১. সঙ্গহাসঙ্গহপদনিদ্দেসো

১. খন্ধো

৬. রূপক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? রূপক্খন্ধো একেন খন্ধেন একাদসহাযতনেহি একাদসহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি একেনাযতনেন সত্তহি ধাতূহি অসঙ্গহিতো.

৭. ৰেদনাক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? ৰেদনাক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতো.

৮. সঞ্ঞাক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? সঞ্ঞাক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতো.

৯. সঙ্খারক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? সঙ্খারক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতো.

১০. ৰিঞ্ঞাণক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? ৰিঞ্ঞাণক্খন্ধো একেন খন্ধেন একেনাযতনেন সত্তহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি একাদসহি ধাতূহি অসঙ্গহিতো.

(একমূলকং.)

১১. রূপক্খন্ধো চ ৰেদনাক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? রূপক্খন্ধো চ ৰেদনাক্খন্ধো চ দ্ৰীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১২. রূপক্খন্ধো চ সঞ্ঞাক্খন্ধো চ…পে… দ্ৰীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১৩. রূপক্খন্ধো চ সঙ্খারক্খন্ধো চ…পে… দ্ৰীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১৪. রূপক্খন্ধো চ ৰিঞ্ঞাণক্খন্ধো চ…পে… দ্ৰীহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি, ন কেহিচি আযতনেহি ন কাহিচি ধাতূহি অসঙ্গহিতা.

(দুকমূলকং.)

১৫. রূপক্খন্ধো চ ৰেদনাক্খন্ধো চ সঞ্ঞাক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? রূপক্খন্ধো চ ৰেদনাক্খন্ধো চ সঞ্ঞাক্খন্ধো চ তীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি একেনাযতনেন সত্তহি ধাতূহি অসঙ্গহিতা.

১৬. রূপক্খন্ধো চ ৰেদনাক্খন্ধো চ সঙ্খারক্খন্ধো চ…পে… তীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি একেনাযতনেন সত্তহি ধাতূহি অসঙ্গহিতা.

১৭. রূপক্খন্ধো চ ৰেদনাক্খন্ধো চ ৰিঞ্ঞাণক্খন্ধো চ…পে… তীহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি, ন কেহিচি আযতনেহি ন কাহিচি ধাতূহি অসঙ্গহিতা.

(তিকমূলকং.)

১৮. রূপক্খন্ধো চ ৰেদনাক্খন্ধো চ সঞ্ঞাক্খন্ধো চ সঙ্খারক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? রূপক্খন্ধো চ ৰেদনাক্খন্ধো চ সঞ্ঞাক্খন্ধো চ সঙ্খারক্খন্ধো চ চতূহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? একেন খন্ধেন একেনাযতনেন সত্তহি ধাতূহি অসঙ্গহিতা.

১৯. রূপক্খন্ধো চ ৰেদনাক্খন্ধো চ সঞ্ঞাক্খন্ধো চ ৰিঞ্ঞাণক্খন্ধো চ…পে… চতূহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? একেন খন্ধেন, ন কেহিচি আযতনেহি ন কাহিচি ধাতূহি অসঙ্গহিতা.

(চতুক্কমূলকং.)

২০. রূপক্খন্ধো চ ৰেদনাক্খন্ধো চ সঞ্ঞাক্খন্ধো চ সঙ্খারক্খন্ধো চ ৰিঞ্ঞাণক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? রূপক্খন্ধো চ ৰেদনাক্খন্ধো চ সঞ্ঞাক্খন্ধো চ সঙ্খারক্খন্ধো চ ৰিঞ্ঞাণক্খন্ধো চ পঞ্চহি খন্ধেহি দ্ৰাদসাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

২১. পঞ্চক্খন্ধা কতিহি খন্ধেহি কতিহাযতনেহি কতিহি ধাতূহি সঙ্গহিতা? পঞ্চক্খন্ধা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(পঞ্চকং.)

২. আযতনং

২২. চক্খাযতনং কতিহি খন্ধেহি কতিহাযতনেহি কতিহি ধাতূহি সঙ্গহিতং? চক্খাযতনং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

২৩. সোতাযতনং … ঘানাযতনং… জিৰ্হাযতনং… কাযাযতনং… রূপাযতনং… সদ্দাযতনং… গন্ধাযতনং… রসাযতনং… ফোট্ঠব্বাযতনং…পে… একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

২৪. মনাযতনং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.

২৫. ধম্মাযতনং অসঙ্খতং খন্ধতো ঠপেত্ৰা চতূহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? একেন খন্ধেন একাদসহাযতনেহি সত্তরসহি ধাতূহি অসঙ্গহিতং.

(একমূলকং.)

২৬. চক্খাযতনঞ্চ সোতাযতনঞ্চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

২৭. চক্খাযতনঞ্চ ঘানাযতনঞ্চ… চক্খাযতনঞ্চ জিৰ্হাযতনঞ্চ… চক্খাযতনঞ্চ কাযাযতনঞ্চ… চক্খাযতনঞ্চ রূপাযতনঞ্চ… চক্খাযতনঞ্চ সদ্দাযতনঞ্চ… চক্খাযতনঞ্চ গন্ধাযতনঞ্চ… চক্খাযতনঞ্চ রসাযতনঞ্চ… চক্খাযতনঞ্চ ফোট্ঠব্বাযতনঞ্চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

২৮. চক্খাযতনঞ্চ মনাযতনঞ্চ দ্ৰীহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি দসহি ধাতূহি অসঙ্গহিতা.

২৯. চক্খাযতনঞ্চ ধম্মাযতনঞ্চ অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

(দুকমূলকং.)

৩০. দ্ৰাদসাযতনানি কতিহি খন্ধেহি কতিহাযতনেহি কতিহি ধাতূহি সঙ্গহিতা? দ্ৰাদসাযতনানি অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(দ্ৰাদসকং.)

৩. ধাতু

৩১. চক্খুধাতু কতিহি খন্ধেহি কতিহাযতনেহি কতিহি ধাতূহি সঙ্গহিতা? চক্খুধাতু একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

৩২. সোতধাতু… ঘানধাতু… জিৰ্হাধাতু… কাযধাতু… রূপধাতু… সদ্দধাতু… গন্ধধাতু… রসধাতু… ফোট্ঠব্বধাতু… চক্খুৰিঞ্ঞাণধাতু… সোতৰিঞ্ঞাণধাতু… ঘানৰিঞ্ঞাণধাতু… জিৰ্হাৰিঞ্ঞাণধাতু… কাযৰিঞ্ঞাণধাতু… মনোধাতু… মনোৰিঞ্ঞাণধাতু একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

৩৩. ধম্মধাতু অসঙ্খতং খন্ধতো ঠপেত্ৰা চতূহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? একেন খন্ধেন একাদসহাযতনেহি সত্তরসহি ধাতূহি অসঙ্গহিতা.

(একমূলকং.)

৩৪. চক্খুধাতু চ সোতধাতু চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

৩৫. চক্খুধাতু চ ঘানধাতু চ… চক্খুধাতু চ জিৰ্হাধাতু চ… চক্খুধাতু চ কাযধাতু চ… চক্খুধাতু চ রূপধাতু চ… চক্খুধাতু চ সদ্দধাতু চ… চক্খুধাতু চ গন্ধধাতু চ… চক্খুধাতু চ রসধাতু চ… চক্খুধাতু চ ফোট্ঠব্বধাতু চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

৩৬. চক্খুধাতু চ চক্খুৰিঞ্ঞাণধাতু চ দ্ৰীহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোল়সহি ধাতূহি অসঙ্গহিতা.

৩৭. চক্খুধাতু চ সোতৰিঞ্ঞাণধাতু চ… চক্খুধাতু চ ঘানৰিঞ্ঞাণধাতু চ… চক্খুধাতু চ জিৰ্হাৰিঞ্ঞাণধাতু চ… চক্খুধাতু চ কাযৰিঞ্ঞাণধাতু চ… চক্খুধাতু চ মনোধাতু চ… চক্খুধাতু চ মনোৰিঞ্ঞাণধাতু চ দ্ৰীহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোল়সহি ধাতূহি অসঙ্গহিতা.

৩৮. চক্খুধাতু চ ধম্মধাতু চ অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

(দুকমূলকং.)

৩৯. অট্ঠারস ধাতুযো কতিহি খন্ধেহি কতিহাযতনেহি কতিহি ধাতূহি সঙ্গহিতা? অট্ঠারস ধাতুযো অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(অট্ঠারসকং.)

৪. সচ্চং

৪০. দুক্খসচ্চং কতিহি খন্ধেহি কতিহাযতনেহি কতিহি ধাতূহি সঙ্গহিতং? দুক্খসচ্চং পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতং. কতিহি অসঙ্গহিতং? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতং.

৪১. সমুদযসচ্চং … মগ্গসচ্চং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৪২. নিরোধসচ্চং ন কেহিচি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? পঞ্চহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

(একমূলকং.)

৪৩. দুক্খসচ্চঞ্চ সমুদযসচ্চঞ্চ পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৪. দুক্খসচ্চঞ্চ মগ্গসচ্চঞ্চ পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৫. দুক্খসচ্চঞ্চ নিরোধসচ্চঞ্চ অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(দুকমূলকং.)

৪৬. দুক্খসচ্চঞ্চ সমুদযসচ্চঞ্চ মগ্গসচ্চঞ্চ পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৭. দুক্খসচ্চঞ্চ সমুদযসচ্চঞ্চ নিরোধসচ্চঞ্চ অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(তিকমূলকং.)

৪৮. দুক্খসচ্চঞ্চ সমুদযসচ্চঞ্চ মগ্গসচ্চঞ্চ নিরোধসচ্চঞ্চ অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৯. চত্তারি সচ্চানি কতিহি খন্ধেহি কতিহাযতনেহি কতিহি ধাতূহি সঙ্গহিতানি? চত্তারি সচ্চানি অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতানি. কতিহি অসঙ্গহিতানি? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতানি.

(চতুক্কং.)

৫. ইন্দ্রিযং

৫০. চক্খুন্দ্রিযং কতিহি খন্ধেহি কতিহাযতনেহি কতিহি ধাতূহি সঙ্গহিতং? চক্খুন্দ্রিযং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৫১. সোতিন্দ্রিযং… ঘানিন্দ্রিযং… জিৰ্হিন্দ্রিযং… কাযিন্দ্রিযং… ইত্থিন্দ্রিযং … পুরিসিন্দ্রিযং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৫২. মনিন্দ্রিযং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.

৫৩. জীৰিতিন্দ্রিযং দ্ৰীহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? তীহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৫৪. সুখিন্দ্রিযং … দুক্খিন্দ্রিযং… সোমনস্সিন্দ্রিযং… দোমনস্সিন্দ্রিযং… উপেক্খিন্দ্রিযং… সদ্ধিন্দ্রিযং… ৰীরিযিন্দ্রিযং… সতিন্দ্রিযং… সমাধিন্দ্রিযং… পঞ্ঞিন্দ্রিযং… অনঞ্ঞাতঞ্ঞস্সামীতিন্দ্রিযং… অঞ্ঞিন্দ্রিযং… অঞ্ঞাতাৰিন্দ্রিযং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

(একমূলকং.)

৫৫. চক্খুন্দ্রিযঞ্চ সোতিন্দ্রিযঞ্চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

৫৬. চক্খুন্দ্রিযঞ্চ ঘানিন্দ্রিযঞ্চ… চক্খুন্দ্রিযঞ্চ জিৰ্হিন্দ্রিযঞ্চ… চক্খুন্দ্রিযঞ্চ কাযিন্দ্রিযঞ্চ… চক্খুন্দ্রিযঞ্চ ইত্থিন্দ্রিযঞ্চ… চক্খুন্দ্রিযঞ্চ পুরিসিন্দ্রিযঞ্চ একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দসহাযতনেহি সোল়সহি ধাতূহি অসঙ্গহিতা.

৫৭. চক্খুন্দ্রিযঞ্চ মনিন্দ্রিযঞ্চ দ্ৰীহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি দসহি ধাতূহি অসঙ্গহিতা.

৫৮. চক্খুন্দ্রিযঞ্চ জীৰিতিন্দ্রিযঞ্চ দ্ৰীহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোল়সহি ধাতূহি অসঙ্গহিতা.

৫৯. চক্খুন্দ্রিযঞ্চ সুখিন্দ্রিযঞ্চ… চক্খুন্দ্রিযঞ্চ দুক্খিন্দ্রিযঞ্চ… চক্খুন্দ্রিযঞ্চ সোমনস্সিন্দ্রিযঞ্চ… চক্খুন্দ্রিযঞ্চ দোমনস্সিন্দ্রিযঞ্চ… চক্খুন্দ্রিযঞ্চ উপেক্খিন্দ্রিযঞ্চ… চক্খুন্দ্রিযঞ্চ সদ্ধিন্দ্রিযঞ্চ… চক্খুন্দ্রিযঞ্চ ৰীরিযিন্দ্রিযঞ্চ… চক্খুন্দ্রিযঞ্চ সতিন্দ্রিযঞ্চ… চক্খুন্দ্রিযঞ্চ সমাধিন্দ্রিযঞ্চ… চক্খুন্দ্রিযঞ্চ পঞ্ঞিন্দ্রিযঞ্চ… চক্খুন্দ্রিযঞ্চ অনঞ্ঞাতঞ্ঞস্সামীতিন্দ্রিযঞ্চ… চক্খুন্দ্রিযঞ্চ অঞ্ঞিন্দ্রিযঞ্চ… চক্খুন্দ্রিযঞ্চ অঞ্ঞাতাৰিন্দ্রিযঞ্চ দ্ৰীহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? তীহি খন্ধেহি দসহাযতনেহি সোল়সহি ধাতূহি অসঙ্গহিতা.

(দুকমূলকং.)

৬০. বাৰীসতিন্দ্রিযানি কতিহি খন্ধেহি কতিহাযতনেহি কতিহি ধাতূহি সঙ্গহিতানি? বাৰীসতিন্দ্রিযানি চতূহি খন্ধেহি সত্তহাযতনেহি তেরসহি ধাতূহি সঙ্গহিতানি. কতিহি অসঙ্গহিতানি? একেন খন্ধেন পঞ্চহাযতনেহি পঞ্চহি ধাতূহি অসঙ্গহিতানি.

৬. পটিচ্চসমুপ্পাদাদি

৬১. অৰিজ্জা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

৬২. অৰিজ্জাপচ্চযা সঙ্খারা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

৬৩. সঙ্খারপচ্চযা ৰিঞ্ঞাণং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.

৬৪. ৰিঞ্ঞাণপচ্চযা নামরূপং চতূহি খন্ধেহি একাদসহাযতনেহি একাদসহি ধাতূহি সঙ্গহিতং. কতিহি অসঙ্গহিতং? একেন খন্ধেন একেনাযতনেন সত্তহি ধাতূহি অসঙ্গহিতং.

৬৫. নামরূপপচ্চযা সল়াযতনং দ্ৰীহি খন্ধেহি ছহাযতনেহি দ্ৰাদসহি ধাতূহি সঙ্গহিতং. কতিহি অসঙ্গহিতং? তীহি খন্ধেহি ছহাযতনেহি ছহি ধাতূহি অসঙ্গহিতং.

৬৬. সল়াযতনপচ্চযা ফস্সো… ফস্সপচ্চযা ৰেদনা… ৰেদনাপচ্চযা তণ্হা… তণ্হাপচ্চযা উপাদানং… কম্মভৰো [উপাদানপচ্চযা কম্মভৰো (সী. স্যা.)] একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতো.

৬৭. উপপত্তিভৰো … কামভৰো… সঞ্ঞাভৰো… পঞ্চৰোকারভৰো পঞ্চহি খন্ধেহি একাদসহাযতনেহি সত্তরসহি ধাতূহি সঙ্গহিতো. কতিহি অসঙ্গহিতো? ন কেহিচি খন্ধেহি একেনাযতনেন একায ধাতুযা অসঙ্গহিতো.

৬৮. রূপভৰো পঞ্চহি খন্ধেহি পঞ্চহাযতনেহি অট্ঠহি ধাতূহি সঙ্গহিতো. কতিহি অসঙ্গহিতো? ন কেহিচি খন্ধেহি সত্তহাযতনেহি দসহি ধাতূহি অসঙ্গহিতো.

৬৯. অরূপভৰো… নেৰসঞ্ঞানাসঞ্ঞাভৰো… চতুৰোকারভৰো চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতো. কতিহি অসঙ্গহিতো? একেন খন্ধেন দসহাযতনেহি সোল়সহি ধাতূহি অসঙ্গহিতো.

৭০. অসঞ্ঞাভৰো… একৰোকারভৰো একেন খন্ধেন দ্ৰীহাযতনেহি দ্ৰীহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি দসহাযতনেহি সোল়সহি ধাতূহি অসঙ্গহিতো.

৭১. জাতি দ্ৰীহি খন্ধেহি… জরা দ্ৰীহি খন্ধেহি… মরণং দ্ৰীহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? তীহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৭২. সোকো… পরিদেৰো… দুক্খং… দোমনস্সং… উপাযাসো… সতিপট্ঠানং… সম্মপ্পধানং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৭৩. ইদ্ধিপাদো দ্ৰীহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতো. কতিহি অসঙ্গহিতো? তীহি খন্ধেহি দসহাযতনেহি সোল়সহি ধাতূহি অসঙ্গহিতো.

৭৪. ঝানং দ্ৰীহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? তীহি খন্ধেহি একাদসহাযতনেহি সত্তরসহি ধাতূহি অসঙ্গহিতং.

৭৫. অপ্পমঞ্ঞা … পঞ্চিন্দ্রিযানি… পঞ্চ বলানি… সত্ত বোজ্ঝঙ্গা… অরিযো অট্ঠঙ্গিকো মগ্গো… ফস্সো… ৰেদনা… সঞ্ঞা… চেতনা… অধিমোক্খো… মনসিকারো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতো.

৭৬. চিত্তং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.

৭. তিকং

৭৭. কুসলা ধম্মা… অকুসলা ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? কুসলা ধম্মা… অকুসলা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৭৮. অব্যাকতা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৭৯. সুখায ৰেদনায সম্পযুত্তা ধম্মা… দুক্খায ৰেদনায সম্পযুত্তা ধম্মা তীহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি দসহাযতনেহি পন্নরসহি ধাতূহি অসঙ্গহিতা.

৮০. অদুক্খমসুখায ৰেদনায সম্পযুত্তা ধম্মা তীহি খন্ধেহি দ্ৰীহাযতনেহি সত্তহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি দসহাযতনেহি একাদসহি ধাতূহি অসঙ্গহিতা.

৮১. ৰিপাকা ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৮২. ৰিপাকধম্মধম্মা… সংকিলিট্ঠসংকিলেসিকা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৮৩. নেৰৰিপাকনৰিপাকধম্মধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি তেরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৮৪. উপাদিন্নুপাদানিযা ধম্মা পঞ্চহি খন্ধেহি একাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি একেনাযতনেন একায ধাতুযা অসঙ্গহিতা.

৮৫. অনুপাদিন্নুপাদানিযা ধম্মা পঞ্চহি খন্ধেহি সত্তহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি পঞ্চহাযতনেহি দসহি ধাতূহি অসঙ্গহিতা.

৮৬. অনুপাদিন্নঅনুপাদানিযা ধম্মা… অসংকিলিট্ঠঅসংকিলেসিকা ধম্মা অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৮৭. অসংকিলিট্ঠসংকিলেসিকা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৮৮. সৰিতক্কসৰিচারা ধম্মা চতূহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নরসহি ধাতূহি অসঙ্গহিতা.

৮৯. অৰিতক্কৰিচারমত্তা ধম্মা… পীতিসহগতা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৯০. অৰিতক্কঅৰিচারা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি একায ধাতুযা অসঙ্গহিতা.

৯১. সুখসহগতা ধম্মা তীহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি দসহাযতনেহি পন্নরসহি ধাতূহি অসঙ্গহিতা.

৯২. উপেক্খাসহগতা ধম্মা তীহি খন্ধেহি দ্ৰীহাযতনেহি সত্তহি ধাতূহি সঙ্গহিতা. কতিহি অসঙ্গহিতা? দ্ৰীহি খন্ধেহি দসহাযতনেহি একাদসহি ধাতূহি অসঙ্গহিতা.

৯৩. দস্সনেন পহাতব্বা ধম্মা… ভাৰনায পহাতব্বা ধম্মা… দস্সনেন পহাতব্বহেতুকা ধম্মা… ভাৰনায পহাতব্বহেতুকা ধম্মা… আচযগামিনো ধম্মা… অপচযগামিনো ধম্মা… সেক্খা ধম্মা… অসেক্খা ধম্মা… মহগ্গতা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৯৪. নেৰ দস্সনেন ন ভাৰনায পহাতব্বা ধম্মা… নেৰ দস্সনেন ন ভাৰনায পহাতব্বহেতুকা ধম্মা… নেৰাচযগামিনাপচযগামিনো ধম্মা… নেৰসেক্খনাসেক্খা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৯৫. পরিত্তা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৯৬. অপ্পমাণা ধম্মা… পণীতা ধম্মা অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৯৭. পরিত্তারম্মণা [পরিত্তারমণা (?)] ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৯৮. মহগ্গতারম্মণা ধম্মা… অপ্পমাণারম্মণা ধম্মা… হীনা ধম্মা… মিচ্ছত্তনিযতা ধম্মা… সম্মত্তনিযতা ধম্মা… মগ্গারম্মণা ধম্মা… মগ্গহেতুকা ধম্মা… মগ্গাধিপতিনো ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৯৯. মজ্ঝিমা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০০. অনিযতা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০১. উপ্পন্না ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০২. অনুপ্পন্না ধম্মা পঞ্চহি খন্ধেহি সত্তহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি পঞ্চহাযতনেহি দসহি ধাতূহি অসঙ্গহিতা.

১০৩. উপ্পাদিনো ধম্মা পঞ্চহি খন্ধেহি একাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি একেনাযতনেন একায ধাতুযা অসঙ্গহিতা.

১০৪. অতীতা ধম্মা… অনাগতা ধম্মা… পচ্চুপ্পন্না ধম্মা… অজ্ঝত্তা ধম্মা… অজ্ঝত্তবহিদ্ধা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০৫. বহিদ্ধা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০৬. অতীতারম্মণা ধম্মা… অনাগতারম্মণা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

১০৭. পচ্চুপ্পন্নারম্মণা ধম্মা… অজ্ঝত্তারম্মণা ধম্মা… বহিদ্ধারম্মণা ধম্মা… অজ্ঝত্তবহিদ্ধারম্মণা ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

১০৮. সনিদস্সনসপ্পটিঘা ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১০৯. অনিদস্সনসপ্পটিঘা ধম্মা একেন খন্ধেন নৰহাযতনেহি নৰহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি তীহাযতনেহি নৰহি ধাতূহি অসঙ্গহিতা.

১১০. অনিদস্সনঅপ্পটিঘা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি, দসহাযতনেহি দসহি ধাতূহি অসঙ্গহিতা.

৮. দুকং

১১১. হেতূ ধম্মা… হেতূ চেৰ সহেতুকা চ ধম্মা… হেতূ চেৰ হেতুসম্পযুত্তা চ ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১১২. ন হেতূ ধম্মা… অহেতুকা ধম্মা… হেতুৰিপ্পযুত্তা ধম্মা… ন হেতূ অহেতুকা [ন হেতূ অহেতুকা (স্যা. ক.) ৰিভ. দুকপঞ্হাপুচ্ছকেপি] ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১১৩. সহেতুকা ধম্মা… হেতুসম্পযুত্তা ধম্মা… সহেতুকা চেৰ ন চ হেতূ ধম্মা… হেতুসম্পযুত্তা চেৰ ন চ হেতূ ধম্মা… ন হেতূ সহেতুকা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

১১৪. সপ্পচ্চযা ধম্মা… সঙ্খতা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১১৫. অপ্পচ্চযা ধম্মা… অসঙ্খতা ধম্মা ন কেহিচি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? পঞ্চহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১১৬. সনিদস্সনা ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১১৭. অনিদস্সনা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি একাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি, একেনাযতনেন একায ধাতুযা অসঙ্গহিতা.

১১৮. সপ্পটিঘা ধম্মা একেন খন্ধেন দসহাযতনেহি দসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি দ্ৰীহাযতনেহি অট্ঠহি ধাতূহি অসঙ্গহিতা.

১১৯. অপ্পটিঘা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি, দসহাযতনেহি দসহি ধাতূহি অসঙ্গহিতা.

১২০. রূপিনো ধম্মা একেন খন্ধেন একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একেনাযতনেন সত্তহি ধাতূহি অসঙ্গহিতা.

১২১. অরূপিনো ধম্মা অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

১২২. লোকিযা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১২৩. লোকুত্তরা ধম্মা অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

১২৪. কেনচি ৰিঞ্ঞেয্যা ধম্মা… কেনচি ন ৰিঞ্ঞেয্যা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১২৫. আসৰা ধম্মা… আসৰা চেৰ সাসৰা চ ধম্মা… আসৰা চেৰ আসৰসম্পযুত্তা চ ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তরসহি ধাতূহি অসঙ্গহিতা.

১২৬. নো আসৰা ধম্মা… আসৰৰিপ্পযুত্তা ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১২৭. সাসৰা ধম্মা… সাসৰা চেৰ নো চ আসৰা ধম্মা… আসৰৰিপ্পযুত্তা সাসৰা ধম্মা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১২৮. অনাসৰা ধম্মা… আসৰৰিপ্পযুত্তা অনাসৰা ধম্মা অসঙ্খতং খন্ধতো ঠপেত্ৰা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

১২৯. আসৰসম্পযুত্তা ধম্মা… আসৰসম্পযুত্তা চেৰ নো চ আসৰা ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.