১. ৰিভঙ্গৰারো

হেতুপচ্চযো

৪২. সেক্খো ধম্মো সেক্খস্স ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং হেতুপচ্চযেন পচ্চযো. (১)

সেক্খো ধম্মো নেৰসেক্খনাসেক্খস্স ধম্মস্স হেতুপচ্চযেন পচ্চযো – সেক্খা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

অসেক্খো ধম্মো অসেক্খস্স ধম্মস্স (তীণি).

নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স হেতুপচ্চযেন পচ্চযো – নেৰসেক্খনাসেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে…পে…. (১)

আরম্মণপচ্চযো

৪৩. সেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, সেক্খং ফলং পচ্চৰেক্খন্তি, চেতোপরিযঞাণেন সেক্খচিত্তসমঙ্গিস্স চিত্তং জানন্তি, সেক্খা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – অরহা অসেক্খং ফলং পচ্চৰেক্খতি, চেতোপরিযঞাণেন অসেক্খচিত্তসমঙ্গিস্স চিত্তং জানাতি, অসেক্খা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

৪৪. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং পচ্চৰেক্খতি, অরিযা নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো. অরিযা পহীনে কিলেসে পচ্চৰেক্খন্তি ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি, তং আরব্ভ রাগো উপ্পজ্জতি…পে… দোমনস্সং উপ্পজ্জতি, সোতং…পে… ৰত্থুং নেৰসেক্খনাসেক্খে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নেৰসেক্খনাসেক্খচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নেৰসেক্খনাসেক্খা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স আরম্মণপচ্চযেন পচ্চযো – নিব্বানং মগ্গস্স, সেক্খস্স ফলস্স আরম্মণপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স আরম্মণপচ্চযেন পচ্চযো – নিব্বানং অসেক্খস্স ফলস্স আরম্মণপচ্চযেন পচ্চযো. (৩)

অধিপতিপচ্চযো

৪৫. সেক্খো ধম্মো সেক্খস্স ধম্মস্স অধিপতিপচ্চযেন পচ্চযো. সহজাতাধিপতি – সেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, সেক্খং ফলং গরুং কত্ৰা পচ্চৰেক্খন্তি. সহজাতাধিপতি – সেক্খাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স অধিপতিপচ্চযেন পচ্চযো. সহজাতাধিপতি – সেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৪৬. অসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো. সহজাতাধিপতি – অসেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা অসেক্খং ফলং গরুং কত্ৰা পচ্চৰেক্খতি. সহজাতাধিপতি – অসেক্খাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

অসেক্খো ধম্মো অসেক্খস্স চ নেৰসেক্খনাসেক্খস্স চ ধম্মস্স অধিপতিপচ্চযেন পচ্চযো. সহজাতাধিপতি – অসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৪৭. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স অধিপতিপচ্চযেন পচ্চযো. চক্খুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং…পে… ৰত্থুং নেৰসেক্খনাসেক্খে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নেৰসেক্খনাসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং মগ্গস্স, সেক্খস্স ফলস্স অধিপতিপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং অসেক্খস্স ফলস্স অধিপতিপচ্চযেন পচ্চযো. (৩)

অনন্তরপচ্চযো

৪৮. সেক্খো ধম্মো সেক্খস্স ধম্মস্স অনন্তরপচ্চযেন পচ্চযো – পুরিমা পুরিমা সেক্খা খন্ধা পচ্ছিমানং পচ্ছিমানং সেক্খানং খন্ধানং অনন্তরপচ্চযেন পচ্চযো. মগ্গো সেক্খস্স ফলস্স… সেক্খং ফলং সেক্খস্স ফলস্স অনন্তরপচ্চযেন পচ্চযো. (১)

সেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – মগ্গো অসেক্খস্স ফলস্স অনন্তরপচ্চযেন পচ্চযো. (২)

সেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – সেক্খং ফলং ৰুট্ঠানস্স অনন্তরপচ্চযেন পচ্চযো. (৩)

৪৯. অসেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – পুরিমা পুরিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং অনন্তরপচ্চযেন পচ্চযো. অসেক্খং ফলং অসেক্খস্স ফলস্স অনন্তরপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – অসেক্খং ফলং ৰুট্ঠানস্স অনন্তরপচ্চযেন পচ্চযো. (২)

৫০. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – পুরিমা পুরিমা নেৰসেক্খনাসেক্খা খন্ধা পচ্ছিমানং পচ্ছিমানং নেৰসেক্খনাসেক্খানং খন্ধানং…পে… অনুলোমং গোত্রভুস্স… অনুলোমং ৰোদানস্স… আৰজ্জনা নেৰসেক্খনাসেক্খানং খন্ধানং অনন্তরপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স… অনুলোমং সেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং সেক্খায ফলসমাপত্তিযা অনন্তরপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – অনুলোমং অসেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং অসেক্খায ফলসমাপত্তিযা অনন্তরপচ্চযেন পচ্চযো. (৩)

সমনন্তরপচ্চযো

৫১. সেক্খো ধম্মো সেক্খস্স ধম্মস্স সমনন্তরপচ্চযেন পচ্চযো…পে… (অনন্তরসদিসং, অট্ঠ পঞ্হা).

সহজাতপচ্চযাদি

৫২. সেক্খো ধম্মো সেক্খস্স ধম্মস্স সহজাতপচ্চযেন পচ্চযো…পে… (পটিচ্চৰারে সহজাতসদিসং, নৰ পঞ্হা) অঞ্ঞমঞ্ঞপচ্চযেন পচ্চযো (পটিচ্চৰারে অঞ্ঞমঞ্ঞসদিসং, তীণি. নিস্সযপচ্চযে কুসলত্তিকে নিস্সযপচ্চযসদিসং, তেরস পঞ্হা).

উপনিস্সযপচ্চযো

৫৩. সেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স উপনিস্সযপচ্চযেন পচ্চযো. ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. মগ্গো সেক্খায ফলসমাপত্তিযা উপনিস্সযপচ্চযেন পচ্চযো. (১)

সেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – মগ্গো অসেক্খায ফলসমাপত্তিযা উপনিস্সযপচ্চযেন পচ্চযো. (২)

সেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চয – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অরিযা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি, উপ্পন্নং সমাপজ্জন্তি, সঙ্খারে অনিচ্চতো…পে… ৰিপস্সন্তি, মগ্গো অরিযানং অত্থপ্পটিসম্ভিদায…পে… পটিভানপ্পটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো. সেক্খা ফলসমাপত্তিযা কাযিকস্স সুখস্স উপনিস্সযপচ্চযেন পচ্চযো. (৩)

৫৪. অসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো. অনন্তরূপনিস্সযো – পুরিমা পুরিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং…পে… অসেক্খং ফলং অসেক্খস্স ফলস্স উপনিস্সযপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অসেক্খা ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

৫৫. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নেৰসেক্খনাসেক্খং সদ্ধং উপনিস্সায দানং দেতি. সীলং…পে… উপোসথকম্মং…পে… ঝানং…পে… ৰিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. নেৰসেক্খনাসেক্খং সীলং…পে… পঞ্ঞং… রাগং…পে… পত্থনং… কাযিকং সুখং…পে… উতুং… ভোজনং… সেনাসনং উপনিস্সায দানং দেতি, সীলং…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. নেৰসেক্খনাসেক্খা সদ্ধা…পে… পঞ্ঞা, রাগো…পে… পত্থনা, কাযিকং সুখং…পে… সেনাসনং নেৰসেক্খনাসেক্খায সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. পঠমস্স ঝানস্স পরিকম্মং পঠমস্স ঝানস্স উপনিস্সযপচ্চযেন পচ্চযো…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স…পে… পঠমং ঝানং দুতিযস্স ঝানস্স উপনিস্সযপচ্চযেন পচ্চযো…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পরিকম্মং পঠমস্স মগ্গস্স উপনিস্সযপচ্চযেন পচ্চযো…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং… কাযিকং দুক্খং… উতুং… ভোজনং… সেনাসনং অসেক্খায ফলসমাপত্তিযা উপনিস্সযপচ্চযেন পচ্চযো. (৩)

পুরেজাতপচ্চযো

৫৬. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অনিচ্চতো…পে… ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… ৰত্থুং অনিচ্চতো দুক্খতো অনত্ততো ৰিপস্সতি…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স, ৰত্থু নেৰসেক্খনাসেক্খানং খন্ধানং পুরেজাতপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু সেক্খানং খন্ধানং পুরেজাতপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু অসেক্খানং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

৫৭. সেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা সেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা অসেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৰসেক্খনাসেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৫৮. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স আসেৰনপচ্চযেন পচ্চযো – পুরিমা পুরিমা নেৰসেক্খনাসেক্খা খন্ধা পচ্ছিমানং পচ্ছিমানং নেৰসেক্খনাসেক্খানং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স আসেৰনপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (২)

কম্মপচ্চযো

৫৯. সেক্খো ধম্মো সেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সেক্খা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – সেক্খা চেতনা ৰিপাকানং সেক্খানং খন্ধানং কম্মপচ্চযেন পচ্চযো. (১)

সেক্খো ধম্মো অসেক্খস্স ধম্মস্স কম্মপচ্চযেন পচ্চযো. নানাক্খণিকা – সেক্খা চেতনা অসেক্খানং খন্ধানং কম্মপচ্চযেন পচ্চযো. (২)

সেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো. সহজাতা – সেক্খা চেতনা চিত্তসমুট্ঠানানং রূপানং কম্মপচ্চযেন পচ্চযো. (৩)

সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স কম্মপচ্চযেন পচ্চযো – সেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৪)

৬০. অসেক্খো ধম্মো অসেক্খস্স ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং কম্মপচ্চযেন পচ্চযো. (১)

অসেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো – অসেক্খা চেতনা চিত্তসমুট্ঠানানং রূপানং কম্মপচ্চযেন পচ্চযো. (২)

অসেক্খো ধম্মো অসেক্খস্স চ নেৰসেক্খনাসেক্খস্স চ ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৬১. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৰসেক্খনাসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – নেৰসেক্খনাসেক্খা চেতনা ৰিপাকানং নেৰসেক্খনাসেক্খানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

৬২. সেক্খো ধম্মো সেক্খস্স ধম্মস্স ৰিপাকপচ্চযেন পচ্চযো – ৰিপাকো সেক্খো একো খন্ধো তিণ্ণন্নং খন্ধানং…পে… (সেক্খমূলকে তীণি ).

অসেক্খো ধম্মো অসেক্খস্স ধম্মস্স ৰিপাকপচ্চযেন পচ্চযো – অসেক্খো একো খন্ধো তিণ্ণন্নং খন্ধানং…পে… (অসেক্খমূলকে তীণি).

নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স ৰিপাকপচ্চযেন পচ্চযো – ৰিপাকো নেৰসেক্খনাসেক্খো একো খন্ধো তিণ্ণন্নং খন্ধানং…পে… পটিসন্ধিক্খণে…পে… খন্ধা ৰত্থুস্স ৰিপাকপচ্চযেন পচ্চযো. (১)

আহারপচ্চযাদি

৬৩. সেক্খো ধম্মো সেক্খস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো…পে….

ৰিপ্পযুত্তপচ্চযো

৬৪. সেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – সেক্খা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – সেক্খা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো (১).

অসেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সেক্খসদিসং).

নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নেৰসেক্খনাসেক্খা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে নেৰসেক্খনাসেক্খা খন্ধা কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স ৰিপ্পযুত্তপচ্চযেন পচ্চযো. ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স, ৰত্থু নেৰসেক্খনাসেক্খানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নেৰসেক্খনাসেক্খা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু সেক্খানং খন্ধানং ৰিপ্পযুত্তপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু অসেক্খানং খন্ধানং ৰিপ্পযুত্তপচ্চযেন পচ্চযো. (৩)

অত্থিপচ্চযো

৬৫. সেক্খো ধম্মো সেক্খস্স ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং…পে…. (১)

সেক্খো ধম্মো নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – সেক্খা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – সেক্খা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে…. (৩)

অসেক্খো ধম্মো অসেক্খস্স ধম্মস্স অত্থিপচ্চযেন পচ্চযো…পে… তীণি (সেক্খসদিসং).

৬৬. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নেৰসেক্খনাসেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স অত্থিপচ্চযেন পচ্চযো. ৰত্থু খন্ধানং অত্থিপচ্চযেন পচ্চযো, একং মহাভূতং…পে… বাহিরং…পে… অসঞ্ঞসত্তানং…পে…. পুরেজাতং – চক্খুং অনিচ্চতো দুক্খতো অনত্ততো ৰিপস্সতি; অস্সাদেতি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… ৰত্থুং অনিচ্চতো…পে… ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… ৰত্থু নেৰসেক্খনাসেক্খানং খন্ধানং অত্থিপচ্চযেন পচ্চযো. পচ্ছাজাতা – নেৰসেক্খনাসেক্খা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. কবল়ীকারো আহারো ইমস্স কাযস্স অত্থিপচ্চযেন পচ্চযো. রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

নেৰসেক্খনাসেক্খো ধম্মো সেক্খস্স ধম্মস্স অত্থিপচ্চযেন পচ্চযো. পুরেজাতং – ৰত্থু সেক্খানং খন্ধানং অত্থিপচ্চযেন পচ্চযো. (২)

নেৰসেক্খনাসেক্খো ধম্মো অসেক্খস্স ধম্মস্স অত্থিপচ্চযেন পচ্চযো. পুরেজাতং – ৰত্থু অসেক্খানং খন্ধানং অত্থিপচ্চযেন পচ্চযো. (৩)

৬৭. সেক্খো চ নেৰসেক্খনাসেক্খো চ ধম্মা সেক্খস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – সেক্খো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (১)

সেক্খো চ নেৰসেক্খনাসেক্খো চ ধম্মা নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – সেক্খা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – সেক্খা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – সেক্খা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

অসেক্খো চ নেৰসেক্খনাসেক্খো চ ধম্মা অসেক্খস্স ধম্মস্স অত্থিপচ্চযেন পচ্চযো…পে… (দ্ৰে পঞ্হা কাতব্বা, সেক্খসদিসা).