২. সঙ্গহিতেনঅসঙ্গহিতপদনিদ্দেসো

১৭১. চক্খাযতনেন যে ধম্মা… ফোট্ঠব্বাযতনেন যে ধম্মা… চক্খুধাতুযা যে ধম্মা… ফোট্ঠব্বধাতুযা যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১৭২. চক্খুৰিঞ্ঞাণধাতুযা যে ধম্মা… সোতৰিঞ্ঞাণধাতুযা যে ধম্মা… ঘানৰিঞ্ঞাণধাতুযা যে ধম্মা… জিৰ্হাৰিঞ্ঞাণধাতুযা যে ধম্মা… কাযৰিঞ্ঞাণধাতুযা যে ধম্মা… মনোধাতুযা যে ধম্মা… মনোৰিঞ্ঞাণধাতুযা যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি একাদসহাযতনেহি দ্ৰাদসহি ধাতূহি অসঙ্গহিতা.

১৭৩. চক্খুন্দ্রিযেন যে ধম্মা… সোতিন্দ্রিযেন যে ধম্মা… ঘানিন্দ্রিযেন যে ধম্মা… জিৰ্হিন্দ্রিযেন যে ধম্মা… কাযিন্দ্রিযেন যে ধম্মা… ইত্থিন্দ্রিযেন যে ধম্মা… পুরিসিন্দ্রিযেন যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১৭৪. অসঞ্ঞাভৰেন যে ধম্মা… একৰোকারভৰেন যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি তীহাযতনেহি নৰহি ধাতূহি অসঙ্গহিতা.

১৭৫. পরিদেৰেন যে ধম্মা… সনিদস্সনসপ্পটিঘেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১৭৬. অনিদস্সনসপ্পটিঘেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

১৭৭. সনিদস্সনেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১৭৮. সপ্পটিঘেহি ধম্মেহি যে ধম্মা… উপাদাধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি অসঙ্গহিতা? তে ধম্মা চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

দসাযতনা সত্তরস ধাতুযো,

সত্তিন্দ্রিযা অসঞ্ঞাভৰো একৰোকারভৰো;

পরিদেৰো সনিদস্সনসপ্পটিঘং,

অনিদস্সনং পুনদেৰ [পুনরেৰ (পী.)] সপ্পটিঘং উপাদাতি.

সঙ্গহিতেনঅসঙ্গহিতপদনিদ্দেসো দুতিযো.