৭. সম্পযুত্তেনৰিপ্পযুত্তপদনিদ্দেসো

৩০৬. ৰেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খারক্খন্ধেন যে ধম্মা… ৰিঞ্ঞাণক্খন্ধেন যে ধম্মা… মনাযতনেন যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৰিপ্পযুত্তা? তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০৭. চক্খুৰিঞ্ঞাণধাতুযা যে ধম্মা…পে… মনোধাতুযা যে ধম্মা… মনোৰিঞ্ঞাণধাতুযা যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩০৮. মনিন্দ্রিযেন যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০৯. উপেক্খিন্দ্রিযেন যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

৩১০. সঙ্খারপচ্চযা ৰিঞ্ঞাণেন যে ধম্মা… সল়াযতনপচ্চযা ফস্সেন যে ধম্মা… ফস্সপচ্চযা ৰেদনায যে ধম্মা… ফস্সেন যে ধম্মা… ৰেদনায যে ধম্মা… সঞ্ঞায যে ধম্মা… চেতনায যে ধম্মা… চিত্তেন যে ধম্মা… মনসিকারেন যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩১১. অধিমোক্খেন যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩১২. অদুক্খমসুখায ৰেদনায সম্পযুত্তেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

৩১৩. সৰিতক্কসৰিচারেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩১৪. চিত্তেহি ধম্মেহি যে ধম্মা… চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা … চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপরিৰত্তীহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩১৫. সৰিতক্কেহি ধম্মেহি যে ধম্মা… সৰিচারেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩১৬. উপেক্খাসহগতেহি ধম্মেহি যে ধম্মা সম্পযুত্তা, তেহি ধম্মেহি যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৰিপ্পযুত্তা? তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

খন্ধা চতুরো আযতনঞ্চ মেকং;

ধাতূসু সত্ত দ্ৰেপি চ ইন্দ্রিযতো.

তযো পটিচ্চ তথরিৰ ফস্সপঞ্চমা;

অধিমুচ্চনা মনসি তিকেসু তীণি.

সত্তন্তরা দ্ৰে চ মনেন যুত্তা;

ৰিতক্কৰিচারণা উপেক্খকায চাতি.

সম্পযুত্তেনৰিপ্পযুত্তপদনিদ্দেসো সত্তমো.