᭑-᭙. ᬅᬚ᭄ᬛᬢ᭄ᬢᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭑᭕᭐-᭑᭕᭘. ᬧᬘ᭄ᬘᬬᬂ ᬓᬢ᭄ᬯᬵᬢᬶ ᬅᬪᬶᬦᬶᬯᬾᬲᬧᬘ᭄ᬘᬬᬂ ᬓᬢ᭄ᬯᬵ. ᬆᬤᬶᬲᬤ᭄ᬤᬾᬦ ᬫᬶᬘ᭄ᬙᬵᬤᬶᬝ᭄ᬞᬶᬲᬓ᭄ᬓᬵᬬᬤᬶᬝ᭄ᬞᬶᬅᬢ᭄ᬢᬵᬦᬸᬤᬶᬝ᭄ᬞᬶ ᬲᬜ᭄ᬜᭀᬚᬦᬵᬪᬶᬦᬶᬯᬾᬲ-ᬯᬶᬦᬶᬩᬦ᭄ᬥᬅᬚ᭄ᬛᭀᬲᬵᬦᬵᬦᬶ ᬲᬗ᭄ᬕᬡ᭄ᬳᬵᬢᬶ. ᬢᬢ᭄ᬣ ᬅᬪᬶᬦᬶᬯᬾᬲᬵ ᬢᬡ᭄ᬳᬵᬫᬵᬦᬤᬶᬝ᭄ᬞᬶᬬᭀ. ᬯᬶᬦᬶᬩᬦ᭄ᬥᬵ ‘‘ᬓᬵᬬᬾ ᬅᬯᬷᬢᬭᬵᬕᭀ ᬳᭀᬢᬷ’’ᬢᬶᬆᬤᬶᬦᬵ (ᬤᬷ. ᬦᬶ. ᭓.᭓᭒᭐; ᬫ. ᬦᬶ. ᭑.᭑᭘᭖) ᬆᬕᬢᬘᬾᬢᬲᭀᬯᬶᬦᬶᬩᬦ᭄ᬥᬵ. ᬅᬚ᭄ᬛᭀᬲᬵᬦᬵᬢᬶ ᬢᬡ᭄ᬳᬵᬤᬶᬝ᭄ᬞᬶᬚ᭄ᬛᭀᬲᬵᬦᬵᬦᬶ. ᬲᬾᬲᬵᬦᬶ ᬲᬸᬯᬶᬜ᭄ᬜᬾᬬ᭄ᬬᬵᬦᬾᬯ.

ᬅᬚ᭄ᬛᬢ᭄ᬢᬲᬸᬢ᭄ᬢᬵᬤᬶᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

᭑᭐.ᬆᬦᬦ᭄ᬤᬲᬸᬢ᭄ᬢᬯᬡ᭄ᬡᬦᬵ

᭑᭕᭙. ᬥᬭᬫᬵᬦᬓᬵᬮᬾᬢᬶ ᬚᬷᬯᬫᬵᬦᬓᬵᬮᬾ. ᬧᬳᬵᬦᬂ ᬅᬧᬲ᭄ᬲᬦ᭄ᬢᭀᬢᬶ ᬣᬾᬭᬲ᭄ᬲ ᬓᬶᬭ ᬪᬕᬯᬢᬶ ᬧᬾᬫᬂ ᬅᬥᬶᬫᬢ᭄ᬢᬂ. ᬘᬶᬢ᭄ᬢᬂ ᬕᬡ᭄ᬳᬶᬲ᭄ᬲᬵᬫᬷᬢᬶ ᬘᬶᬢ᭄ᬢᬂ ᬆᬭᬵᬥᬾᬲ᭄ᬲᬵᬫᬶ. ᬕᬦ᭄ᬢᬩ᭄ᬩᬂ ᬳᭀᬢᬶ, ᬢᬲ᭄ᬫᬵ ᬲᬧᬮᬶᬩᭀᬥᭀ. ᬘᬶᬢ᭄ᬢᬂ ᬲᬫ᭄ᬧᬳᬂᬲᬫᬵᬦᭀᬢᬶ ᬘᬶᬢ᭄ᬢᬲ᭄ᬲ ᬯᬶᬩᭀᬥᬦᭀ. ᬯᬶᬫᬸᬢ᭄ᬢᬶ…ᬧᬾ… ᬚᬵᬢᭀ ᬆᬬᬢᬶᬂ ᬧᬝᬶᬯᬾᬥᬧᬘ᭄ᬘᬬᬢ᭄ᬢᬵ, ᬦ ᬧᬦ ᬢᬤᬵ ᬯᬶᬲᬾᬲᬵᬯᬳᬪᬵᬯᬵ ᬦᬶᬩ᭄ᬩᬾᬥᬪᬵᬕᬶᬬᭀ.

ᬆᬦᬦ᭄ᬤᬲᬸᬢ᭄ᬢᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

ᬤᬶᬝ᭄ᬞᬶᬯᬕ᭄ᬕᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.

ᬉᬧᬭᬶᬧᬡ᭄ᬡᬵᬲᬓᭀ ᬲᬫᬢ᭄ᬢᭀ.

ᬲᬵᬭᬢ᭄ᬣᬧ᭄ᬧᬓᬵᬲᬶᬦᬶᬬᬵ ᬲᬂᬬᬸᬢ᭄ᬢᬦᬶᬓᬵᬬ-ᬅᬝ᭄ᬞᬓᬣᬵᬬ

ᬔᬦ᭄ᬥᬲᬂᬬᬸᬢ᭄ᬢᬯᬡ᭄ᬡᬦᬵᬬ ᬮᬷᬦᬢ᭄ᬣᬧ᭄ᬧᬓᬵᬲᬦᬵ ᬲᬫᬢ᭄ᬢᬵ.