(১) পঠমো কণ্ডো (সঞ্ঞাদি)

১. অআদযো তিতালীস ৰণ্ণা.

২. দসা-দো সরা.

৩. দ্ৰেদ্ৰে সৰণ্ণা.

৪. পুব্বো রস্সো.

৫. পরো দীঘো.

৬. কাদযো ব্যঞ্জনা.

৭. পঞ্চ পঞ্চকা ৰগ্গা.

৮. বিন্দু নিগ্গহীতং.

৯. ইযুৰণ্ণা ঝলা নামস্সন্তে.

১০. পিত্থিযং.

১১. ঘা.

১২. গো স্যালপনে.

(সঞ্ঞা)

১৩. ৰিধিব্বিসেসনন্তস্স.

১৪. সত্তমিযং পুব্বস্স.

১৫. পঞ্চমিযং পরস্স.

১৬. আদিস্স.

১৭. ছট্ঠিযন্তস্স.

১৮. ৰানুবন্ধো.

১৯. টানুবন্ধা-নেকৰণ্ণা সব্বস্স.

২০. ঞকানুবন্ধাদ্যন্তা.

২১. মানুবন্ধো সরানমন্তা পরো.

২২. ৰিপ্পটিসেধে.

২৩. সঙ্কেতো-নৰযৰো-নুবন্ধো.

২৪. ৰণ্ণপরেন সৰণ্ণো-পি.

২৫. ন্তু ৰন্তুমন্ত্ৰাৰন্তুতৰন্তুসম্বন্ধী.

পরিভাসা

২৬. সরো লোপো সরে.

২৭. পরো ক্ৰচি.

২৮. ন দ্ৰে ৰা.

২৯. যুৰণ্ণানমেও লুত্তা.

৩০. যৰা সরে.

৩১. এওনং.

৩২. গোস্সাৰঙ.

৩৩. ব্যঞ্জনে দীঘরস্সা.

৩৪. সরম্হা দ্ৰে.

৩৫. চতুত্থদুতিযেস্ৰেসং ততিযপঠমা.

৩৬. ৰী-তিস্সে-ৰে ৰো.

৩৭. এওনম ৰণ্ণে.

৩৮. নিগ্গহীতং.

৩৯. লোপো.

৪০. পরসরস্স.

৪১. ৰগ্গে ৰগ্গন্তো.

৪২. যেৰহিসু ঞো.

৪৩. যে সংস্স.

৪৪. মযদা সরে.

৪৫. ৰনতরগা চা-গমা.

৪৬. ছা ল়ো.

৪৭. তদমিনাদীনি.

৪৮. তৰগ্গৰরণানং যে চৰগ্গবযঞা.

৪৯. ৰগ্গলসেহি তে.

৫০. হস্স ৰিপল্লাসো.

৫১. ৰে ৰা.

৫২. তথনরানং টঠণলা.

৫৩. সংযোগাদিলোপো.

৫৪. ৰিচ্ছাভিক্খঞ্ঞেসু দ্ৰে.

৫৫. স্যাদিলোপো পুব্বস্সে-কস্স.

৫৬. সব্বাদীনং ৰীতিহারে.

৫৭. যাৰবোধং সম্ভমে.

৫৮. বহুলং.

ইতি মোগ্গল্লানে ব্যাকরণে সঞ্ঞাদিকণ্ডো পঠমো.