᭘. ᬅᬝ᭄ᬞᬫᬯᬕ᭄ᬕᬯᬡ᭄ᬡᬦᬵ

ᬧᬞᬫᬤᬸᬢᬶᬬᬢᬢᬶᬬᬾᬲᬸ ‘‘ᬕᬶᬳᬶᬕᬢᬵ’’ᬢᬶ ᬯᬵ ‘‘ᬓᬸᬫᬵᬭᬶᬪᬹᬢᬵ’’ᬢᬶ ᬯᬵ ᬦ ᬯᬢ᭄ᬢᬩ᭄ᬩᬵ. ᬯᬤᬦ᭄ᬢᬶ ᬘᬾ, ᬓᬫ᭄ᬫᬂ ᬓᬸᬧ᭄ᬧᬢᬶ.

ᬏᬓᬵᬤᬲᬫᬾ ᬙᬦ᭄ᬤᬂ ᬅᬯᬶᬲ᭄ᬲᬚ᭄ᬚᬾᬢ᭄ᬯᬵᬢᬶ ‘‘ᬬᬣᬵᬲᬸᬔ’’ᬦ᭄ᬢᬶ ᬅᬯᬢ᭄ᬯᬵ. ᬏᬢ᭄ᬣ ᬧᬦ ᬅᬬᬂ ᬯᬶᬦᬶᬘ᭄ᬙᬬᭀ – ‘‘ᬧᬵᬭᬶᬯᬵᬲᬶᬓᬙᬦ᭄ᬤᬤᬵᬦᬾᬦᬵ’’ᬢᬶ ᬇᬤᬂ ᬉᬤ᭄ᬥᬭᬶᬢ᭄ᬯᬵ ‘‘ᬯᬸᬝ᭄ᬞᬶᬢᬵᬬ ᬧᬭᬶᬲᬵᬬᬵ’’ᬢᬶ (ᬧᬵᬘᬶ. ᭑᭑᭖᭘) ᬧᬤᬪᬵᬚᬦᬂ ᬯᬸᬢ᭄ᬢᬂ. ᬏᬢᬲ᭄ᬲ ᬧᬦ ᬲᬫᬦ᭄ᬢᬧᬵᬲᬵᬤᬶᬓᬵᬬᬂ ‘‘ᬯᬸᬝ᭄ᬞᬶᬢᬵᬬ ᬧᬭᬶᬲᬵᬬᬵᬢᬶ ᬙᬦ᭄ᬤᬂ ᬯᬶᬲ᭄ᬲᬚ᭄ᬚᬾᬢ᭄ᬯᬵ ᬓᬵᬬᬾᬦ ᬯᬵ ᬯᬵᬘᬵᬬ ᬯᬵ ᬙᬦ᭄ᬤᬯᬶᬲ᭄ᬲᬚ᭄ᬚᬦᬫᬢ᭄ᬢᬾᬦ ᬯᬵ ᬯᬸᬝ᭄ᬞᬶᬢᬵᬬᬵ’’ᬢᬶ (ᬧᬵᬘᬶ. ᬅᬝ᭄ᬞ. ᭑᭑᭖᭗) ᬯᬸᬢ᭄ᬢᬂ. ᬇᬥ ᬙᬦ᭄ᬤᬲ᭄ᬲ ᬧᬦ ᬅᬯᬶᬲ᭄ᬲᬝ᭄ᬞᬢ᭄ᬢᬵ ᬓᬫ᭄ᬫᬂ ᬓᬵᬢᬸᬂ ᬯᬝ᭄ᬝᬢᬷᬢᬶ ᬯᬸᬢ᭄ᬢᬂ. ᬢᬲ᭄ᬫᬵ ᬙᬦ᭄ᬤᬂ ᬅᬯᬶᬲ᭄ᬲᬚ᭄ᬚᬾᬢ᭄ᬯᬵᬯ ᬤ᭄ᬯᬵᬤᬲᬳᬢ᭄ᬣᬧᬵᬲᬾ ᬯᬶᬳᬭᬶᬢ᭄ᬯᬵ ᬧᬸᬦ ᬲᬦ᭄ᬦᬶᬧᬵᬢᬓᬭᬡᬜ᭄ᬘ ᬯᬝ᭄ᬝᬢᬷᬢᬶ ᬮᬶᬔᬶᬢᬂ.

ᬅᬝ᭄ᬞᬫᬯᬕ᭄ᬕᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.