১. ৰিভঙ্গৰারো

হেতুপচ্চযো

১. আচযগামিং ধম্মং পটিচ্চ আচযগামী ধম্মো উপ্পজ্জতি হেতুপচ্চযা – আচযগামিং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

আচযগামিং ধম্মং পটিচ্চ নেৰাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে পটিচ্চ চিত্তসমুট্ঠানং রূপং. (২)

আচযগামিং ধম্মং পটিচ্চ আচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – আচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

২. অপচযগামিং ধম্মং পটিচ্চ অপচযগামী ধম্মো উপ্পজ্জতি হেতুপচ্চযা – অপচযগামিং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

অপচযগামিং ধম্মং পটিচ্চ নেৰাচযগামিনাপচযগামী ধম্মো উপ্পজ্জতি হেতুপচ্চযা – অপচযগামী খন্ধে পটিচ্চ চিত্তসমুট্ঠানং রূপং. (২)

অপচযগামিং ধম্মং পটিচ্চ অপচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – অপচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

৩. নেৰাচযগামিনাপচযগামিং ধম্মং পটিচ্চ নেৰাচযগামিনাপচযগামী ধম্মো উপ্পজ্জতি হেতুপচ্চযা – নেৰাচযগামিনাপচযগামিং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে নেৰাচযগামিনাপচযগামিং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা; মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

আচযগামিঞ্চ নেৰাচযগামিনাপচযগামিঞ্চ ধম্মং পটিচ্চ নেৰাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অপচযগামিঞ্চ নেৰাচযগামিনাপচযগামিঞ্চ ধম্মং পটিচ্চ নেৰাচযগামিনাপচযগামী ধম্মো উপ্পজ্জতি হেতুপচ্চযা – অপচযগামী খন্ধে চ মহাভূতে চ পটিচ্চ চিত্তসমুট্ঠানং রূপং. (১)

আরম্মণপচ্চযো

৪. আচযগামিং ধম্মং পটিচ্চ আচযগামী ধম্মো উপ্পজ্জতি আরম্মণপচ্চযা – আচযগামিং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

অপচযগামিং ধম্মং পটিচ্চ অপচযগামী ধম্মো উপ্পজ্জতি আরম্মণপচ্চযা – অপচযগামিং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

নেৰাচযগামিনাপচযগামিং ধম্মং পটিচ্চ নেৰাচযগামিনাপচযগামী ধম্মো উপ্পজ্জতি আরম্মণপচ্চযা – নেৰাচযগামিনাপচযগামিং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. পটিসন্ধিক্খণে…পে… ৰত্থুং পটিচ্চ খন্ধা. (১)

অধিপতিপচ্চযো

৫. আচযগামিং ধম্মং পটিচ্চ আচযগামী ধম্মো উপ্পজ্জতি অধিপতিপচ্চযা… তীণি.

অপচযগামিং ধম্মং পটিচ্চ অপচযগামী ধম্মো উপ্পজ্জতি অধিপতিপচ্চযা… তীণি.

নেৰাচযগামিনাপচযগামিং ধম্মং পটিচ্চ নেৰাচযগামিনাপচযগামী ধম্মো… একং (পটিসন্ধি নত্থি); একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

আচযগামিঞ্চ নেৰাচযগামিনাপচযগামিঞ্চ ধম্মং পটিচ্চ নেৰাচযগামিনাপচযগামী ধম্মো উপ্পজ্জতি অধিপতিপচ্চযা – আচযগামী খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অপচযগামিঞ্চ নেৰাচযগামিনাপচযগামিঞ্চ ধম্মং পটিচ্চ নেৰাচযগামিনাপচযগামী ধম্মো উপ্পজ্জতি অধিপতিপচ্চযা – অপচযগামী খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তরপচ্চযাদি

৬. আচযগামিং ধম্মং পটিচ্চ, আচযগামী ধম্মো উপ্পজ্জতি অনন্তরপচ্চযা… সমনন্তরপচ্চযা … সহজাতপচ্চযা (সব্বেপি মহাভূতা কাতব্বা)… অঞ্ঞমঞ্ঞপচ্চযা (চিত্তসমুট্ঠানম্পি কটত্তারূপম্পি উপাদারূপম্পি নত্থি)… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা….