১. ৰিভঙ্গৰারো

হেতুপচ্চযো

৪৫. আচযগামী [আচযগামি (সী. স্যা.) এৰমুপরিপি] ধম্মো আচযগামিস্স ধম্মস্স হেতুপচ্চযেন পচ্চযো – আচযগামী হেতূ সম্পযুত্তকানং খন্ধানং হেতুপচ্চযেন পচ্চযো. (১)

আচযগামী ধম্মো নেৰাচযগামিনাপচযগামিস্স ধম্মস্স হেতুপচ্চযেন পচ্চযো – আচযগামী হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

আচযগামী ধম্মো আচযগামিস্স চ নেৰাচযগামিনাপচযগামিস্স চ ধম্মস্স হেতুপচ্চযেন পচ্চযো – আচযগামী হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

অপচযগামী ধম্মো অপচযগামিস্স ধম্মস্স হেতুপচ্চযেন পচ্চযো… তীণি.

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স হেতুপচ্চযেন পচ্চযো – নেৰাচযগামিনাপচযগামী হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. পটিসন্ধিক্খণে নেৰাচযগামিনাপচযগামী হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

আরম্মণপচ্চযো

৪৬. আচযগামী ধম্মো আচযগামিস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি. সেক্খা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সেক্খা ৰা পুথুজ্জনা ৰা আচযগামী খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, চেতোপরিযঞাণেন আচযগামিচিত্তসমঙ্গিস্স চিত্তং জানন্তি, আকাসানঞ্চাযতনকুসলং ৰিঞ্ঞাণঞ্চাযতনকুসলস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনকুসলস্স…পে… আচযগামী খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. (১)

আচযগামী ধম্মো নেৰাচযগামিনাপচযগামিস্স ধম্মস্স আরম্মণপচ্চযেন পচ্চযো – অরহা পহীনে কিলেসে পচ্চৰেক্খতি, পুব্বে সমুদাচিণ্ণে কিলেসে জানাতি, আচযগামী খন্ধে অনিচ্চতো দুক্খতো অনত্ততো ৰিপস্সতি; চেতোপরিযঞাণেন আচযগামিচিত্তসমঙ্গিস্স চিত্তং জানাতি. সেক্খা ৰা পুথুজ্জনা ৰা আচযগামী খন্ধে অনিচ্চতো দুক্খতো অনত্ততো ৰিপস্সন্তি, কুসলে নিরুদ্ধে ৰিপাকো তদারম্মণতা উপ্পজ্জতি, আচযগামী খন্ধে অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি, অকুসলে নিরুদ্ধে ৰিপাকো তদারম্মণতা উপ্পজ্জতি, আকাসানঞ্চাযতনকুসলং ৰিঞ্ঞাণঞ্চাযতনৰিপাকস্স চ কিরিযস্স চ আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনৰিপাকস্স চ কিরিযস্স চ আরম্মণপচ্চযেন পচ্চযো. আচযগামী খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৪৭. অপচযগামী ধম্মো আচযগামিস্স ধম্মস্স আরম্মণপচ্চযেন পচ্চযো – সেক্খা মগ্গা ৰুট্ঠহিত্ৰা মগ্গং পচ্চৰেক্খন্তি, চেতোপরিযঞাণেন অপচযগামিচিত্তসমঙ্গিস্স চিত্তং জানন্তি, অপচযগামী খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আরম্মণপচ্চযেন পচ্চযো. (১)

অপচযগামী ধম্মো নেৰাচযগামিনাপচযগামিস্স ধম্মস্স আরম্মণপচ্চযেন পচ্চযো – অরহা মগ্গা ৰুট্ঠহিত্ৰা মগ্গং পচ্চৰেক্খতি, চেতোপরিযঞাণেন অপচযগামিচিত্তসমঙ্গিস্স চিত্তং জানাতি, অপচযগামী খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৪৮. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স আরম্মণপচ্চযেন পচ্চযো – অরহা ফলং পচ্চৰেক্খতি, নিব্বানং পচ্চৰেক্খতি, নিব্বানং ফলস্স আৰজ্জনায আরম্মণপচ্চযেন পচ্চযো. অরহা চক্খুং অনিচ্চতো দুক্খতো অনত্ততো ৰিপস্সতি, সোতং…পে… ৰত্থুং… নেৰাচযগামিনাপচযগামী খন্ধে অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নেৰাচযগামিনাপচযগামিচিত্তসমঙ্গিস্স চিত্তং জানাতি, আকাসানঞ্চাযতনকিরিযং ৰিঞ্ঞাণঞ্চাযতনকিরিযস্স আরম্মণপচ্চযেন পচ্চযো. আকিঞ্চঞ্ঞাযতনকিরিযং নেৰসঞ্ঞানাসঞ্ঞাযতনকিরিযস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নেৰাচযগামিনাপচযগামী খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আৰজ্জনায আরম্মণপচ্চযেন পচ্চযো. (১)

নেৰাচযগামিনাপচযগামী ধম্মো আচযগামিস্স ধম্মস্স আরম্মণপচ্চযেন পচ্চযো – সেক্খা ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স আরম্মণপচ্চযেন পচ্চযো. সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… ৰত্থুং… নেৰাচযগামিনাপচযগামী খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা…পে… উদ্ধচ্চং…পে… দোমনস্সং…পে… দিব্বেন চক্খুনা রূপং পস্সন্তি, দিব্বায সোতধাতুযা সদ্দং সুণন্তি, চেতোপরিযঞাণেন নেৰাচযগামিনাপচযগামিচিত্তসমঙ্গিস্স চিত্তং জানন্তি, নেৰাচযগামিনাপচযগামী খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আরম্মণপচ্চযেন পচ্চযো. (২)

নেৰাচযগামিনাপচযগামী ধম্মো অপচযগামিস্স ধম্মস্স আরম্মণপচ্চযেন পচ্চযো – নিব্বানং মগ্গস্স আরম্মণপচ্চযেন পচ্চযো. (৩)

অধিপতিপচ্চযো

৪৯. আচযগামী ধম্মো আচযগামিস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, আচযগামী খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – আচযগামী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

আচযগামী ধম্মো নেৰাচযগামিনাপচযগামিস্স ধম্মস্স অধিপতিপচ্চযেন পচ্চযো. সহজাতাধিপতি – আচযগামী অধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

আচযগামী ধম্মো আচযগামিস্স চ নেৰাচযগামিনাপচযগামিস্স চ ধম্মস্স অধিপতিপচ্চযেন পচ্চযো. সহজাতাধিপতি – আচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৫০. অপচযগামী ধম্মো অপচযগামিস্স ধম্মস্স অধিপতিপচ্চযেন পচ্চযো. সহজাতাধিপতি – অপচযগামী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অপচযগামী ধম্মো আচযগামিস্স ধম্মস্স অধিপতিপচ্চযেন পচ্চযো. আরম্মণাধিপতি – সেক্খা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি. (২)

অপচযগামী ধম্মো নেৰাচযগামিনাপচযগামিস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খতি. সহজাতাধিপতি – অপচযগামী অধিপতি চিত্তসমুট্ঠানানং রূপানং অধিপতিপচ্চযেন পচ্চযো. (৩)

অপচযগামী ধম্মো অপচযগামিস্স চ নেৰাচযগামিনাপচযগামিস্স চ ধম্মস্স অধিপতিপচ্চযেন পচ্চযো. সহজাতাধিপতি – অপচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

৫১. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা ফলং গরুং কত্ৰা পচ্চৰেক্খতি, নিব্বানং গরুং কত্ৰা পচ্চৰেক্খতি, নিব্বানং ফলস্স অধিপতিপচ্চযেন পচ্চযো. সহজাতাধিপতি – নেৰাচযগামিনাপচযগামী অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নেৰাচযগামিনাপচযগামী ধম্মো আচযগামিস্স ধম্মস্স অধিপতিপচ্চযেন পচ্চযো. আরম্মণাধিপতি – সেক্খা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স অধিপতিপচ্চযেন পচ্চযো. চক্খুং গরুং কত্ৰা অস্সাদেতি…পে… ৰত্থুং… নেৰাচযগামিনাপচযগামী খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

নেৰাচযগামিনাপচযগামী ধম্মো অপচযগামিস্স ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং মগ্গস্স অধিপতিপচ্চযেন পচ্চযো. (৩)

অনন্তরপচ্চযো

৫২. আচযগামী ধম্মো আচযগামিস্স ধম্মস্স অনন্তরপচ্চযেন পচ্চযো – পুরিমা পুরিমা আচযগামী খন্ধা পচ্ছিমানং পচ্ছিমানং আচযগামীনং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স অনন্তরপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স অনন্তরপচ্চযেন পচ্চযো. (২)

আচযগামী ধম্মো নেৰাচযগামিনাপচযগামিস্স ধম্মস্স অনন্তরপচ্চযেন পচ্চযো – আচযগামী খন্ধা ৰুট্ঠানস্স অনন্তরপচ্চযেন পচ্চযো. সেক্খানং অনুলোমং ফলসমাপত্তিযা, নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং ফলসমাপত্তিযা অনন্তরপচ্চযেন পচ্চযো. (৩)

অপচযগামী ধম্মো নেৰাচযগামিনাপচযগামিস্স ধম্মস্স অনন্তরপচ্চযেন পচ্চযো – মগ্গো ফলস্স অনন্তরপচ্চযেন পচ্চযো. (১)

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স অনন্তরপচ্চযেন পচ্চযো – পুরিমা পুরিমা নেৰাচযগামিনাপচযগামী খন্ধা পচ্ছিমানং পচ্ছিমানং নেৰাচযগামিনাপচযগামীনং খন্ধানং অনন্তরপচ্চযেন পচ্চযো. ভৰঙ্গং আৰজ্জনায… কিরিযং ৰুট্ঠানস্স… অরহতো অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং ফলসমাপত্তিযা অনন্তরপচ্চযেন পচ্চযো. (১)

নেৰাচযগামিনাপচযগামী ধম্মো আচযগামিস্স ধম্মস্স অনন্তরপচ্চযেন পচ্চযো – আৰজ্জনা আচযগামীনং খন্ধানং অনন্তরপচ্চযেন পচ্চযো. (২)

সমনন্তরপচ্চযাদি

৫৩. আচযগামী ধম্মো আচযগামিস্স ধম্মস্স সমনন্তরপচ্চযেন পচ্চযো…পে… (অনন্তরসদিসং). (সহজাতপচ্চযে পটিচ্চৰারে সহজাতৰারসদিসা নৰ পঞ্হা. অঞ্ঞমঞ্ঞপচ্চযে পটিচ্চৰারে অঞ্ঞমঞ্ঞসদিসং তীণি. নিস্সযপচ্চযে পচ্চযৰারে নিস্সযৰারসদিসং. চত্তারিপি হি ৰিসুং ঘটনা নত্থি. তেরস পঞ্হা.)

উপনিস্সযপচ্চযো

৫৪. আচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – আচযগামিং সদ্ধং উপনিস্সায দানং দেতি, সীলং…পে… উপোসথকম্মং…পে… ঝানং…পে… ৰিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি, আচযগামিং সীলং… সুতং… চাগং… পঞ্ঞং… রাগং… দোসং… মোহং… মানং… দিট্ঠিং… পত্থনং উপনিস্সায দানং দেতি. সীলং…পে… উপোসথকম্মং…পে… ঝানং…পে… ৰিপস্সনং…পে… অভিঞ্ঞং…পে… সমাপত্তিং…পে… পাণং হনতি…পে… সঙ্ঘং ভিন্দতি. আচযগামী সদ্ধা…পে… পঞ্ঞা, রাগো…পে… পত্থনা আচযগামিযা সদ্ধায…পে… পঞ্ঞায, রাগস্স…পে… পত্থনায উপনিস্সযপচ্চযেন পচ্চযো. পঠমস্স ঝানস্স পরিকম্মং পঠমস্স ঝানস্স উপনিস্সযপচ্চযেন পচ্চযো…পে…. নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. পঠমং ঝানং দুতিযস্স ঝানস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পরিকম্মং পঠমস্স মগ্গস্স…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

আচযগামী ধম্মো নেৰাচযগামিনাপচযগামিস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – আচযগামিং সদ্ধং উপনিস্সায অত্তানং আতাপেতি পরিতাপেতি পরিযিট্ঠিমূলকং দুক্খং পচ্চনুভোতি. আচযগামিং সীলং…পে… পঞ্ঞং. রাগং…পে… পত্থনং উপনিস্সায অত্তানং আতাপেতি পরিতাপেতি পরিযিট্ঠিমূলকং দুক্খং পচ্চনুভোতি. আচযগামী সদ্ধা…পে… পঞ্ঞা. রাগো…পে… পত্থনা, কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. কুসলাকুসলং কম্মং ৰিপাকস্স উপনিস্সযপচ্চযেন পচ্চযো. (৩)

৫৫. অপচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো. পকতূপনিস্সযো – পঠমো মগ্গো দুতিযস্স মগ্গস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. (১)

অপচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – সেক্খা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি, উপ্পন্নং সমাপজ্জন্তি, সঙ্খারে অনিচ্চতো দুক্খতো অনত্ততো ৰিপস্সন্তি, মগ্গো সেক্খানং অত্থপ্পটিসম্ভিদায…পে… পটিভানপটিসম্ভিদায ঠানাঠানকোসল্লস্স উপনিস্সযপচ্চযেন পচ্চযো. (২)

অপচযগামী ধম্মো নেৰাচযগামিনাপচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অরহা মগ্গং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি…পে… ঠানাঠানকোসল্লস্স উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (৩)

৫৬. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায অত্তানং আতাপেতি পরিতাপেতি পরিযিট্ঠিমূলকং দুক্খং পচ্চনুভোতি. কাযিকং দুক্খং… উতুং… ভোজনং… সেনাসনং উপনিস্সায অত্তানং আতাপেতি পরিতাপেতি…পে… কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. অরহা কাযিকং সুখং উপনিস্সায অনুপ্পন্নং কিরিযসমাপত্তিং উপ্পাদেতি…পে… ৰিপস্সতি. কাযিকং দুক্খং… উতুং… ভোজনং… সেনাসনং উপনিস্সায…পে… ৰিপস্সতি. (১)

নেৰাচযগামীনাপচযগামী ধম্মো আচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি, কাযিকং সুখং…পে… সেনাসনং আচযগামিযা সদ্ধায…পে… পঞ্ঞায, রাগস্স…পে… পত্থনায উপনিস্সযপচ্চযেন পচ্চযো. (২)

নেৰাচযগামিনাপচযগামী ধম্মো অপচযগামিস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায মগ্গং উপ্পাদেতি. কাযিকং দুক্খং …পে… সেনাসনং উপনিস্সায মগ্গং উপ্পাদেতি, কাযিকং সুখং, কাযিকং দুক্খং…পে… সেনাসনং মগ্গস্স উপনিস্সযপচ্চযেন পচ্চযো. (৩)

পুরেজাতপচ্চযো

৫৭. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – অরহা চক্খুং…পে… ৰত্থুং অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰাচযগামিনাপচযগামীনং খন্ধানং পুরেজাতপচ্চযেন পচ্চযো. (১)

নেৰাচযগামিনাপচযগামী ধম্মো আচযগামিস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – সেক্খা ৰা পুথুজ্জনা ৰা চক্খুং…পে… ৰত্থুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু আচযগামীনং খন্ধানং পুরেজাতপচ্চযেন পচ্চযো. (২)

নেৰাচযগামিনাপচযগামী ধম্মো অপচযগামিস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু অপচযগামীনং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

৫৮. আচযগামী ধম্মো নেৰাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা আচযগামী খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অপচযগামী ধম্মো নেৰাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা অপচযগামী খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৰাচযগামিনাপচযগামী খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো.

আসেৰনপচ্চযো

৫৯. আচযগামী ধম্মো আচযগামিস্স ধম্মস্স আসেৰনপচ্চযেন পচ্চযো – পুরিমা পুরিমা আচযগামী খন্ধা পচ্ছিমানং পচ্ছিমানং আচযগামীনং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স আসেৰনপচ্চযেন পচ্চযো. (১)

আচযগামী ধম্মো অপচযগামিস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (২)

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স আসেৰনপচ্চযেন পচ্চযো – পুরিমা পুরিমা নেৰাচযগামিনাপচযগামী খন্ধা পচ্ছিমানং পচ্ছিমানং নেৰাচযগামিনাপচযগামীনং খন্ধানং আসেৰনপচ্চযেন পচ্চযো. (১)

কম্মপচ্চযো

৬০. আচযগামী ধম্মো আচযগামিস্স ধম্মস্স কম্মপচ্চযেন পচ্চযো – আচযগামী চেতনা সম্পযুত্তকানং খন্ধানং কম্মপচ্চযেন পচ্চযো. (১)

আচযগামী ধম্মো নেৰাচযগামিনাপচযগামিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – আচযগামী চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – আচযগামী চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

আচযগামী ধম্মো আচযগামিস্স চ নেৰাচযগামিনাপচযগামিস্স চ ধম্মস্স কম্মপচ্চযেন পচ্চযো – আচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৬১. অপচযগামী ধম্মো অপচযগামিস্স ধম্মস্স কম্মপচ্চযেন পচ্চযো – অপচযগামী চেতনা সম্পযুত্তকানং খন্ধানং কম্মপচ্চযেন পচ্চযো. (১)

অপচযগামী ধম্মো নেৰাচযগামিনাপচযগামিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপচযগামী চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – অপচযগামী চেতনা ৰিপাকানং খন্ধানং কম্মপচ্চযেন পচ্চযো. (২)

অপচযগামী ধম্মো অপচযগামিস্স চ নেৰাচযগামিনাপচযগামিস্স চ ধম্মস্স কম্মপচ্চযেন পচ্চযো – অপচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স কম্মপচ্চযেন পচ্চযো – নেৰাচযগামিনাপচযগামী চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে নেৰাচযগামিনাপচযগামী চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

৬২. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স ৰিপাকপচ্চযেন পচ্চযো – ৰিপাকো নেৰাচযগামিনাপচযগামী একো খন্ধো তিণ্ণন্নং খন্ধানং…পে… পটিসন্ধিক্খণে…পে… খন্ধা ৰত্থুস্স ৰিপাকপচ্চযেন পচ্চযো. (১)

আহারপচ্চযাদি

৬৩. আচযগামী ধম্মো আচযগামিস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৰিপ্পযুত্তপচ্চযো

৬৪. আচযগামী ধম্মো নেৰাচযগামিনাপচযগামিস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আচযগামী খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – আচযগামী খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অপচযগামী ধম্মো নেৰাচযগামিনাপচযগামিস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপচযগামী খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – অপচযগামী খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নেৰাচযগামিনাপচযগামী খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পটিসন্ধিক্খণে নেৰাচযগামিনাপচযগামী খন্ধা কটত্তারূপানং ৰিপ্পযুত্তপচ্চযেন পচ্চযো. খন্ধা ৰত্থুস্স ৰিপ্পযুত্তপচ্চযেন পচ্চযো. ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰাচযগামিনাপচযগামীনং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নেৰাচযগামিনাপচযগামী খন্ধা পুরেজাতস্স ইমস্স কাযস্স…পে…. (১)

নেৰাচযগামিনাপচযগামী ধম্মো আচযগামিস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু আচযগামীনং খন্ধানং ৰিপ্পযুত্তপচ্চযেন পচ্চযো. (২)

নেৰাচযগামিনাপচযগামী ধম্মো অপচযগামিস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু অপচযগামীনং খন্ধানং ৰিপ্পযুত্তপচ্চযেন পচ্চযো. (৩)

অত্থিপচ্চযাদি

৬৫. আচযগামী ধম্মো আচযগামিস্স ধম্মস্স অত্থিপচ্চযেন পচ্চযো – আচযগামী একো খন্ধো তিণ্ণন্নং খন্ধানং…পে…. (১)

আচযগামী ধম্মো নেৰাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – আচযগামী খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – আচযগামী খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

আচযগামী ধম্মো আচযগামিস্স চ নেৰাচযগামিনাপচযগামিস্স চ ধম্মস্স অত্থিপচ্চযেন পচ্চযো – আচযগামী একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে…. (৩)

অপচযগামী ধম্মো… তীণি (আচযগামিনযেন কাতব্বং).

৬৬. নেৰাচযগামিনাপচযগামী ধম্মো নেৰাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নেৰাচযগামিনাপচযগামী একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স অত্থিপচ্চযেন পচ্চযো. ৰত্থু খন্ধানং অত্থিপচ্চযেন পচ্চযো. একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে…. পুরেজাতং – অরহা চক্খুং…পে… ৰত্থুং অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰাচযগামিনাপচযগামীনং খন্ধানং অত্থিপচ্চযেন পচ্চযো. পচ্ছাজাতা – নেৰাচযগামিনাপচযগামী খন্ধা পুরেজাতস্স ইমস্স কাযস্স অত্থিপচ্চযেন পচ্চযো. কবল়ীকারো আহারো ইমস্স কাযস্স…পে… রূপজীৰিতিন্দ্রিযং কটত্তারূপানং…পে…. (১)

নেৰাচযগামিনাপচযগামী ধম্মো আচযগামিস্স ধম্মস্স অত্থিপচ্চযেন পচ্চযো. পুরেজাতং – সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো…পে… দোমনস্সং উপ্পজ্জতি, সোতং…পে… ৰত্থুং অনিচ্চতো…পে… ৰিপস্সন্তি, অস্সাদেন্তি অভিনন্দন্তি; তং আরব্ভ রাগো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, ৰত্থু আচযগামীনং খন্ধানং অত্থিপচ্চযেন পচ্চযো. (২)

নেৰাচযগামিনাপচযগামী ধম্মো অপচযগামিস্স ধম্মস্স অত্থিপচ্চযেন পচ্চযো. পুরেজাতং – ৰত্থু অপচযগামীনং খন্ধানং অত্থিপচ্চযেন পচ্চযো. (৩)

৬৭. আচযগামী চ নেৰাচযগামিনাপচযগামী চ ধম্মা আচযগামিস্স ধম্মস্স অত্থিপচ্চযেন পচ্চযো সহজাতং, পুরেজাতং. সহজাতো – আচযগামী একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (১)

আচযগামী চ নেৰাচযগামিনাপচযগামী চ ধম্মা নেৰাচযগামিনাপচযগামিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – আচযগামী খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – আচযগামী খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – আচযগামী খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

অপচযগামী চ নেৰাচযগামিনাপচযগামী চ ধম্মা অপচযগামিস্স ধম্মস্স অত্থিপচ্চযেন পচ্চযো (দ্ৰে কাতব্বা দস্সিতনযেন), নত্থিপচ্চযেন পচ্চযো, ৰিগতপচ্চযেন পচ্চযো, অৰিগতপচ্চযেন পচ্চযো.