᭖. ᬲᭀᬔᬸᬫ᭄ᬫᬲᬸᬢ᭄ᬢᬯᬡ᭄ᬡᬦᬵ

᭑᭖. ᬙᬝ᭄ᬞᬾ ᬲᬸᬔᬸᬫᬮᬓ᭄ᬔᬡᬧ᭄ᬧᬝᬶᬯᬶᬚ᭄ᬛᬦᬓᬵᬦᬷᬢᬶ ᬅᬦᬶᬘ᭄ᬘᬵᬤᬶᬲᬸᬔᬸᬫᬮᬓ᭄ᬔᬡᬵᬦᬂ ᬧᬝᬶᬯᬶᬚ᭄ᬛᬦᬓᬵᬦᬶ. ᬲᬸᬔᬸᬫᬮᬓ᭄ᬔᬡᬧᬭᬶᬕ᭄ᬕᬵᬳᬓᬜᬵᬡᬾᬦᬵᬢᬶ ᬲᬸᬔᬸᬫᬮᬓ᭄ᬔᬡᬧᬭᬶᬕ᭄ᬕᬵᬳᬓᬾᬦ ᬜᬵᬡᬾᬦ. ᬧᬭᬢᭀ ᬚᬵᬦᬶᬢ᭄ᬯᬵᬢᬶ ᬅᬯᬲᬯᬢ᭄ᬢᬦᬾᬦ ᬅᬜ᭄ᬜᬢᭀ ᬚᬵᬦᬶᬢ᭄ᬯᬵ. ᬲᬗ᭄ᬔᬵᬭᬵ ᬳᬶ ‘‘ᬫᬵ ᬪᬶᬚ᭄ᬚᬶᬂᬲᬹ’’ᬢᬶ ᬇᬘ᭄ᬙᬶᬢᬵᬧᬶ ᬪᬶᬚ᭄ᬚᬦ᭄ᬢᬾᬯ, ᬢᬲ᭄ᬫᬵ ᬢᬾ ᬅᬯᬲᬯᬢ᭄ᬢᬶᬢᬵᬬ ᬧᬭᬾ ᬦᬵᬫ. ᬲᬵ ᬘ ᬦᬾᬲᬂ ᬧᬭᬢᬵ ᬅᬦᬶᬘ᭄ᬘᬤᬲ᭄ᬲᬦᬾ ᬧᬵᬓᬝᬵ ᬳᭀᬢᬷᬢᬶ ᬯᬸᬢ᭄ᬢᬂ ‘‘ᬇᬫᬶᬦᬵ ᬳᬶ ᬧᬤᬾᬦ ᬅᬦᬶᬘ᭄ᬘᬵᬦᬸᬧᬲ᭄ᬲᬦᬵ ᬓᬣᬶᬢᬵ’’ᬢᬶ. ᬲᬾᬲᬂ ᬉᬢ᭄ᬢᬵᬦᬫᬾᬯ.

ᬲᭀᬔᬸᬫ᭄ᬫᬲᬸᬢ᭄ᬢᬯᬡ᭄ᬡᬦᬵ ᬦᬶᬝ᭄ᬞᬶᬢᬵ.