১. ৰিভঙ্গৰারো

নহেতুপচ্চযো

৩৩. পরিত্তং ধম্মং পচ্চযা পরিত্তো ধম্মো উপ্পজ্জতি নহেতুপচ্চযা – অহেতুকং পরিত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং…পে… অসঞ্ঞসত্তানং…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা পরিত্তা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযো

৩৪. পরিত্তং ধম্মং পচ্চযা পরিত্তো ধম্মো উপ্পজ্জতি নআরম্মণপচ্চযা (পটিচ্চৰারসদিসং. পঞ্চ).

নঅধিপতিপচ্চযো

৩৫. পরিত্তং ধম্মং পচ্চযা পরিত্তো ধম্মো উপ্পজ্জতি নঅধিপতিপচ্চযা – পরিত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… ৫৩অসঞ্ঞসত্তানং…পে… চক্খাযতনং…পে… কাযাযতনং…পে… ৰত্থুং পচ্চযা পরিত্তা খন্ধা. (১)

পরিত্তং ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – ৰত্থুং পচ্চযা মহগ্গতাধিপতি, ৰত্থুং পচ্চযা ৰিপাকা মহগ্গতা খন্ধা. পটিসন্ধিক্খণে ৰত্থুং পচ্চযা মহগ্গতা খন্ধা. (২)

পরিত্তং ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – ৰত্থুং পচ্চযা অপ্পমাণাধিপতি. (৩)

পরিত্তং ধম্মং পচ্চযা পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৰত্থুং পচ্চযা ৰিপাকা মহগ্গতা খন্ধা, মহাভূতে পচ্চযা চিত্তসমুট্ঠানং রূপং. পটিসন্ধিক্খণে…পে…. (৪)

৩৬. মহগ্গতং ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে পচ্চযা মহগ্গতাধিপতি, ৰিপাকং মহগ্গতং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

মহগ্গতং ধম্মং পচ্চযা পরিত্তো ধম্মো উপ্পজ্জতি নঅধিপতিপচ্চযা – ৰিপাকে মহগ্গতে খন্ধে পচ্চযা চিত্তসমুট্ঠানং রূপং. পটিসন্ধিক্খণে…পে…. (২)

মহগ্গতং ধম্মং পচ্চযা পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৰিপাকং মহগ্গতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

অপ্পমাণং ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে পচ্চযা অপ্পমাণাধিপতি. (১)

৩৭. পরিত্তঞ্চ অপ্পমাণঞ্চ ধম্মং পচ্চযা অপ্পমাণো ধম্মো উপ্পজ্জতি নঅধিপতিপচ্চযা – অপ্পমাণে খন্ধে চ ৰত্থুঞ্চ পচ্চযা অপ্পমাণাধিপতি. (১)

পরিত্তঞ্চ মহগ্গতঞ্চ ধম্মং পচ্চযা পরিত্তো ধম্মো উপ্পজ্জতি নঅধিপতিপচ্চযা – ৰিপাকে মহগ্গতে খন্ধে চ মহাভূতে চ পচ্চযা চিত্তসমুট্ঠানং রূপং. পটিসন্ধিক্খণে…পে…. (১)

পরিত্তঞ্চ মহগ্গতঞ্চ ধম্মং পচ্চযা মহগ্গতো ধম্মো উপ্পজ্জতি নঅধিপতিপচ্চযা – মহগ্গতে খন্ধে চ ৰত্থুঞ্চ পচ্চযা মহগ্গতাধিপতি, ৰিপাকং মহগ্গতং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (২)

পরিত্তঞ্চ মহগ্গতঞ্চ ধম্মং পচ্চযা পরিত্তো চ মহগ্গতো চ ধম্মা উপ্পজ্জন্তি নঅধিপতিপচ্চযা – ৰিপাকং মহগ্গতং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… ৰিপাকে মহগ্গতে খন্ধে চ মহাভূতে চ পচ্চযা চিত্তসমুট্ঠানং রূপং. পটিসন্ধিক্খণে ৰিপাকং মহগ্গতং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… ৰিপাকে মহগ্গতে খন্ধে চ মহাভূতে চ পচ্চযা কটত্তারূপং. (৩)

নঅনন্তরপচ্চযাদি

৩৮. পরিত্তং ধম্মং পচ্চযা পরিত্তো ধম্মো উপ্পজ্জতি নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা… (পটিচ্চৰারসদিসা দ্ৰাদস পঞ্হা) নপচ্ছাজাতপচ্চযা… নআসেৰনপচ্চযা… (পরিপুণ্ণং, ৰিপাকোতি নিদ্দিসিতব্বং চিত্তসমুট্ঠানং রূপং ৰিপাকোতি ন কাতব্বং) নকম্মপচ্চযা… নৰিপাকপচ্চযা… (পটিসন্ধিৰিপাকোপি নত্থি) নআহারপচ্চযা… নইন্দ্রিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৰিপ্পযুত্তপচ্চযা… নোনত্থিপচ্চযা… নোৰিগতপচ্চযা.