᭑᭐. ᬧᬤᬸᬫᬥᬵᬭᬶᬓᬢ᭄ᬣᬾᬭᬅᬧᬤᬵᬦᬂ

᭗᭘. ‘‘ᬳᬶᬫᬯᬦ᭄ᬢᬲ᭄ᬲᬵᬯᬶᬤᬹᬭᬾ, ᬭᭀᬫᬲᭀ ᬦᬵᬫ ᬧᬩ᭄ᬩᬢᭀ;

ᬩᬸᬤ᭄ᬥᭀᬧᬶ ᬲᬫ᭄ᬪᬯᭀ ᬦᬵᬫ, ᬅᬩ᭄ᬪᭀᬓᬵᬲᬾ ᬯᬲᬷ ᬢᬤᬵ.

᭗᭙. ‘‘ᬪᬯᬦᬵ ᬦᬶᬓ᭄ᬔᬫᬶᬢ᭄ᬯᬵᬦ, ᬧᬤᬸᬫᬂ ᬥᬵᬭᬬᬶᬂ ᬅᬳᬂ;

ᬏᬓᬵᬳᬂ ᬥᬵᬭᬬᬶᬢ᭄ᬯᬵᬦ, ᬪᬯᬦᬂ ᬧᬸᬦᬭᬵᬕᬫᬶᬂ.

᭘᭐. ‘‘ᬏᬓᬢᬶᬂᬲᬾ ᬇᬢᭀ ᬓᬧ᭄ᬧᬾ, ᬬᬂ ᬩᬸᬤ᭄ᬥᬫᬪᬶᬧᬹᬚᬬᬶᬂ;

ᬤᬸᬕ᭄ᬕᬢᬶᬂ ᬦᬵᬪᬶᬚᬵᬦᬵᬫᬶ, ᬩᬸᬤ᭄ᬥᬧᬹᬚᬵᬬᬶᬤᬂ ᬨᬮᬂ.

᭘᭑. ‘‘ᬓᬶᬮᬾᬲᬵ ᬛᬵᬧᬶᬢᬵ ᬫᬬ᭄ᬳᬂ…ᬧᬾ… ᬯᬶᬳᬭᬵᬫᬶ ᬅᬦᬵᬲᬯᭀ.

᭘᭒. ‘‘ᬲ᭄ᬯᬵᬕᬢᬂ ᬯᬢ ᬫᬾ ᬆᬲᬶ…ᬧᬾ… ᬓᬢᬂ ᬩᬸᬤ᭄ᬥᬲ᭄ᬲ ᬲᬵᬲᬦᬂ.

᭘᭓. ‘‘ᬧᬝᬶᬲᬫ᭄ᬪᬶᬤᬵ ᬘᬢᬲ᭄ᬲᭀ…ᬧᬾ… ᬓᬢᬂ ᬩᬸᬤ᭄ᬥᬲ᭄ᬲ ᬲᬵᬲᬦᬂ’’.

ᬇᬢ᭄ᬣᬂ ᬲᬸᬤᬂ ᬆᬬᬲ᭄ᬫᬵ ᬧᬤᬸᬫᬥᬵᬭᬶᬓᭀ ᬣᬾᬭᭀ ᬇᬫᬵ ᬕᬵᬣᬵᬬᭀ

ᬅᬪᬵᬲᬶᬢ᭄ᬣᬵᬢᬶ.

ᬧᬤᬸᬫᬥᬵᬭᬶᬓᬢ᭄ᬣᬾᬭᬲ᭄ᬲᬵᬧᬤᬵᬦᬂ ᬤᬲᬫᬂ.

ᬨᬮᬤᬵᬬᬓᬯᬕ᭄ᬕᭀ ᬤ᭄ᬯᬾᬧᬜ᭄ᬜᬵᬲᬫᭀ.