᭑. ᬫᬵᬢᬸᬕᬵᬫᬲᬸᬢ᭄ᬢᬂ

᭒᭘᭐. ‘‘ᬧᬜ᭄ᬘᬳᬶ, ᬪᬶᬓ᭄ᬔᬯᬾ, ᬅᬗ᭄ᬕᬾᬳᬶ ᬲᬫᬦ᭄ᬦᬵᬕᬢᭀ ᬫᬵᬢᬸᬕᬵᬫᭀ ᬏᬓᬦ᭄ᬢᬅᬫᬦᬵᬧᭀ ᬳᭀᬢᬶ ᬧᬸᬭᬶᬲᬲ᭄ᬲ. ᬓᬢᬫᬾᬳᬶ ᬧᬜ᭄ᬘᬳᬶ? ᬦ ᬘ ᬭᬹᬧᬯᬵ ᬳᭀᬢᬶ, ᬦ ᬘ ᬪᭀᬕᬯᬵ ᬳᭀᬢᬶ, ᬦ ᬘ ᬲᬷᬮᬯᬵ ᬳᭀᬢᬶ, ᬅᬮᬲᭀ ᬘ ᬳᭀᬢᬶ, ᬧᬚᬜ᭄ᬘᬲ᭄ᬲ ᬦ ᬮᬪᬢᬶ – ᬇᬫᬾᬳᬶ ᬔᭀ, ᬪᬶᬓ᭄ᬔᬯᬾ, ᬧᬜ᭄ᬘᬳᬶ ᬅᬗ᭄ᬕᬾᬳᬶ ᬲᬫᬦ᭄ᬦᬵᬕᬢᭀ ᬫᬵᬢᬸᬕᬵᬫᭀ ᬏᬓᬦ᭄ᬢᬅᬫᬦᬵᬧᭀ ᬳᭀᬢᬶ ᬧᬸᬭᬶᬲᬲ᭄ᬲ. ᬧᬜ᭄ᬘᬳᬶ, ᬪᬶᬓ᭄ᬔᬯᬾ, ᬅᬗ᭄ᬕᬾᬳᬶ ᬲᬫᬦ᭄ᬦᬵᬕᬢᭀ ᬫᬵᬢᬸᬕᬵᬫᭀ ᬏᬓᬦ᭄ᬢᬫᬦᬵᬧᭀ ᬳᭀᬢᬶ ᬧᬸᬭᬶᬲᬲ᭄ᬲ. ᬓᬢᬫᬾᬳᬶ ᬧᬜ᭄ᬘᬳᬶ? ᬭᬹᬧᬯᬵ ᬘ ᬳᭀᬢᬶ, ᬪᭀᬕᬯᬵ ᬘ ᬳᭀᬢᬶ, ᬲᬷᬮᬯᬵ ᬘ ᬳᭀᬢᬶ, ᬤᬓ᭄ᬔᭀ ᬘ ᬳᭀᬢᬶ ᬅᬦᬮᬲᭀ, ᬧᬚᬜ᭄ᬘᬲ᭄ᬲ ᬮᬪᬢᬶ – ᬇᬫᬾᬳᬶ ᬔᭀ, ᬪᬶᬓ᭄ᬔᬯᬾ, ᬧᬜ᭄ᬘᬳᬶ ᬅᬗ᭄ᬕᬾᬳᬶ ᬲᬫᬦ᭄ᬦᬵᬕᬢᭀ ᬫᬵᬢᬸᬕᬵᬫᭀ ᬏᬓᬦ᭄ᬢᬫᬦᬵᬧᭀ ᬳᭀᬢᬶ ᬧᬸᬭᬶᬲᬲ᭄ᬲᬵ’’ᬢᬶ. ᬧᬞᬫᬂ.