১. ৰিভঙ্গৰারো

হেতুপচ্চযো

৫৫. পরিত্তো ধম্মো পরিত্তস্স ধম্মস্স হেতুপচ্চযেন পচ্চযো – পরিত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে…পে…. (১)

মহগ্গতো ধম্মো মহগ্গতস্স ধম্মস্স হেতুপচ্চযেন পচ্চযো… তীণি (পৰত্তিপটিসন্ধি কাতব্বা).

অপ্পমাণো ধম্মো অপ্পমাণস্স ধম্মস্স হেতুপচ্চযেন পচ্চযো… তীণি.

আরম্মণপচ্চযো

৫৬. পরিত্তো ধম্মো পরিত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. চক্খুং…পে… ৰত্থুং… পরিত্তে খন্ধে অনিচ্চতো…পে… ৰিপস্সন্তি অস্সাদেন্তি অভিনন্দন্তি, তং আরব্ভ রাগো উপ্পজ্জতি …পে… দোমনস্সং উপ্পজ্জতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স আরম্মণপচ্চযেন পচ্চযো – দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন পরিত্তচিত্তসমঙ্গিস্স চিত্তং জানাতি. পরিত্তা খন্ধা ইদ্ধিৰিধঞাণস্স, চেতোপরিযঞাণস্স পুব্বেনিৰাসানুস্সতিঞাণস্স যথাকম্মূপগঞাণস্স অনাগতংসঞাণস্স আরম্মণপচ্চযেন পচ্চযো. (২)

৫৭. মহগ্গতো ধম্মো মহগ্গতস্স ধম্মস্স আরম্মণপচ্চযেন পচ্চযো – চেতোপরিযঞাণেন মহগ্গতচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. মহগ্গতা খন্ধা ইদ্ধিৰিধঞাণস্স, চেতোপরিযঞাণস্স পুব্বেনিৰাসানুস্সতিঞাণস্স যথাকম্মূপগঞাণস্স অনাগতংসঞাণস্স আরম্মণপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স আরম্মণপচ্চযেন পচ্চযো – পঠমং ঝানং পচ্চৰেক্খতি…পে… নেৰসঞ্ঞানাসঞ্ঞাযতনং পচ্চৰেক্খতি, দিব্বং চক্খুং পচ্চৰেক্খতি, দিব্বং সোতধাতুং পচ্চৰেক্খতি, ইদ্ধিৰিধঞাণং পচ্চৰেক্খতি, চেতোপরিযঞাণং পচ্চৰেক্খতি, পুব্বেনিৰাসানুস্সতিঞাণং পচ্চৰেক্খতি, যথাকম্মূপগঞাণং পচ্চৰেক্খতি, অনাগতংসঞাণং পচ্চৰেক্খতি. মহগ্গতে খন্ধে অনিচ্চতো…পে… ৰিপ্পস্সতি অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. (২)

৫৮. অপ্পমাণো ধম্মো অপ্পমাণস্স ধম্মস্স আরম্মণপচ্চযেন পচ্চযো – নিব্বানং মগ্গস্স, ফলস্স আরম্মণপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো. (২)

অপ্পমাণো ধম্মো মহগ্গতস্স ধম্মস্স আরম্মণপচ্চযেন পচ্চযো – অরিযা চেতোপরিযঞাণেন অপ্পমাণচিত্তসমঙ্গিস্স চিত্তং জানন্তি, অপ্পমাণা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আরম্মণপচ্চযেন পচ্চযো. (৩)

অধিপতিপচ্চযো

৫৯. পরিত্তো ধম্মো পরিত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি. সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি. চক্খুং…পে… ৰত্থুং… পরিত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – পরিত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

মহগ্গতো ধম্মো মহগ্গতস্স ধম্মস্স অধিপতিপচ্চযেন পচ্চযো. সহজাতাধিপতি – মহগ্গতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – পঠমং ঝানং গরুং কত্ৰা…পে… নেৰসঞ্ঞানাসঞ্ঞাযতনং…পে… দিব্বং চক্খুং…পে… অনাগতংসঞাণং গরুং কত্ৰা পচ্চৰেক্খতি. মহগ্গতে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি… দিট্ঠি উপ্পজ্জতি. সহজাতাধিপতি – মহগ্গতাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স অধিপতিপচ্চযেন পচ্চযো. সহজাতাধিপতি – মহগ্গতাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৬০. অপ্পমাণো ধম্মো অপ্পমাণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – নিব্বানং মগ্গস্স… ফলস্স অধিপতিপচ্চযেন পচ্চযো. সহজাতাধিপতি – অপ্পমাণাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স অধিপতিপচ্চযেন পচ্চযো. সহজাতাধিপতি – অপ্পমাণাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

অপ্পমাণো ধম্মো পরিত্তস্স চ অপ্পমাণস্স চ ধম্মস্স অধিপতিপচ্চযেন পচ্চযো. সহজাতাধিপতি – অপ্পমাণাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযো

৬১. পরিত্তো ধম্মো পরিত্তস্স ধম্মস্স অনন্তরপচ্চযেন পচ্চযো – পুরিমা পুরিমা পরিত্তা খন্ধা পচ্ছিমানং পচ্ছিমানং পরিত্তানং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… আৰজ্জনা পরিত্তানং খন্ধানং অনন্তরপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স অনন্তরপচ্চযেন পচ্চযো – পরিত্তং চুতিচিত্তং মহগ্গতস্স উপপত্তিচিত্তস্স অনন্তরপচ্চযেন পচ্চযো. পরিত্তা খন্ধা মহগ্গতস্স ৰুট্ঠানস্স অনন্তরপচ্চযেন পচ্চযো. পঠমস্স ঝানস্স পরিকম্মং…পে… নেৰসঞ্ঞানাসঞ্ঞাযতনস্স পরিকম্মং…পে… দিব্বস্স চক্খুস্স পরিকম্মং…পে… অনাগতংসঞাণস্স পরিকম্মং অনাগতংসঞাণস্স অনন্তরপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স… অনুলোমং ফলসমাপত্তিযা অনন্তরপচ্চযেন পচ্চযো. (৩)

৬২. মহগ্গতো ধম্মো মহগ্গতস্স ধম্মস্স অনন্তরপচ্চযেন পচ্চযো – পুরিমা পুরিমা মহগ্গতা খন্ধা পচ্ছিমানং পচ্ছিমানং মহগ্গতানং খন্ধানং অনন্তরপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স অনন্তরপচ্চযেন পচ্চযো – মহগ্গতং চুতিচিত্তং পরিত্তস্স উপপত্তিচিত্তস্স অনন্তরপচ্চযেন পচ্চযো. মহগ্গতং ভৰঙ্গং আৰজ্জনায অনন্তরপচ্চযেন পচ্চযো. মহগ্গতা খন্ধা পরিত্তস্স ৰুট্ঠানস্স অনন্তরপচ্চযেন পচ্চযো. (২)

মহগ্গতো ধম্মো অপ্পমাণস্স ধম্মস্স অনন্তরপচ্চযেন পচ্চযো – নেৰসঞ্ঞানাসঞ্ঞাযতনং নিরোধা ৰুট্ঠহন্তস্স ফলসমাপত্তিযা অনন্তরপচ্চযেন পচ্চযো. (৩)

৬৩. অপ্পমাণো ধম্মো অপ্পমাণস্স ধম্মস্স অনন্তরপচ্চযেন পচ্চযো – পুরিমা পুরিমা অপ্পমাণা খন্ধা পচ্ছিমানং পচ্ছিমানং অপ্পমাণানং খন্ধানং অনন্তরপচ্চযেন পচ্চযো. মগ্গো ফলস্স… ফলং ফলস্স অনন্তরপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স অনন্তরপচ্চযেন পচ্চযো – ফলং পরিত্তস্স ৰুট্ঠানস্স অনন্তরপচ্চযেন পচ্চযো. (২)

অপ্পমাণো ধম্মো মহগ্গতস্স ধম্মস্স অনন্তরপচ্চযেন পচ্চযো – ফলং মহগ্গতস্স ৰুট্ঠানস্স অনন্তরপচ্চযেন পচ্চযো. (৩)

(সমনন্তরপচ্চযং অনন্তরপচ্চযসদিসং.)

সহজাতপচ্চযো

৬৪. পরিত্তো ধম্মো পরিত্তস্স ধম্মস্স সহজাতপচ্চযেন পচ্চযো – পরিত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স, ৰত্থু খন্ধানং সহজাতপচ্চযেন পচ্চযো; একং মহাভূতং…পে… অসঞ্ঞসত্তানং…পে…. (১)

পরিত্তো ধম্মো মহগ্গতস্স ধম্মস্স সহজাতপচ্চযেন পচ্চযো – পটিসন্ধিক্খণে ৰত্থু মহগ্গতানং খন্ধানং সহজাতপচ্চযেন পচ্চযো. (২)

৬৫. মহগ্গতো ধম্মো মহগ্গতস্স ধম্মস্স সহজাতপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

মহগ্গতো ধম্মো পরিত্তস্স ধম্মস্স সহজাতপচ্চযেন পচ্চযো – মহগ্গতা খন্ধা চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে মহগ্গতা খন্ধা কটত্তারূপানং সহজাতপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স সহজাতপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (৩)

৬৬. অপ্পমাণো ধম্মো অপ্পমাণস্স ধম্মস্স সহজাতপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে…. (১)

অপ্পমাণো ধম্মো পরিত্তস্স ধম্মস্স সহজাতপচ্চযেন পচ্চযো – অপ্পমাণা খন্ধা চিত্তসমুট্ঠানানং রূপানং সহজাতপচ্চযেন পচ্চযো. (২)

অপ্পমাণো ধম্মো পরিত্তস্স চ অপ্পমাণস্স চ ধম্মস্স সহজাতপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো…পে…. (৩)

৬৭. পরিত্তো চ অপ্পমাণো চ ধম্মা পরিত্তস্স ধম্মস্স সহজাতপচ্চযেন পচ্চযো – অপ্পমাণা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

পরিত্তো চ মহগ্গতো চ ধম্মা পরিত্তস্স ধম্মস্স সহজাতপচ্চযেন পচ্চযো – মহগ্গতা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. পটিসন্ধিক্খণে মহগ্গতা খন্ধা চ মহাভূতা চ কটত্তারূপানং সহজাতপচ্চযেন পচ্চযো. (১)

পরিত্তো চ মহগ্গতো চ ধম্মা মহগ্গতস্স ধম্মস্স সহজাতপচ্চযেন পচ্চযো – পটিসন্ধিক্খণে মহগ্গতো একো খন্ধো চ ৰত্থু চ তিণ্ণন্নং খন্ধানং সহজাতপচ্চযেন পচ্চযো…পে…. (২)

অঞ্ঞমঞ্ঞপচ্চযো

৬৮. পরিত্তো ধম্মো পরিত্তস্স ধম্মস্স অঞ্ঞমঞ্ঞপচ্চযেন পচ্চযো – পরিত্তো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… পটিসন্ধিক্খণে…পে… খন্ধা ৰত্থুস্স…পে… ৰত্থু খন্ধানং অঞ্ঞমঞ্ঞপচ্চযেন পচ্চযো; একং মহাভূতং…পে… অসঞ্ঞসত্তানং…পে…. (১)

পরিত্তো ধম্মো মহগ্গতস্স ধম্মস্স অঞ্ঞমঞ্ঞপচ্চযেন পচ্চযো…পে… পটিসন্ধিক্খণে ৰত্থু মহগ্গতানং খন্ধানং অঞ্ঞমঞ্ঞপচ্চযেন পচ্চযো…পে…. (২)

মহগ্গতো ধম্মো মহগ্গতস্স ধম্মস্স অঞ্ঞমঞ্ঞপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… পটিসন্ধিক্খণে…পে…. (১)

মহগ্গতো ধম্মো পরিত্তস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে মহগ্গতা খন্ধা ৰত্থুস্স অঞ্ঞমঞ্ঞপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে মহগ্গতো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে…. (৩)

অপ্পমাণো ধম্মো অপ্পমাণস্স ধম্মস্স অঞ্ঞমঞ্ঞপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৰে খন্ধা…পে…. (১)

পরিত্তো চ মহগ্গতো চ ধম্মা মহগ্গতস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে মহগ্গতো একো খন্ধো চ ৰত্থু চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে…. (১)

নিস্সযপচ্চযো

৬৯. পরিত্তো ধম্মো পরিত্তস্স ধম্মস্স নিস্সযপচ্চযেন পচ্চযো – পরিত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স…পে… ৰত্থু খন্ধানং নিস্সযপচ্চযেন পচ্চযো…পে… একং মহাভূতং…পে… অসঞ্ঞসত্তানং একং মহাভূতং…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… ৰত্থু পরিত্তানং খন্ধানং নিস্সযপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স নিস্সযপচ্চযেন পচ্চযো – ৰত্থু মহগ্গতানং খন্ধানং নিস্সযপচ্চযেন পচ্চযো. পটিসন্ধিক্খণে ৰত্থু মহগ্গতানং খন্ধানং নিস্সযপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স নিস্সযপচ্চযেন পচ্চযো – ৰত্থু অপ্পমাণানং খন্ধানং নিস্সযপচ্চযেন পচ্চযো. (৩)

৭০. মহগ্গতো ধম্মো মহগ্গতস্স ধম্মস্স নিস্সযপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

মহগ্গতো ধম্মো পরিত্তস্স ধম্মস্স নিস্সযপচ্চযেন পচ্চযো – মহগ্গতা খন্ধা চিত্তসমুট্ঠানানং রূপানং নিস্সযপচ্চযেন পচ্চযো. পটিসন্ধিক্খণে মহগ্গতা খন্ধা কটত্তারূপানং নিস্সযপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স নিস্সযপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (৩)

৭১. অপ্পমাণো ধম্মো অপ্পমাণস্স ধম্মস্স নিস্সযপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং নিস্সযপচ্চযেন পচ্চযো…পে…. (১)

অপ্পমাণো ধম্মো পরিত্তস্স ধম্মস্স নিস্সযপচ্চযেন পচ্চযো – অপ্পমাণা খন্ধা চিত্তসমুট্ঠানানং রূপানং নিস্সযপচ্চযেন পচ্চযো. (২)

অপ্পমাণো ধম্মো পরিত্তস্স চ অপ্পমাণস্স চ ধম্মস্স নিস্সযপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো…পে…. (৩)

পরিত্তো চ অপ্পমাণো চ ধম্মা পরিত্তস্স ধম্মস্স নিস্সযপচ্চযেন পচ্চযো – অপ্পমাণা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (১)

পরিত্তো চ অপ্পমাণো চ ধম্মা অপ্পমাণস্স ধম্মস্স নিস্সযপচ্চযেন পচ্চযো – অপ্পমাণো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা…পে…. (২)

পরিত্তো চ মহগ্গতো চ ধম্মা পরিত্তস্স ধম্মস্স নিস্সযপচ্চযেন পচ্চযো – মহগ্গতা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. পটিসন্ধিক্খণে মহগ্গতা খন্ধা চ মহাভূতা চ কটত্তারূপানং নিস্সযপচ্চযেন পচ্চযো. (১)

পরিত্তো চ মহগ্গতো চ ধম্মা মহগ্গতস্স ধম্মস্স নিস্সযপচ্চযেন পচ্চযো – মহগ্গতো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… পটিসন্ধিক্খণে মহগ্গতো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৰে খন্ধা…পে…. (২)

উপনিস্সযপচ্চযো

৭২. পরিত্তো ধম্মো পরিত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পরিত্তং সদ্ধং উপনিস্সায দানং দেতি, সীলং সমাদিযতি, উপোসথকম্মং করোতি, ৰিপস্সনং উপ্পাদেতি, মানং জপ্পেতি, দিট্ঠিং গণ্হাতি, পরিত্তং সীলং…পে… পঞ্ঞং… রাগং…পে… পত্থনং… কাযিকং সুখং…পে… সেনাসনং উপনিস্সায দানং দেতি, সীলং…পে… উপোসথং…পে… ৰিপস্সনং উপ্পাদেতি, পাণং হনতি…পে… সঙ্ঘং ভিন্দতি. পরিত্তা সদ্ধা…পে… পঞ্ঞা, রাগো…পে… পত্থনা, কাযিকং সুখং…পে… সেনাসনং পরিত্তায সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কুসলাকুসলং কম্মং ৰিপাকস্স উপনিস্সযপচ্চযেন পচ্চযো. পাণাতিপাতো পাণাতিপাতস্স উপনিস্সযপচ্চযেন পচ্চযো (চক্কং কাতব্বং). মাতুঘাতিকম্মং মাতুঘাতিকম্মস্স উপনিস্সযপচ্চযেন পচ্চযো (চক্কং কাতব্বং কুসলত্তিকসদিসং). (১)

পরিত্তো ধম্মো মহগ্গতস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – পরিত্তং সদ্ধং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. পরিত্তং সীলং…পে… পঞ্ঞং… রাগং…পে… সেনাসনং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. পরিত্তা সদ্ধা…পে… সেনাসনং মহগ্গতায সদ্ধায…পে… পঞ্ঞায উপনিস্সযপচ্চযেন পচ্চযো. পঠমস্স ঝানস্স পরিকম্মং…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. দিব্বস্স চক্খুস্স পরিকম্মং…পে… অনাগতংসঞাণস্স পরিকম্মং…পে…. (২)

পরিত্তো ধম্মো অপ্পমাণস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো পরিত্তং সদ্ধং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. পরিত্তং সীলং…পে… পঞ্ঞং… রাগং…পে… পত্থনং… কাযিকং সুখং…পে… সেনাসনং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. পরিত্তা সদ্ধা…পে… সেনাসনং অপ্পমাণায সদ্ধায…পে… পঞ্ঞায, মগ্গস্স ফলসমাপত্তিযা উপনিস্সযপচ্চযেন পচ্চযো. পঠমস্স মগ্গস্স পরিকম্মং পঠমস্স মগ্গস্স…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (৩)

৭৩. মহগ্গতো ধম্মো মহগ্গতস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – মহগ্গতং সদ্ধং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. মহগ্গতং সীলং…পে… পঞ্ঞং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. মহগ্গতা সদ্ধা…পে… পঞ্ঞা মহগ্গতায সদ্ধায…পে… পঞ্ঞায উপনিস্সযপচ্চযেন পচ্চযো. পঠমং ঝানং দুতিযস্স ঝানস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – মহগ্গতং সদ্ধং উপনিস্সায দানং দেতি, সীলং সমাদিযতি, উপোসথকম্মং করোতি, ৰিপস্সনং উপ্পাদেতি, মানং জপ্পেতি, দিট্ঠিং গণ্হাতি, মহগ্গতং সীলং…পে… পঞ্ঞং উপনিস্সায দানং দেতি…পে… ৰিপস্সনং উপ্পাদেতি…পে… মহগ্গতা সদ্ধা…পে… পঞ্ঞা পরিত্তায সদ্ধায…পে… পঞ্ঞায…পে… কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (২)

মহগ্গতো ধম্মো অপ্পমাণস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – মহগ্গতং সদ্ধং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. মহগ্গতং সীলং…পে… পঞ্ঞং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. মহগ্গতা সদ্ধা…পে… পঞ্ঞা অপ্পমাণায সদ্ধায…পে… পঞ্ঞায মগ্গস্স ফলসমাপত্তিযা উপনিস্সযপচ্চযেন পচ্চযো. (৩)

৭৪. অপ্পমাণো ধম্মো অপ্পমাণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অপ্পমাণং সদ্ধং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. অপ্পমাণং সীলং…পে… পঞ্ঞং উপনিস্সায অপ্পমাণং ঝানং উপ্পাদেতি, মগ্গং উপ্পাদেতি, ফলসমাপত্তিং উপ্পাদেতি. অপ্পমাণা সদ্ধা…পে… পঞ্ঞা অপ্পমাণায সদ্ধায…পে… পঞ্ঞায উপনিস্সযপচ্চযেন পচ্চযো. পঠমো মগ্গো দুতিযস্স মগ্গস্স…পে… ততিযো মগ্গো চতুত্থস্স মগ্গস্স… মগ্গো ফলসমাপত্তিযা উপনিস্সযপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অপ্পমাণং সদ্ধং উপনিস্সায দানং দেতি, সীলং…পে… উপোসথকম্মং… ৰিপস্সনং উপ্পাদেতি. অপ্পমাণং সীলং…পে… পঞ্ঞং উপনিস্সায দানং দেতি, সীলং…পে… উপোসথকম্মং… ৰিপস্সনং… অপ্পমাণা সদ্ধা…পে… পঞ্ঞা পরিত্তায সদ্ধায…পে… পঞ্ঞায…পে… কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো. অরিযা মগ্গং উপনিস্সায সঙ্খারে অনিচ্চতো…পে… ৰিপস্সন্তি, মগ্গো অরিযানং অত্থপ্পটিসম্ভিদায…পে… পটিভানপ্পটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো. (২)

অপ্পমাণো ধম্মো মহগ্গতস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – অপ্পমাণং সদ্ধং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, অপ্পমাণং সীলং…পে… পঞ্ঞং উপনিস্সায মহগ্গতং ঝানং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. অপ্পমাণা সদ্ধা…পে… পঞ্ঞা মহগ্গতায সদ্ধায…পে… পঞ্ঞায উপনিস্সযপচ্চযেন পচ্চযো, অরিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি. (৩)

পুরেজাতপচ্চযো

৭৫. পরিত্তো ধম্মো পরিত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অনিচ্চতো…পে… ৰিপস্সতি অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… ৰত্থুং অনিচ্চতো…পে… দোমনস্সং উপ্পজ্জতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… ৰত্থু পরিত্তানং খন্ধানং পুরেজাতপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু মহগ্গতানং খন্ধানং পুরেজাতপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু অপ্পমাণানং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

৭৬. পরিত্তো ধম্মো পরিত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা পরিত্তা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা মহগ্গতা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা অপ্পমাণা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৭৭. পরিত্তো ধম্মো পরিত্তস্স ধম্মস্স আসেৰনপচ্চযেন পচ্চযো – পুরিমা পুরিমা পরিত্তা খন্ধা পচ্ছিমানং পচ্ছিমানং পরিত্তানং খন্ধানং…পে… অনুলোমং গোত্রভুস্স, অনুলোমং ৰোদানস্স আসেৰনপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স আসেৰনপচ্চযেন পচ্চযো – পঠমস্স ঝানস্স পরিকম্মং তস্সেৰ [পঠমস্স ঝানস্স (?)] আসেৰনপচ্চযেন পচ্চযো…পে… নেৰসঞ্ঞানাসঞ্ঞাযতনস্স পরিকম্মং তস্সেৰ [নেৰসঞ্ঞানাসঞ্ঞাযতনস্স (?) অঞ্ঞেসু তিকেসু ওলোকেতব্বং] আসেৰনপচ্চযেন পচ্চযো. দিব্বস্স চক্খুস্স পরিকম্মং…পে… অনাগতংসঞাণস্স পরিকম্মং অনাগতংসঞাণস্স আসেৰনপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (৩)

মহগ্গতো ধম্মো মহগ্গতস্স ধম্মস্স আসেৰনপচ্চযেন পচ্চযো – পুরিমা পুরিমা মহগ্গতা খন্ধা পচ্ছিমানং পচ্ছিমানং মহগ্গতানং খন্ধানং…পে… আসেৰনপচ্চযেন পচ্চযো. (১)

কম্মপচ্চযো

৭৮. পরিত্তো ধম্মো পরিত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পরিত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে পরিত্তা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. নানাক্খণিকা – পরিত্তা চেতনা ৰিপাকানং পরিত্তানং খন্ধানং কটত্তা চ রূপানং কম্মপচ্চযেন পচ্চযো. (১)

মহগ্গতো ধম্মো মহগ্গতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – মহগ্গতা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে মহগ্গতা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – মহগ্গতা চেতনা ৰিপাকানং মহগ্গতানং খন্ধানং কম্মপচ্চযেন পচ্চযো. (১)

মহগ্গতো ধম্মো পরিত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – মহগ্গতা চেতনা চিত্তসমুট্ঠানানং রূপানং কম্মপচ্চযেন পচ্চযো. পটিসন্ধিক্খণে মহগ্গতা চেতনা কটত্তারূপানং কম্মপচ্চযেন পচ্চযো. নানাক্খণিকা – মহগ্গতা চেতনা কটত্তারূপানং কম্মপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – মহগ্গতা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে মহগ্গতা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. নানাক্খণিকা – মহগ্গতা চেতনা ৰিপাকানং মহগ্গতানং খন্ধানং কটত্তা চ রূপানং কম্মপচ্চযেন পচ্চযো. (৩)

৭৯. অপ্পমাণো ধম্মো অপ্পমাণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পমাণা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অপ্পমাণা চেতনা ৰিপাকানং অপ্পমাণানং খন্ধানং কম্মপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স কম্মপচ্চযেন পচ্চযো – অপ্পমাণা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

অপ্পমাণো ধম্মো পরিত্তস্স চ অপ্পমাণস্স চ ধম্মস্স কম্মপচ্চযেন পচ্চযো – অপ্পমাণা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকপচ্চযো

৮০. পরিত্তো ধম্মো পরিত্তস্স ধম্মস্স ৰিপাকপচ্চযেন পচ্চযো – ৰিপাকো পরিত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে… পটিসন্ধিক্খণে…পে… খন্ধা ৰত্থুস্স ৰিপাকপচ্চযেন পচ্চযো. (১)

মহগ্গতো ধম্মো মহগ্গতস্স ধম্মস্স ৰিপাকপচ্চযেন পচ্চযো…পে… (তিস্সো পঞ্হা, পৰত্তিপটিসন্ধি কাতব্বা). (৩)

অপ্পমাণো ধম্মো অপ্পমাণস্স ধম্মস্স ৰিপাকপচ্চযেন পচ্চযো… তীণি (পৰত্তিমেৰ).

আহারপচ্চযাদি

৮১. পরিত্তো ধম্মো পরিত্তস্স ধম্মস্স আহারপচ্চযেন পচ্চযো…পে… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – পরিত্তা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে পরিত্তা খন্ধা কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স…পে… ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স ৰিপ্পযুত্তপচ্চযেন পচ্চযো…পে… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো. ৰত্থু পরিত্তানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – পরিত্তা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু মহগ্গতানং খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু মহগ্গতানং খন্ধানং ৰিপ্পযুত্তপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু অপ্পমাণানং খন্ধানং ৰিপ্পযুত্তপচ্চযেন পচ্চযো. (৩)

৮২. মহগ্গতো ধম্মো পরিত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – মহগ্গতা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে…পে… পচ্ছাজাতা – মহগ্গতা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অপ্পমাণো ধম্মো পরিত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপ্পমাণা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – অপ্পমাণা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

৮৩. পরিত্তো ধম্মো পরিত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – পরিত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স অত্থিপচ্চযেন পচ্চযো. ৰত্থু খন্ধানং অত্থিপচ্চযেন পচ্চযো; একং মহাভূতং…পে… অসঞ্ঞসত্তানং…পে…. পুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স অত্থিপচ্চযেন পচ্চযো. চক্খাযতনং চক্খুৰিঞ্ঞাণস্স অত্থিপচ্চযেন পচ্চযো…পে… কাযাযতনং কাযৰিঞ্ঞাণস্স…পে… ৰত্থু পরিত্তানং খন্ধানং অত্থিপচ্চযেন পচ্চযো. পচ্ছাজাতা – পরিত্তা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. কবল়ীকারো আহারো ইমস্স কাযস্স অত্থিপচ্চযেন পচ্চযো. রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

পরিত্তো ধম্মো মহগ্গতস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু মহগ্গতানং খন্ধানং অত্থিপচ্চযেন পচ্চযো. পুরেজাতং – দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, ৰত্থু মহগ্গতানং খন্ধানং অত্থিপচ্চযেন পচ্চযো. (২)

পরিত্তো ধম্মো অপ্পমাণস্স ধম্মস্স অত্থিপচ্চযেন পচ্চযো. পুরেজাতং – ৰত্থু অপ্পমাণানং খন্ধানং অত্থিপচ্চযেন পচ্চযো. (৩)

৮৪. মহগ্গতো ধম্মো মহগ্গতস্স ধম্মস্স অত্থিপচ্চযেন পচ্চযো. মহগ্গতো একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

মহগ্গতো ধম্মো পরিত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – মহগ্গতা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পটিসন্ধিক্খণে মহগ্গতা খন্ধা কটত্তারূপানং অত্থিপচ্চযেন পচ্চযো. পচ্ছাজাতা – মহগ্গতা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

মহগ্গতো ধম্মো পরিত্তস্স চ মহগ্গতস্স চ ধম্মস্স অত্থিপচ্চযেন পচ্চযো – মহগ্গতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে…. (৩)

৮৫. অপ্পমাণো ধম্মো অপ্পমাণস্স ধম্মস্স অত্থিপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং…পে…. (১)

অপ্পমাণো ধম্মো পরিত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – অপ্পমাণা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – অপ্পমাণা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

অপ্পমাণো ধম্মো পরিত্তস্স চ অপ্পমাণস্স চ ধম্মস্স অত্থিপচ্চযেন পচ্চযো – অপ্পমাণো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে…. (৩)

৮৬. পরিত্তো চ অপ্পমাণো চ ধম্মা পরিত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – অপ্পমাণা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – অপ্পমাণা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – অপ্পমাণা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (১)

পরিত্তো চ অপ্পমাণো চ ধম্মা অপ্পমাণস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – অপ্পমাণো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (২)

পরিত্তো চ মহগ্গতো চ ধম্মা পরিত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – মহগ্গতা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পটিসন্ধিক্খণে মহগ্গতা খন্ধা চ মহাভূতা চ কটত্তারূপানং অত্থিপচ্চযেন পচ্চযো. পচ্ছাজাতা – মহগ্গতা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – মহগ্গতা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (১)

পরিত্তো চ মহগ্গতো চ ধম্মা মহগ্গতস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – মহগ্গতো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে মহগ্গতো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ ৰত্থু চ…পে… নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো. (২)