᭑.ᬥᬵᬢᬸᬦᬵᬦᬢ᭄ᬢᬲᬸᬢ᭄ᬢᬯᬡ᭄ᬡᬦᬵ

᭘᭕. ᬥᬵᬢᬸᬲᬂᬬᬸᬢ᭄ᬢᬲ᭄ᬲ ᬧᬞᬫᬾ ᬦᬶᬲ᭄ᬲᬢ᭄ᬢᬝ᭄ᬞᬲᬸᬜ᭄ᬜᬢᬝ᭄ᬞᬲᬗ᭄ᬔᬵᬢᬾᬦ ᬲᬪᬵᬯᬝ᭄ᬞᬾᬦ ᬥᬵᬢᬹᬢᬶ ᬮᬤ᭄ᬥᬦᬵᬫᬵᬦᬂ ᬥᬫ᭄ᬫᬵᬦᬂ ᬦᬵᬦᬵᬲᬪᬵᬯᭀ ᬥᬵᬢᬸᬦᬵᬦᬢ᭄ᬢᬂ. ᬘᬓ᭄ᬔᬸᬥᬵᬢᬹᬢᬶᬆᬤᬷᬲᬸ ᬘᬓ᭄ᬔᬸᬧᬲᬵᬤᭀ ᬘᬓ᭄ᬔᬸᬥᬵᬢᬸ, ᬭᬹᬧᬵᬭᬫ᭄ᬫᬡᬂ ᬭᬹᬧᬥᬵᬢᬸ, ᬘᬓ᭄ᬔᬸᬧᬲᬵᬤᬯᬢ᭄ᬣᬸᬓᬂ ᬘᬶᬢ᭄ᬢᬂ ᬘᬓ᭄ᬔᬸᬯᬶᬜ᭄ᬜᬵᬡᬥᬵᬢᬸ. ᬲᭀᬢᬧᬲᬵᬤᭀ ᬲᭀᬢᬥᬵᬢᬸ, ᬲᬤ᭄ᬤᬵᬭᬫ᭄ᬫᬡᬂ ᬲᬤ᭄ᬤᬥᬵᬢᬸ, ᬲᭀᬢᬧᬲᬵᬤᬯᬢ᭄ᬣᬸᬓᬂ ᬘᬶᬢ᭄ᬢᬂ ᬲᭀᬢᬯᬶᬜ᭄ᬜᬵᬡᬥᬵᬢᬸ. ᬖᬵᬦᬧᬲᬵᬤᭀ ᬖᬵᬦᬥᬵᬢᬸ, ᬕᬦ᭄ᬥᬵᬭᬫ᭄ᬫᬡᬂ ᬕᬦ᭄ᬥᬥᬵᬢᬸ, ᬖᬵᬦᬧᬲᬵᬤᬯᬢ᭄ᬣᬸᬓᬂ ᬘᬶᬢ᭄ᬢᬂ ᬖᬵᬦᬯᬶᬜ᭄ᬜᬵᬡᬥᬵᬢᬸ. ᬚᬶᬯ᭄ᬳᬵᬧᬲᬵᬤᭀ ᬚᬶᬯ᭄ᬳᬵᬥᬵᬢᬸ, ᬭᬲᬵᬭᬫ᭄ᬫᬡᬂ ᬭᬲᬥᬵᬢᬸ, ᬚᬶᬯ᭄ᬳᬵᬧᬲᬵᬤᬯᬢ᭄ᬣᬸᬓᬂ ᬘᬶᬢ᭄ᬢᬂ ᬚᬶᬯ᭄ᬳᬵᬯᬶᬜ᭄ᬜᬵᬡᬥᬵᬢᬸ. ᬓᬵᬬᬧᬲᬵᬤᭀ ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬵᬭᬫ᭄ᬫᬡᬂ ᬨᭀᬝ᭄ᬞᬩ᭄ᬩᬥᬵᬢᬸ, ᬓᬵᬬᬧᬲᬵᬤᬯᬢ᭄ᬣᬸᬓᬂ ᬘᬶᬢ᭄ᬢᬂ ᬓᬵᬬᬯᬶᬜ᭄ᬜᬵᬡᬥᬵᬢᬸ. ᬢᬶᬲ᭄ᬲᭀ ᬫᬦᭀᬥᬵᬢᬸᬬᭀ ᬫᬦᭀᬥᬵᬢᬸ, ᬯᬾᬤᬦᬵᬤᬬᭀ ᬢᬬᭀ ᬔᬦ᭄ᬥᬵ ᬲᬸᬔᬸᬫᬭᬹᬧᬵᬦᬶ ᬦᬶᬩ᭄ᬩᬵᬦᬜ᭄ᬘ ᬥᬫ᭄ᬫᬥᬵᬢᬸ, ᬲᬩ᭄ᬩᬫ᭄ᬧᬶ ᬫᬦᭀᬯᬶᬜ᭄ᬜᬵᬡᬂ ᬫᬦᭀᬯᬶᬜ᭄ᬜᬵᬡᬥᬵᬢᬹᬢᬶ. ᬏᬢ᭄ᬣ ᬘ ᬲᭀᬮ᬴ᬲ ᬥᬵᬢᬸᬬᭀ ᬓᬵᬫᬵᬯᬘᬭᬵ, ᬅᬯᬲᬵᬦᬾ ᬤ᭄ᬯᬾ ᬘᬢᬸᬪᬹᬫᬶᬓᬵᬢᬶ. ᬧᬞᬫᬂ.