᭘. ᬦᬶᬭᭀᬥᬯᬕ᭄ᬕᭀ

᭑-᭑᭐. ᬅᬲᬸᬪᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭒᭔᭘-᭒᭕᭗. ᬅᬦᬪᬶᬭᬢᬶᬦ᭄ᬢᬶ ᬅᬦᬪᬶᬭᬫᬡᬂ ᬅᬦᬧᬾᬓ᭄ᬔᬶᬢᬂ. ᬅᬘ᭄ᬘᬦ᭄ᬢᬦᬶᬭᭀᬥᬪᬹᬢᬾ ᬦᬶᬩ᭄ᬩᬵᬦᬾ ᬧᬯᬢ᭄ᬢᬲᬜ᭄ᬜᬵ ᬦᬶᬭᭀᬥᬲᬜ᭄ᬜᬵ. ᬢᬢ᭄ᬣ ᬲᬵ ᬫᬕ᭄ᬕᬲᬳᬕᬢᬵ ᬮᭀᬓᬸᬢ᭄ᬢᬭᬵ, ᬬᬵ ᬧᬦ ᬦᬶᬩ᭄ᬩᬵᬦᬾ ᬦᬶᬦ᭄ᬦᬪᬵᬯᬾᬦ ᬧᬯᬢ᭄ᬢᬵ, ᬉᬧᬲᬫᬵᬦᬸᬲ᭄ᬲᬢᬶᬲᬳᬕᬢᬵ ᬘ, ᬲᬵ ᬮᭀᬓᬶᬬᬵᬢᬶ ᬆᬳ – ‘‘ᬦᬶᬭᭀᬥᬲᬜ᭄ᬜᬵ ᬫᬶᬲ᭄ᬲᬓᬵ’’ᬢᬶ. ‘‘ᬢᬾᬲᬂ ᬦᬯᬲᬹ’’ᬢᬶᬆᬤᬶ ᬧᬫᬵᬤᬧᬵᬞᭀ. ‘‘ᬏᬓᬵᬤᬲᬲᬸ ᬅᬧ᭄ᬧᬦᬵ ᬳᭀᬢᬶ, ᬦᬯ ᬉᬧᬘᬵᬭᬚ᭄ᬛᬵᬦᬶᬓᬵ’’ᬢᬶ ᬧᬵᬞᭀ ᬕᬳᬾᬢᬩ᭄ᬩᭀ. ᬯᬷᬲᬢᬶ ᬓᬫ᭄ᬫᬝ᭄ᬞᬵᬦᬵᬦᬷᬢᬶ ᬇᬤᬫ᭄ᬧᬶ ᬇᬥᬵᬕᬢᬦᬬᭀ, ᬦ ᬯᬶᬲᬸᬤ᭄ᬥᬶᬫᬕ᭄ᬕᬵᬤᬷᬲᬸ ᬆᬕᬢᬦᬬᭀ. ᬏᬢ᭄ᬣ ᬘ ᬆᬭᬫ᭄ᬫᬡᬵᬤᬷᬲᬸ ᬬᬣᬵᬬᭀᬕᬂ ᬅᬧ᭄ᬧᬦᬂ ᬉᬧᬘᬵᬭᬂ ᬯᬵ ᬧᬵᬧᬸᬡᬶᬢ᭄ᬯᬵ ᬅᬭᬳᬢ᭄ᬢᬧ᭄ᬧᬢ᭄ᬢᬲ᭄ᬲ ᬧᬸᬩ᭄ᬩᬪᬵᬕᬪᬹᬢᬵ ᬯᬶᬧᬲ᭄ᬲᬦᬵᬫᬕ᭄ᬕᬩᭀᬚ᭄ᬛᬗ᭄ᬕᬵ ᬓᬣᬶᬢᬵ.

ᬦᬶᬭᭀᬥᬯᬕ᭄ᬕᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

ᬩᭀᬚ᭄ᬛᬗ᭄ᬕᬲᬂᬬᬸᬢ᭄ᬢᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.