᭒. ᬉᬧ᭄ᬧᬢ᭄ᬢᬵᬦᬸᬧ᭄ᬧᬢ᭄ᬢᬶᬯᬵᬭᬯᬡ᭄ᬡᬦᬵ

᭙᭙᭑. ᬤᬸᬢᬶᬬᬯᬵᬭᬾ ᬬᬾ ᬥᬫ᭄ᬫᬵ ᬓᬵᬫᬪᬯᬾ ᬓᬵᬫᬥᬵᬢᬸᬲᬫ᭄ᬪᬹᬢᬵᬦᬜ᭄ᬘ ᬲᬢ᭄ᬢᬵᬦᬂ ᬉᬧ᭄ᬧᬚ᭄ᬚᬦ᭄ᬢᬶ – ᬓᬵᬫᬥᬵᬢᬸᬬᬂ ᬧᬭᬶᬬᬵᬧᬦ᭄ᬦᬵ ᬯᬵ ᬅᬧᬭᬶᬬᬵᬧᬦ᭄ᬦᬵ ᬯᬵ – ᬢᬾ ᬲᬩ᭄ᬩᬾ ᬲᬗ᭄ᬕᬳᬾᬢ᭄ᬯᬵ ᬓᬵᬫᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵᬢᬶᬆᬤᬶ ᬯᬸᬢ᭄ᬢᬂ. ᬭᬹᬧᬥᬵᬢᬸᬆᬤᬷᬲᬸᬧᬶ ᬏᬲᬾᬯ ᬦᬬᭀ. ᬬᬲ᭄ᬫᬵ ᬧᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵᬦᬂ ᬲᬢ᭄ᬢᬵᬦᬂ ᬖᬵᬦᬵᬬᬢᬦᬵᬤᬷᬦᬂ ᬅᬪᬵᬯᬾᬦ ᬕᬦ᭄ᬥᬵᬬᬢᬦᬵᬤᬷᬦᬶ ᬆᬬᬢᬦᬵᬤᬶᬓᬶᬘ᭄ᬘᬂ ᬦ ᬓᬭᭀᬦ᭄ᬢᬶ, ᬢᬲ᭄ᬫᬵ ᬭᬹᬧᬥᬵᬢᬸᬬᬵ ᬙ ᬆᬬᬢᬦᬵᬦᬶ, ᬦᬯ ᬥᬵᬢᬸᬬᭀᬢᬶᬆᬤᬶ ᬯᬸᬢ᭄ᬢᬂ. ᬬᬲ᭄ᬫᬵ ᬘ ᬑᬓᬵᬲᬯᬲᬾᬦ ᬯᬵ ᬲᬢ᭄ᬢᬸᬧ᭄ᬧᬢ᭄ᬢᬶᬯᬲᬾᬦ ᬯᬵ ᬅᬧᬭᬶᬬᬵᬧᬦ᭄ᬦᬥᬵᬢᬸ ᬦᬵᬫ ᬦᬢ᭄ᬣᬶ, ᬢᬲ᭄ᬫᬵ ᬅᬧᬭᬶᬬᬵᬧᬦ᭄ᬦᬥᬵᬢᬸᬬᬵᬢᬶ ᬅᬯᬢ᭄ᬯᬵ ᬬᬂ ᬬᬂ ᬅᬧᬭᬶᬬᬵᬧᬦ᭄ᬦᬂ ᬢᬂ ᬢᬤᬾᬯ ᬤᬲ᭄ᬲᬾᬢᬸᬂ ᬅᬧᬭᬶᬬᬵᬧᬦ᭄ᬦᬾ ᬓᬢᬶ ᬔᬦ᭄ᬥᬵᬢᬶᬆᬤᬶ ᬯᬸᬢ᭄ᬢᬂ.