১. ৰিভঙ্গৰারো

হেতুপচ্চযো

২৮. পরিত্তং ধম্মং পচ্চযা পরিত্তো ধম্মো উপ্পজ্জতি হেতুপচ্চযা – পরিত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং পচ্চযা…পে… উপাদারূপং, ৰত্থুং পচ্চযা পরিত্তা খন্ধা. (১)

পরিত্তং ধম্মং পচ্চযা মহগ্গতো ধম্মো উপ্পজ্জতি হেতুপচ্চযা – ৰত্থুং পচ্চযা মহগ্গতা খন্ধা. পটিসন্ধিক্খণে ৰত্থুং পচ্চযা মহগ্গতা খন্ধা. (২)

পরিত্তং ধম্মং পচ্চযা অপ্পমাণো ধম্মো উপ্পজ্জতি হেতুপচ্চযা – ৰত্থুং পচ্চযা অপ্পমাণা খন্ধা. (৩)

পরিত্তং ধম্মং পচ্চযা পরিত্তো চ অপ্পমাণো চ ধম্মা উপ্পজ্জন্তি হেতুপচ্চযা – ৰত্থুং পচ্চযা অপ্পমাণা খন্ধা, মহাভূতে পচ্চযা চিত্তসমুট্ঠানং রূপং. (৪)

পরিত্তং ধম্মং পচ্চযা পরিত্তো চ মহগ্গতো চ ধম্মা উপ্পজ্জন্তি হেতুপচ্চযা – ৰত্থুং পচ্চযা মহগ্গতা খন্ধা, মহাভূতে পচ্চযা চিত্তসমুট্ঠানং রূপং. পটিসন্ধিক্খণে ৰত্থুং পচ্চযা মহগ্গতা খন্ধা. (৫)

২৯. মহগ্গতং ধম্মং পচ্চযা মহগ্গতো ধম্মো উপ্পজ্জতি হেতুপচ্চযা – মহগ্গতং একং খন্ধং পচ্চযা তযো খন্ধা…পে… পটিসন্ধিক্খণে মহগ্গতং একং খন্ধং…পে…. (১)

মহগ্গতং ধম্মং পচ্চযা পরিত্তো ধম্মো উপ্পজ্জতি হেতুপচ্চযা – মহগ্গতে খন্ধে পচ্চযা চিত্তসমুট্ঠানং রূপং. পটিসন্ধিক্খণে…পে…. (২)

মহগ্গতং ধম্মং পচ্চযা পরিত্তো চ মহগ্গতো চ ধম্মা উপ্পজ্জন্তি হেতুপচ্চযা – মহগ্গতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে মহগ্গতং একং খন্ধং…পে…. (৩)

অপ্পমাণং ধম্মং পচ্চযা অপ্পমাণো ধম্মো উপ্পজ্জতি হেতুপচ্চযা – অপ্পমাণে… তীণি.

৩০. পরিত্তঞ্চ অপ্পমাণঞ্চ ধম্মং পচ্চযা পরিত্তো ধম্মো উপ্পজ্জতি হেতুপচ্চযা – অপ্পমাণে খন্ধে চ মহাভূতে চ পচ্চযা চিত্তসমুট্ঠানং রূপং. (১)

পরিত্তঞ্চ অপ্পমাণঞ্চ ধম্মং পচ্চযা অপ্পমাণো ধম্মো উপ্পজ্জতি হেতুপচ্চযা – অপ্পমাণং একং খন্ধঞ্চ ৰত্থুঞ্চ পচ্চযা তযো খন্ধা…পে…. (২)

পরিত্তঞ্চ অপ্পমাণঞ্চ ধম্মং পচ্চযা পরিত্তো চ অপ্পমাণো চ ধম্মা উপ্পজ্জন্তি হেতুপচ্চযা – অপ্পমাণং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… অপ্পমাণে খন্ধে চ মহাভূতে চ পচ্চযা চিত্তসমুট্ঠানং রূপং. (৩)

পরিত্তঞ্চ মহগ্গতঞ্চ ধম্মং পচ্চযা পরিত্তো ধম্মো উপ্পজ্জতি হেতুপচ্চযা… তীণি (পটিসন্ধিক্খণে তীণিপি কাতব্বা).

আরম্মণপচ্চযাদি

৩১. পরিত্তং ধম্মং পচ্চযা পরিত্তো ধম্মো উপ্পজ্জতি আরম্মণপচ্চযা – পরিত্তং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পচ্চযা খন্ধা, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা পরিত্তা খন্ধা (অৰসেসা ছ পঞ্হা হেতুপচ্চযসদিসা সত্ত কাতব্বা), অধিপতিপচ্চযা (পটিসন্ধি নত্থি, সত্তরস পঞ্হা পরিপুণ্ণা), অনন্তরপচ্চযা…পে… অৰিগতপচ্চযা.

১. পচ্চযানুলোমং

২. সঙ্খ্যাৰারো

৩২. হেতুযা সত্তরস, আরম্মণে সত্ত, অধিপতিযা সত্তরস, অনন্তরে সত্ত, সমনন্তরে সত্ত, সহজাতে সত্তরস, অঞ্ঞমঞ্ঞে নৰ, নিস্সযে সত্তরস, উপনিস্সযে সত্ত, পুরেজাতে সত্ত, আসেৰনে সত্ত, কম্মে সত্তরস, ৰিপাকে সত্তরস, আহারে সত্তরস, ইন্দ্রিযে ঝানে মগ্গে সত্তরস, সম্পযুত্তে সত্ত, ৰিপ্পযুত্তে সত্তরস, অত্থিযা সত্তরস, নত্থিযা সত্ত, ৰিগতে সত্ত, অৰিগতে সত্তরস (এৰং গণেতব্বং)

অনুলোমং.