১. ৰিভঙ্গৰারো

হেতুপচ্চযো

১৮. আচযগামিং ধম্মং পচ্চযা আচযগামী ধম্মো উপ্পজ্জতি হেতুপচ্চযা – আচযগামিং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা. (১)

আচযগামিং ধম্মং পচ্চযা নেৰাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে পচ্চযা চিত্তসমুট্ঠানং রূপং. (২)

আচযগামিং ধম্মং পচ্চযা আচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – আচযগামিং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

অপচযগামিং ধম্মং পচ্চযা অপচযগামী ধম্মো… তীণি.

১৯. নেৰাচযগামিনাপচযগামিং ধম্মং পচ্চযা নেৰাচযগামিনাপচযগামী ধম্মো উপ্পজ্জতি হেতুপচ্চযা – নেৰাচযগামিনাপচযগামিং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং পচ্চযা…পে… ৰত্থুং পচ্চযা নেৰাচযগামিনাপচযগামী খন্ধা. (১)

নেৰাচযগামিনাপচযগামিং ধম্মং পচ্চযা আচযগামী ধম্মো উপ্পজ্জতি হেতুপচ্চযা – ৰত্থুং পচ্চযা আচযগামী খন্ধা. (২)

নেৰাচযগামিনাপচযগামিং ধম্মং পচ্চযা অপচযগামী ধম্মো উপ্পজ্জতি হেতুপচ্চযা – ৰত্থুং পচ্চযা অপচযগামী খন্ধা. (৩)

নেৰাচযগামিনাপচযগামিং ধম্মং পচ্চযা আচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – ৰত্থুং পচ্চযা আচযগামী খন্ধা, মহাভূতে পচ্চযা চিত্তসমুট্ঠানং রূপং. (৪)

নেৰাচযগামিনাপচযগামিং ধম্মং পচ্চযা অপচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – ৰত্থুং পচ্চযা অপচযগামী খন্ধা, মহাভূতে পচ্চযা চিত্তসমুট্ঠানং রূপং. (৫)

২০. আচযগামিঞ্চ নেৰাচযগামিনাপচযগামিঞ্চ ধম্মং পচ্চযা আচযগামী ধম্মো উপ্পজ্জতি হেতুপচ্চযা – আচযগামিং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে…. (১)

আচযগামিঞ্চ নেৰাচযগামিনাপচযগামিঞ্চ ধম্মং পচ্চযা নেৰাচযগামিনাপচযগামী ধম্মো উপ্পজ্জতি হেতুপচ্চযা – আচযগামী খন্ধে চ মহাভূতে চ পচ্চযা চিত্তসমুট্ঠানং রূপং. (২)

আচযগামিঞ্চ নেৰাচযগামিনাপচযগামিঞ্চ ধম্মং পচ্চযা আচযগামী চ নেৰাচযগামিনাপচযগামী চ ধম্মা উপ্পজ্জন্তি হেতুপচ্চযা – আচযগামিং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… আচযগামী খন্ধে চ মহাভূতে চ পচ্চযা চিত্তসমুট্ঠানং রূপং. (৩)

অপচযগামিঞ্চ নেৰাচযগামিনাপচযগামিঞ্চ ধম্মং পচ্চযা অপচযগামী ধম্মো… তীণি.

আরম্মণপচ্চযো

২১. আচযগামিং ধম্মং পচ্চযা আচযগামী ধম্মো উপ্পজ্জতি আরম্মণপচ্চযা – আচযগামিং একং খন্ধং পচ্চযা…পে…. (১)

অপচযগামিং ধম্মং পচ্চযা অপচযগামী ধম্মো… একং.

নেৰাচযগামিনাপচযগামিং ধম্মং পচ্চযা নেৰাচযগামিনাপচযগামী ধম্মো উপ্পজ্জতি আরম্মণপচ্চযা… নেৰাচযগামিনাপচযগামিং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পচ্চযা খন্ধা, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং. ৰত্থুং পচ্চযা নেৰাচযগামিনাপচযগামী খন্ধা. (১)

নেৰাচযগামিনাপচযগামিং ধম্মং পচ্চযা আচযগামী ধম্মো উপ্পজ্জতি আরম্মণপচ্চযা – ৰত্থুং পচ্চযা আচযগামী খন্ধা. (২)

নেৰাচযগামিনাপচযগামিং ধম্মং পচ্চযা অপচযগামী ধম্মো উপ্পজ্জতি আরম্মণপচ্চযা – ৰত্থুং পচ্চযা অপচযগামী খন্ধা. (৩)

আচযগামিঞ্চ নেৰাচযগামিনাপচযগামিঞ্চ ধম্মং পচ্চযা আচযগামী ধম্মো উপ্পজ্জতি আরম্মণপচ্চযা – আচযগামিং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে…. (১)

অপচযগামিঞ্চ নেৰাচযগামিনাপচযগামিঞ্চ ধম্মং পচ্চযা অপচযগামী ধম্মো উপ্পজ্জতি আরম্মণপচ্চযা – অপচযগামিং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে…. (১)

অধিপতিপচ্চযো

২২. আচযগামিং ধম্মং পচ্চযা আচযগামী ধম্মো উপ্পজ্জতি অধিপতিপচ্চযা… তীণি.

অপচযগামিং ধম্মং পচ্চযা অপচযগামী ধম্মো… তীণি.

নেৰাচযগামিনাপচযগামিং ধম্মং পচ্চযা নেৰাচযগামিনাপচযগামী ধম্মো… একং…পে… ৰত্থুং পচ্চযা নেৰাচযগামিনাপচযগামী খন্ধা.

নেৰাচযগামিনাপচযগামিং ধম্মং পচ্চযা আচযগামী ধম্মো…পে… (ইধাপি ঘটনা হেতুসদিসা).

অনন্তরপচ্চযাদি

২৩. আচযগামিং ধম্মং পচ্চযা আচযগামী ধম্মো উপ্পজ্জতি অনন্তরপচ্চযা… সমনন্তরপচ্চযা… সহজাতপচ্চযা… তীণি.

অপচযগামিং ধম্মং পচ্চযা অপচযগামী ধম্মো… তীণি.

নেৰাচযগামিনাপচযগামিং ধম্মং পচ্চযা নেৰাচযগামিনাপচযগামী ধম্মো উপ্পজ্জতি সহজাতপচ্চযা – নেৰাচযগামিনাপচযগামিং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… অসঞ্ঞসত্তানং একং মহাভূতং…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং. ৰত্থুং পচ্চযা…পে…. (১)

নেৰাচযগামিনাপচযগামিং ধম্মং পচ্চযা আচযগামী ধম্মো উপ্পজ্জতি সহজাতপচ্চযা (সংখিত্তং, সব্বে ঘটনা কাতব্বা).

অঞ্ঞমঞ্ঞপচ্চযাদি

২৪. অপচযগামিং ধম্মং পচ্চযা অপচযগামী ধম্মো উপ্পজ্জতি অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.