᭑. ᬅᬤ᭄ᬥᬵᬦᬫᬹᬮᬧᬜ᭄ᬳᭀ

᭑. ᬭᬵᬚᬵ ᬆᬳ ‘‘ᬪᬦ᭄ᬢᬾ ᬦᬵᬕᬲᬾᬦ, ᬅᬢᬷᬢᬲ᭄ᬲ ᬅᬤ᭄ᬥᬵᬦᬲ᭄ᬲ ᬓᬶᬂ ᬫᬹᬮᬂ, ᬅᬦᬵᬕᬢᬲ᭄ᬲ ᬅᬤ᭄ᬥᬵᬦᬲ᭄ᬲ ᬓᬶᬂ ᬫᬹᬮᬂ, ᬧᬘ᭄ᬘᬸᬧ᭄ᬧᬦ᭄ᬦᬲ᭄ᬲ ᬅᬤ᭄ᬥᬵᬦᬲ᭄ᬲ ᬓᬶᬂ ᬫᬹᬮ’’ᬦ᭄ᬢᬶ? ‘‘ᬅᬢᬷᬢᬲ᭄ᬲ ᬘ, ᬫᬳᬵᬭᬵᬚ, ᬅᬤ᭄ᬥᬵᬦᬲ᭄ᬲ ᬅᬦᬵᬕᬢᬲ᭄ᬲ ᬘ ᬅᬤ᭄ᬥᬵᬦᬲ᭄ᬲ ᬧᬘ᭄ᬘᬸᬧ᭄ᬧᬦ᭄ᬦᬲ᭄ᬲ ᬘ ᬅᬤ᭄ᬥᬵᬦᬲ᭄ᬲ ᬅᬯᬶᬚ᭄ᬚᬵ ᬫᬹᬮᬂ. ᬅᬯᬶᬚ᭄ᬚᬵᬧᬘ᭄ᬘᬬᬵ ᬲᬗ᭄ᬔᬵᬭᬵ, ᬲᬗ᭄ᬔᬵᬭᬧᬘ᭄ᬘᬬᬵ ᬯᬶᬜ᭄ᬜᬵᬡᬂ, ᬯᬶᬜ᭄ᬜᬵᬡᬧᬘ᭄ᬘᬬᬵ ᬦᬵᬫᬭᬹᬧᬂ, ᬦᬵᬫᬭᬹᬧᬧᬘ᭄ᬘᬬᬵ ᬲᬮ᬴ᬵᬬᬢᬦᬂ, ᬲᬮ᬴ᬵᬬᬢᬦᬧᬘ᭄ᬘᬬᬵ ᬨᬲ᭄ᬲᭀ, ᬨᬲ᭄ᬲᬧᬘ᭄ᬘᬬᬵ ᬯᬾᬤᬦᬵ, ᬯᬾᬤᬦᬵᬧᬘ᭄ᬘᬬᬵ ᬢᬡ᭄ᬳᬵ, ᬢᬡ᭄ᬳᬵᬧᬘ᭄ᬘᬬᬵ ᬉᬧᬵᬤᬵᬦᬂ, ᬉᬧᬵᬤᬵᬦᬧᬘ᭄ᬘᬬᬵ ᬪᬯᭀ, ᬪᬯᬧᬘ᭄ᬘᬬᬵ ᬚᬵᬢᬶ, ᬚᬵᬢᬶᬧᬘ᭄ᬘᬬᬵ ᬚᬭᬵᬫᬭᬡᬂ ᬲᭀᬓᬧᬭᬶᬤᬾᬯᬤᬸᬓ᭄ᬔᬤᭀᬫᬦᬲ᭄ᬲᬸᬧᬵᬬᬵᬲᬵ ᬲᬫ᭄ᬪᬯᬦ᭄ᬢᬶ. ᬏᬯᬫᬾᬢᬲ᭄ᬲ ᬓᬾᬯᬮᬲ᭄ᬲ ᬤᬸᬓ᭄ᬔᬓ᭄ᬔᬦ᭄ᬥᬲ᭄ᬲ ᬅᬤ᭄ᬥᬵᬦᬲ᭄ᬲ [ᬤᬸᬓ᭄ᬔᬓ᭄ᬔᬦ᭄ᬥᬲ᭄ᬲ ᬅᬤ᭄ᬥᬵᬦᬲ᭄ᬲ (ᬲᬷ.)] ᬧᬸᬭᬶᬫᬵ ᬓᭀᬝᬶ ᬦ ᬧᬜ᭄ᬜᬵᬬᬢᬷ’’ᬢᬶ.

‘‘ᬓᬮ᭄ᬮᭀᬲᬶ, ᬪᬦ᭄ᬢᬾ ᬦᬵᬕᬲᬾᬦᬵ’’ᬢᬶ.

ᬅᬤ᭄ᬥᬵᬦᬫᬹᬮᬧᬜ᭄ᬳᭀ ᬧᬞᬫᭀ.