১৬. সোল়সমৰগ্গো

(১৬০) ৫. রূপং হেতূতিকথা

৭৫৪. রূপং হেতূতি? আমন্তা. অলোভো হেতূতি? ন হেৰং ৰত্তব্বে…পে… অদোসো হেতু…পে… অমোহো হেতু… লোভো হেতু… দোসো হেতু… মোহো হেতূতি? ন হেৰং ৰত্তব্বে…পে….

রূপং হেতূতি? আমন্তা. সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… ননু অনারম্মণং, নত্থি তস্স আৰট্টনা…পে… পণিধীতি? আমন্তা. হঞ্চি অনারম্মণং, নত্থি তস্স আৰট্টনা…পে… পণিধি, নো চ ৰত রে ৰত্তব্বে – ‘‘রূপং হেতূ’’তি.

৭৫৫. অলোভো হেতু সারম্মণো, অত্থি তস্স আৰট্টনা…পে… পণিধীতি? আমন্তা. রূপং হেতু সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… অদোসো হেতু… অমোহো হেতু… লোভো হেতু… দোসো হেতু… মোহো হেতু সারম্মণো, অত্থি তস্স আৰট্টনা…পে… পণিধীতি? আমন্তা. রূপং হেতু সারম্মণং, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

রূপং হেতু অনারম্মণং, নত্থি তস্স আৰট্টনা…পে… পণিধীতি? আমন্তা. অলোভো হেতু অনারম্মণো, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে… রূপং হেতু অনারম্মণং, নত্থি তস্স আৰট্টনা…পে… পণিধীতি? আমন্তা. অদোসো হেতু… অমোহো হেতু… লোভো হেতু… দোসো হেতু… মোহো হেতু অনারম্মণো, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

৭৫৬. ন ৰত্তব্বং – ‘‘রূপং হেতূ’’তি? আমন্তা. ননু মহাভূতা উপাদাযরূপানং [উপাদারূপানং (সী. পী. ক.)] উপাদাযহেতূতি? আমন্তা. হঞ্চি মহাভূতা উপাদাযরূপানং উপাদাযহেতু, তেন ৰত রে ৰত্তব্বে – ‘‘রূপং হেতূ’’তি.

রূপং হেতূতিকথা নিট্ঠিতা.