অহেতুককিরিযাঅব্যাকতং

কিরিযামনোধাতু

৫৬৬. কতমে ধম্মা অব্যাকতা? যস্মিং সমযে মনোধাতু উপ্পন্না হোতি কিরিযা নেৰ কুসলা নাকুসলা ন চ কম্মৰিপাকা উপেক্খাসহগতা রূপারম্মণা ৰা…পে… ফোট্ঠব্বারম্মণা ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, মনিন্দ্রিযং হোতি, উপেক্খিন্দ্রিযং হোতি, জীৰিতিন্দ্রিযং হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা…পে….

তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, তীণিন্দ্রিযানি হোন্তি, একো ফস্সো হোতি…পে… একা মনোধাতু হোতি, একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা…পে….

৫৬৭. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা জীৰিতিন্দ্রিযং; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে… ইমে ধম্মা অব্যাকতা.

কিরিযা মনোধাতু.

কিরিযামনোৰিঞ্ঞাণধাতুসোমনস্সসহগতা

৫৬৮. কতমে ধম্মা অব্যাকতা? যস্মিং সমযে মনোৰিঞ্ঞাণধাতু উপ্পন্না হোতি কিরিযা নেৰ কুসলা নাকুসলা ন চ কম্মৰিপাকা সোমনস্সসহগতা রূপারম্মণা ৰা…পে… ধম্মারম্মণা ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, পীতি হোতি, সুখং হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি, মনিন্দ্রিযং হোতি, সোমনস্সিন্দ্রিযং হোতি, জীৰিতিন্দ্রিযং হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা.

৫৬৯. কতমো তস্মিং সমযে ফস্সো হোতি? যো তস্মিং সমযে ফস্সো ফুসনা সংফুসনা সংফুসিতত্তং – অযং তস্মিং সমযে ফস্সো হোতি…পে….

৫৭০. কতমা তস্মিং সমযে চিত্তস্সেকগ্গতা হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং – অযং তস্মিং সমযে চিত্তস্সেকগ্গতা হোতি.

৫৭১. কতমং তস্মিং সমযে ৰীরিযিন্দ্রিযং হোতি? যো তস্মিং সমযে চেতসিকো ৰীরিযারম্ভো নিক্কমো পরক্কমো উয্যামো ৰাযামো উস্সাহো উস্সোল়্হী থামো ধিতি অসিথিলপরক্কমতা অনিক্খিত্তছন্দতা অনিক্খিত্তধুরতা ধুরসম্পগ্গাহো ৰীরিযং ৰীরিযিন্দ্রিযং ৰীরিযবলং – ইদং তস্মিং সমযে ৰীরিযিন্দ্রিযং হোতি.

৫৭২. কতমং তস্মিং সমযে সমাধিন্দ্রিযং হোতি? যা তস্মিং সমযে চিত্তস্স ঠিতি সণ্ঠিতি অৰট্ঠিতি অৰিসাহারো অৰিক্খেপো অৰিসাহটমানসতা সমথো সমাধিন্দ্রিযং সমাধিবলং – ইদং তস্মিং সমযে সমাধিন্দ্রিযং হোতি…পে… যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা.

তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, একো ফস্সো হোতি…পে… একা মনোৰিঞ্ঞাণধাতু হোতি, একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা…পে….

৫৭৩. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো পীতি চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে… ইমে ধম্মা অব্যাকতা.

কিরিযা মনোৰিঞ্ঞাণধাতু সোমনস্সসহগতা.

কিরিযামনোৰিঞ্ঞাণধাতুউপেক্খাসহগতা

৫৭৪. কতমে ধম্মা অব্যাকতা? যস্মিং সমযে মনোৰিঞ্ঞাণধাতু উপ্পন্না হোতি কিরিযা নেৰ কুসলা নাকুসলা ন চ কম্মৰিপাকা উপেক্খাসহগতা রূপারম্মণা ৰা…পে… ধম্মারম্মণা ৰা যং যং ৰা পনারব্ভ, তস্মিং সমযে ফস্সো হোতি, ৰেদনা হোতি, সঞ্ঞা হোতি, চেতনা হোতি, চিত্তং হোতি, ৰিতক্কো হোতি, ৰিচারো হোতি, উপেক্খা হোতি, চিত্তস্সেকগ্গতা হোতি, ৰীরিযিন্দ্রিযং হোতি, সমাধিন্দ্রিযং হোতি মনিন্দ্রিযং হোতি, উপেক্খিন্দ্রিযং হোতি, জীৰিতিন্দ্রিযং হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা…পে….

তস্মিং খো পন সমযে চত্তারো খন্ধা হোন্তি, দ্ৰাযতনানি হোন্তি, দ্ৰে ধাতুযো হোন্তি, তযো আহারা হোন্তি, পঞ্চিন্দ্রিযানি হোন্তি, একো ফস্সো হোতি…পে… একা মনোৰিঞ্ঞাণধাতু হোতি, একং ধম্মাযতনং হোতি, একা ধম্মধাতু হোতি; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা – ইমে ধম্মা অব্যাকতা…পে….

৫৭৫. কতমো তস্মিং সমযে সঙ্খারক্খন্ধো হোতি? ফস্সো চেতনা ৰিতক্কো ৰিচারো চিত্তস্সেকগ্গতা ৰীরিযিন্দ্রিযং সমাধিন্দ্রিযং জীৰিতিন্দ্রিযং; যে ৰা পন তস্মিং সমযে অঞ্ঞেপি অত্থি পটিচ্চসমুপ্পন্না অরূপিনো ধম্মা ঠপেত্ৰা ৰেদনাক্খন্ধং ঠপেত্ৰা সঞ্ঞাক্খন্ধং ঠপেত্ৰা ৰিঞ্ঞাণক্খন্ধং – অযং তস্মিং সমযে সঙ্খারক্খন্ধো হোতি…পে… ইমে ধম্মা অব্যাকতা.

কিরিযা মনোৰিঞ্ঞাণধাতু উপেক্খাসহগতা.

অহেতুকা কিরিযা অব্যাকতা.

সহেতুককামাৰচরকিরিযা

৫৭৬. কতমে ধম্মা অব্যাকতা? যস্মিং সমযে মনোৰিঞ্ঞাণধাতু উপ্পন্না হোতি কিরিযা নেৰ কুসলা নাকুসলা ন চ কম্মৰিপাকা সোমনস্সসহগতা ঞাণসম্পযুত্তা…পে… সোমনস্সসহগতা ঞাণসম্পযুত্তা সসঙ্খারেন…পে… সোমনস্সসহগতা ঞাণৰিপ্পযুত্তা…পে… সোমনস্সসহগতা ঞাণৰিপ্পযুত্তা সসঙ্খারেন…পে… উপেক্খাসহগতা ঞাণসম্পযুত্তা…পে… উপেক্খাসহগতা ঞাণসম্পযুত্তা সসঙ্খারেন…পে… উপেক্খাসহগতা ঞাণৰিপ্পযুত্তা…পে… উপেক্খাসহগতা ঞাণৰিপ্পযুত্তা সসঙ্খারেন রূপারম্মণা ৰা…পে… ধম্মারম্মণা ৰা যং যং ৰা পনারব্ভ, তস্মিং সমযে ফস্সো হোতি…পে… অৰিক্খেপো হোতি …পে… ইমে ধম্মা অব্যাকতা…পে… অলোভো অব্যাকতমূলং…পে… অদোসো অব্যাকতমূলং…পে… ইমে ধম্মা অব্যাকতা.

সহেতুকা কামাৰচরকিরিযা.

রূপাৰচরকিরিযা

৫৭৭. কতমে ধম্মা অব্যাকতা? যস্মিং সমযে রূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং ৰিৰিচ্চেৰ কামেহি…পে… পঠমং ঝানং উপসম্পজ্জ ৰিহরতি পথৰীকসিণং, তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা.

৫৭৮. কতমে ধম্মা অব্যাকতা? যস্মিং সমযে রূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং ৰিতক্কৰিচারানং ৰূপসমা…পে… দুতিযং ঝানং…পে… ততিযং ঝানং…পে… চতুত্থং ঝানং…পে… পঠমং ঝানং…পে… পঞ্চমং ঝানং উপসম্পজ্জ ৰিহরতি পথৰীকসিণং, তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা.

রূপাৰচরকিরিযা.

অরূপাৰচরকিরিযা

৫৭৯. কতমে ধম্মা অব্যাকতা? যস্মিং সমযে অরূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং সব্বসো রূপসঞ্ঞানং সমতিক্কমা পটিঘসঞ্ঞানং অত্থঙ্গমা নানত্তসঞ্ঞানং অমনসিকারা আকাসানঞ্চাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৰিহরতি তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা.

৫৮০. কতমে ধম্মা অব্যাকতা? যস্মিং সমযে অরূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং সব্বসো আকাসানঞ্চাযতনং সমতিক্কম্ম ৰিঞ্ঞাণঞ্চাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৰিহরতি, তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা.

৫৮১. কতমে ধম্মা অব্যাকতা? যস্মিং সমযে অরূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং সব্বসো ৰিঞ্ঞাণঞ্চাযতনং সমতিক্কম্ম আকিঞ্চঞ্ঞাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৰিহরতি, তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা.

৫৮২. কতমে ধম্মা অব্যাকতা? যস্মিং সমযে অরূপাৰচরং ঝানং ভাৰেতি কিরিযং নেৰ কুসলং নাকুসলং ন চ কম্মৰিপাকং দিট্ঠধম্মসুখৰিহারং সব্বসো আকিঞ্চঞ্ঞাযতনং সমতিক্কম্ম নেৰসঞ্ঞানাসঞ্ঞাযতনসঞ্ঞাসহগতং সুখস্স চ পহানা…পে… চতুত্থং ঝানং উপসম্পজ্জ ৰিহরতি, তস্মিং সমযে ফস্সো হোতি…পে… অৰিক্খেপো হোতি…পে… ইমে ধম্মা অব্যাকতা…পে… অলোভো অব্যাকতমূলং…পে… অদোসো অব্যাকতমূলং…পে… অমোহো অব্যাকতমূলং…পে… ইমে ধম্মা অব্যাকতা.

অরূপাৰচরকিরিযা.

কিরিযা অব্যাকতা.

চিত্তুপ্পাদকণ্ডং নিট্ঠিতং.