᭔. ᬅᬕᬵᬭᬲᬸᬢ᭄ᬢᬯᬡ᭄ᬡᬦᬵ

᭒᭖᭒. ᬘᬢᬸᬢ᭄ᬣᬾ ᬧᬸᬭᬢ᭄ᬣᬶᬫᬵᬢᬶ ᬧᬸᬭᬢ᭄ᬣᬶᬫᬵᬬ. ᬏᬯᬂ ᬲᬩ᭄ᬩᬢ᭄ᬣ. ᬲᬵᬫᬶᬲᬵᬧᬶ ᬲᬸᬔᬵ ᬯᬾᬤᬦᬵᬢᬶᬆᬤᬷᬲᬸ ᬲᬵᬫᬶᬲᬵ ᬲᬸᬔᬵ ᬦᬵᬫ ᬓᬵᬫᬵᬫᬶᬲᬧᬝᬶᬲᬂᬬᬸᬢ᭄ᬢᬵ ᬯᬾᬤᬦᬵ. ᬦᬶᬭᬵᬫᬶᬲᬵ ᬲᬸᬔᬵ ᬦᬵᬫ ᬧᬞᬫᬚ᭄ᬛᬵᬦᬵᬤᬶᬯᬲᬾᬦ ᬯᬶᬧᬲ᭄ᬲᬦᬵᬯᬲᬾᬦ ᬅᬦᬸᬲ᭄ᬲᬢᬶᬯᬲᬾᬦ ᬘ ᬉᬧ᭄ᬧᬦ᭄ᬦᬵ ᬯᬾᬤᬦᬵ. ᬲᬵᬫᬶᬲᬵ ᬤᬸᬓ᭄ᬔᬵ ᬦᬵᬫ ᬓᬵᬫᬵᬫᬶᬲᬾᬦᬾᬯ ᬲᬵᬫᬶᬲᬵ ᬯᬾᬤᬦᬵ, ᬦᬶᬭᬵᬫᬶᬲᬵ ᬤᬸᬓ᭄ᬔᬵ ᬦᬵᬫ ᬅᬦᬸᬢ᭄ᬢᬭᬾᬲᬸ ᬯᬶᬫᭀᬓ᭄ᬔᬾᬲᬸ ᬧᬶᬳᬂ ᬉᬧᬝ᭄ᬞᬵᬧᬬᬢᭀ ᬧᬶᬳᬧᬘ᭄ᬘᬬᬵ ᬉᬧ᭄ᬧᬦ᭄ᬦᬤᭀᬫᬦᬲ᭄ᬲᬯᬾᬤᬦᬵ. ᬲᬵᬫᬶᬲᬵ ᬅᬤᬸᬓ᭄ᬔᬫᬲᬸᬔᬵ ᬦᬵᬫ ᬓᬵᬫᬵᬫᬶᬲᬾᬦᬾᬯ ᬲᬵᬫᬶᬲᬵ ᬯᬾᬤᬦᬵ. ᬦᬶᬭᬵᬫᬶᬲᬵ ᬅᬤᬸᬓ᭄ᬔᬫᬲᬸᬔᬵ ᬦᬵᬫ ᬘᬢᬸᬢ᭄ᬣᬚ᭄ᬛᬵᬦᬯᬲᬾᬦ ᬉᬧ᭄ᬧᬦ᭄ᬦᬵ ᬅᬤᬸᬓ᭄ᬔᬫᬲᬸᬔᬵ ᬯᬾᬤᬦᬵ.