৩. অকতঞ্ঞুতাসুত্তং

২১৩. ‘‘চতূহি, ভিক্খৰে, ধম্মেহি সমন্নাগতো যথাভতং নিক্খিত্তো এৰং নিরযে. কতমেহি চতূহি? কাযদুচ্চরিতেন, ৰচীদুচ্চরিতেন, মনোদুচ্চরিতেন, অকতঞ্ঞুতা অকতৰেদিতা [অকতঞ্ঞুতাঅকতৰেদিতায (সী.)] – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং নিরযে.

‘‘চতূহি, ভিক্খৰে, ধম্মেহি সমন্নাগতো যথাভতং নিক্খিত্তো এৰং সগ্গে. কতমেহি চতূহি? কাযসুচরিতেন, ৰচীসুচরিতেন, মনোসুচরিতেন, কতঞ্ঞুতাকতৰেদিতা [কতঞ্ঞুতাকতৰেদিতায (সী.)] – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং সগ্গে’’তি. ততিযং.