৬. ছপ্পচ্চযৰিভাগ-ছট্ঠপরিচ্ছেদ

পত্থারনয

১২৯. পত্থারে সব্বগে পাদে, পুব্বগা’ধো ল্প’রে সমা;

পুব্বে গরু তে চ মিমে, কত্তব্বা যাৰ সব্বলা.

নট্ঠনয

১৩০. নট্ঠস্স যো ভৰেয্য’ঙ্কো, তস্মিং লো’দ্ধিকতে সমে;

ৰিসমে ত্ৰে’কসহিতে, ভৰেয্য’দ্ধিকতে গরু.

উদ্দিট্ঠনয

১৩১. একা’দিনুক্কমেন’ঙ্কে, পুব্বাধো দ্ৰিগুণে লিখে;

মিস্সকেহি লহুট্ঠেহি, সে’কেহু’দ্দিট্ঠকং ভৰে.

সব্বগলক্রিযনয

১৩২. ৰুত্ত’ক্খর সমা সঙ্খ্যা, লিক্খ্য সেকো’পরূ’পরি;

একেকহীন মেকাদি, নু’ট্ঠানে সব্বগাদিকং.

ৰুত্তসঙ্খ্যানয

১৩৩. গরুক্রিযা’ঙ্ক সন্দোহে, ভৰে সঙ্খ্যা ৰিমিস্সিতে;

উদ্দিট্ঠ’ঙ্ক সমাহারো, সে’কো ৰে’মং সমা’নযে.

ৰুত্তঅদ্ধানয

১৩৪. সঙ্খ্যেৰ দ্ৰিগুণে’কূনা, ৰিত্থারা’যামসম্ভৰা;

ৰুত্তস্স’দ্ধ’ন্তরানঞ্চ, গরুলানঞ্চ অঙ্গুলং.

ইতি ৰুত্তোদযে ছন্দসি ছপ্পচ্চযৰিভাগো নাম

ছট্ঠো পরিচ্ছেদো.

নিগমন

১৩৫. সেল’ন্তরা’যতন ৰাসিক সীল’ত্থের,

পাদো গরু গ্গুণগরু জ্জযতং মমে’সো;

যস্স প্পভাৰ’মৰলম্ব মযে’দিসোপি,

সম্পাদিতো’ভিমত সিদ্ধিকরো পরত্থো.

১৩৬. পরত্থ সম্পাদনতো, পুঞ্ঞেনা’ধিগতেন’হং;

পরত্থ সম্পাদনকো, ভৰেয্যং জাতি জাতিযং.

১৩৭. অৰলোকিত মত্তেন, যথা ছপ্পচ্চযা মযা;

সাধিতা সাধযন্তে’ৰ, মিচ্ছিতত্থম্পি পাণিনোতি.

ইতি সঙ্ঘরক্খিতমহাসামিত্থেরেন ৰিরচিতং

ৰুত্তোদযপ্পকরণং পরিনিট্ঠিতং.