৫. পঞ্চমনযো

৫. অসঙ্গহিতেনঅসঙ্গহিতপদনিদ্দেসো

১৯৩. রূপক্খন্ধেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

১৯৪. ৰেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খারক্খন্ধেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১৯৫. ৰিঞ্ঞাণক্খন্ধেন যে ধম্মা… মনাযতনেন যে ধম্মা… চক্খুৰিঞ্ঞাণধাতুযা যে ধম্মা…পে… মনোধাতুযা যে ধম্মা… মনোৰিঞ্ঞাণধাতুযা যে ধম্মা… মনিন্দ্রিযেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি একাদসহাযতনেহি একাদসহি ধাতূহি অসঙ্গহিতা.

১৯৬. চক্খাযতনেন যে ধম্মা…পে… ফোট্ঠব্বাযতনেন যে ধম্মা… চক্খুধাতুযা যে ধম্মা…পে… ফোট্ঠব্বধাতুযা যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১৯৭. ধম্মাযতনেন যে ধম্মা… ধম্মধাতুযা যে ধম্মা… ইত্থিন্দ্রিযেন যে ধম্মা… পুরিসিন্দ্রিযেন যে ধম্মা… জীৰিতিন্দ্রিযেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

১৯৮. সমুদযসচ্চেন যে ধম্মা… মগ্গসচ্চেন যে ধম্মা… নিরোধসচ্চেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১৯৯. চক্খুন্দ্রিযেন যে ধম্মা…পে… কাযিন্দ্রিযেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

২০০. সুখিন্দ্রিযেন যে ধম্মা… দুক্খিন্দ্রিযেন যে ধম্মা… সোমনস্সিন্দ্রিযেন যে ধম্মা… দোমনস্সিন্দ্রিযেন যে ধম্মা… উপেক্খিন্দ্রিযেন যে ধম্মা… সদ্ধিন্দ্রিযেন যে ধম্মা… ৰীরিযিন্দ্রিযেন যে ধম্মা… সতিন্দ্রিযেন যে ধম্মা… সমাধিন্দ্রিযেন যে ধম্মা… পঞ্ঞিন্দ্রিযেন যে ধম্মা… অনঞ্ঞাতঞ্ঞস্সামীতিন্দ্রিযেন যে ধম্মা… অঞ্ঞিন্দ্রিযেন যে ধম্মা… অঞ্ঞাতাৰিন্দ্রিযেন যে ধম্মা… অৰিজ্জায যে ধম্মা… অৰিজ্জাপচ্চযা সঙ্খারেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২০১. সঙ্খারপচ্চযা ৰিঞ্ঞাণেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি একাদসহাযতনেহি একাদসহি ধাতূহি অসঙ্গহিতা.

২০২. ৰিঞ্ঞাণপচ্চযা নামরূপেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

২০৩. নামরূপপচ্চযা সল়াযতনেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা তীহি খন্ধেহি একেনাযতনেন একায ধাতুযা অসঙ্গহিতা.

২০৪. সল়াযতনপচ্চযা ফস্সেন যে ধম্মা… ফস্সপচ্চযা ৰেদনায যে ধম্মা… ৰেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৰেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২০৫. অরূপভৰেন যে ধম্মা… নেৰসঞ্ঞানাসঞ্ঞাভৰেন যে ধম্মা … চতুৰোকারভৰেন যে ধম্মা… ইদ্ধিপাদেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২০৬. অসঞ্ঞাভৰেন যে ধম্মা… একৰোকারভৰেন যে ধম্মা… জাতিযা যে ধম্মা… জরায যে ধম্মা… মরণেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

২০৭. পরিদেৰেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

২০৮. সোকেন যে ধম্মা… দুক্খেন যে ধম্মা… দোমনস্সেন যে ধম্মা… উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… ঝানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্রিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অরিযেন অট্ঠঙ্গিকেন মগ্গেন যে ধম্মা… ফস্সেন যে ধম্মা… ৰেদনায যে ধম্মা… সঞ্ঞায যে ধম্মা… চেতনায যে ধম্মা… অধিমোক্খেন যে ধম্মা … মনসিকারেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২০৯. চিত্তেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি একাদসহাযতনেহি একাদসহি ধাতূহি অসঙ্গহিতা.

১. তিকং

২১০. কুসলেহি ধম্মেহি যে ধম্মা… অকুসলেহি ধম্মেহি যে ধম্মা… সুখায ৰেদনায সম্পযুত্তেহি ধম্মেহি যে ধম্মা… দুক্খায ৰেদনায সম্পযুত্তেহি ধম্মেহি যে ধম্মা… অদুক্খমসুখায ৰেদনায সম্পযুত্তেহি ধম্মেহি যে ধম্মা… ৰিপাকেহি ধম্মেহি যে ধম্মা… ৰিপাকধম্মধম্মেহি যে ধম্মা… অনুপাদিন্নঅনুপাদানিযেহি ধম্মেহি যে ধম্মা… সংকিলিট্ঠসংকিলেসিকেহি ধম্মেহি যে ধম্মা… অসংকিলিট্ঠঅসংকিলেসিকেহি ধম্মেহি যে ধম্মা… সৰিতক্কসৰিচারেহি ধম্মেহি যে ধম্মা… অৰিতক্কৰিচারমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… আচযগামীহি ধম্মেহি যে ধম্মা… অপচযগামীহি ধম্মেহি যে ধম্মা… সেক্খেহি ধম্মেহি যে ধম্মা… অসেক্খেহি ধম্মেহি যে ধম্মা… মহগ্গতেহি ধম্মেহি যে ধম্মা… অপ্পমাণেহি ধম্মেহি যে ধম্মা… পরিত্তারম্মণেহি ধম্মেহি যে ধম্মা… মহগ্গতারম্মণেহি ধম্মেহি যে ধম্মা… অপ্পমাণারম্মণেহি ধম্মেহি যে ধম্মা… হীনেহি ধম্মেহি যে ধম্মা… পণীতেহি ধম্মেহি যে ধম্মা… মিচ্ছত্তনিযতেহি ধম্মেহি যে ধম্মা… সম্মত্তনিযতেহি ধম্মেহি যে ধম্মা… মগ্গারম্মণেহি ধম্মেহি যে ধম্মা… মগ্গহেতুকেহি ধম্মেহি যে ধম্মা… মগ্গাধিপতীহি ধম্মেহি যে ধম্মা… অতীতারম্মণেহি ধম্মেহি যে ধম্মা… অনাগতারম্মণেহি ধম্মেহি যে ধম্মা… পচ্চুপন্নারম্মণেহি ধম্মেহি যে ধম্মা… অজ্ঝত্তারম্মণেহি ধম্মেহি যে ধম্মা… বহিদ্ধারম্মণেহি ধম্মেহি যে ধম্মা… অজ্ঝত্তবহিদ্ধারম্মণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২১১. সনিদস্সনসপ্পটিঘেহি ধম্মেহি যে ধম্মা… অনিদস্সনসপ্পটিঘেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

২. দুকং

২১২. হেতূহি ধম্মেহি যে ধম্মা… হেতূহি চেৰ সহেতুকেহি চ ধম্মেহি যে ধম্মা… হেতূহি চেৰ হেতুসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২১৩. সহেতুকেহি ধম্মেহি যে ধম্মা… হেতুসম্পযুত্তেহি ধম্মেহি যে ধম্মা… সহেতুকেহি চেৰ ন চ হেতূহি ধম্মেহি যে ধম্মা… হেতুসম্পযুত্তেহি চেৰ ন চ হেতূহি ধম্মেহি যে ধম্মা… ন হেতুসহেতুকেহি [ন হেতূ সহেতুকেহি (সী.), ন হেতূহি সহেতুকেহি (স্যা. ক.)] ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২১৪. অপ্পচ্চযেহি ধম্মেহি যে ধম্মা… অসঙ্খতেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২১৫. সনিদস্সনেহি ধম্মেহি যে ধম্মা… সপ্পটিঘেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

২১৬. রূপীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

২১৭. অরূপীহি ধম্মেহি যে ধম্মা… লোকুত্তরেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২১৮. আসৰেহি ধম্মেহি যে ধম্মা… আসৰেহি চেৰ সাসৰেহি চ ধম্মেহি যে ধম্মা… আসৰেহি চেৰ আসৰসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২১৯. অনাসৰেহি ধম্মেহি যে ধম্মা… আসৰসম্পযুত্তেহি ধম্মেহি যে ধম্মা… আসৰসম্পযুত্তেহি চেৰ নো চ আসৰেহি ধম্মেহি যে ধম্মা… আসৰৰিপ্পযুত্তেহি অনাসৰেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২২০. সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৰরণেহি ধম্মেহি যে ধম্মা… পরামাসেহি ধম্মেহি যে ধম্মা… পরামাসেহি চেৰ পরামট্ঠেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২২১. অপরামট্ঠেহি ধম্মেহি যে ধম্মা… পরামাসসম্পযুত্তেহি ধম্মেহি যে ধম্মা… পরামাসৰিপ্পযুত্তেহি অপরামট্ঠেহি ধম্মেহি যে ধম্মা… সারম্মণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

২২২. অনারম্মণেহি ধম্মেহি যে ধম্মা… নো চিত্তেহি ধম্মেহি যে ধম্মা… চিত্তৰিপ্পযুত্তেহি ধম্মেহি যে ধম্মা… চিত্তৰিসংসট্ঠেহি ধম্মেহি যে ধম্মা… চিত্তসমুট্ঠানেহি ধম্মেহি যে ধম্মা… চিত্তসহভূহি ধম্মেহি যে ধম্মা… চিত্তানুপরিৰত্তীহি ধম্মেহি যে ধম্মা… বাহিরেহি ধম্মেহি যে ধম্মা… উপাদাধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা একেন খন্ধেন একেনাযতনেন সত্তহি ধাতূহি অসঙ্গহিতা.

২২৩. চিত্তেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা চতূহি খন্ধেহি একাদসহাযতনেহি একাদসহি ধাতূহি অসঙ্গহিতা.

২২৪. চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপরিৰত্তীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২২৫. অজ্ঝত্তিকেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা তেহি ধম্মেহি যে ধম্মা…পে… তে ধম্মা তীহি খন্ধেহি একেনাযতনেন একায ধাতুযা অসঙ্গহিতা.

২২৬. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৰ সংকিলেসিকেহি চ ধম্মেহি যে ধম্মা… কিলেসেহি চেৰ সংকিলিট্ঠেহি চ ধম্মেহি যে ধম্মা… কিলেসেহি চেৰ কিলেসসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা…পে… তে ধম্মা দ্ৰীহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

২২৭. অসংকিলেসিকেহি ধম্মেহি যে ধম্মা… সংকিলিট্ঠেহি ধম্মেহি যে ধম্মা… কিলেসসম্পযুত্তেহি ধম্মেহি যে ধম্মা… সংকিলিট্ঠেহি চেৰ নো চ কিলেসেহি ধম্মেহি যে ধম্মা… কিলেসসম্পযুত্তেহি চেৰ নো চ কিলেসেহি ধম্মেহি যে ধম্মা… কিলেসৰিপ্পযুত্তেহি অসংকিলেসিকেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… সৰিতক্কেহি ধম্মেহি যে ধম্মা… সৰিচারেহি ধম্মেহি যে ধম্মা… সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… ন কামাৰচরেহি ধম্মেহি যে ধম্মা… রূপাৰচরেহি ধম্মেহি যে ধম্মা… অরূপাৰচরেহি ধম্মেহি যে ধম্মা… অপরিযাপন্নেহি ধম্মেহি যে ধম্মা… নিয্যানিকেহি ধম্মেহি যে ধম্মা… নিযতেহি ধম্মেহি যে ধম্মা… অনুত্তরেহি ধম্মেহি যে ধম্মা… সরণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা একেন খন্ধেন দসহাযতনেহি দসহি ধাতূহি অসঙ্গহিতা.

রূপঞ্চ ধম্মাযতনং ধম্মধাতু, ইত্থিপুমং জীৰিতং নামরূপং;

দ্ৰে ভৰা জাতি জরা মচ্চুরূপং, অনারম্মণং নো চিত্তং চিত্তেন ৰিপ্পযুত্তং.

ৰিসংসট্ঠং সমুট্ঠান-সহভু অনুপরিৰত্তি;

বাহিরং উপাদা দ্ৰে, ৰিসযো [দ্ৰেৰীসতি (স্যা.)] এসনযো সুবুদ্ধো.

অসঙ্গহিতেনঅসঙ্গহিতপদনিদ্দেসো পঞ্চমো.