᭔. ᬲᬫᬵᬥᬶᬫᬹᬮᬓᬓᬮ᭄ᬮᬶᬢᬲᬸᬢ᭄ᬢᬂ

᭖᭖᭕. ᬲᬵᬯᬢ᭄ᬣᬶᬦᬶᬤᬵᬦᬂ. ‘‘ᬘᬢ᭄ᬢᬵᬭᭀᬫᬾ, ᬪᬶᬓ᭄ᬔᬯᬾ, ᬛᬵᬬᬷ. ᬓᬢᬫᬾ ᬘᬢ᭄ᬢᬵᬭᭀ? ᬇᬥ, ᬪᬶᬓ᭄ᬔᬯᬾ, ᬏᬓᬘ᭄ᬘᭀ ᬛᬵᬬᬷ ᬲᬫᬵᬥᬶᬲ᭄ᬫᬶᬂ ᬲᬫᬵᬥᬶᬓᬸᬲᬮᭀ ᬳᭀᬢᬶ, ᬦ ᬲᬫᬵᬥᬶᬲ᭄ᬫᬶᬂ ᬓᬮ᭄ᬮᬶᬢᬓᬸᬲᬮᭀ. ᬇᬥ ᬧᬦ, ᬪᬶᬓ᭄ᬔᬯᬾ, ᬏᬓᬘ᭄ᬘᭀ ᬛᬵᬬᬷ ᬲᬫᬵᬥᬶᬲ᭄ᬫᬶᬂ ᬓᬮ᭄ᬮᬶᬢᬓᬸᬲᬮᭀ ᬳᭀᬢᬶ, ᬦ ᬲᬫᬵᬥᬶᬲ᭄ᬫᬶᬂ ᬲᬫᬵᬥᬶᬓᬸᬲᬮᭀ. ᬇᬥ ᬧᬦ, ᬪᬶᬓ᭄ᬔᬯᬾ, ᬏᬓᬘ᭄ᬘᭀ ᬛᬵᬬᬷ ᬦᬾᬯ ᬲᬫᬵᬥᬶᬲ᭄ᬫᬶᬂ ᬲᬫᬵᬥᬶᬓᬸᬲᬮᭀ ᬳᭀᬢᬶ, ᬦ ᬘ ᬲᬫᬵᬥᬶᬲ᭄ᬫᬶᬂ ᬓᬮ᭄ᬮᬶᬢᬓᬸᬲᬮᭀ. ᬇᬥ ᬧᬦ, ᬪᬶᬓ᭄ᬔᬯᬾ, ᬏᬓᬘ᭄ᬘᭀ ᬛᬵᬬᬷ ᬲᬫᬵᬥᬶᬲ᭄ᬫᬶᬂ ᬲᬫᬵᬥᬶᬓᬸᬲᬮᭀ ᬘ ᬳᭀᬢᬶ, ᬲᬫᬵᬥᬶᬲ᭄ᬫᬶᬂ ᬓᬮ᭄ᬮᬶᬢᬓᬸᬲᬮᭀ ᬘ. ᬢᬢ᭄ᬭ, ᬪᬶᬓ᭄ᬔᬯᬾ, ᬬ᭄ᬯᬵᬬᬂ ᬛᬵᬬᬷ ᬲᬫᬵᬥᬶᬲ᭄ᬫᬶᬂ ᬲᬫᬵᬥᬶᬓᬸᬲᬮᭀ ᬘ ᬳᭀᬢᬶ ᬲᬫᬵᬥᬶᬲ᭄ᬫᬶᬂ ᬓᬮ᭄ᬮᬶᬢᬓᬸᬲᬮᭀ ᬘ ᬅᬬᬂ ᬇᬫᬾᬲᬂ ᬘᬢᬸᬦ᭄ᬦᬂ ᬛᬵᬬᬷᬦᬂ ᬅᬕ᭄ᬕᭀ ᬘ ᬲᬾᬝ᭄ᬞᭀ ᬘ ᬫᭀᬓ᭄ᬔᭀ ᬘ ᬉᬢ᭄ᬢᬫᭀ ᬘ ᬧᬯᬭᭀ ᬘ. ᬲᬾᬬ᭄ᬬᬣᬵᬧᬶ, ᬪᬶᬓ᭄ᬔᬯᬾ, ᬕᬯᬵ ᬔᬷᬭᬂ…ᬧᬾ… ᬧᬯᬭᭀ ᬘᬵ’’ᬢᬶ. ᬘᬢᬸᬢ᭄ᬣᬂ.