মো উপ্পজ্জতি নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুরেজাতপচ্চযো

১৬. পরিত্তং ধম্মং পটিচ্চ পরিত্তো ধম্মো উপ্পজ্জতি নপুরেজাতপচ্চযা – অরূপে পরিত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… পরিত্তে খন্ধে পটিচ্চ চিত্তসমুট্ঠানং রূপং. পটিসন্ধিক্খণে পরিত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… (সব্বে মহাভূতা ৰিত্থারেতব্বা, অরূপে পরিত্তমূলকে তিস্সো পঞ্হা).

মহগ্গতং ধম্মং পটিচ্চ মহগ্গতো ধম্মো উপ্পজ্জতি নপুরেজাতপচ্চযা – মহগ্গতং একং খন্ধং…পে… পটিসন্ধিক্খণে…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি নপুরেজাতপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে পটিচ্চ কটত্তারূপং. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নপুরেজাতপচ্চযা – পটিসন্ধিক্খণে মহগ্গতং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে…. (৩)

১৭. অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নপুরেজাতপচ্চযা – অরূপে অপ্পমাণং একং খন্ধং…পে…. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি নপুরেজাতপচ্চযা – অপ্পমাণে খন্ধে পটিচ্চ চিত্তসমুট্ঠানং রূপং.(২)

পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি নপুরেজাতপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (৩)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি নপুরেজাতপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. পটিসন্ধিক্খণে…পে…. (১)

পরিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি নপুরেজাতপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে…. (২)

পরিত্তঞ্চ মহগ্গতঞ্চ ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নপুরেজাতপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে… মহগ্গতে খন্ধে চ মহাভূতে চ পটিচ্চ কটত্তারূপং. (৩)

নপচ্ছাজাতপচ্চযাদি

১৮. পরিত্তং ধম্মং পটিচ্চ পরিত্তো ধম্মো উপ্পজ্জতি নপচ্ছাজাতপচ্চযা… নআসেৰনপচ্চযা – পরিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে… অসঞ্ঞসত্তানং একং মহাভূতং…পে….(১)

পরিত্তং ধম্মং পটিচ্চ মহগ্গতো ধম্মো উপ্পজ্জতি নআসেৰনপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা. (২)

পরিত্তং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নআসেৰনপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা, মহাভূতে পটিচ্চ কটত্তারূপং. (৩)

১৯. মহগ্গতং ধম্মং পটিচ্চ মহগ্গতো ধম্মো উপ্পজ্জতি নআসেৰনপচ্চযা – ৰিপাকং মহগ্গতং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে মহগ্গতং একং খন্ধং পটিচ্চ তযো খন্ধা…পে…. (১) মহগ্গতং ধম্মং পটিচ্চ পরিত্তো ধম্মো উপ্পজ্জতি নআসেৰনপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. পটিসন্ধিক্খণে…পে…. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নআসেৰনপচ্চযা – ৰিপাকং মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে মহগ্গতং একং খন্ধং…পে…. (৩)

২০. অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নআসেৰনপচ্চযা – ৰিপাকং অপ্পমাণং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি নআসেৰনপচ্চযা – অপ্পমাণে খন্ধে পটিচ্চ চিত্তসমুট্ঠানং রূপং. (২)

অপ্পমাণং ধম্মং পটিচ্চ পরিত্তো চ অপ্পমাণো চ ধম্মা উপ্পজ্জন্তি নআসেৰনপচ্চযা – ৰিপাকং অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে…. (৩)

২১. পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি নআসেৰনপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি নআসেৰনপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে চ মহাভূতে চ পটিচ্চ কটত্তারূপং. (১)

পরিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি নআসেৰনপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে…. (২)

পরিত্তঞ্চ মহগ্গতঞ্চ ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নআসেৰনপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে… মহগ্গতে খন্ধে চ মহাভূতে চ পটিচ্চ কটত্তারূপং. (৩)

নকম্মপচ্চযো

২২. পরিত্তং ধম্মং পটিচ্চ পরিত্তো ধম্মো উপ্পজ্জতি নকম্মপচ্চযা – পরিত্তে খন্ধে পটিচ্চ পরিত্তা চেতনা. বাহিরং… আহারসমুট্ঠানং… উতুসমুট্ঠানং… একং মহাভূতং…পে…. (১)

মহগ্গতং ধম্মং পটিচ্চ মহগ্গতো ধম্মো উপ্পজ্জতি নকম্মপচ্চযা – মহগ্গতে খন্ধে পটিচ্চ মহগ্গতা চেতনা. (১)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নকম্মপচ্চযা – কুসলে অপ্পমাণে খন্ধে পটিচ্চ অপ্পমাণা চেতনা. (১)

নৰিপাকপচ্চযো

২৩. পরিত্তং ধম্মং পটিচ্চ পরিত্তো ধম্মো উপ্পজ্জতি নৰিপাকপচ্চযা – পরিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

মহগ্গতং ধম্মং পটিচ্চ মহগ্গতো ধম্মো উপ্পজ্জতি নৰিপাকপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি নৰিপাকপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি নৰিপাকপচ্চযা – মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নৰিপাকপচ্চযা – কুসলং অপ্পমাণং একং খন্ধং পটিচ্চ তযো খন্ধা…পে…. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি নৰিপাকপচ্চযা – কুসলে অপ্পমাণে খন্ধে পটিচ্চ চিত্তসমুট্ঠানং রূপং. (২)

অপ্পমাণং ধম্মং পটিচ্চ পরিত্তো চ অপ্পমাণো চ ধম্মা উপ্পজ্জন্তি নৰিপাকপচ্চযা – কুসলং অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি নৰিপাকপচ্চযা – কুসলে অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি নৰিপাকপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নআহারপচ্চযাদি

২৪. পরিত্তং ধম্মং পটিচ্চ পরিত্তো ধম্মো উপ্পজ্জতি নআহারপচ্চযা – বাহিরং… উতুসমুট্ঠানং… অসঞ্ঞসত্তানং (ৰিত্থারেতব্বং)… নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে… মহাভূতে পটিচ্চ রূপজীৰিতিন্দ্রিযং, নঝানপচ্চযা – পঞ্চৰিঞ্ঞাণসহগতং একং খন্ধং…পে… বাহিরং…পে… অসঞ্ঞসত্তানং একং মহাভূতং …পে… (সব্বে মহাভূতা কাতব্বা), নমগ্গপচ্চযা – অহেতুকং পরিত্তং একং খন্ধং…পে… অহেতুকপটিসন্ধিক্খণে একং…পে… (সব্বে মহাভূতা কাতব্বা) নসম্পযুত্তপচ্চযা… নৰিপ্পযুত্তপচ্চযা – অরূপে পরিত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে….

মহগ্গতং ধম্মং পটিচ্চ মহগ্গতো ধম্মো উপ্পজ্জতি নৰিপ্পযুত্তপচ্চযা – অরূপে মহগ্গতং একং খন্ধং…পে…. (১)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি নৰিপ্পযুত্তপচ্চযা – অরূপে অপ্পমাণং একং খন্ধং…পে… নোনত্থিপচ্চযা… নোৰিগতপচ্চযা.