২৩. তেৰীসতিমৰগ্গো

(২২০-৪) ৩-৭. ইস্সরিযকামকারিকাদিকথা

৯১০. বোধিসত্তো ইস্সরিযকামকারিকাহেতু ৰিনিপাতং গচ্ছতীতি? আমন্তা. বোধিসত্তো ইস্সরিযকামকারিকাহেতু নিরযং গচ্ছতি, সঞ্জীৰং গচ্ছতি, কালসুত্তং গচ্ছতি, তাপনং গচ্ছতি, মহাতাপনং [পতাপনং (সী. স্যা. কং. পী.)] গচ্ছতি, সঙ্ঘাতকং গচ্ছতি, রোরুৰং গচ্ছতি…পে… অৰীচিং গচ্ছতীতি? ন হেৰং ৰত্তব্বে…পে….

বোধিসত্তো ইস্সরিযকামকারিকাহেতু ৰিনিপাতং গচ্ছতীতি? আমন্তা. ‘‘বোধিসত্তো ইস্সরিযকামকারিকাহেতু ৰিনিপাতং গচ্ছতী’’তি – অত্থেৰ সুত্তন্তোতি? নত্থি. হঞ্চি ‘‘বোধিসত্তো ইস্সরিযকামকারিকাহেতু ৰিনিপাতং গচ্ছতী’’তি – নত্থেৰ সুত্তন্তো, নো চ ৰত রে ৰত্তব্বে – ‘‘বোধিসত্তো ইস্সরিযকামকারিকাহেতু ৰিনিপাতং গচ্ছতী’’তি.

৯১১. বোধিসত্তো ইস্সরিযকামকারিকাহেতু গব্ভসেয্যং ওক্কমতীতি? আমন্তা. বোধিসত্তো ইস্সরিযকামকারিকাহেতু নিরযং উপপজ্জেয্য, তিরচ্ছানযোনিং উপপজ্জেয্যাতি? ন হেৰং ৰত্তব্বে…পে….

বোধিসত্তো ইস্সরিযকামকারিকাহেতু গব্ভসেয্যং ওক্কমতীতি? আমন্তা. বোধিসত্তো ইদ্ধিমাতি? ন হেৰং ৰত্তব্বে…পে… বোধিসত্তো ইদ্ধিমাতি? আমন্তা. বোধিসত্তেন ছন্দিদ্ধিপাদো ভাৰিতো…পে… ৰীরিযিদ্ধিপাদো…পে… চিত্তিদ্ধিপাদো…পে… ৰীমংসিদ্ধিপাদো ভাৰিতোতি? ন হেৰং ৰত্তব্বে…পে….

বোধিসত্তো ইস্সরিযকামকারিকাহেতু গব্ভসেয্যং ওক্কমতীতি? আমন্তা. ‘‘বোধিসত্তো ইস্সরিযকামকারিকাহেতু গব্ভসেয্যং ওক্কমতী’’তি – অত্থেৰ সুত্তন্তোতি? নত্থি. হঞ্চি ‘‘বোধিসত্তো ইস্সরিযকামকারিকাহেতু গব্ভসেয্যং ওক্কমতী’’তি – নত্থেৰ সুত্তন্তো, নো চ ৰত রে ৰত্তব্বে – ‘‘বোধিসত্তো ইস্সরিযকামকারিকাহেতু গব্ভসেয্যং ওক্কমতী’’তি.

৯১২. বোধিসত্তো ইস্সরিযকামকারিকাহেতু দুক্করকারিকং অকাসীতি? আমন্তা. বোধিসত্তো ইস্সরিযকামকারিকাহেতু ‘‘সস্সতো লোকো’’তি পচ্চাগচ্ছি, ‘‘অসস্সতো লোকো’’তি…পে… ‘‘অন্তৰা লোকো’’তি…পে… ‘‘অনন্তৰা লোকো’’তি… ‘‘তং জীৰং তং সরীর’’ন্তি … ‘‘অঞ্ঞং জীৰং অঞ্ঞং সরীর’’ন্তি… ‘‘হোতি তথাগতো পরং মরণা’’তি… ‘‘ন হোতি তথাগতো পরং মরণা’’তি… ‘‘হোতি চ ন চ হোতি তথাগতো পরং মরণা’’তি…পে… ‘‘নেৰ হোতি ন ন হোতি তথাগতো পরং মরণা’’তি পচ্চাগচ্ছীতি? ন হেৰং ৰত্তব্বে…পে….

বোধিসত্তো ইস্সরিযকামকারিকাহেতু দুক্করকারিকং অকাসীতি? আমন্তা. ‘‘বোধিসত্তো ইস্সরিযকামকারিকাহেতু দুক্করকারিকং অকাসী’’তি – অত্থেৰ সুত্তন্তোতি? নত্থি. হঞ্চি ‘‘বোধিসত্তো ইস্সরিযকামকারিকাহেতু দুক্করকারিকং অকাসী’’তি – নত্থেৰ সুত্তন্তো, নো চ ৰত রে ৰত্তব্বে – ‘‘বোধিসত্তো ইস্সরিযকামকারিকাহেতু দুক্করকারিকং অকাসী’’তি.

৯১৩. বোধিসত্তো ইস্সরিযকামকারিকাহেতু অপরন্তপং [অমরং তপং (সং. নি. ১.১৩৭)] অকাসি, অঞ্ঞং সত্থারং উদ্দিসীতি? আমন্তা. বোধিসত্তো ইস্সরিযকামকারিকাহেতু ‘‘সস্সতো লোকো’’তি পচ্চাগচ্ছি…পে… ‘‘নেৰ হোতি ন ন হোতি তথাগতো পরং মরণা’’তি পচ্চাগচ্ছীতি? ন হেৰং ৰত্তব্বে…পে….

৯১৪. বোধিসত্তো ইস্সরিযকামকারিকাহেতু অঞ্ঞং সত্থারং উদ্দিসীতি? আমন্তা. ‘‘বোধিসত্তো ইস্সরিযকামকারিকাহেতু অঞ্ঞং সত্থারং উদ্দিসী’’তি – অত্থেৰ সুত্তন্তোতি? নত্থি. হঞ্চি ‘‘বোধিসত্তো ইস্সরিযকামকারিকাহেতু অঞ্ঞং সত্থারং উদ্দিসী’’তি – নত্থেৰ সুত্তন্তো, নো চ ৰত রে ৰত্তব্বে – ‘‘বোধিসত্তো ইস্সরিযকামকারিকাহেতু অঞ্ঞং সত্থারং উদ্দিসী’’তি.

ইস্সরিযকামকারিকাকথা নিট্ঠিতা.