৪. রাগপেয্যালং

৫০২. ‘‘রাগস্স, ভিক্খৰে, অভিঞ্ঞায একাদস ধম্মা ভাৰেতব্বা. কতমে একাদস? পঠমং ঝানং, দুতিযং ঝানং, ততিযং ঝানং, চতুত্থং ঝানং, মেত্তাচেতোৰিমুত্তি, করুণাচেতোৰিমুত্তি, মুদিতাচেতোৰিমুত্তি, উপেক্খাচেতোৰিমুত্তি, আকাসানঞ্চাযতনং, ৰিঞ্ঞাণঞ্চাযতনং, আকিঞ্চঞ্ঞাযতনং – রাগস্স, ভিক্খৰে, অভিঞ্ঞায ইমে একাদস ধম্মা ভাৰেতব্বা.

৫০৩-৫১১. ‘‘রাগস্স, ভিক্খৰে, পরিঞ্ঞায… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায… ইমে একাদস ধম্মা ভাৰেতব্বা.

৫১২-৬৭১. ‘‘দোসস্স …পে… মোহস্স… কোধস্স… উপনাহস্স… মক্খস্স… পল়াসস্স… ইস্সায… মচ্ছরিযস্স… মাযায… সাঠেয্যস্স… থম্ভস্স… সারম্ভস্স… মানস্স… অতিমানস্স… মদস্স… পমাদস্স অভিঞ্ঞায…পে… পরিঞ্ঞায… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায ইমে একাদস ধম্মা ভাৰেতব্বা’’তি.

ইদমৰোচ ভগৰা. অত্তমনা তে ভিক্খূ ভগৰতো ভাসিতং অভিনন্দুন্তি.

রাগপেয্যালং নিট্ঠিতং.