᭓. ᬓᭀᬭᬡ᭄ᬟᬧᬸᬧ᭄ᬨᬶᬬᬢ᭄ᬣᬾᬭᬅᬧᬤᬵᬦᬂ

᭑᭕. ‘‘ᬯᬦᬓᬫ᭄ᬫᬶᬓᭀ ᬧᬸᬭᬾ ᬆᬲᬶᬂ, ᬧᬶᬢᬸᬫᬵᬢᬸᬫᬢᬾᬦᬳᬂ [ᬧᬶᬢᬸᬧᬾᬢᬵᬫᬳᬾᬦᬳᬂ (ᬲᬷ. ᬲ᭄ᬬᬵ. ᬧᬷ.)];

ᬧᬲᬸᬫᬵᬭᬾᬦ ᬚᬷᬯᬵᬫᬶ, ᬓᬸᬲᬮᬂ ᬫᬾ ᬦ ᬯᬶᬚ᭄ᬚᬢᬶ.

᭑᭖. ‘‘ᬫᬫ ᬆᬲᬬᬲᬵᬫᬦ᭄ᬢᬵ, ᬢᬶᬲ᭄ᬲᭀ ᬮᭀᬓᬕ᭄ᬕᬦᬵᬬᬓᭀ;

ᬧᬤᬵᬦᬶ ᬢᬷᬡᬶ ᬤᬲ᭄ᬲᬾᬲᬶ, ᬅᬦᬸᬓᬫ᭄ᬧᬵᬬ ᬘᬓ᭄ᬔᬸᬫᬵ.

᭑᭗. ‘‘ᬅᬓ᭄ᬓᬦ᭄ᬢᬾ ᬘ ᬧᬤᬾ ᬤᬶᬲ᭄ᬯᬵ, ᬢᬶᬲ᭄ᬲᬦᬵᬫᬲ᭄ᬲ ᬲᬢ᭄ᬣᬸᬦᭀ;

ᬳᬝ᭄ᬞᭀ ᬳᬝ᭄ᬞᬾᬦ ᬘᬶᬢ᭄ᬢᬾᬦ, ᬧᬤᬾ ᬘᬶᬢ᭄ᬢᬂ ᬧᬲᬵᬤᬬᬶᬂ.

᭑᭘. ‘‘ᬓᭀᬭᬡ᭄ᬟᬂ ᬧᬸᬧ᭄ᬨᬶᬢᬂ ᬤᬶᬲ᭄ᬯᬵ, ᬧᬵᬤᬧᬂ ᬥᬭᬡᬷᬭᬸᬳᬂ;

ᬲᬓᭀᬲᬓᬂ ᬕᬳᬾᬢ᭄ᬯᬵᬦ, ᬧᬤᬲᬾᬝ᭄ᬞᬫᬧᬹᬚᬬᬶᬂ [ᬧᬤᬲᬾᬝ᭄ᬞᬾ ᬅᬧᬹᬚᬬᬶᬂ (ᬲᬷ. ᬧᬷ.)].

᭑᭙. ‘‘ᬢᬾᬦ ᬓᬫ᭄ᬫᬾᬦ ᬲᬸᬓᬢᬾᬦ, ᬘᬾᬢᬦᬵᬧᬡᬶᬥᬷᬳᬶ ᬘ;

ᬚᬳᬶᬢ᭄ᬯᬵ ᬫᬵᬦᬸᬲᬂ ᬤᬾᬳᬂ, ᬢᬵᬯᬢᬶᬂᬲᬫᬕᬘ᭄ᬙᬳᬂ.

᭒᭐. ‘‘ᬬᬂ ᬬᬂ ᬬᭀᬦᬸᬧᬧᬚ᭄ᬚᬵᬫᬶ, ᬤᬾᬯᬢ᭄ᬢᬂ ᬅᬣ ᬫᬵᬦᬸᬲᬂ;

ᬓᭀᬭᬡ᭄ᬟᬓᬙᬯᬶ ᬳᭀᬫᬶ, ᬲᬸᬧ᭄ᬧᬪᬵᬲᭀ [ᬲᬧᬪᬵᬲᭀ (ᬲᬷ. ᬲ᭄ᬬᬵ. ᬧᬷ. ᬓ.)] ᬪᬯᬵᬫᬳᬂ.

᭒᭑. ‘‘ᬤ᭄ᬯᬾᬦᬯᬸᬢᬾ ᬇᬢᭀ ᬓᬧ᭄ᬧᬾ, ᬬᬂ ᬓᬫ᭄ᬫᬫᬓᬭᬶᬂ ᬢᬤᬵ;

ᬤᬸᬕ᭄ᬕᬢᬶᬂ ᬦᬵᬪᬶᬚᬵᬦᬵᬫᬶ, ᬧᬤᬧᬹᬚᬵᬬᬶᬤᬂ ᬨᬮᬂ.

᭒᭒. ‘‘ᬓᬶᬮᬾᬲᬵ ᬛᬵᬧᬶᬢᬵ ᬫᬬ᭄ᬳᬂ…ᬧᬾ… ᬯᬶᬳᬭᬵᬫᬶ ᬅᬦᬵᬲᬯᭀ.

᭒᭓. ‘‘ᬲ᭄ᬯᬵᬕᬢᬂ ᬯᬢ ᬫᬾ ᬆᬲᬶ…ᬧᬾ… ᬓᬢᬂ ᬩᬸᬤ᭄ᬥᬲ᭄ᬲ ᬲᬵᬲᬦᬂ.

᭒᭔. ‘‘ᬧᬝᬶᬲᬫ᭄ᬪᬶᬤᬵ ᬘᬢᬲ᭄ᬲᭀ…ᬧᬾ… ᬓᬢᬂ ᬩᬸᬤ᭄ᬥᬲ᭄ᬲ ᬲᬵᬲᬦᬂ’’.

ᬇᬢ᭄ᬣᬂ ᬲᬸᬤᬂ ᬆᬬᬲ᭄ᬫᬵ ᬓᭀᬭᬡ᭄ᬟᬧᬸᬧ᭄ᬨᬶᬬᭀ ᬣᬾᬭᭀ ᬇᬫᬵ ᬕᬵᬣᬵᬬᭀ

ᬅᬪᬵᬲᬶᬢ᭄ᬣᬵᬢᬶ.

ᬓᭀᬭᬡ᭄ᬟᬧᬸᬧ᭄ᬨᬶᬬᬢ᭄ᬣᬾᬭᬲ᭄ᬲᬵᬧᬤᬵᬦᬂ ᬢᬢᬶᬬᬂ.