᭕. ᬅᬗ᭄ᬕᬲᬸᬢ᭄ᬢᬂ

᭓᭐᭘. ‘‘ᬧᬜ᭄ᬘᬶᬫᬵᬦᬶ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᬲ᭄ᬲ ᬩᬮᬵᬦᬶ. ᬓᬢᬫᬵᬦᬶ ᬧᬜ᭄ᬘ? ᬭᬹᬧᬩᬮᬂ, ᬪᭀᬕᬩᬮᬂ, ᬜᬵᬢᬶᬩᬮᬂ, ᬧᬸᬢ᭄ᬢᬩᬮᬂ, ᬲᬷᬮᬩᬮᬂ. ᬭᬹᬧᬩᬮᬾᬦ ᬘ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬦ ᬘ ᬪᭀᬕᬩᬮᬾᬦ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬅᬧᬭᬶᬧᬹᬭᭀ ᬳᭀᬢᬶ. ᬬᬢᭀ ᬘ ᬔᭀ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬭᬹᬧᬩᬮᬾᬦ ᬘ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬧᬭᬶᬧᬹᬭᭀ ᬳᭀᬢᬶ. ᬭᬹᬧᬩᬮᬾᬦ ᬘ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬦ ᬘ ᬜᬵᬢᬶᬩᬮᬾᬦ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬅᬧᬭᬶᬧᬹᬭᭀ ᬳᭀᬢᬶ. ᬬᬢᭀ ᬘ ᬔᭀ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬭᬹᬧᬩᬮᬾᬦ ᬘ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬜᬵᬢᬶᬩᬮᬾᬦ ᬘ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬧᬭᬶᬧᬹᬭᭀ ᬳᭀᬢᬶ. ᬭᬹᬧᬩᬮᬾᬦ ᬘ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬜᬵᬢᬶᬩᬮᬾᬦ ᬘ, ᬦ ᬘ ᬧᬸᬢ᭄ᬢᬩᬮᬾᬦ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬅᬧᬭᬶᬧᬹᬭᭀ ᬳᭀᬢᬶ. ᬬᬢᭀ ᬘ ᬔᭀ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬭᬹᬧᬩᬮᬾᬦ ᬘ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬜᬵᬢᬶᬩᬮᬾᬦ ᬘ, ᬧᬸᬢ᭄ᬢᬩᬮᬾᬦ ᬘ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬧᬭᬶᬧᬹᬭᭀ ᬳᭀᬢᬶ. ᬭᬹᬧᬩᬮᬾᬦ ᬘ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬜᬵᬢᬶᬩᬮᬾᬦ ᬘ, ᬧᬸᬢ᭄ᬢᬩᬮᬾᬦ ᬘ, ᬦ ᬘ ᬲᬷᬮᬩᬮᬾᬦ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬅᬧᬭᬶᬧᬹᬭᭀ ᬳᭀᬢᬶ. ᬬᬢᭀ ᬘ ᬔᭀ, ᬪᬶᬓ᭄ᬔᬯᬾ, ᬫᬵᬢᬸᬕᬵᬫᭀ ᬭᬹᬧᬩᬮᬾᬦ ᬘ ᬲᬫᬦ᭄ᬦᬵᬕᬢᭀ ᬳᭀᬢᬶ, ᬪᭀᬕᬩᬮᬾᬦ ᬘ, ᬜᬵᬢᬶᬩᬮᬾᬦ ᬘ, ᬧᬸᬢ᭄ᬢᬩᬮᬾᬦ ᬘ, ᬲᬷᬮᬩᬮᬾᬦ ᬘ – ᬏᬯᬂ ᬲᭀ ᬢᬾᬦᬗ᭄ᬕᬾᬦ ᬧᬭᬶᬧᬹᬭᭀ ᬳᭀᬢᬶ. ᬇᬫᬵᬦᬶ ᬔᭀ, ᬪᬶᬓ᭄ᬔᬯᬾ, ᬧᬜ᭄ᬘ ᬫᬵᬢᬸᬕᬵᬫᬲ᭄ᬲ ᬩᬮᬵᬦᬷ’’ᬢᬶ. ᬧᬜ᭄ᬘᬫᬂ.