᭘. ᬦᬶᬩ᭄ᬩᬾᬥᬪᬵᬕᬶᬬᬲᬸᬢ᭄ᬢᬯᬡ᭄ᬡᬦᬵ

᭒᭐᭙. ᬦᬶᬩ᭄ᬩᬶᬚ᭄ᬛᬦ᭄ᬢᬷᬢᬶ ᬦᬶᬩ᭄ᬩᬾᬥᬵ, ᬦᬶᬩ᭄ᬩᬶᬚ᭄ᬛᬦᬥᬫ᭄ᬫᬵ ᬥᬫ᭄ᬫᬯᬶᬦᬬᬵᬤᬬᭀ, ᬢᬧ᭄ᬧᬭᬶᬬᬵᬧᬦ᭄ᬦᬢᬵᬬ ᬦᬶᬩ᭄ᬩᬾᬥᬪᬵᬕᬾ ᬕᬢᭀ ᬦᬶᬩ᭄ᬩᬾᬥᬪᬵᬕᬶᬬᭀ, ᬢᬂ ᬦᬶᬩ᭄ᬩᬾᬥᬪᬵᬕᬶᬬᬂ. ᬢᬾᬦᬵᬳ ‘‘ᬦᬶᬩ᭄ᬩᬶᬚ᭄ᬛᬦᬓᭀᬝ᭄ᬞᬵᬲᬶᬬ’’ᬦ᭄ᬢᬶ. ᬪᬵᬯᬾᬢ᭄ᬯᬵ ᬞᬶᬢᬾᬦ ᬘᬶᬢ᭄ᬢᬾᬦ. ᬯᬶᬧᬲ᭄ᬲᬦᬵᬫᬕ᭄ᬕᬫ᭄ᬧᬶ ᬕᬳᬾᬢ᭄ᬯᬵ ‘‘ᬫᬕ᭄ᬕᬩᭀᬚ᭄ᬛᬗ᭄ᬕᬵ ᬫᬶᬲ᭄ᬲᬓᬵ’’ᬢᬶ ᬯᬸᬢ᭄ᬢᬵ. ᬢᬾᬳᬷᬢᬶ ᬩᭀᬚ᭄ᬛᬗ᭄ᬕᬾᬳᬶ ᬪᬵᬯᬶᬢᬂ ᬘᬶᬢ᭄ᬢᬂ. ᬢᬾ ᬯᬵ ᬩᭀᬚ᭄ᬛᬗ᭄ᬕᬾ ᬪᬵᬯᬾᬢ᭄ᬯᬵ ᬞᬶᬢᬂ ᬘᬶᬢ᭄ᬢᬂ ᬦᬵᬫ ᬨᬮᬘᬶᬢ᭄ᬢᬂ, ᬢᬲ᭄ᬫᬵ ᬦᬶᬩ᭄ᬩᬢ᭄ᬢᬶᬢᬮᭀᬓᬸᬢ᭄ᬢᬭᬫᬾᬯ. ᬢᬫ᭄ᬧᬷᬢᬶ ᬨᬮᬘᬶᬢ᭄ᬢᬫ᭄ᬧᬶ ᬫᬕ᭄ᬕᬵᬦᬦ᭄ᬢᬭᬢᬵᬬ ᬫᬕ᭄ᬕᬦᬶᬲ᭄ᬲᬶᬢᬂ ᬓᬢ᭄ᬯᬵ ᬫᬶᬲ᭄ᬲᬓᬫᬾᬯ ᬓᬣᬾᬢᬸᬂ ᬯᬝ᭄ᬝᬢᬶ ‘‘ᬩᭀᬥᬵᬬ ᬲᬂᬯᬢ᭄ᬢᬦ᭄ᬢᬷ’’ᬢᬶ ᬯᬸᬢ᭄ᬢᬢ᭄ᬢᬵ.