১. ৰিভঙ্গৰারো

হেতুপচ্চযো

১. পরিত্তং ধম্মং পটিচ্চ পরিত্তো ধম্মো উপ্পজ্জতি হেতুপচ্চযা – পরিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে পরিত্তং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ চিত্তসমুট্ঠানং রূপং…পে…. (১)

পরিত্তং ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা. (২)

পরিত্তং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা, মহাভূতে পটিচ্চ কটত্তারূপং. (৩)

২. মহগ্গতং ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি হেতুপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. পটিসন্ধিক্খণে মহগ্গতে খন্ধে পটিচ্চ কটত্তারূপং. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি হেতুপচ্চযা – মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… পটিসন্ধিক্খণে মহগ্গতং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে…. (৩)

৩. অপ্পমাণং ধম্মং পটিচ্চ অপ্পমাণো ধম্মো উপ্পজ্জতি হেতুপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি হেতুপচ্চযা – অপ্পমাণে খন্ধে পটিচ্চ চিত্তসমুট্ঠানং রূপং. (২)

অপ্পমাণং ধম্মং পটিচ্চ পরিত্তো চ অপ্পমাণো চ ধম্মা উপ্পজ্জন্তি হেতুপচ্চযা – অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪. পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি হেতুপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি হেতুপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. পটিসন্ধিক্খণে…পে…. (১)

পরিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি হেতুপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে…. (২)

পরিত্তঞ্চ মহগ্গতঞ্চ ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি হেতুপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে… মহগ্গতে খন্ধে চ মহাভূতে চ পটিচ্চ কটত্তারূপং. (৩)

আরম্মণপচ্চযো

৫. পরিত্তং ধম্মং পটিচ্চ পরিত্তো ধম্মো উপ্পজ্জতি আরম্মণপচ্চযা – পরিত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)

পরিত্তং ধম্মং পটিচ্চ মহগ্গতো ধম্মো উপ্পজ্জতি আরম্মণপচ্চযা – পটিসন্ধিক্খণে ৰত্থুং পটিচ্চ মহগ্গতা খন্ধা. (২)

মহগ্গতং ধম্মং পটিচ্চ মহগ্গতো ধম্মো উপ্পজ্জতি আরম্মণপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি আরম্মণপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

পরিত্তঞ্চ মহগ্গতঞ্চ ধম্মং পটিচ্চ মহগ্গতো ধম্মো উপ্পজ্জতি আরম্মণপচ্চযা – পটিসন্ধিক্খণে মহগ্গতং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে…পে…. (১)

অধিপতিপচ্চযো

৬. পরিত্তং ধম্মং পটিচ্চ পরিত্তো ধম্মো উপ্পজ্জতি অধিপতিপচ্চযা – পরিত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, দ্ৰে খন্ধে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

মহগ্গতং ধম্মং পটিচ্চ মহগ্গতো ধম্মো উপ্পজ্জতি অধিপতিপচ্চযা – মহগ্গতং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

মহগ্গতং ধম্মং পটিচ্চ পরিত্তো ধম্মো উপ্পজ্জতি অধিপতিপচ্চযা – মহগ্গতে খন্ধে পটিচ্চ চিত্তসমুট্ঠানং রূপং. (২)

মহগ্গতং ধম্মং পটিচ্চ পরিত্তো চ মহগ্গতো চ ধম্মা উপ্পজ্জন্তি অধিপতিপচ্চযা – মহগ্গতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

অপ্পমাণং ধম্মং পটিচ্চ অপ্পমাণো ধম্মো উপ্পজ্জতি অধিপতিপচ্চযা – অপ্পমাণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

অপ্পমাণং ধম্মং পটিচ্চ পরিত্তো ধম্মো উপ্পজ্জতি অধিপতিপচ্চযা – অপ্পমাণে খন্ধে পটিচ্চ চিত্তসমুট্ঠানং রূপং. (২)

অপ্পমাণং ধম্মং পটিচ্চ পরিত্তো চ অপ্পমাণো চ ধম্মা উপ্পজ্জন্তি অধিপতিপচ্চযা – অপ্পমাণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৭. পরিত্তঞ্চ অপ্পমাণঞ্চ ধম্মং পটিচ্চ পরিত্তো ধম্মো উপ্পজ্জতি অধিপতিপচ্চযা – অপ্পমাণে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

পরিত্তঞ্চ মহগ্গতঞ্চ ধম্মং পটিচ্চ পরিত্তো ধম্মো উপ্পজ্জতি অধিপতিপচ্চযা – মহগ্গতে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তরপচ্চযাদি

৮. পরিত্তং ধম্মং পটিচ্চ পরিত্তো ধম্মো উপ্পজ্জতি অনন্তরপচ্চযা… সমনন্তরপচ্চযা… সহজাতপচ্চযা (সব্বেপি মহাভূতা কাতব্বা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা … পুরেজাতপচ্চযা (তিস্সো পঞ্হা কাতব্বা)… আসেৰনপচ্চযা (তিস্সো পঞ্হা কাতব্বা)… কম্মপচ্চযা… ৰিপাকপচ্চযা (তেরস পঞ্হা)… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা,… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.

১. পচ্চযানুলোমং

২. সঙ্খ্যাৰারো

৯. হেতুযা তেরস, আরম্মণে পঞ্চ, অধিপতিযা নৰ, অনন্তরে পঞ্চ, সমনন্তরে পঞ্চ, সহজাতে তেরস, অঞ্ঞমঞ্ঞে সত্ত, নিস্সযে তেরস, উপনিস্সযে পঞ্চ, পুরেজাতে তীণি, আসেৰনে তীণি, কম্মে তেরস, ৰিপাকে তেরস, আহারে ইন্দ্রিযে ঝানে মগ্গে তেরস, সম্পযুত্তে পঞ্চ, ৰিপ্পযুত্তে তেরস, অত্থিযা তেরস, নত্থিযা পঞ্চ, ৰিগতে পঞ্চ, অৰিগতে তেরস.

অনুলোমং.