᭔-᭕. ᬲᬢ᭄ᬢᬵᬯᬵᬲᬲᬸᬢ᭄ᬢᬵᬤᬶᬯᬡ᭄ᬡᬦᬵ

᭒᭔-᭒᭕. ᬘᬢᬸᬢ᭄ᬣᬾ ᬲᬢ᭄ᬢᬵ ᬆᬯᬲᬦ᭄ᬢᬶ ᬏᬢᬾᬲᬹᬢᬶ ᬲᬢ᭄ᬢᬵᬯᬵᬲᬵ, ᬦᬵᬦᬢ᭄ᬢᬲᬜ᭄ᬜᬶᬆᬤᬶᬪᬾᬤᬵ ᬲᬢ᭄ᬢᬦᬶᬓᬵᬬᬵ. ᬬᬲ᭄ᬫᬵ ᬢᬾ ᬢᬾ ᬲᬢ᭄ᬢᬦᬶᬯᬵᬲᬵ ᬢᬧ᭄ᬧᬭᬶᬬᬵᬧᬦ᭄ᬦᬵᬦᬂ ᬲᬢ᭄ᬢᬵᬦᬂ ᬢᬵᬬ ᬏᬯ ᬢᬧ᭄ᬧᬭᬶᬬᬵᬧᬦ᭄ᬦᬢᬵᬬ ᬆᬥᬵᬭᭀ ᬯᬶᬬ ᬯᬢ᭄ᬢᬩ᭄ᬩᬢᬂ ᬅᬭᬳᬦ᭄ᬢᬶ. ᬲᬫᬸᬤᬵᬬᬵᬘᬵᬭᭀ ᬳᬶ ᬅᬯᬬᬯᬲ᭄ᬲ ᬬᬣᬵ ‘‘ᬭᬸᬓ᭄ᬔᬾ ᬲᬵᬔᬵ’’ᬢᬶ, ᬢᬲ᭄ᬫᬵ ‘‘ᬲᬢ᭄ᬢᬵᬦᬂ ᬆᬯᬵᬲᬵ, ᬯᬲᬦᬝ᭄ᬞᬵᬦᬵᬦᬷᬢᬶ ᬅᬢ᭄ᬣᭀ’’ᬢᬶ ᬯᬸᬢ᭄ᬢᬂ. ᬲᬸᬤ᭄ᬥᬵᬯᬵᬲᬵᬧᬶ ᬲᬢ᭄ᬢᬵᬯᬵᬲᭀᬯ ‘‘ᬦ ᬲᭀ, ᬪᬶᬓ᭄ᬔᬯᬾ, ᬲᬢ᭄ᬢᬵᬯᬵᬲᭀ ᬲᬸᬮᬪᬭᬹᬧᭀ, ᬬᭀ ᬫᬬᬵ ᬅᬦᬵᬯᬸᬢ᭄ᬣᬧᬸᬩ᭄ᬩᭀ ᬇᬫᬶᬦᬵ ᬤᬷᬖᬾᬦ ᬅᬤ᭄ᬥᬸᬦᬵ ᬅᬜ᭄ᬜᬢ᭄ᬭ ᬲᬸᬤ᭄ᬥᬵᬯᬵᬲᬾᬳᬶ ᬤᬾᬯᬾᬳᬷ’’ᬢᬶ (ᬤᬷ. ᬦᬶ. ᭒.᭙᭑) ᬯᬘᬦᬢᭀ. ᬬᬤᬶ ᬏᬯᬂ ᬢᬾ ᬓᬲ᭄ᬫᬵ ᬇᬥ ᬦ ᬕᬳᬶᬢᬵᬢᬶ ᬢᬢ᭄ᬣ ᬓᬵᬭᬡᬫᬵᬳ ‘‘ᬅᬲᬩ᭄ᬩᬓᬵᬮᬶᬓᬢ᭄ᬢᬵ’’ᬢᬶᬆᬤᬶ. ᬯᬾᬳᬧ᭄ᬨᬮᬵ ᬧᬦ ᬘᬢᬸᬢ᭄ᬣᬾᬬᬾᬯ ᬲᬢ᭄ᬢᬵᬯᬵᬲᬾ ᬪᬚᬦ᭄ᬢᬷᬢᬶ ᬤᬝ᭄ᬞᬩ᭄ᬩᬂ. ᬧᬜ᭄ᬘᬫᬂ ᬉᬢ᭄ᬢᬵᬦᬫᬾᬯ.

ᬲᬢ᭄ᬢᬵᬯᬵᬲᬲᬸᬢ᭄ᬢᬵᬤᬶᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.