১৬. সোল়সমৰগ্গো

(১৬২) ৭. রূপং কুসলাকুসলন্তিকথা

৭৬০. রূপং কুসলন্তি? আমন্তা. সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… ননু অনারম্মণং, নত্থি তস্স আৰট্টনা…পে… পণিধীতি? আমন্তা. হঞ্চি অনারম্মণং, নত্থি তস্স আৰট্টনা…পে… পণিধি, নো চ ৰত রে ৰত্তব্বে – ‘‘রূপং কুসল’’ন্তি.

৭৬১. অলোভো কুসলো সারম্মণো, অত্থি তস্স আৰট্টনা…পে… পণিধীতি? আমন্তা. রূপং কুসলং সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

অদোসো কুসলো…পে… অমোহো কুসলো…পে… সদ্ধা… ৰীরিযং… সতি… সমাধি…পে… পঞ্ঞা কুসলা সারম্মণা, অত্থি তায আৰট্টনা…পে… পণিধীতি? আমন্তা. রূপং কুসলং সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

রূপং কুসলং অনারম্মণং, নত্থি তস্স আৰট্টনা…পে… পণিধীতি? আমন্তা. অলোভো কুসলো অনারম্মণো, নত্থি তস্স আৰট্টনা …পে… পণিধীতি? ন হেৰং ৰত্তব্বে…পে….

রূপং কুসলং অনারম্মণং, নত্থি তস্স আৰট্টনা…পে… পণিধীতি? আমন্তা. অদোসো কুসলো…পে… পঞ্ঞা কুসলা অনারম্মণা, নত্থি তায আৰট্টনা…পে… পণিধীতি? ন হেৰং ৰত্তব্বে…পে….

৭৬২. রূপং অকুসলন্তি? আমন্তা. সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… ননু অনারম্মণং, নত্থি তস্স আৰট্টনা…পে… পণিধীতি? আমন্তা. হঞ্চি অনারম্মণং, নত্থি তস্স আৰট্টনা…পে… পণিধি, নো চ ৰত রে ৰত্তব্বে – ‘‘রূপং অকুসল’’ন্তি…পে….

৭৬৩. লোভো অকুসলো সারম্মণো, অত্থি তস্স আৰট্টনা…পে… পণিধীতি? আমন্তা. রূপং অকুসলং সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… দোসো… মোহো… মানো…পে… অনোত্তপ্পং অকুসলং সারম্মণং, অত্থি তস্স আৰট্টনা…পে… পণিধীতি? আমন্তা. রূপং অকুসলং সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

রূপং অকুসলং অনারম্মণং, নত্থি তস্স আৰট্টনা…পে… পণিধীতি? আমন্তা. লোভো অকুসলো অনারম্মণো, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে… রূপং অকুসলং অনারম্মণং, নত্থি তস্স আৰট্টনা…পে… পণিধীতি? আমন্তা. দোসো… মোহো…পে… অনোত্তপ্পং অকুসলং অনারম্মণং, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

৭৬৪. ন ৰত্তব্বং – ‘‘রূপং কুসলম্পি অকুসলম্পী’’তি? আমন্তা. ননু কাযকম্মং ৰচীকম্মং কুসলম্পি অকুসলম্পীতি? আমন্তা. হঞ্চি কাযকম্মং ৰচীকম্মং কুসলম্পি অকুসলম্পি, তেন ৰত রে ৰত্তব্বে – ‘‘রূপং কুসলম্পি অকুসলম্পী’’তি.

রূপং কুসলাকুসলন্তিকথা নিট্ঠিতা.