᭒. ᬬᬫᬓᬯᬕ᭄ᬕᭀ

᭑-᭔. ᬧᬞᬫᬧᬸᬩ᭄ᬩᬾᬲᬫ᭄ᬩᭀᬥᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭑᭓-᭑᭖. ᬤ᭄ᬯᬷᬲᬸᬧᬶ ᬲᬸᬢ᭄ᬢᬾᬲᬸ ᬆᬬᬢᬦᬵᬦᬂ ᬯᬲᬾᬦ ᬤᬾᬲᬦᬵ ᬏᬓᬭᬲᬵᬯᬵᬢᬶ ‘‘ᬧᬞᬫᬤᬸᬢᬶᬬᬾᬲᬹ’’ᬢᬶ ᬏᬓᬚ᭄ᬛᬂ ᬧᬤᬸᬤ᭄ᬥᬵᬭᭀ ᬓᬢᭀ. ᬆᬳᬶᬢᭀ ᬅᬳᬂᬫᬵᬦᭀ ᬏᬢ᭄ᬣᬵᬢᬶ ᬅᬢ᭄ᬢᬵ, ᬅᬢ᭄ᬢᬪᬵᬯᭀ. ᬅᬢ᭄ᬢᬵᬦᬫᬥᬶ ᬅᬚ᭄ᬛᬢ᭄ᬢᬂ, ᬢᬧ᭄ᬧᬭᬶᬬᬵᬧᬦ᭄ᬦᬢ᭄ᬢᬵ ᬢᬢ᭄ᬣ ᬪᬯᬵᬦᬶ ᬅᬚ᭄ᬛᬢ᭄ᬢᬶᬓᬵᬦᬶ, ᬢᬾᬲᬂ ᬅᬚ᭄ᬛᬢ᭄ᬢᬶᬓᬵᬦᬂ. ᬅᬚ᭄ᬛᬢ᭄ᬢᬜ᭄ᬘ ᬦᬵᬫ ᬅᬚ᭄ᬛᬢ᭄ᬢᬚ᭄ᬛᬢ᭄ᬢᬂ, ᬦᬶᬬᬓᬚ᭄ᬛᬢ᭄ᬢᬂ, ᬕᭀᬘᬭᬚ᭄ᬛᬢ᭄ᬢᬂ, ᬯᬶᬲᬬᬚ᭄ᬛᬢ᭄ᬢᬦ᭄ᬢᬶ ᬘᬢᬸᬩ᭄ᬩᬶᬥᬂ. ᬢᬢ᭄ᬣ ᬅᬚ᭄ᬛᬢ᭄ᬢᬚ᭄ᬛᬢ᭄ᬢᬂ ᬅᬚ᭄ᬛᬢ᭄ᬢᬾ ᬪᬯᬦ᭄ᬢᬶ ᬅᬚ᭄ᬛᬢ᭄ᬢᬶᬓᬦ᭄ᬢᬶ ᬆᬳ ‘‘ᬅᬚ᭄ᬛᬢ᭄ᬢᬚ᭄ᬛᬢ᭄ᬢᬯᬲᬾᬦ ᬅᬚ᭄ᬛᬢ᭄ᬢᬶᬓᬵᬦ’’ᬦ᭄ᬢᬶ. ᬢᬾᬲᬂ ᬘᬓ᭄ᬔᬵᬤᬷᬦᬂ ᬅᬚ᭄ᬛᬢ᭄ᬢᬾᬲᬸᬧᬶ ᬅᬚ᭄ᬛᬢ᭄ᬢᬶᬓᬪᬵᬯᭀ ᬅᬥᬶᬓᬲᬶᬦᬾᬳᬯᬢ᭄ᬣᬸᬢᬵᬬᬵᬢᬶ ᬆᬳ ‘‘ᬙᬦ᭄ᬤᬭᬵᬕᬲ᭄ᬲ ᬅᬥᬶᬫᬢ᭄ᬢᬩᬮᬯᬢᬵᬬᬵ’’ᬢᬶ. ᬇᬤᬵᬦᬶ ᬢᬢ᭄ᬣ ᬢᬫᬢ᭄ᬣᬂ ᬧᬝᬶᬬᭀᬕᬶᬦᬵ ᬲᬤ᭄ᬥᬶᬂ ᬉᬤᬵᬳᬭᬡᬯᬲᬾᬦ ᬤᬲ᭄ᬲᬾᬦ᭄ᬢᭀ ‘‘ᬫᬦᬸᬲ᭄ᬲᬵᬦᬂ ᬳᬷ’’ᬢᬶᬆᬤᬶᬫᬵᬳ. ᬢᬂ ᬉᬢ᭄ᬢᬵᬦᬫᬾᬯ. ᬩᬵᬳᬶᬭᬵᬦᬷᬢᬶ ᬅᬚ᭄ᬛᬢ᭄ᬢᬶᬓᬢᭀ ᬩᬳᬶ ᬪᬯᬵᬦᬶ.

ᬧᬞᬫᬧᬸᬩ᭄ᬩᬾᬲᬫ᭄ᬩᭀᬥᬲᬸᬢ᭄ᬢᬵᬤᬶᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

᭕-᭖. ᬧᬞᬫᬦᭀᬘᬾᬅᬲ᭄ᬲᬵᬤᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭑᭗-᭑᭘. ᬦᬶᬓ᭄ᬔᬦ᭄ᬢᬵᬢᬶ ᬮᭀᬓᬢᭀ ᬦᬶᬓ᭄ᬔᬦ᭄ᬢᬵ. ᬯᬶᬲᬂᬬᬸᬢ᭄ᬢᬵ ᬲᬂᬬᭀᬕᬳᬾᬢᬹᬦᬂ ᬓᬶᬮᬾᬲᬵᬦᬂ ᬧᬳᬷᬦᬢ᭄ᬢᬵ ᬦᭀ ᬲᬂᬬᬸᬢ᭄ᬢᬵ. ᬦᭀ ᬅᬥᬶᬫᬸᬢ᭄ᬢᬵᬢᬶ ᬦ ᬉᬲ᭄ᬲᬸᬓ᭄ᬓᬚᬵᬢᬵ. ᬯᬶᬫᬭᬶᬬᬵᬤᬷ…ᬧᬾ… ᬘᬾᬢᬲᬵᬢᬶ ᬯᬶᬕᬢᬓᬶᬮᬾᬲᬯᬝ᭄ᬝᬫᬭᬶᬬᬵᬤᬢᬵᬬ ᬦᬶᬫ᭄ᬫᬭᬶᬬᬵᬤᬷᬓᬢᬾᬦ ᬘᬶᬢ᭄ᬢᬾᬦ. ᬘᬢᬸᬲᬘ᭄ᬘᬫᬾᬯ ᬓᬣᬶᬢᬂ ᬘᬓ᭄ᬔᬵᬤᬷᬦᬂ ᬅᬲ᭄ᬲᬵᬤᬵᬤᬶᬦᭀ ᬓᬣᬶᬢᬢ᭄ᬢᬵ.

ᬧᬞᬫᬦᭀᬘᬾᬅᬲ᭄ᬲᬵᬤᬲᬸᬢ᭄ᬢᬵᬤᬶᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

᭗-᭑᭐. ᬧᬞᬫᬵᬪᬶᬦᬦ᭄ᬤᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭑᭙-᭒᭒. ᬯᬝ᭄ᬝᬯᬶᬯᬝ᭄ᬝᬫᬾᬯ ᬓᬣᬶᬢᬂ ᬅᬪᬶᬦᬦ᭄ᬤᬦᬵᬦᬂ ᬉᬧ᭄ᬧᬵᬤᬦᬶᬭᭀᬥᬵᬦᬜ᭄ᬘ ᬯᬲᬾᬦ ᬤᬾᬲᬦᬵᬬ ᬧᬯᬢ᭄ᬢᬢ᭄ᬢᬵ. ᬅᬦᬸᬧᬸᬩ᭄ᬩᬓᬣᬵᬢᬶ ᬆᬤᬶᬢᭀ ᬧᬝ᭄ᬞᬵᬬ ᬧᬤᬢ᭄ᬣᬯᬡ᭄ᬡᬦᬵ. ᬦᬾᬲᬦ᭄ᬢᬶ ᬲᬸᬢ᭄ᬢᬵᬦᬂ.

ᬧᬞᬫᬵᬪᬶᬦᬦ᭄ᬤᬲᬸᬢ᭄ᬢᬵᬤᬶᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

ᬬᬫᬓᬯᬕ᭄ᬕᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.