᭗. ᬢᬡ᭄ᬳᬵᬦᬶᬭᭀᬥᬲᬸᬢ᭄ᬢᬂ

᭒᭐᭘. ‘‘ᬬᭀ, ᬪᬶᬓ᭄ᬔᬯᬾ, ᬫᬕ᭄ᬕᭀ ᬬᬵ ᬧᬝᬶᬧᬤᬵ ᬢᬡ᭄ᬳᬵᬦᬶᬭᭀᬥᬵᬬ ᬲᬂᬯᬢ᭄ᬢᬢᬶ, ᬢᬂ ᬫᬕ᭄ᬕᬂ ᬢᬂ ᬧᬝᬶᬧᬤᬂ ᬪᬵᬯᬾᬣ. ᬓᬢᬫᭀ ᬘ, ᬪᬶᬓ᭄ᬔᬯᬾ, ᬫᬕ᭄ᬕᭀ ᬓᬢᬫᬵ ᬘ ᬧᬝᬶᬧᬤᬵ ᬢᬡ᭄ᬳᬵᬦᬶᬭᭀᬥᬵᬬ ᬲᬂᬯᬢ᭄ᬢᬢᬶ? ᬬᬤᬶᬤᬂ – ᬲᬢ᭄ᬢ ᬩᭀᬚ᭄ᬛᬗ᭄ᬕᬵ. ᬓᬢᬫᬾ ᬲᬢ᭄ᬢ? ᬲᬢᬶᬲᬫ᭄ᬩᭀᬚ᭄ᬛᬗ᭄ᬕᭀ…ᬧᬾ… ᬉᬧᬾᬓ᭄ᬔᬵᬲᬫ᭄ᬩᭀᬚ᭄ᬛᬗ᭄ᬕᭀ. ᬓᬣᬂ ᬪᬵᬯᬶᬢᬵ, ᬘ ᬪᬶᬓ᭄ᬔᬯᬾ, ᬲᬢ᭄ᬢ ᬩᭀᬚ᭄ᬛᬗ᭄ᬕᬵ ᬓᬣᬂ ᬩᬳᬸᬮᬷᬓᬢᬵ ᬢᬡ᭄ᬳᬵᬦᬶᬭᭀᬥᬵᬬ ᬲᬂᬯᬢ᭄ᬢᬦ᭄ᬢᬶ?

‘‘ᬇᬥ, ᬪᬶᬓ᭄ᬔᬯᬾ, ᬪᬶᬓ᭄ᬔᬸ ᬲᬢᬶᬲᬫ᭄ᬩᭀᬚ᭄ᬛᬗ᭄ᬕᬂ ᬪᬵᬯᬾᬢᬶ ᬯᬶᬯᬾᬓᬦᬶᬲ᭄ᬲᬶᬢᬂ ᬯᬶᬭᬵᬕᬦᬶᬲ᭄ᬲᬶᬢᬂ ᬦᬶᬭᭀᬥᬦᬶᬲ᭄ᬲᬶᬢᬂ ᬯᭀᬲ᭄ᬲᬕ᭄ᬕᬧᬭᬶᬡᬵᬫᬶᬂ…ᬧᬾ… ᬉᬧᬾᬓ᭄ᬔᬵᬲᬫ᭄ᬩᭀᬚ᭄ᬛᬗ᭄ᬕᬂ ᬪᬵᬯᬾᬢᬶ ᬯᬶᬯᬾᬓᬦᬶᬲ᭄ᬲᬶᬢᬂ ᬯᬶᬭᬵᬕᬦᬶᬲ᭄ᬲᬶᬢᬂ ᬦᬶᬭᭀᬥᬦᬶᬲ᭄ᬲᬶᬢᬂ ᬯᭀᬲ᭄ᬲᬕ᭄ᬕᬧᬭᬶᬡᬵᬫᬶᬂ. ᬏᬯᬂ ᬪᬵᬯᬶᬢᬵ ᬔᭀ, ᬪᬶᬓ᭄ᬔᬯᬾ, ᬲᬢ᭄ᬢ ᬩᭀᬚ᭄ᬛᬗ᭄ᬕᬵ ᬏᬯᬂ ᬩᬳᬸᬮᬷᬓᬢᬵ ᬢᬡ᭄ᬳᬵᬦᬶᬭᭀᬥᬵᬬ ᬲᬂᬯᬢ᭄ᬢᬦ᭄ᬢᬷ’’ᬢᬶ. ᬲᬢ᭄ᬢᬫᬂ.