᭖. ᬲᬫᬶᬤ᭄ᬥᬶᬮᭀᬓᬧᬜ᭄ᬳᬵᬲᬸᬢ᭄ᬢᬂ

᭖᭘. ‘‘‘ᬮᭀᬓᭀ, ᬮᭀᬓᭀ’ᬢᬶ, ᬪᬦ᭄ᬢᬾ, ᬯᬸᬘ᭄ᬘᬢᬶ. ᬓᬶᬢ᭄ᬢᬵᬯᬢᬵ ᬦᬸ ᬔᭀ, ᬪᬦ᭄ᬢᬾ, ᬮᭀᬓᭀ ᬯᬵ ᬅᬲ᭄ᬲ ᬮᭀᬓᬧᬜ᭄ᬜᬢ᭄ᬢᬶ ᬯᬵ’’ᬢᬶ? ᬬᬢ᭄ᬣ ᬔᭀ, ᬲᬫᬶᬤ᭄ᬥᬶ, ᬅᬢ᭄ᬣᬶ ᬘᬓ᭄ᬔᬸ, ᬅᬢ᭄ᬣᬶ ᬭᬹᬧᬵ, ᬅᬢ᭄ᬣᬶ ᬘᬓ᭄ᬔᬸᬯᬶᬜ᭄ᬜᬵᬡᬂ, ᬅᬢ᭄ᬣᬶ ᬘᬓ᭄ᬔᬸᬯᬶᬜ᭄ᬜᬵᬡᬯᬶᬜ᭄ᬜᬵᬢᬩ᭄ᬩᬵ ᬥᬫ᭄ᬫᬵ, ᬅᬢ᭄ᬣᬶ ᬢᬢ᭄ᬣ ᬮᭀᬓᭀ ᬯᬵ ᬮᭀᬓᬧᬜ᭄ᬜᬢ᭄ᬢᬶ ᬯᬵᬢᬶ…ᬧᬾ… ᬅᬢ᭄ᬣᬶ ᬚᬶᬯ᭄ᬳᬵ…ᬧᬾ… ᬅᬢ᭄ᬣᬶ ᬫᬦᭀ, ᬅᬢ᭄ᬣᬶ ᬥᬫ᭄ᬫᬵ, ᬅᬢ᭄ᬣᬶ ᬫᬦᭀᬯᬶᬜ᭄ᬜᬵᬡᬂ, ᬅᬢ᭄ᬣᬶ ᬫᬦᭀᬯᬶᬜ᭄ᬜᬵᬡᬯᬶᬜ᭄ᬜᬵᬢᬩ᭄ᬩᬵ ᬥᬫ᭄ᬫᬵ, ᬅᬢ᭄ᬣᬶ ᬢᬢ᭄ᬣ ᬮᭀᬓᭀ ᬯᬵ ᬮᭀᬓᬧᬜ᭄ᬜᬢ᭄ᬢᬶ ᬯᬵ.

‘‘ᬬᬢ᭄ᬣ ᬘ ᬔᭀ, ᬲᬫᬶᬤ᭄ᬥᬶ, ᬦᬢ᭄ᬣᬶ ᬘᬓ᭄ᬔᬸ, ᬦᬢ᭄ᬣᬶ ᬭᬹᬧᬵ, ᬦᬢ᭄ᬣᬶ ᬘᬓ᭄ᬔᬸᬯᬶᬜ᭄ᬜᬵᬡᬂ, ᬦᬢ᭄ᬣᬶ ᬘᬓ᭄ᬔᬸᬯᬶᬜ᭄ᬜᬵᬡᬯᬶᬜ᭄ᬜᬵᬢᬩ᭄ᬩᬵ ᬥᬫ᭄ᬫᬵ, ᬦᬢ᭄ᬣᬶ ᬢᬢ᭄ᬣ ᬮᭀᬓᭀ ᬯᬵ ᬮᭀᬓᬧᬜ᭄ᬜᬢ᭄ᬢᬶ ᬯᬵ…ᬧᬾ… ᬦᬢ᭄ᬣᬶ ᬚᬶᬯ᭄ᬳᬵ…ᬧᬾ… ᬦᬢ᭄ᬣᬶ ᬫᬦᭀ, ᬦᬢ᭄ᬣᬶ ᬥᬫ᭄ᬫᬵ, ᬦᬢ᭄ᬣᬶ ᬫᬦᭀᬯᬶᬜ᭄ᬜᬵᬡᬂ, ᬦᬢ᭄ᬣᬶ ᬫᬦᭀᬯᬶᬜ᭄ᬜᬵᬡᬯᬶᬜ᭄ᬜᬵᬢᬩ᭄ᬩᬵ ᬥᬫ᭄ᬫᬵ, ᬦᬢ᭄ᬣᬶ ᬢᬢ᭄ᬣ ᬮᭀᬓᭀ ᬯᬵ ᬮᭀᬓᬧᬜ᭄ᬜᬢ᭄ᬢᬶ ᬯᬵ’’ᬢᬶ. ᬙᬝ᭄ᬞᬂ.